البارت التاسع
.
.
.
.
مرت شهرين ونص وليل كان ابسط واحد انه جا حايل كان مبسوط مع مشاري ابو هاني و مع حسين ومحسن وكانو يحرجونه بكرمهمم وبسام كمل شهر ورجع وليل كان يطمن اهله كل يوم ويرسل لهم انه بخير ماعدا قمر كان عتبان عليها وماكلمها والحين باقي له يوم او يومين ويمشي ل اهله
-
عند ليل
كان طالع ويتمشى ب اجواء حايل الجميييله بالشتاء وخطر على باله كشته وكان نفسه يكشت بس مايعرف اماكن بحايل
قاطع تفكيره صوت جواله متصل من ابو هاني
ليل : ارحبب ياعم
ابو هاني : البقى ياولدي علومك
ليل : بخيرر يابعدي انت وش وقعك ( تهكر الولد)
ابو هاني : على ماتحب ، الا ياولدي ماودك تجي معنا ودنا نكشت بهالجو الحلو وودنا انك تتونس وتشوف اجواء حايل
ليل : جيتتت ع الجرح ياعمم تو كنت افكر كيف بروح وانا معرف اماكن
ابو هاني : ابد تبشر فيها وجيب الي يعز عليك انا والعيال تو وصلنا المكان وبنضبط الاغراض وبرسل لك غانم يجيبك
ليل : لالا ياعم انا اجيكم ولا اجيب محسن وحسين معي
ملاحظه!!!( ليل عرف العم ابو هاني على محسن وحسين)
ابو هاني: توي اقول لاسكرت منك بكلمهم بس يلا كلمهم وتعالو برسل لكم الموقع
ليل : ابشرر
سكرو الخط واتصل ليل على محسن
محسن : ارحبب يا الليل
ليل : تبقىى ، علومكك
محسن: بخيرر يابعدي انت وش اخبارك
ليل : بخيرر ، اسمع الحين تتجهز انت و حسين بنطلع مع عمي ابو هاني
محسن: وين
ليل : بنكشت
محسن : تممم
ليل : يلا جايكمم
محسن : يلا
سكرو الخط وتجهزو محسن وحسين وراحو ل ليل الي وصل منزمان
محسن : يلا ليل ياحلو انقز بجنبي وانا بسوق
ليل : لاخلني انا
محسن : لالا انا بسوق حلفت عليك
ليل : وهو انا اقدر اكسر حلفك؟
نزل ليل وركب جنب محسن ومحسن استلم السواقه وحسين كان نعسان مصحيه محسن من فراشه ونام بالسياره
ماهي الا دقايق ووصلو عند ابو هاني والعيال وبدت تعلى اصوات الترحيب وسلمو على بعض وجلسو يتقهوون مع نسيم المطر والبرادد الحلوو
هاني : قوموو ياعيال بنعرض
ليل الي كان يموت بالعرضه : تمم
وقفو كلهم وبدو يعرضوون تحت انظار ابو هاني الي مبتسم و يصورهم كنهم كلهم عياله
وقفو عرضه وجلسو تحت ضحكهم وابتساماتهم الي تدل على وناستهم بالاجواء الحلوه
ماهي الا ثواني عند ليل وعيونه بدأت تحكه وصارت مغبشه بقوه وصارت ضبابيه بقوه ويحس الدنيا تدور فيه كان اقرب واحد بجنبه هاني مسك يده وشد عليها
لف عليه هاني بقوه: وشفيكك
ليل : اصبر اصبر عيوني
الكل فز ومسكوه وهو رفع راسه على فوق وفتح عيونه وحس ب قطرات المطر وهي تدخل ب عيونه غمض ب قوه وفتح وبحمد الله فتح ليل وصار يشوف احسن من اول
ليل ابتسم اول ماشاف وجيه العيال
غانم : لاتقول انه مقلب
ليل : لاا بس راحت الغباشه عن عيونيي جالس اشوفكم زين
