البارت الواحد والستون
.
.
.
.
-
عند ليان
ابو تميم: ليان تكلمي تركي مسوي لك شي
ليان: يبه وشفيك والله ماسوا شي كنت امسح الدرج وطحت
ام تميم: عمر احد قالك انك ماتعرفين تكذبين
ليان: اقسم بالله العلي العظيم اني كنت امسح الدرج وزلقت وطحت وبعدين تركي مستحيل يمد يده علي وشفيكم انتم وش صاير وش جايكم عليه
سكتو ام تميم وابو تميم وتميم رفع ليان واخذها لغرفتها
حطها ع السرير وضبطها
ليان: وشفيك لايكون انت مثل امي وابوي بعد
تميم: تركي واعرفه مستحيل يسوي كذا امي وابوي بس كذا من خوفهم لكن انا اهديهم
ليان: طيب
-
عند تركي كان سادح المرتبه ومغطي وجهه ب شماغه وليل جالس يناظره
اتصل جوال تركي وكان ابو تميم
فز تركي ولف على ليل ووراه الجوال
تركي : ليل والله خايف
ليل: رد وافتح سبيكر
رد تركي بخوف وفتح سبيكر
ابو تميم: تركي
تركي: سم ي عم
ابو تميم: تركي هذاني بسألك للمره الاخيره وبسألك بالله وتذكر تكذب بتتعذب من ربي
تركي: وشو
ابو تميم: شلون طاحت ليان
تركي: تمسح الدرج وانا كنت البس وانزلقت وطاحت
ابو تميم: امانه ي تركي
تركي: قسسم بالله ياعمي وشفيكم مصدقين فيني لهالدرجه تعرف ي عمي انت بحبي لهاا من وحنا صغار وتدري لو ايش ما اسويها اضحي بنفسي عشانها
ابو تميم: زين
تركي : وعمي تبيها مره وحده عشان تصدق اني ماسويت شي تدري انها حامل صح
ابو تميم: ايه الله يجيبه لكم بالسلامه ويفرحكم فيه
تركي: الله يرحمه
ابو تميم بخوف : سألتك بالله
تركي : اي بالله والله يعوضنا خير
ابو تميم: تعال
تركي : تكفى عمي ماهو الحين تعبان وليان تبي عندكم خلوني لحالي شوي
ابو تميم: طيب
سكرو الخط وسكت تركي وغطا وجهه وليل مشا للبيت ووصلو ونزل تركي مسرع ونزل وراه ليل ومسكه
ليل: تركي لاااتكتم لاتكتمم
حضنه تركي ليل بقوه ونزلت دموعهه بقهرر
سحبه ليل للمجلس الي ماحد يجيه
ليل: ربي يعوضك ربي يعوضك يابعدي
تركي: ليلل يشكووون فينييي منزمان يا ليل ويبون ياخذونها مني ب اي طريقه
ليل : اهدى اهدى محد ياخذها منك محد هي لك
تكفى اهدى
مسك تركي راسه وليل مسح دموعه
ليل: اهدى اهدى
تركي: راسي راسي ليل
ليل: اهدى اهدى واجلس
جلس ليل تركي وتركي كان ماسك راسه بقوه يحسه بينفجر
تركي : بروح ليل اتركني
ليل: والله م تروح اجلس تنفس
جلس ليل يهدي ب تركي
-
عند مزن وبسام
بسام: بالله حلو؟
مزن وهي حاطه التراب قدامها وتاخذ شوي وتحط بفمها
مزن: اي مررررره جرب
بسام: لا والله مابي عقب بساس
تفلت مزن الي بفمها او بالاصح الاغلب جا على وجه بسام
مزن: لللليييييههه ماتقول عقب البساس
بسام صرخ:يعععععععع ياكلببببه امزح امزح امزح
ضحكت مزن من شافت وجه بسام كله تراب وسعبول
مزن: تستاااهللل اجل
-
عند قمر كانت شايله هم ليل وتركي وتتصل م يردون
-
عند ليل وتركي
هدا تركي شوي ومسكه ليل يقرا عليه ويسمي عليه
تركي: ليل والله احس اني مهدوووووددد
ليل: صدقني ي تركي بعد الهده ذي بتصير اقوى وياوويلك تترك مجال احد يضغطك فيه
تركي : شوف هو ماهي سالفة انه اصير اقوى ياخي ليل م اقوى على امها وابوها
ليل: ادري ادري لكن مو انت تبيها
تركي: الا
ليل: خلاص حطها هدف اساسييي انه محد يقدر ياخذها منك وعادي بين حبها قدددددام الكل والي مايدري خله يدري الحين انا يعايروني ب مين
تركي ابتسم: بالقمرا
ليل: ها شفت خلاص خلنا نعايرك الحين وماعليك واذا على الحمل ربي يعوضك وربي كريم وماعليك واذا بتروح لهم بكرا خلك قوي ولاتضعف ولا شي وبينن لهم انك تحبها وانه اعظم انتصاراتك
تركي: اي بالله انه اعظم انتصاراتي
ليل: الحين اسمعني ريح وارتاح وطمن لافي عليك وانا بروح اشوف القمرا
تركي: زين زين
راح تركي ل لافي وراح ليل ل القمرا الي كانت تدور بالغرفه تنتظره
قمر: ليييل
ليل: عيوووون الليل وقلبه
قمر حضنته بخوف: خوفتني ليه ماترد وتطمني عليك انت وتركي
ليل: ماعليك بخيررر كلنا بس كنا نتكلم وخلصنا وجيتك
قمر: شلونه الحين
ليل: ماعليه بخير
قمر: وليان
ليل: شعر خفيف
قمر: وينها
ليل: عند اهلها
قمر بصدمه: تركهااا!
