Unicode
ရှိုင်းမြတ်ကိုသူ့နေအိမ်သို့ခေါ်လာခဲ့လိုက်တော့
" ဟေ့ရောင် အတန်းတတ်ရအုံးမှာလေ "
" မတတ်တော့နဲ့ "
အပေါ်ထပ်ကအခန်းထဲသို့ချစ်ရသူကိုဆွဲခေါ်သွားလိုက်ပြီးနောက် ကုတင်ပေါ်တွင်ထိုင်စေကာ သူကတော့ရေချိုးခန်းထဲဝင်သွားလိုက်သည်။ ပြန်ထွက်လာချိန်မှာတော့ သွားတိုက်ဆေးတစ်ဘူးယူချလာလိုက်ပြီး
" လက်ပေး "
" နေပါအုံး မင်းရဲ့ဆေးက အဲ့တာလား "
" အေးပေါ့ အပူလောင်တာဘာဆေးထည့်ရမှာတုန်း "
ရှိုင်းမြတ်တစ်ချက်ပြုံးလိုက်မိသည်။တစ်သက်လုံးဘယ်သူ့မှမပြုစုဘူးတဲ့ပုံမျိုးနဲ့ သူ့ကိုဆေးထည့်ပေးဖို့ ကျောင်းကနေ အိမ်အထိပြန်ခေါ်လာတယ်တဲ့လား။
" ငါ့တစ်သက်နဲ့တစ်ကိုယ် ဘယ်သူ့မှ ဒီလိုမလုပ်ပေးဖူးဘူး။ မင်းရှေးဘဝက ကုသိုလ်တွေအများကြီးလုပ်ခဲ့တယ်နဲ့တူတယ် "
" ငါကတော့ မင်းနဲ့တွေ့ရတာ ဝဋ်ကြွေးလို့ပဲထင်တယ် "
" ဝဋ်ကြွေးဆိုရင်တောင် ချိုမြိန်တဲ့ဝဋ်လေးဖြစ်မှာပါ။ ဘာဖြစ်လို့လဲသိလား "
"......"
" ဘယ်ဝဋ်ကြွေးရှင်က ငါ့လောက်ဂရုစိုက်ပေးနိုင်မှာလဲ " ပြောပြောဆိုဆို သွားတိုက်ဆေးဘူးမှ သွားတိုက်ဆေးအနည်းငယ်ကို ညှစ်ယူလိုက်ပြီး ရှိုင်းမြတ်ရဲ့လက်ဖမိုးမို့မို့လေးပေါ် သို့ပုံလိုက်ကာ ပါးစပ်ကနေလည်းလေအေးလေးတွေ တဖူးဖူးမှုတ်ပေးနေလိုက်သည်။ ရှိုင်းမြတ်လည်း ထိုသူကိုကြည့်ရင်း မင်းငါ့ကိုဂရုစိုက်လေလေ ငါပင်ပန်းလေလေပဲ ဟုအသံတိတ်ရေရွတ်နေလိုက်မိသည်။
" ဒါနဲ့ မင်းနဲ့ဟိုတစ်ယောက်ကဘာတွေလဲ "
ထိုကောင်လေးရဲ့ စိတ်ထဲမှာအခြားတစ်ယောက်နေရာယူသွားမှာ စိုးရွံ့သဖြင့်မေးလိုက်မိသည်။ သူ မကြားချင်ဆုံးအဖြေကိုကြားရမည်လည်းစိုးရွံ့နေခဲ့မိသည်။
" ဘယ်တစ်ယောက်လဲ "
" ဟို ကောင်မလေးလေ "
" ဪ~~မင်းကကောဘာလို့ထင်လဲ "
YOU ARE READING
ရင်ခုန်သံ ရပ်ဝန်းလေး [ Completed ]
Teen Fictionချစ်ခြင်းရဲ့ကျော့ကွင်းအောက်မှာ ဒဏ်ရာဒဏ်ချက်တွေအပြည့်ရှိခဲ့တဲ့ကျွန်တော့်အတွက် ခံစားချက်ကိုမောင်းတင်လို့ အချစ်ဇုန်ထဲမည်သို့ခိုဝင်နိုင်ပါအံ့နည်း။သို့သော်တစ်စုံတစ်ယောက်ရောက်ရှိလာသောအခါ........ ခစြျခွငျးရဲ့ကြော့ကှငျးအောကျမှာ ဒဏျရာဒဏျခကြျတှအေပွည့ျရှိခဲ့တ...
![ရင်ခုန်သံ ရပ်ဝန်းလေး [ Completed ]](https://img.wattpad.com/cover/346100750-64-k839167.jpg)