ابو هاني فز : اسألك بالله
ليل : اييي والله
جلسو يحضنونننه وهو انبسططط مرهه وكان كل وقته مبتسم وكلهم مبسوططينن وجلسو مع بعض لمن انتهت الطلعه وقبل يمشون جمعهم ليل
ليل : اسمعو يا عيال انا يمكن ولا احتمال اكيد اني امشي اول ما ارجع بضبط اغراضي وامشي ف بودعكم من الحين وصدق اشكركم على كل شي سويتوه ليي وياحلو الصدف الي عرفتنا عليكم ولو بتكلم من هنا ل بكرا مابوفي شي من كرمكم و طيبكم
ابو هاني : ولو يابعد حيي انت حسبت ولدي وحسبت اخو للعيال كلهم وانت منا وفينا واستودعناك الله وانتبه ل نفسك ي بعدي
جلسو الكل يحضنون ليل ويودعونه
ليل : اسمعووو ترا بتجوووننا الاسبوعع الجاي ترا عرسي
الكل :ووشوووو؟؟؟؟
ابو هاني : من متى ماشاءالله خاطب
غانم : توك تتكلم ماش مابجيك
هاني : قول قول ماتبينا
محسن : اي واضح
حسين : ازعلو عليه
ليل : اعوذبالله وشبكم والله نسيت اقول لكم لكن تو اذكر وابدد انا حاللف عليكم ان تجونن ومابيكمل العرس الا بشوفتكم
ابو هاني : ابشر ياولدي
اعلن الكل روحته ل بيته بعد ماودعو بعض وراحو
راح لليل ل الفندق وجمع اغراضه وجهزهم وسلم الغرفه وراح ل سيارته وتوكل على الله ومسك خط للديره
-
بعد ٤ ساعات وصل ليل ل الديره
المفروض يوصل بعد ٧ او ٨ ساعات لكن الله يصلحه نايم ع البنزين
وصل للديره ووقف عند الباب الخلفي لبيتهم ودخل بهدوء وراح غرفته ونام نوومة تعب
كان واصل الساعه ٢:٣٠ الصباح نام وصحى المغرب من بكرا
قام وراح دورة المياة ( يكرم القارئ) الي موجوده بنفس غرفته خلص وتوضى وصلى ولبس وتعدل وتعطر وطلع وكان رائف طالع من غرفته بيروح عند ابوه وجده وشاف ليل
رائف : بسم الله لايكون اتوهم
ليل ابتسم : لا ماتتوهم هذا انا بشحمي ولحمي
رائف حضنه: ارحببب ارحببببب اهخخخ يا الليلل يهوننن عليك تترك اخوك ولا تووودعه
ليل حضنه: والله مايهووون بس تخبر اخوك وعصبيته الخايسه مايفكر فيها
رائف : اهم شي انت الحين عندنا وبصفقك
ليل : كلي فداكك
رائف: يابعد الدنيا كله
ليل : اسمع الحين اطلع للحوش وتكلم مع عمي وابوي وجدي عني وانا بطلع وانت مهد الموضوع عشان مايصير لهم شي
رائف : ابشر
راح رائف وجلس معهم
رائف : بالله ليل ماشتقتو له
ابو ليل : الا بالله اني مشتاق له
ابو سلمان: اهخخ يا الليل متعودين نصبح معه وننبسط لكن الحين لاهي بشغله
الجد لافي تكت بخاطره وجته غصه بس مايبي يبين وسوا نفسه ماسمع رائف
لف عليه رائف : وانت ياجد
الجد لافي : وش وانا قم قم الله يصلحك امسكني بروح مجلسي
ابو ليل : اجلس يا يبه
الجد لافي : لا بروح ارتاح بمجلسي
راح رائف يودي جده وليل طلع ل عمه وابوه
ابو ليل : ليللللل
ليل : ارحببب والله اني مشتاق لك زودددد
حضنه ابو ليل وهو يدمعع من الفرحهه
