Unicode
ရှင်မင်းမြတ် ခေါင်းစိုစိုကိုတပတ်အဖြူတစ်ထည်နှင့်သုတ်ကာ ရေချိုးခန်းထဲကထွက်လာပြီး အိပ်ခန်းထဲအရောက် မက်ဆေ့ဝင်သံကြားလိုက်ရ၍ဖုန်းကောက်ကိုင်ကာကြည့်လိုက်တော့
" အိမ်ရှေ့ရောက်နေပြီတံခါးလာဖွင့်ပေးလှည့် "
" Omm "
သူဖုန်းစခရင်ကိုပိတ်လိုက်ပြီး
" ကြားသားမိုးကြိုး "
တီရှပ်အဖြူနှင့်ဘောင်းဘီဒူးတိုတစ်ထည်ကောက်ဝတ်လိုက်ပြီး သူအိမ်ရှေ့ဝန်းတံခါးဆီလျှောက်လာခဲ့လိုက်သည်။
*************
ရှင်မင်းမြတ်အကြိုက်မှန်းသိလို့ ဒီနေ့မေမေ့မွေးနေ့မှာမုန့်ဟင်းခါးချက်ဖို့အကြံရခဲ့လေသည်။ မနက်ခင်းထဲက စားစေချင်လွန်းလို့ အစောကြီးထပြီးချက်ထားတဲ့ မုန့်ဟင်းခါး။ ချက်ပြုတ်ပြင်ဆင်ပြီးတော့လည်း မေမေ၊ အန်တီဝင်း နဲ့ညီမလေး တို့ကိုသာ ဘုန်းကြီးကျောင်းဆီဆွမ်းကပ်အရင်လွှတ်ခဲ့လိုက်ပြီး သူကတော့ရှင်မင်းမြတ်ဆီဝင်ပြီးမှ လာခဲ့မည်ဟုပြောထားခဲ့သည်။ တံခါးဆီခပ်သုတ်သုတ်လျှောက်လာနေတဲ့ရှင်မင်းမြတ်ကိုတွေ့တော့ သူလက်ဝှေ့ရမ်းပြလိုက်လေသည်။
" ဘာလဲ ကြားသားမိုးကြိုး "
သူလည်း မုန့်ဟင်းခါးထည့်လာတဲ့သုံးဆင့်ချိုင့်ကိုမြှောက်ပြလိုက်ပြီး
" မေမေ့မွေးနေ့မို့ မုန်ဟင်းခါးလာပို့တာ "
" အန်တီ့မွေးနေ့လား "
" အင်း "
" ကြိုမပြောဘူး ငါလည်းလာလုပ်ကူမှာပေါ့ "
" မင်းကလား...."
" အေးလေ "
" တော်ပါ....ငါက မင်းအိမ်အပြင်မထွက်တော့ အသဲကွဲပြီးသေနေတယ်တောင်ထင်တာ "
" ပေါက်တက်ကရ "
" ဒီလိုလုပ်ပါ့လား စိတ်ပြေလက်ပြောက် ဘုရားလိုက်ခဲ့လေ "
" ဘုရားသွားမို့လား "
" အင်း "
" ခဏစောင့် အဝတ်အစားသွားလဲလိုက်အုံးမယ် "
တခဏကြာတော့ သူတို့နှစ်ယောက် ဘုရားကိုထွက်လာခဲ့ကြသည်။ မနက်ပိုင်းမှာမုန့်ဟင်းခါးဆွမ်းကပ်ပြီး ဘုရားတန်ဆောင်းထဲတံပြက်စည်းလှည်းကာကုသိုလ်ယူခဲ့ကြသည်။ ပြီးနောက် ခေတ္တအနားယူခဲ့ကြသည်။
YOU ARE READING
ရင်ခုန်သံ ရပ်ဝန်းလေး [ Completed ]
Teen Fictionချစ်ခြင်းရဲ့ကျော့ကွင်းအောက်မှာ ဒဏ်ရာဒဏ်ချက်တွေအပြည့်ရှိခဲ့တဲ့ကျွန်တော့်အတွက် ခံစားချက်ကိုမောင်းတင်လို့ အချစ်ဇုန်ထဲမည်သို့ခိုဝင်နိုင်ပါအံ့နည်း။သို့သော်တစ်စုံတစ်ယောက်ရောက်ရှိလာသောအခါ........ ခစြျခွငျးရဲ့ကြော့ကှငျးအောကျမှာ ဒဏျရာဒဏျခကြျတှအေပွည့ျရှိခဲ့တ...
![ရင်ခုန်သံ ရပ်ဝန်းလေး [ Completed ]](https://img.wattpad.com/cover/346100750-64-k839167.jpg)