Chasing my Heart Thief [ON-HOLD]

Kabanata 10

Nang makauwi sila sa apartment ay mabilis siyang pumasok sa loob at hindi na nilingon ang binata. Ang tanga niya kasi eh, bakit niya pa nakalimutan 'yon? Dahil ba nababaliw na siya sa init ng katawan niya?

Sinapak niya ang ulo para magising siya sa katotohanan.

"Ouch," daing niya. Sinubsob niya ang mukha sa unan. Sumigaw siya roon ng sumigaw. Nagi-guilty talaga siya. Hindi naman siya gano'ng klaseng tao pero bakit niya iyon nagawa.

Natigilan siya nang tumunog ang cellphone niya at si Warren iyong tumatawag. Agad niyang sinagot para komprontahin ito sa nangyari sa kaniya kahapon.

"Hello-"

"Bakit hindi kita matawagan kahapon? Alam mo ba 'yong balak gawin sa akin ni Jago?" inis na bulalas niya rito.

"Nagreklamo sa akin si Jago, Des! Kung hindi lang daw may nagbayad ng mas malaki pa sa kaniyang halaga ay ipapatumba niya ako." Natawa siya ng maiksi nang marinig ang galit na boses nito.

"Siraulo ka ba? Ikaw pa ang galit ngayon? Baka nakakalimutan mong hindi kita responsibilidad, Warren!"

"May boyfriend ka raw na mayaman?" Kumunot ang noo niya dahil sa pagtatanong nito. 

"Kung mayroon man, wala ka na roon!"

"Des, hindi pa ako kasal..."

"Oh, anong gagawin ko? Putangina naman, Warren! Huwag mong sabihin na balak mong makipagbalikan sa akin?" natatawang ani niya. Gusto niyang matawa dahil hindi niya gusto ang pinaparating ng lalaki sa kaniya.

Napatayo siya nang may kumakatok sa labas ng pinto niya at sunod-sunod iyon. Naiiritang binuksan niya ang pinto at tumambad sa kaniya ang wala sa mood na mukha ni Arkin. Sinenyasan niya ito na maghintay lang pero pumasok pa rin sa apartment niya at umupo sa sofa niya kaya wala siyang nagawa kun'di isarado na lang ang pinto. 

Natahimik ang kabilang linya kaya naintindihan niya na ang gustong iparating nito. 

"Kung wala ka ng sasabihin ay 'wag na 'wag mo akong guguluhin dahil ito na ang last na pinagbigyan kita!"

"Magka live-in lang kami ng partner ko, Des. Hindi ko na siya mahal, tanging ang anak lang namin," sambit nito sa mahinang boses. Napabuga siya ng hangin, gusto niya itong sabunutan.

"Wala akong pakialam na sa problema mo. Basta natulungan na kita para anak mo, 'wag mo na ako guluhin pa! Masaya na ako Warren bakit ba ang kulit―" Hindi niya natapos ang sasabihin dahil may humablot ng cellphone niya.

"If you won't stop pestering my woman, then be ready because you will not see daylight again, you fucker." Pinatay nito ang tawag at binalik ang tingin sa kaniya. 

"Done. So, now, talk to me." Kinuha niya ang cellphone dito at tinalikuran. Hindi niya alam kung anong pag-uusapan nila pero hangga't maaari ay ayaw niya muna itong kausapin. Nabo-bobo ata siya dahil sa mga desisyon na nagawa niya. Sabi niya hindi siya magsisisi pero ito sising-sisi siya.