ابو سلمان من الصدمه مانطقققق
فك الحضن ابو ليل وحضن ابو سلمان ليل بقوووه
ليل : هذانيي جيتت عشان تنبسط وتتونس معي
ابو سلمان: اشهد انه مرحبا فيك
ليل : يابعد حيي والله
ابو سلمان وابو ليل ضحكوو: تهكرتتتت شكلك
ليل : تشوف كيف
قاطعهم دخول رائف
رائف : روح ل جدي
ابو ليل : طلعتت تدريي انه بيجي ولا تكلمت
رائف : لا والله انه فجعنيي قلبي طاح بسروالي فجأه طلع من غرفته
ابو ليل ضحك
وليل راح ل جده الي مشتاق له حيلل وهو داري ان جده راح هناك لانه عتبان على نفسه
دخل ليل عند جده الي فز
ليل: ماشتقت لي ياجد
الجد لافي وهو يحاول مايصير لين مع ليل: لا الي يكسر كلامي مابيه ولا اشتاق له
ليل قرب للجد لافي وحضنه بقوه : بس ياجد انا اشتقت لك مره واشتقت لسوالفنا وضحكنا بس ياجد انا اسف واعذرني بس انت تدري وانك اكثر واحد واقف معي وقفت ضدي وتبيني اترك الي انا ابيه وحلمي وانت تعرفني ياجد انا والعصبيه الخايسه وما افكر ب شي
نزل راسه الجد ليل ع كتف ليل وبكى
الجد لافي : يا الليل ماتدري انه من بعدك وانا مكسور وماغير اهوجس فيك وادري انك عتبانن علي وانا والله ياحبيب جدك اني اعتذر منك لكن والله من خوفي عليك والله وماودي يضرك شي
ليل وهو حاضن جده: لا ياجد والله لو تكسر ضلوعي كلها اني ما ازعل ولا اعتب عليك ياجد راسي فداك لاتبكي تكفى
مسح ليل دموع جده وباس راسه وجلس معه يسولف ويونسه
دخلت عليهم ام سعد الجده مزنه
ام سعد: ليللل
فز ليل لها وسلم عليها وباس راسها
ام سعد : متى جيتت
ليل: امس ب الليل
ام سعد ضربته بخفه : وما تعلمنا ماتدري وش كثر انشغل بالنا عليك
ليل : اعذريني ياجده لكن احمد ربي اني صرت اشوف وفتحت وماصدقت خبر وجيتكم ب اسرع وقت
فز الجد لافي : اسألك بالله الحينن خلاص تشوف زين!!
ليل: ايي ابشركك
حضنوه بفرح له
وبعده طلع ليل ل بيتهم
راح ليل وحصل امه بالمطبخ
ام ليل: يامزن يا ليال وينكم يا بنات تعالو شيلو معي
ليل: انا ماودك اشيل معك
ام ليل: ليللل
نزلت كل الي بيدها وحضنته بقووه
ام ليل: يامرحبا يامرحبا بجنيني ياعيون امك انت
ليل : يارووح جنينك انتيي
ام ليل : كيف حالك وكيف عيونك ان شاء الله بخير
ليل: بخيررر يابعد قلبيي وابشرك اني اشوف احسن من قبل بكثير
حضنته ام ليل بقوه: الحمدلله ياولدييي
دخلت مزن وحصلت ليل ماتكذب الشعور الي داخلها من وناسه ونفسها تحضننه بقوووه بس ماسوت شي وسلمت عليه سلام باااردد عشان ماتخرب خطتها هي وقمر وتصفقها قمر
وجت بعدها ليال وشافها ليل وماحب يخرب اللحظه وهو شايف فرحتها فيه حضنها بقوه وهي بكت
ليل: لهالدرجة مشتاقه
ليال بوسط دموعها: واكثررر بعددد
جلس ليل يمسح دموعها ويضحكها مع ان قلبه مع مزن يبيها مزن الي قبللل وفوقها مزن زعلانه عليه وهو ماسوا شي