ليل: لاا تعبانه اكيد وتبي عند امه
قمر: اي خوفتني
قاطعهم اتصال جوال ليل الا غانم
غانم: ليل ي زفت
ليل: اعوذبالله وش انا مسوي
غانم: ويننن الي بيتممون الخطططبه
ليل: يالقلبببب الرهيفف اصبر مدري وش السواة الحين
غانم: ترا بتوطاك بنمشي الحين
ليل: اما عاد
غانم ضحك: امزح مامن عجله بس تعال بودعك قبل نمشي
ليل: لا والله م تمشون جايكم
سكرو الخط ونزل ليل اسرع شي ل ابو هاني
ليل: عمييي مشاري اذا كان ل ليل طلب عندك توافق
ابو هاني: ابد يامر ويبشر ويعتبره تم
ليل: مايامر عليك عدو تكفى عمي اجلسو لاتمشون بنملك للسلقه
ابو هاني : من غانم
ليل: ايه
ابو هاني : مامن عجله ي ليل خلها بعدين
ليل بهمس ل ابو هاني : القلب رهيف وانا داري ب القلب الرهيف لا عشق
غانم : حيوان ليل اكيد نشر عفشي عند ابوي
ضحك ابو هاني : اهااااااااا الوضع كذاا
ليل ابتسم: بالضبط
ابوهاني : ابشر
ليل: صح لافي يجلسون
لافي: اي والله م شبعنا منكم
ابو هاني : تبشرون لكن ها مو تقولون ماعلمتكم يلا يوم يومين وبنرجع
ليل: ابددد ماعليك
غانم سحب ليل
غانم: وش قلت ل ابوي لاااايكون فضحتن
ليل: لا ماعليك
غانم ضحك: والله انك كذاب اورريييك
ليل: خلاص ماعليك اهم شي اضبط امورك
غانم: تم
-
عند تركي دخل غرفته وجلس يفكر لمن قرر يتصل ب ليان ويتطمن عليها
اول م اتصل ردت ليان
ليان: ترركي
تركي: وشفيك
ليان: انت الي وينك م ترد خوفتني عليك
تركي: كنت منشغل طمنيني عنك شلونك
ليان: يعني
تركي: طيب اخذتي علاجاتك؟
ليان: لا شوي وباخذهم
كملت ليان
ليان: انت قلت ل ابوي صح انه طاح الجنين
تركي: ايه
ليان: تركي والله احس بتأنيب ضمير وهم يشكون فيك
تركي: ماعليك انتي ابيك الحين تصيرين احسن وماعليك من احد
ليان: ان شاءالله
تركي: تبين شي اجيب لك شي؟
ليان: عادي تجي
تركي: بكرا بجي
ليان: طيب
سكرو الخط ونام تركي وهو مصدع
<<<<<<<<<<<
تسريع الاحداث
جا بكرا الصباح والكل عرف ب ليان وليان ماكان شي قوي مره و لله الحمد
وليل ولافي اتفقو مع المملك عشان يملك ل ليال و غانم و تميم واميره
وتركي كان كل مايقوم يرجع ينام عشان مايبي يقابل احد
-
عند ليل وقمر
كان ليل يلاعب لافي ويمسكه يحاول فيه يمشي او يخطي
وقمر ترتب الملابس
ليل: قمرررررر اركضي
طلعت قمر بخوف وشافت لافي يمشي شوي لحاله
قمر: وووووووووهههههه الي بدددااا يكبرر
شالته قمر وجلست تبوسه وتلعبه
ليل: ي زفت شوي شوي بططنك
قمر: ليييل اصبر تو استوعب
ليل: وشو
قمر: يليل يعني الحين ببلش ب الاثنينن
ليل: خير وانا سحبتي علي
قمر: لا بالله شلووون بعتني ب نفسي شلون بهتم وانا ماعندي احد شرايك تجيب لي خدامه ثانيه
ليل: لا ماله داعي
قمر : اح ترفض لي طلبب
ليل ضحك: اخسييي ارفض ابشري بالثنتين مب وحده بس يصيرو خويات دعاء
قمر: الله احلف
ليل: والله وتبشرين فيهم
قمر باسته: ياخي احبك
نزل ليل لافي على جنب وباسها بقوه
ليل ضحك: وانا امووووت عليك واهيم بك واعشقك ي قمرا الليل
قمر حضنته بحب وليل يحس تجدد حبها زودد وكثير بعد
قاطعهم اتصال معاذ
ليل: عززززز الله ابو طبيع مايخلي طبعه شتبي
