ရင်ခုန်သံ ရပ်ဝန်းလေး [ Completed ]

အပိုင်း ၁၉ [ Unicode+Zawgyi]

Unicode

ကြီးမားတဲ့ခြံဝန်းနဲ့နှစ်ထပ်တိုက်ကြီးတစ်လုံးရဲ့ ထမင်းစားခန်းထဲမှာတော့ တိတ်ဆိတ်စွာထိုင်နေကြသူလေးယောက်။ လေထုမှာလည်း အေးစက်လို့။ ထိုအနေအထားကိုဖြိုခွင်းရန် ဒေါ်ခင်နှင်းဆီ တစ်ယောက် ဟင်းပန်းကန်တစ်လုံးထဲမှကြက်သားတစ်တုံးကို ကော်ခပ်လိုက်ပြီး မျက်နှာချင်းဆိုင်ထိုင်ခုံတွင်ရှိသော ခင်ပွန်းဖြစ်သူရဲ့မိခင်ဒေါ်မြရည်မိုး အားထည့်ပေးလိုက်သည်။ ပြီးနောက် ခင်ပွန်းဖြစ်သူ ဦးကျော်ဇော။
ပြီးနောက် ယောက္ခမဖြစ်သူ၏ဘေးခုံတွင်ထိုင်နေသော ဦးကျော်ဇော ၏တစ်ဦးထဲသောသားဖြစ်သူ ရှင်မင်းမြတ် ရဲ့ ထမင်းပန်းကန်ထဲဟင်းထည့်ပေးမည်အပြု ထမင်းပန်းကန်ကိုလက်ဖြင့်ကာလိုက်တာကြောင့် သူမရဲ့လက်‌တို့ တုံ့ဆိုင်းသွားရသည်။

" သား ဒီနေ့လာမယ်ပြောလို့ မေမေသားအကြိုက်လေးတွေချက်ထားတာ စားကြည့်ပါအုံး။ "

" မစားချင်ဘူး "

"စားကြည့်ပါအုံးသားရယ်မေမေကိုယ်တိုင်ချက်ထားတာ "

" မစားဘူးလို့ပြောနေတယ်လေဗျာ "
ဒေါသသံခပ်ပြင်းပြင်းနဲ့အတူ ပြန်အော်လိုက်တာကြောင့် ဒေါ်ခင်နှင်းဆီ ရဲ့ရင်ထဲသိမ့်ခနဲဖြစ်သွားတော့သည်။ ဒီနေ့ သားလာမယ်ဆို‌လို့ သားအကြိုက်ဟင်းတွေကို အိမ်က စားဖိုမှူးတွေကိုတောင်မချက်ခိုင်းဘဲ ကိုယ်တိုင်စီပြီးချက်ပြုတ်ထားခဲ့သည်။ဖခင်ဖြစ်သူနဲ့ မျက်နှာကြောမတည့်လို့ အိမ်တောင်မနေတော့တဲ့ သားက ဒီနေ့တကူးတကပြန်လာတာလေ။ သူမအတွက် ထိုကလေးလေးက ဝမ်းနဲ့လွယ်ပြီးမမွေးခဲ့ရပေမဲ့ တကယ့်သားအရင်းလေးတစ်ယောက်လိုချစ်ခဲ့ရတာ။ သားငယ်ငယ်လေးကထဲက မိခင်အရင်းဖြစ်သူဆုံးပါးသွားခဲ့တာကြောင့် သူမကပဲမိခင်မေတ္တာတွေပုံပေးချင်ခဲ့မိတယ်။ ဒါပေမဲ့သားလေးကတော့ ငယ်ငယ်ကထဲကသူ့ရဲ့ ဖေဖေနဲ့မေမေကိုကွဲအောင်လုပ်ခဲ့တဲ့သူဆိုပြီးမုန်းတီးနေခဲ့တာ အရွယ်ရောက်လာလေပိုဆိုးလေပဲ။သားလေးရဲ့အထင်မှားမှုတွေနဲ့ အမုန်းတွေကို သူမမည်သည့်နည်းဖြင့်ပြေလျော့အောင်‌ဖြေလျော့ပေးရမည်နည်း။

ထမင်းစားပွဲရဲ့ထိပ်ဆုံးမှာထိုင်နေတဲ့ ဦးကျော်ဇောမှ သားဖြစ်သူကိုကြည့်ရင်းမျက်နှာခပ်တင်းတင်းဖြင့်