-
تجمعو الكل ببيت الجد لافي
وجلسو يتعشو ويسولفو
الجد لافي : يا الليل متى تبي عرسك
ليل: مدري الي ودكم انا جاهز
رائف : ياجد شرايك ننقل وبعدين نسوي له عرسه
الجد لافي : اي صح يا الليل ترا البيت الي بالرياض خلصناه ومانقلنا قلنا ننتظرك تجي
ليل : يابعدددييي انتم والله ابد خلاص من بكرا كان تبون نبدأ نجمع الا غراض ونروح
الكل وافق على الفكره وخططو على بكرا
-
الكل نام ماعدا ليل والعيال تجمعو ببيت ابو سلمان وتسدحو بالمقلط وجلسو يلعبون ويسولفون
قاطعهم اتصال بسام على رائف رد رائف
رائف: هلا
بسام بخوف : رائف ليل عندك؟
رائف : وشفيك بسم الله
بسام : ليل ماهو موجود بحايل ولا يرد وحتا الفندق طلع منه ولا يرد وينهه
رائف بتمثيل الخوف : اخوييي وينه يا بسام والله مابيصير خير لو صار له شي
بسام : انا بروح حايل وبشوف
رائف : لا تعال الديره ندوره
بسام: الديره انتو دوروه فيها انا رايح رايح بدوره
ليل ضحك : يازينك خايف علي انا بالديره رجعت لاتروح مكان ارتاح
بسام : ووجعه توجع العدو وينك ماترد
ليل : مدري وين جوالي اتوقع تركته بالبيت
بسام : والله لو تقطع يدي ماطلع منه دم نشفت دميي وقسم بالله
ليل : بسم الله عليك يلا بشوفكك بكرا بكرا بجي الرياض
بسام : تمام
سكرو الخط وكملو سهره
ليل : ودكم ب شاهي؟
العيال: ايي
ليل : يجيكم احسن شاهي الحين بروح اسوي واجي
سلمان : اصبر اصبر وين بتسويه ببيتكم؟
ليل : ايه
سلمان : اقول امش معي ب مطبخنا بتروح مشوار وترجع امش بس
ليل : تمام يلا
دخل سلمان وليل يسوون الشاهي دخلت قمر عليهم
قمر بفزه وصرخه : بسم الله
سلمان: وشفيك انتي
قمر : اعوذبالله متى جيتو هنا
سلمان : من شوي
قمر : طيب
لفت قمر وطلعت وراح وراها سلمان
سلمان: روحي سلمي على ليل
قمر : مابي
سلمان: صاير شي؟
قمر: لا بس كذا انا مابي
سلمان : قمرر روحي دام النفس طيبه و لا بعد جاي ب وناسه بالاخير انتي ماتبين تسلمين وهو الحمدلله صار يشوف زين وانتي اسلوبك كذا ليه وش هو مسوي
قمر : مو مسوي شي بس خلاص يشوفني يوم الزواج
سلمان : اي لمننن وقت الزواج خلني اشوفك تكلميني
جا بيلف سلمان ومسكته قمر
قمر : اصبر ياخي بس تعال بعلمك شي مابي ليل يسمع
سحبته لمن غرفتها
سلمان : انطقي
قمر علمته كل خطتهم هي و مزن
سلمان: لا بالله انتي و مزن تسوون كذا ب المسكين والله ياويلكم
قمر: والله ماكان ودي بس مزن خلتني
سلمان : يليلل سخيفات ما تقدرون ليل ياخي
طلع سلمان وراح للعيال ونسى ليل الي بالمطبخ تشجعت قمر وراحت ل ليل
قمر : تبي مساعده
ليل ما التفت لها من اول ماجت من كان فيه سلمان ولا شافها
وبوقتها مارد عليها
قمر: اتكلم انا
ليل بعد مارد عليها
وكان يضبط الشاهي وفار الشاهي وانكب على يده ركضت قمر ومسكت يده وهو صد بسرعه وسحب يده