معاذ ضحك: وش اسوي ابوي يبيك
ليل: فيه شي ؟
معاذ: لا بس يبيك
ليل: وينه
معاذ: غرفته
ليل: زين
سكرو الخط ولف ليل ل قمر
ليل: بروح ل لافي
قمر: زين اسمع وقول لجدي اننا بنرجع بيتنا
ليل: طيب
راح ليل ل لافي
ليل: امرني
لافي: مايامر عليك عدو ابيك ي ولدي تشوف لتركي
ليل: ابشر على ذا الخشم
لافي : يابعد عيني
ليل: لافي ترا القمرا قالت لي اقولك مو تزعل علي مالي دخل
لافي: وشو
ليل: تقول قول ل جدي اننا بنرجع بيتتا
لافي: مدري افكر
ليل ضحك: ماتقدر ماتشوف ابتسامتي صح
لافي ابتسم: اييي بالله
ليل: جوييي التعزيزز
لافي : لا بالله انه ما اقدر على بعدك وابيك جنبي
ليل: يابعد قلبي ي لافي
باس ليل راس لافي وطلع ل بيت ابو سلمان وجلس يطق الباب لمن طلع له ابو سلمان
ابو سلمان: خوفتني وشفيكم
ليل ضحك: بسم الله عليك بس ابي تركي
ابو سلمان: نايم فوق
ليل: بروح له
ابو سلمان: زين مافي احد روح
ليل: طيب
راح ليل ركض ل تركي ودخل عليه وجلس يغني
ليل: تررركيي
تركي : والله انك مزعج ليه م تسكت
ليل: اخلص قم
تركي: مابي
ليل: تتهرب يعني ولا وشو
تركي: ايييه مابي مابي مابي اروح
ليل: اخلصصص ماقلت لك انت بتقدر وبتتغير اخلص لاتخرب روقاني بقولك شي
تركي ضحك: ي شينك لازم تغير نفسيتي
ليل ضحك: اي لازمم يلا اخلص قم وصل عشان بقولك وش بنسوي اليوم
تركي : يلا
قام تركي توضى وجلس يصلي وليل جالس يشوف جواله على ما يخلص تركي
خلص تركي وجلس عند ليل وضحك
تركي بضحك: اخلص جاني فضول
ليل ضحك: اسمع بنملك اليوم ل غانم على ليال وتميم ل اميره
تركي: اح وسلمان
ليل: اممممماااااا عاد مادريت
تركي: لا وشو
ليل : مسحها سلمان من باله وخلاص هي ماتبي تبي تميم وخلاص بنملك لهم
سلمان: صح
ليل: يملا ي سلمان كل م تكلمت جا
سلمان ضحك: شرايك بس
ليل ضحك: مخيس
تركي : خييييررررر انا ما ادري ب شيي
سلمان: ماهو شي زين عشان تدري به عاد يلا اخلصو بي ضحك ابي اضحك على غانم
ليل: يلا قدام
تركي : انا بلبس واجيكم
ليل: ولاتنسى تروح تخلص شغلك وتجي
تركي: زين
-
راحو ليل وسلمان وتركي لبس وطلع ل بيت ابو تميم
اتصل على ليان
ليان: هلابك
تركي: وين عمي
ليان: هذا هو
تركي: طيب خلي احد يفتح الباب انا عند الباب
ليان: طيب يلا
سكرو الخط وفتحت ليان الباب ل تركي
تركي مسك ليان بخوف
تركي: لييه ليه قلت احد ماقلت انتي ليه تقومين
ليان: والله لاتخاف طيبه الحمدلله واقدر امشي لكن م اشيل شي ثقيل ولا شي
تركي: ترا بسحبك ارجعك البيت
ضحكت ليان: خلاص اتوب بس ترا مشي مايضر ان شاءالله
تركي: ان شاءالله
دخلو و سلم تركي على ابو تميم وام تميم وجلس عندهم
تركي: امرني عمي
قام ابو تميم بيبوس راس تركي بعد تركي وباس راسه
تركي: لا والله
ابو تميم: ي تركي خلني
تركي: والله لا ي عمي
ابو تميم : ابيك تعذرن ي بعدي وتسامحن انا وعمتك
تركي: مسموحين وعدكم امي وابوي ماعليك ما بالخاطر شي افرحو وانبسطو خلاص مافي شي انسو الموضوع
ابو تميم: الله ييسر
تركي: وين العريس
تميم: جاك جاك
تركي ضحك: اررحب
سلم ع تميم وجلسو
تميم: ياخي جاني مغص من التوتر
