[Scroll down for Zawgyi]
♡" Lovingly divorced "♡
အပိုင်း(၉)
ရုန်းဘယ်လိုမှ ဆောက်တည်ရာမရ..တည်ငြိမ်အောင်ကြိုးစားလို့လည်းမရပေ။ မေမေ့ဖုန်းက ဘာလို့အချိန်တိုင်းခေါ်ရမရဖြစ်နေတာလဲ..??
ပြီးတော့ ခုလေးတင် ဥတျာဆက်ရဲ့အဖြစ်ကရော..တကယ်ပဲ သုသမိုင်းဆိုတဲ့ သူတော်ကောင်းပုဂ္ဂိုလ်ကြီးရဲ့ပရောဂရော ကင်းရဲ့လား...ရုန်းအမှတ်မမှားဘူးဆိုရင် ဖာရာရီ(ferrari) ပြိုင်ကားအနီရောင်လေးကို မြင်ဘူးနေတာအမှန်...။
ဟုတ်ပြီ!..ဒယ်ဒီ။ ရုန်းအတွေးထဲ ဖျက်ကနဲတစ်ချက် လက်သွားသည်။ ဒယ်ဒီကတော့ကျိန်းသေပေါက်သိနေရမယ်..
အားကိုးရာရှာတွေ့သွားပြီမို့ ရုန်းနည်းနည်းတော့ စိတ်သက်သာသွားသည်။အဝတ်အစား ခပ်သွက်သွက်လဲလိုက်ပြီး ခြံထဲသို့ ပြေးဆင်းလာမိသည်။
"ကိုဖို့ပြည့်.."
သက်တော်စောင့် ဖိုးပြည့်က အမြဲအသင့်ရှိနေဟန်နှင့်...
"အမိန့်ရှိပါမမလေး"
"ရုန်းအခု..'Stars House 'ကိုသွားမယ်..ဒယ်ဒီနဲ့အမြန်ဆုံးတွေ့ချင်တယ်.."
"ဟိုမမလေး...အဲ့ဒါက..မမလေး "
ကြောင်တိကြောင်တောင်နဲ့အရှေ့က လူကိုကြည့်ပြီးး ရုန်းစိတ်မရှည်တော့..
"ဘာလဲ..ရုန်းက ကိုယ့်အဖေဆီသွားတာတောင်..ရှင်တို့သခင်လေးရဲ့ခွင့်ပြုချက်လိုသေးလား.."
ဒေါသကြောင့် ရုန်းနှာခေါင်းထဲတောင်ချဥ်စူးနေသလိုခံစားလာရသည်။
" ရှင်မလုပ်ရဲဘူးလား..ပြောလေ.."
ဖိုးပြည့်က တုံ့ဆိုင်းနေပြီး ရုန်းကို တားဖို့ကြိုးစားလိုက်သည်။
"ကိုဖိုးပြည့်..ရှင်မလိုက်လည်းရတယ်..ရုန်းကိုတော့မတားပါနဲ့..ရုန်းသတိပေးထားရက်နဲ့မှ တားနေမယ်ဆိုရင်ရုန်းက မယဥ်ကျေးတတ်ဘူးနော်.."
အမြဲ မျက်စိအောက်မှာထားပြီး အရာရာသတိထားအကြည့်ခံနေရအောင် ရုန်းကတရားခံမှမဟုတ်ဘဲ...
လမ်းကို ပိတ်ရပ်ကာ ခါးညွှတ်ထားသည့် ဖိုးပြည့်ကို ရုန်းတွန်းပြီး ထွက်လာခဲ့သည်။