قمر : هات يدك
ليل : مافي شي بعدي
قمر : اقول هات
ليل بحده : روحي بس يا يوم الزواج
اخذ الشاهي ليل وهو صاد عنها وراح للعيال وكملو سهرتهم وهو قلبه يحرررررقه على قمره
انتهت الليله الجميله واتجه كل واحد بيته ونامو وصحو الصباح وبدأو يجهزون اغراضهم ويشيلوهم
الجد لافي : يا ليل السيارات ماتكفي شرايكم تروحون وترجعون
ليل : ابد ابشر
جمع ليل العيال وكل واحد بسيارته راحو للرياض ول بيتهم ونزلو الاغراض ب اسرع وقت ورجعو ل الديره وشالو اغلب الاغراض وصارو يروحون ويرجعون لمن انتهت الرجعه الثالثه وبكذا انتهت الاغراض وبقي الناس
ليل : يلا الي بيجي معي اسرعو
الجد لافي : انا بس تعال امسك يدي
فز ليل ونزل ل جده وركبه السياره وجا ابو ليل معهم وابو سلمان وام سعد
ليل : يالله انك تحييهم
الكل : الله يبقيكك
تجمعو السيارات واعلنو الكل انطلاقهم للرياض تحديداً بيتهم الجديد
-
وصلو البيت الجديد
وبدأو البنات يتجهون ل بيت بيت ويضبطون الاشياء مع بعض
رائف : ليل ماودك نروح نتمشى كلنا
ليل : لا اجلس معهم وساعدهم انا بروح
الجد لافي : على وين
ليل : عندي كم شغله ياجد بروح اخلصها وارجع
الجد لافي : انتبه ل نفسككك
ليل: على هالخشم
راح ليل وشاف بسام
بسام اول ما شافه حضنه : اخخخ يا الليلل ليتك قايل ليي
ليل :حتا اهلي ماعلمتهم كذا على المغرب طلعت من غرفتي وانخرشو
بسام : بتتصفق حركتك ماتخليها
ليل : بالله ما انبسطت يوم شفتني
بسام : الا بالله
ليل : ياحبي لكك
بسام : اسمع الحين ماعندك شغل واجازه بتجي معي
ليل : وين
بسام : صح دايم تحذرني من ذي الاشياء وكذا لكن ماقدرت
ليل : وشفيك
بسام : تهاوشت مع ناصر و ربعه
ليل : اففف يا بسام طيب الحين وش سويت
بسام: بس تداقينا بالكلام ووصلت تصفيق شوي وفكونا وجا الوعد اليوم اننا نتصافق وجالس يهينني يقول اذا انت ماجيت تراك حرمه ورخيص
ليل : ابنن سعدد ابنه ، هذا يقول عنك كذا
بسام: اي بالله هذاني طالبك يابن سعد وحفيد لافي انك تجي معي لاني ماقوا لحالي
ليل: ابشر بعزك واضرب بالارض ولاتسمي وانا معك
بسام : عزززز
ليل : يلا عجل واسمع والله يا بسام ان جاني شي وزواجي يمكن بعد بكرا بتموت
بسام : ووشوووووووو!!! بعددد بكرااا!!!!! خيرررر من متى تقرر بدوني
ليل : اعوذبالله وشفيك اي يمكن بعد بكرا علمتك انا انه اول ما ارجع بنسوي الزواج لكن قرر جدي انه الزواج يكون هنا بس اليوم نقلنا ومشينا
بسام : خلاص لاتجي بروح لحالي
ليل صفقه مع راسه: عدها والله لا اتوطاك معهم
بسام: عزز يلا امش
راحو ل ناصر واخوياه
وشاف ناصر ليل وارتعد بمكانه من هيبته الضخمه وماينسى ضربه المؤلم
ناصر : يووه الحرمه جايب حرمه ثانيه