تركي ضحك : الحين اصبر الملكه بتصير ببيت جدي ولا بيتهم
تميم: لا بيتهم بس يخرش
تركي مسك بطنه: يمه توترت معك خل جدي يدخل معك
تميم ضحك: عشان يصفقني ويقول اثقل
ليان ضحكت: ايييييهه الخفيفف
سكر تميم افم ليان
تميم: يالفضيحه خلاص افزع لك ب اي شي بس اسكتي
ليان ضحكت: تركي بعدددده
بعد تركي تميم ومسكه
ليان: تميمم كان يقول
قاطعه تميم
تميم: لك 10 الاف بس اسكتي
ليان ضحكت : شكله من المهر
تميم ضحك: لا لك لحالك
تركي : لك 20 بس كملي
ليان : ادعس اسمعو تميم كان يقول
تميم: ي ززززفتتتت اعطيك 50 بس اسكتي
ابو تميم : 100 وقولي
ليان: اححح والله عرض جبار اذلف تميم
سكر تميم افم ليان بقوه
تميم: والله ماتقووولل
ضحكو كلهم عليه
تركي : شكل عااااطبها
تميم: هي حيوانه تسمع كل شي
تركي ضحك : اح ليان الوعد بالبيت علميني
ليان: تم
تميم: اوريييكممم
قاطعهم اتصال لافي على تركي
تركي : سم
لافي: سم الله عدوك وينك
تركي: عند عمي امرني
لافي: علم ابو تميم يجون ويجتمعون عندنا عشان المغرب نملك ل غانم وبعده نمشي ل ابو فيصل(ابواميره)
تركي: ابشر
لافي: يلا وانت جب زوجتك وتعال بسررررعه امسك السلقه عني
تركي ضحك: ليل صح
لافي: ايه
تركي: زين
سكرو الخط ولف تركي على ابو تميم وقاله
ابو تميم: زين خلاص ماهي مشكله
تركي: ليان البسي عباتك وتعالي معي جدي يبيك
ليان: يلا
اخذ تركي ليان وراحو ل لافي
لافي : هلا هلا
باست راسه ليان وسلمت عليه
لافي: شلون بنتي
ليان: بخير يقلبي وانت شلونك طمني عنك
لافي : بخير دامكم بخير
لف لافي على تركي
لافي: اي ي بعدي ابي اشوف هالضحكه الزينه
تركي ابتسم : ابشر
لافي : بنتي انتبهي ل وليدي لايزعله شي وخلك معه
ليان: ابد ابشر
راحت ليان داخل وتركي راح ل ليل الي كان يلحق العيال ويضربهم بالشماغ ويضحك
هاني : تررررركييي افزززععع هذا منجنن
مسك تركي ليل وضحك
ليل كان يضحك ويدمع من الضحك
ليل بضحك : هاني تكفى اصبر اخر وحده
هاني بضحك: يملا اللي قلبت احمر من المسطط اذلف
تركي : مافهمت غير اذلف
ضحك ليل: كنك طماطه
هاني ضحك على ضحكة ليل وسماجته
تركي ضحك: ي سااامجيننن وش يضحككك
ليل ضحك: بس باقي نعصرك
ضحك هاني بقوه من ضحك ليل
تركي ضحك : يعععع ي سامجينن والله مايضحك غير ضحككم
غانم سحب ليل من بينهم وركض فيه وليل يضحك
غانم مسك ليل بجديه
غانم : ليل خلاص جديه شوي بكلمك
ليل سكت واستوعب ان في موضوع جد
ليل: وشو
غانم: امنتك بالله انها موافقه
ليل: قسم بالله
غانم: والله احسك تكذب علي
اتصل ليل على ليال وسكر فم غانم
ليال: هلابك
ليل: اسمعي بسألك وجاوبيني صدق
ليال: امرني
ليل: صدق موافقه ولا تسلكين لي
ليال: لا استخرت ووافقت
ليل ضحك: ولا موافقه عشانك خفيفه
ليال ضحكت : يعني تقدر تقول نص كذا نص كذا
ليل: خلاص تم الله يتمم لكم
ليال : امين
سكرو الخط ولف ليل على غانم
ليل: ها سمعت ب اذنك
غانم مسك قلبه وناظر ليل
غانم: ليل احبك
ليل ضحك : شوي وتشوفها وقلها لها مو لي اذلف بس
غانم ضحك : ي حيوان ما تستاهلل
<<<<<<<<<<
تسريع الاحداث
جا المغرب وبدأو يملكون ل ليال و غانم وغانم الف شعور وشعور داخله
