Chasing my Heart Thief [ON-HOLD]

Kabanata 29

"You should tell me first, mamita... I didn't even know that you're the 'lola' she always tell."

"I'm sorry, okay! Kaya nga gusto ko kayo makausap. Hindi ko naman alam na bigla kang magpo-propose sa kaniya! It should be a grand proposal, Arkin!" 

"I should find a santol now before she woke up—"

"Santol? is she craving? Mag-uutos na lang tayo para huwag ka ng umalis."

"It should be small santol. Ayaw niya ng malaki."

"Okay, okay. Wait here, I'll tell manong to buy a lot of small santol." 

Unti-unti niyang dinilat ang mata nang marinig na may nag-uusap. Gumalaw pa siya at umunat, naramdaman naman niyang may humaplos ng marahan sa tiyan niya.

"Baby..." Bumungad ang mukha ni Arkin pagkadilat ng niya. Nasa tabi niya ito at nag-aabang na magising siya. Agad siyang napabangon nang maalala ang nangyari.

"N-nasan si l-lola?" tanong niya sa binata. 

"Don't force yourself to get up! Mahihilo ka niyan," saway nito sa kaniya. Nilibot niya ang paningin niya at nakita niya ang matanda na papunta sa kanila.

"You awake, Desiree? Nagpabili na ako ng maliliit na santol kay manong." Napatakip siya sa bibig niya gamit ang palad nang mas makita ito sa malapitan. 

"L-lola? ikaw si mamita?!" pagkukumpirma niya. Hindi pa rin siya talaga makapaniwala dahil ang pagkakakilala niya kay lola ay mahirap lang talaga dahil sa itsura nito noong niligtas siya. 

"Ako nga, Desiree," nakangiting sambit nito at tumabi sa kaniya. Hinawakan pa nito ang kamay niya kaya alam niyang totoo ito at hindi isang panaginip. 

"P-paanong... paano..." Napahawak siya sa noo at pilit kinakalma ang sarili. "B-bakit gano'n ang itsura mo dati, lola? Parang ibang iba sa tunay na ikaw?" Napaka-elegante kasi nito tingnan at higit sa lahat sobrang linis. Noong araw na niligtas siya nito ay medyo madungis ito tingnan at magulo pa ang buhok kaya labis ang pag-aalala niya rin dito at kinuha ang number ng matanda para lagi niyang makumusta.

"Madam is a vlogger—"

"Ay palaka!" Napahawak siya sa dibdib niya at napalingon nang may magsalita sa likuran niya banda. Iyon ang babaeng assistant ng mamita ni Arkin na tinawanan niya ng sobra noong unang kita nila.

"Mukha ba akong palaka madam?" seryosong tanong nito sa matanda. 

"Tumigil ka muna! Ako na ang mag-e-explain," ani ng matanda kaya napatingin siya rito.

"Ang hobby ko kasi ay mag-vlog at gumawa ng social experiment," kumamot ito sa ulo at nakita niyang napasulyap ito kay Arkin.