بسام: عمامك وتاج راسك الحريم دام انك جالس تشبهنا فيهم هذي معزه وانت ماتعز امك ولا احد من اهلك عشان كذا تشبهنا فيهم
ناصر احترق دمه من بسام واسرع وقرب بيضربه ومسك يده ليل ولفها بيد وحده
بدأو اخويا ناصر الي كلهم اربعه وقربو بيضربون ليل وليل ب يد وحده صفقهم وبسام مكمل عليهم وجا وقت المنافسه الكبرى بعد ما اشتد ناصر وبيضرب ليل وليل فكه ويبيه يجيه راح ناصر ل ليل وضربه على فمه وجرح فمه من الجنب
ليل كان يبيه يضربه عشان يقدر يبرد حرته ويصفقه ومن هنا مسكه ليل وصفقه تصفيق لمن طاح ناصر بجنب اخوياه
ليل : شغل الهياط ماينفع معي تبي استرجل وتكلم
راحو وتركوهم
طلعو وهو منتصرين وبسام بخيررر وماجاه شي الا ليل الي مجروح فمه ركبو السياره وبدا يتكلم بسام
بسام : ليل اعذرني انجرحت بسببي
ليل : كل تبن لا اصفقك الحين جرح بسيط مابموت وعادي يتعقم وخلاص
بسام: احس بذنب ياخي
ليل : ولد والله مافي شي يخليك تحس بذنببببببب تراا جرح صغير لاتخليني ازعل منك
بسام: طيب طيب
ليل : بطلب طلب الحين
بسام: عيوني لك
ليل : تسلم عيونك ، بس ابي عاملات اكثر من وحده لو ١٠ او ١٢ عادي تعرف مكان ولا
بسام بصدمه: يمه وش تبي فيهم
ليل: ابي يساعدون اهلي
بسام : اصبر بكلم امي
جلس بسام يكلم امه واعطته وراح ليل اخذ ١٢ خدامه وخلاهم يجون مع سواق وجابهم للبيت
ودخل وهم معه
دخل ل امه وهو متلطم
ليل: ي ام الليل تعالي
جته ام ليل بسرعه
ام ليل : ياعيوني
ليل : تسلم عيونككك يا بعد قلبيي
ام ليل : سم
ليل: سم الله عدوك ، يمه عندي لك شي حلو
ام ليل : وش هو
دخل ليل العاملات
ام ليل : اعوذ بالله وش ذولي
ليل : الله يسلمك ذولي يساعدونكم عاد وزعوهم عليكم تخلصون ومن بكرا يرجعون يعني بينامون عندكم واذا تبون يوم زياده او اكثر علموني
ام ليل : ماتقصررررر يابعددد قلبيييي تسلمم
ليل : يسلمك ربي يالغاليهه
طلع ليل وشافه جده
الجد لافي : امش اجلس
ليل : اعذرني ياجد بروح ماخلصت بخلص كذا شغله وبرجع
الجد لافي : الله يستر عليك
راح ليل يخلص اشغاله وبعدها ب ساعتين رجع وانسدح عند جده بتعب
الجد لافي : وشفيك
ليل : تعبان
الجد لافي بخوف : وش يوجعك
ليل ابتسم: ماعليك ياجد تعب شغل وروحه وجيه مو تعب تعب اهدى بس بريح
قاطعهم دخول رائف
رائف : ليل امي تبيك اسرع سريع
ليل : طيب
راح ليل ل امه
ليل : هلا يا نور عيوني
ام ليل : تسلم عيونك ياقلبيي اسمع غرفتك وخلصناها تعال ريح
حضنها ليل : ياحبيييي لكككك يا يمهه تحسين فينييي
ام ليل : ياروح امك انت يلا روح ونام وارتاح
ليل: اصبري يمه ما ادل وينها
ام ليل : اي صح يلا امش معي
اخذت ام ليل ليل وودته غرفته
ليل : اووووفففف ماشاءالله من مختار لي كل شي
ام ليل : مزن
ليل: يووه يا مزنننيييي اخخ ربي يهداها وتجي عندي