وليل ماسك ضحكته عشان مايتصفق من لافي
وقع غانم واخذو رائف وليل الدفتر وراحو ل ليال
جتهم ليال وهي خايفه
ليل: القعددددهه بتكبر وتصير عروس موفقه خير ي عيني والله يوفقكم ويتمم لكم
رائف : سلقتي وحبيبتي وصديقتي وقعدتنا الله يوفقك ويتمم لك يابعد قلبي
ليال دمعت: بصيح مابي ابيكم
ضحك ليل: هذا حنا عندك ماحنا مبعدين
وقعت ليال ولفت على ليل
ليال: ليل تكفى قل له اذ بنتزوج نجلس هِنا ب الرياض
ليل ضحك : ياووويلك بياخذك حايل وتبعدين عننا
قرص رائف ليل
رائف ضحك: ماعليك منه منجن اخوك ذا يستعبط
ليال: طيب لايكون بيدخل الحين
ليل: اجالي
ليال: طيب خفت
ليل: رائف روح اعطه وانا بجدول على غانم
راح رائف ولف ليل على ليال
ليل : اعلمك شي
ليال: وشو
ليل: تراه يحبك ويبيك او صح مايحبك يعشقك صدقيني
ليال: اما عاد
ليل: والله ويوم ادق عليك اليوم ترا منخرش انك م توافقين وسمعته ب اذنه انك موافقه
ليال مسكت راسها: الله يفضحك ي ليل وانت قايل لي اني خفيفه قدامه!!!
ليل ضحك: ايه
ليال: حسبيي الله
رائف جاهم يضحك : يلا بسرعه العاشق الولهان متحمس
ليل ضحك: ها شفتي
ليال ضحكت: يممه
ليل: يلا ادخلي المجلس وانا بدخله
ليال : طيب
راح ليل ل غانم الي واقف هو والعيال برا
ضحك ليل: فضحتتتتت نفسسسك
غانم ضحك: بالغللطططط اذكر كنت افكر شلون تكلمت مدري
هاني بضحك : تخيللل ليل جالس جنبه شوي الا دخل رائف واعطا والمملك يوم قال المملك مبروك لف علي قال يسسسس
ضحك ليل : يااااا حمممماااااارررر
غانم : اهم شي حلالي يلا دزوو امش انت
مسك غانم يد ليل يوديه ليال وليل يضحك عليه
ليل : يلا ي النسيب هالله هالله ب وخيتي وقعدتنا
غانم: بروحيي
ليل: ي العاشق امش ادخل
دخل ليل غانم وطلع
دخل غانم متوتر وقرب منها وباس راسها ومسك يدينها
غانم : ياا مرحببا
ليال ابتسمت: ياهلابك يالعاشق الولهان على قولة ليل
غانم ضحك: اوريه ليل فاضحني بكل مكان
ابتسمت ليال
وحضنها غانم بدون تفكير يحس مشاعري متبعثره ويوم حضنها يحس شعور وده يطير من حلاوته
طق ليل عليهم ولف غانم وحاط يده على كتفها
دخل ليل وضحك غانم
غانم ضحك: ي كلب فاضحني
ليل ضحك: مسررررع علمتييه
ليال: شرايك وحده ب وحده تفضحه افضحك
ليل ضحك : مسسسسررررررررررعععع تدافعين عنه اوريييكم ي السلق انت اخلص امش خلص وقتك بنروح عشان تميم السلقه الثاني
غانم: شرايكم تروحون وتخلوني
ليل ضحك: اقول اخلص لا افضح فيك قدام العيال
غانم ضحك: لا خلاص
اخذ ليل غانم وطلعو وليال دخلت عند البنات
الكل: حييي الله العروس
جلسو الكل يباركو لها ومبسوطين فيها ماهي الا شوي
و اخذت ليال جوالها واتصلت على مزن وابعدت عنهم شوي
مزن: اررررحبببييي
ليال: وييينك
مزن: ببيتي
ليال: ليه ماجيتي
مزن: ليه وش صاير
ليال: مزن تستعبطين اليوم ملكتي معلمتك امس
مزن : تمزززززززززززززحييييين قسم بالله نسيت خلصو ولا باقي
ليال: صح النوم خلصو كل شي كنت اتمنى تكونين بينهم يوم رجعت بعد م شفته
مزن: والله اجيككك الحييين
ليال : وش بيفيد خلاص مع السلامه
سكرت ليال بضيق لانها كانت تبي اختها معها بفرحتها
