♡" ချစ်လွန်း၍ ကွာရှင်းခဲ့သည် "♡
အပိုင်း (၃၈)
တချိန်က Acacia မှာ နတ်ဆိုးလေးများအဖြစ် ရက်ရက်စက်စက်တုံ့ပြန်တတ်ကြတဲ့ သည်လူငယ်လေးတွေဟာ သူတို့ကိုယ်ပိုင်နယ်ပယ်အသီးသီမှာလည်း ကျွမ်းကျင်ပါးနပ်စွာ ရပ်တည်နိုင်ကြသူများဖြစ်သည်။
ရွှေညိုရောင်မြွေမလေးလို့ တင်စားခံရတဲ့ Acacia အဖွဲ့ဝင် ညာလက်ရုံးမလေးအပရမ်ဟာ ' လရိပ်နှင်းဆီ ' ဂီတပညာကျောင်းရဲ့တယောဆရာမလေးအဖြစ်လည်း တာဝန်ထမ်းဆောင်လျက်ရှိသည်။ ထိုကျောင်းက မသန်စွမ်းကလေးငယ်များ၏ဘဝနေထိုင်မှုနှင့်ရှင်သန်ရပ်တည်မှုအတွက်များစွာ အထောက်အကူပြုပေးလျက်ရှိသည်။
Acacia ရဲ့ဘယ်လက်ရုံးဖြစ်သူ ဒေးဗစ်ကတော့ 'The Adventure Tiger (TAT)' ကိုယ်ခံပညာသင်တန်းကျောင်း၏တည်ထောင်သူတစ်ယောက်လည်း ဖြစ်သည်။ ထိုသင်တန်းကျောင်းမှ ရဲရင့်ထက်မြက်သည့် လူငယ်တွေကို နှစ်စဉ်မွေးထုတ်ပေးလျက်ရှိသည်။
Acacia ရဲ့အထူး Haker ဂျွန်ကတော့ ကျွမ်းကျင်ကွန်ပျူတာပညာရှင်တစ်ယောက်ဖြစ်ရပ်တည်နေပြီး Acacia အတွက်လည်း သုသမိုင်းရဲ့ 'Stars Light' ချေးမှုန်းရေး project မှာ သူ၏အစွမ်းအစတွေကို အကောင်းဆုံးထုတ်ပြနိုင်ခဲ့သည်။ 'Stars Light' ရဲ့ကွန်ပျူတာစနစ်ကို Hack ယူပြီး ဦးသက္ကကျော်ရဲ့သတင်းအချက်အလက်တွေကို ရယူနိုင်ခဲ့သလို ထိန်းချုပ်မှုများစွာကိုလည်း ပြုလုပ်နိုင်ခဲ့သည်။
အလွတ်တမ်းသတင်းထောက်တစ်ယောက်အနေနဲ့ရပ်တည်နေတဲ့ စူကာကတော့ 'Acacia' ရဲ့အထူးသတင်းထောက်တစ်ယောက်အနေဖြင့်အဖွဲ့အတွက် အကောင်းဆုံးလုပ်ကိုင်ခဲ့သည်။
သုမုချွန်(ခေါ်)ဧဝန်ကတော့ MBRT ကမ္ဘာ့အဆင့်မီနည်းပညာတက္ကသိုလ်က ပါမောက္ခတစ်ယောက်ဖြစ်သည့်အပြင် Acacia အဖွဲ့ဝင်တွေထဲက အပြောအချိုဆုံးနှင့်အရက်ဆုံးလူသားဖြစ်သည်။
သည်လူငယ်လေးတွေကို သခင်ကြီးက သူကိုယ်တိုင် နိုင်ငံခြားတိုင်းပြည်များသို့ ပညာတော်သင်များစေလွှတ်ကာ ပညာသင်ကြားစေခဲ့သည်။
ခေါင်းဆောင်သုသမိုင်းအပါအဝင် အပရမ်၊ ဒေးဗစ်၊ ဂျွန်၊ စူကာ၊ သုမုချွန်(ခေါ်)ဧဝန် စတဲ့လူငယ်လေးခြောက်ယောက်က Acacia အမည်နှင့် အဖွဲ့ဖွဲ့ကာ 'STARS LIGHT 'နဲ့ ဦးသက္ကကျော်ကို လက်စားချေတုံ့ပြန်ဖို့ စနစ်တကျလေ့ကျင့်ခဲ့ကြသည်။