ام ليل : امين ياقلبي يلا ارتاح
طلعت ام ليل و نام ليل بتعببببببببب
-
عند البنات بعد ماخلصو كل شيي تجمعو و قررو يسهرو
كانت مزن بالمطبخ تجيب اكلات وقمر جلست وكانت فيه ليال جالسه
كانت ليال تحسس بالذنبببب بشكلل مو طبيعي وماودها يصير شي بينها وبين قمر ف قامت وراحت جنبها وقمر ماعبرتها وكانت ماسكه جوالها تشوفه
ليال: قمر ممكن تطفين جوالك بكلمك
طفت قمر جوالها ولفت عليها تسمع لها وهي ساكته
ليال : انا اسفه على كل شي سويته كان ملعوب ب عقليي وانا الغبيه الي سويت كل ذا وانا ماودي اخسرك ياقمر
قمر كانت ساكته والشي الوحيد الي سوته حضنت ليال
ليال ماتحملت وبكت وحضنتها بقوووه
قمر : مهما يصير يا ليال انتي بتبقين اختي وانا عاذرتك ياقلبي
كانت ليال ندماننننهههه اشد الندمم وكانت حاضنه قمر ب قوه
قاطعهم دخول مزن
مزن : ماشاءالله وش فيكم حنيتو ل بعض
قمر: اييي وبنقلب عليك صح ليال
ليال ابتسمت: صحح
مزن : يوووه هالسلق ذول
جلسو ينبسطو ويطقطقو ع بعض
-
في الصباح صحى ليل وصلى الفجر ونزل تحت
حصل مزن جالسه لحالها وتشوف جوالها استغل الفرصه وراح لها
وجلس جنبها ومسكها
مزن: فكني
ليل : يا مزن لاتسوين كذا انا مالي دخل
مزن : طيب فكني
ليل : ماني فاكك الا لمن ترجعين مزن الي اعرفها
مزن : تبيني ارضى؟
ليل : اي
مزن : تسوي الي ابيه
ليل : امري
مزن : تتكلم مع قمر وبكرا ترجعون نفس ما انتم ولا بينكم شي
ليل : هي الي بدت طيب كيف تبيني ما ازعل عليها
مزن : خلاص اجل لاتكلمني وفكني
ليل : يووه مزن ياخي اتمنى ب يوم تخلين الحق معي دايم ترفضين انه انا الي معي الحق
مزن حست بتأنيب ضمير ف سكتت
ليل : بسوي وامري لله بس خلني اشوفك ترجعين تزعلين مني وانا مالي ذنب
قربت منه مزن وحضنته
ليل حضنها بقوووه : اهخخ يالحضن الي مشتااااااااققق له بقوووووهه
مزن : وجاك هالحضن بس فيه اعتذار
ليل : سمي
مزن : احلففف انك ماتسوي لي ولا ل قمر شي
ليل بشك: وش مسويات
مزن ابتسمت: اسمع ترا انا الي مخططه ان قمر تسوي كذا ولا هي مالها ذنب وكله بسبب خطتي
ليل : احلفي
مزن: والله
ليل : اياااااا السلقههه اخوك تسوين فيه كذاا
مزن: وش اسوي قهرتني ومنه بعد قهرتني زياده انك رحت وماودعتني
ليل : شسوي زعلتي مني وماقدرت اجيك وتعرفين اخوك وعصبيته
مزن: زين احلف ماتسوي شي
ليل مسك يد مزن وعضها
مزن: لاااااااا
فكها ليل وضحك: اشوا ماحلفت
مزن: طيببب احلففف الحين ماتسوي ل قمر
ليل : بسوي لكم انتم الاثنين خلكمم تخلونيي اشتاق واتعب وانا هناك وانتو ولا على بالكمممم
مزن: خطتييي طيبب
ليل : كل من شارك بالخطه بينال عقابه
طلع ليل وهو مبتسم
...........................................................................
يتبع