-
عند مزن اتصلت على بسام
بسام: هلابك
مزن بعبره: بسام ويينك الحين
بسام: طالع مع العيال
مزن: بروح عند اهلي
بسام: وشفيك
مزن: ابي اروح
بسام: مزن قولي وش فيك
مزن: اليوم ملكة ليال ونسيت اروح
بسام شهق : حتاااا انا ليل علمني ونسيييتت
مزن: خلصو خلاص
بسام : باقي تميم انا بروح لهم م اتوقع يمدي امرك عشان مايلعني ليل
مزن: خلاص روح لكن انا بدبر نفسي واروح
بسام: سلامات مع من بتروحين ان شاءالله
مزن: اي احد بس لاتجي روح ل ليل
بسام: لا حبيبي بجيك مانتي رايحه مع اي احد
مزن: بسام لاتغثني مافي احد الا قمر خلاص ادق عليها تجيني
بسام: طيب
سكرو الخط واتصلت مزن على قمر
قمر : هلا بعيوني
مزن : قمر تعالي خذيني
قمر: وشفيك
مزن: تعالي بس
قمر: يلا جايتك
سكرو الخط ونطت قمر لبست عبايتها وجلست تدور المفتاح م حصلته
اتصلت على ليل
ليل : هلا قولي الي تبين سرريع
قمر: مفتاح سيارتي وين
ليل: خذيت سيارتك خوذي سيارتي تحصلين مفتاحي مكانه
قمر: زين
سكرو الخط واخذت قمر المفتاح وراحت سريع ل مزن الي ركبت معها تصيح
قمر : وش صارر ي مزن لاتخوفيني
مزن: ليال زعلت علي عشاني ماجيت وانا قسم بالله نسيت وبسام نسى بعد
قمر: ماعليك ماعليك اهدي بالهداوه تضبط الامور
مزن: ياربي ياربي
قمر: مزن بزر انتي اهجدي والله ليال بترضى بس لاتصيحين اذ مو عشانك عشان الي ببطنك
مزن: طيب
-
عند العيال وكلهم عند بيت ابو فيصل وتممو كل شي وتمت الملكه ووقعو وتميم بقمة السعاده
فيصل سحب تميم معه وجا بيدخله على اميره وقف وجلسو يكلمه
فيصل: تميم عطيتك اختي ووحيدتي حطها بعيونك
تميم: ابشر بعزك
دخل تميم على اميره ويحس بمليونن شعور حضنها بقوه وهو مبسوطط ويدمع من الفرح
تميم: صرتي حلالي وملكي ي اميره صرتي لي
اميره: الحمدلله الحمدلله
-
عند سلمان الي طلع يتنفس وطلع وراه ليل
ليل: ها ماتقول مسحتها
سلمان: مسحتها بس فيني ضيقه
ليل: تعوذ من ابليس ولا يحس تميم حرام يدري ب شي وهو مبسوط ويحبها
سلمان: ازهل ماعليك
تركي: ليل شرايك نزوجه
ليل: تم
سلمان: اذلفو بس ماني معرس
ليل: ليه ان شاءالله خلنا نفرح فيك
سلمان : مابي ياخي وش تبي
تركي : ليل خذها مني شكله يحب وحده بس يبي يتأكد عشان ياخذها
سلمان: اص اص بس مسوي قافط امشو خلونا نخلص برجع البيت
ليل : طيب روق نمزح
سلمان: طيب امشو
دخلو وطلع تميم وسلمو الكل ع بعض وطلعو ورجعو البيت وليل اخذ سلمان معه وراحو مكان غير والباقين رجعو البيت
ليل: سلمان صدق صدق تكلم هي بقلبك للحين
سلمان: لا والله بس شفت الي يجيك شعور كذا الي انا المفروض كنت بكون مكانه منزمان وكانت بتكون زوجتي لكن الله يستر عليها ويسعدها ويوفقها يارب هي وياه
ليل: امين
لف ليل على سلمان وابتسم
ليل ب ابتسامه: عاد صارحني صدق بقلبك وحده
سلمان: لا اذلف انت وتركي
ليل: اخلص تراك مفضوح
سلمان: اقولك وتسد افمك ياويلك تتكلم
ليل: ازهلني سرك ببير
سلمان: البير الي فيه كل القبيله
ليل: ازززهل ماعليك علمني بس
سلمان: ليل بذمتك م تقول شي ولا تلمح ولا شي لمن انا استعد
ليل: يلا طيب اسمعك
