Kisses of Flames

Chapter 11

Natagalan sila sa pamimili sa supermarket dahil ang daming tao, plus ang dami ring pinamili ni Larissa. Mag pi picnic daw sila sa weekend kaya isinama na nito ang mga kakailanganin para doon.

Sina Via at Patrick ay humiwalay sa kanila at nag sabing kakatagpuin na lang sila somewhere, may bibilhin lang daw ang mga ito. Larissa guessed na ibibili ng kapatid si Via ng engagement ring nito, iyon din ang hinala ni Emman.

Nang matapos sila sa pamimili ay dalawang malaking cart ang tulak-tulak nila. Si Rolf ay sakay sa cart nito ang pagod nang si Gelo. Habang tulong sila ni Larissa sa isa pa.

Dumaan sila sa bake shop at bumili sila ng cake para sa mommy Mona nya. In the end ay tatlong cakes ang binili nila. Tag isa raw ang mommy Mona nya at ang ate Clara nya sa dalawa at ang isa ay para sa mamang Juliet ng mga ito.

Dahil ginabi na ay sa isang restaurant na lang nila kinatagpo sina Via at Patrick. Doon na sila nag dinner, pero bago iyon ay pinatawagan sa kanya ni Rolf ang daddy Ramon nya at ipinag pa alam silang gagabihin ng uwi. She found it so chivalrous of him to do so.

At may palagay syang nagustohan ni Ramon ang ginawa ng binata dahil ng kausapin nya ay bahagya pa syang tinudyo, bagay na bibihira nitong gawin. Ramon is old fashioned and strict in most things pag dating sa kanilang magkakapatid.

Lagpas alas siete na sila naka alis ng Dagupan. Naka tulog na sa byahe si Gelo, kaya halfway ay si Patrick na ang nag drive, at si Via ang naupo sa front seat sa tabi nito. Sila ni Rolf ay lumipat sa tabi ni Larissa at ini higa sa hita nilang dalawa si Gelo. Larissa commented that they looked like a picture of a perfect family.

Sa byahe ay isinandig ni Rolf ang ulo nya sa balikat nito ng mapuna nitong medyo ina antok sya, saka hinawakan ang kamay nya at hindi binitiwan sa buong duration ng byahe.

Pasado alas diez na sila ng gabi ng maka uwi dahil medyo na traffic. Ipinanhik muna ni Rolf ang tulog na anak pero nag bilin na wag daw muna silang umuwi. Nang bumaba ito ay tumulong mag unload ng mga pinamili.

Ang mamang Juliet ng mga ito ay tuwang-tuwa ng malamang magpapakasal na sina Via at Patrick. Hindi kasi naka ligtas sa mga mata ng matanda ang diamond solitaire ring na soot ni Via, na excited na nag kwento sa matanda.

After ng konting kwentohan ay nag aya na ang binatang ihatid sila pauwi. Sila ulit ni Rolf sa unahan at sina Via at Patrick sa likuran. Nag pa iwan na si Larissa na hindi nag pa awat at binusisi na kung paano ikakabit ang magic sing sa napaka laking TV sa salas.

Pag parada ng sasakyan ay akala nya, sila na lang ni Via ang ba baba. Pero bumaba din ang magkapatid na pinag tig-isahang bitbitin ang cakes. As usual ay magka holding hands sina Via at Patrick na nauna ng maglakad.

Sadyang pina una ang mga ito ni Rolf, dahil pinigil sya nito sa akmang pag sunod. Nang maka layo ng around two meters ang dalawa ay saka lang sila sumunod sa mga ito.

"Thank you for today, you made me and Gelo very happy."Sabi ni Rolf

"You made Gelo's dream of having a complete family come true, even just for a day." Dagdag pa ng binata.

"It was nothing, his happiness is my happiness." Sagot nya sa binata.

"I can see how much you care for him, I used to say na kapag nakilala ko ang babaing magmamahal at mag aalaga sa anak ko as if he is her own, sya na ang pakakasalan ko." Kumalabog ng husto ang dibdib ni Emman pagkarinig sa sinabi ng binata. May palagay syang naririnig ng binata ang tibok noon dahil pakiramdam nya ay mabibingi sya.

"We only just met, and this is not the right place to say it, but we never seem alone, and if I wait to be alone with you, I might lose my courage to say what I wanted to say."Sabi ni Rolf na biglang huminto sa pag lalakad, hindi sya nag salita, she let him take his time sa kung ano mang gusto nitong sabihin.