سلمان: تذكر يوم نشوف بسام ليلة العيد
ليل ضحك: اييه
سلمان: والله جازت لي اخته
ليل: اما عاد
سلمان: اي بالله جازت لي وابيه لكن مابي اتزوج احس نفسي ضايقه وما احس اني مستعد
ليل: تبي شوري
سلمان: ايه
ليل: اسمع الحين وش تحس شعورك له بالضبط
سلمان: الصدق الصدق حبيته
ليل: اي حلو دامك حبيته خلاص اسمع شوف صل استخاره ذي الثلاث ايام وكذا وشوف نفسك كيف واقدم وعلمني نقول ل بسام لانه تدري شلون بتنسى الضيقه ذي والتفكير اذا اعرست ولا بعد انك تحبها بتضبط امورك وبتدعي لي
سلمان: والله متردد
ليل: كيفك انت قلت تبي شوري وهذا شوري
سلمان: اجل شورك وهداية الله
ليل: الله ييسر لك
-
عند البنات دخلت مزن وسلمت على الكل وراحت ل ليال
دخلت غرفتها وحصلتها ترتب
ليال: قمر ترا مالي خلق انزل مره
مسكت مزن ليال وحضنتها وصاحت
مزن: والله نسيت والله وشوفيني والله جيتك
ليال : يمه مزن اهدييي والله كنت استعبط اهدي تكفين
مزن : والله اسفه ي ليال
ليال مسحت دموعها: اهدي اهدي خلاص تكفين عشاني وعشان النونو
دخلت عليهم قمر وقرصت مزن
قمر: بزر انتي شوفيها قدامك صح ليال مايزعل
ليال: صح
قاطعهم اتصال ليل على قمر
قمر: هلا
ليل: وينك
قمر: بغرفة ليال
ليل: عندكم احد
قمر: لا
سكر ليل الخط ودخل عليهم
دخل ليل ومسك اذن قمر
ليل: ي زفت استغليتي اني مشغول وخليتك تسوقين وانتي حامل تبين اصفقك
قمر بعد عن ليل وتخبت ورا مزن
قمر: انا في وجهك ي مزن
مسحت مزن دمعتها
مزن: بوجهي اتركها
ليل بصدمه: وشفيك وش صاير سوا لك بسام شي
انطقي!
مزن: اهدى اهدى ماسوا لي شي بس
قاطعتها قمر: دددللللع
مزن قرصتها: شف من يتكلم ي ام دميعه
ليل : اخلصو عشان اشوف اصفق بسام زود ولا
مزن: لا ما سوا شي بعدين ليه تصفقه م جاك؟
ليل: لا
مزن: احلفف
ليل : والله
مزن اتصلت على بسام ومارد
مزن : ليل انت اتصل عليه
اتصل ليل على بسام وماهي الا ثواني ورد
بسام : هلا
ليل: وينك
بسام: يشيخ متقروش
ليل: ليه وش صاير
بسام: صدمت وبغيت اروح فيها لكن ربك ستر
ليل بخوف: صاددق! وينك فيه
بسام: قريب من بيتي
ليل: جايك
بسام: لاتخاف سهالات لاتسرع
ليل: زين
سكرو الخط ولفت عليه مزن
مزن مسكت قلبها: قول بسرعه وشفيه
ليل ضحك عشان ماتخاف
ليل بضحك: يليل ذي الخفيفه شتبين سوالف بيننا بس ماعليك هو بخير
مزن ابتسمت: صادق ؟
ليل: اي يلا بروح امسكوها لاتصيح
راح ليل بسرعه ل بسام وهو منخررررششش
ماهي الا دقايق ووصل له وحصل بسام جالس على طرف الشارع وماسك راسه
ليل: وش يوجعك وش فيك
رفع بسام راسه وكانت يدينه ترجف
بسام: اهدى مايوجعني شي فكني الله
لف ليل على سيارة بسام وحصلها متهشممه
شهق ليل ورفع بسام يحاول يخليه ينطق
ليل: شلون شلون وش صار
بسام : ماسك مساري ومسرع ورايح للبيت على انه باخذ مزن و اوديها واجيكم عشان الملكه وخش علي واحد كذا ب استعباط وانا مع سرعه لفيت وتقلبت فيني السياره وخشيت بكل مكان وعامود وفكني الله اني فاتح الشباك ونطيت منه قبل لا يخش بالعامود وخش بالعامود واحترق لانه في دافور معي ومع الضربه انفجر والحين كل شبر فيني احس يوجعني وقلبي ينبض
حضن ليل بسام وجلس يسمي عليه
ليل: امش معي اوديك المستشفى
قاطعهم وصول الاسعاف والدفاع المدني والشرطه واخذو الاسعاف بسام ولحقهم ليل
دخلو بسام المستشفى وبدأو يكشفون عليه ويشوفون وضعه وليل متوتره ويشوفهم الي رايحين جايين ويركضون وخايف عليه
لمن خلاص جاه دكتور ومسكه
ليل: وش صار
الدكتور: اهدى بس رضوض خفيفه لانه نط على كلامه من الشباك وكسر بيده اليسار وتمزق اربطه بكتفه اليسار برضو
ليل : يا ساتر
الدكتور: يا رجال احمد الله انه عاش مع الحادث الي يخوف اهدى انت
ليل: حمدلله على كل حال طيب الحين وش بيصير
الدكتور: عمليه بسيطه عشان تمزق الاربطه وماعليك بسيطه انت اهدى عشان مايشيل هم
قرب الدكتور من ليل وهمس : ترا يصيح داخل مقهور على حاله ويقول بموت وولدي ماشفته ادخل خله يهدا
ليل: طيب
دخل ليل عند بسام الي كان مغطي عيونه ويصيح بصمت
ليل: بسام
مارد بسام لانه بيمثل على ليل انه نام
ليل: ادري انك مانمت لكن من متى نخفي حزننا عن بعض
قرب ليل من بسام وجلس عنده
ليل: بسام ادري انك خايف من طاري الموت ادري لكن انت الحين صحتك زيينه وبس عملية عشان التمزق الي بكتفك وبعدها بترتاح وبتشوف مزن الخبله الي تصيح على اي شي تافه اهدى وروق وبتشوف عيالك بعد وانا جنبك ياخوي
بسام بعبره: ليل واذا مت
ليل: لاتفاول على نفسك اهدى وصدقني بتضحك على نفسك لاطلعت
بسام: ليل والله خايف
ليل: وش يخوفك
بسام: مجد الزفت مخوفني
ليل: وش هو قايل
بسام : قبل كان يتكلم ليل عن عمليته وانه سواها عملية التمزق وبغا يموت ب العمليه بسبب خطأ طبي
ليل ضحك: وانتتتتت تصدددددققق الكذاااب مجد
بسام بصدمه: اسألك بالله يكذب
ليل: اي والله
بسام: ليل طيب مزن
ليل: لازم نفكر ب كذبه لانه جيته وهي منهاره اصلاً
فز بسام: وشفيها
ليل: اهددى ي بزر بس دلع مع البنات او عشان الحمل مافيه شي وضحكتها وطلعت
بسام: يوم كلمتني هي معك؟
ليل: ايه بس ماسمعت
بسام: يليل طيب وش نكذب وش نقول
قاطعهم دخول الدكتور معه الممرضات
الدكتور: بسام بندخلك العمليات
بسام: طيب وليل وش بنسوي
ليل: مدري اصبر افكر اذ دخلت العمليات واعلمك
بسام: زين
اخذو بسام وليل جلس يفكر ومتوتر قاطع تفكيره اتصال قمر
قمر: وينك اخر الليل وماجيت وبسام وينه مايرد مزن منشغل بالها
ليل: مشغولين شوي انا وبسام تبون شي
قمر: اي ابيك تسمح لي بسوق وبروح المستشفى بشوف الوضع بتطمن لان احس بتعب
ليل: طيب بس خذي معك حدا العيال
قمر: زين
سكرو الخط
عند قمر اخذت لافي ونزلت فيه تبي توديه ل امها
ام ليل: وين بتودينه ي بنتي
قمر: عند امي
ام ليل: ترا بقوم اصفقك انا فيه وشوله عند امك
قمر: مدري اخاف يتعبك
ام ليل: ماعليك هاتيه
قمر: طيب
اعطت قمر لافي ل ام ليل ولبست عبايتها وطلعت وهي طالعه وقفها معاذ
معاذ: نعم وين رايحه
قمر: معاذ تكفى مالي خلق نقاش بطني يوجعني مره وبروح المستشفى
معاذ : امزح معك ليل قايل لي ود قمر للمستشفى لاتخليها تسوق
قمر: طيب يلا امش
...........................................................................
يتبع
