အခန်း ၇၅ ထိတ်လန့်ဖွယ်ရာပြောင်းလဲမှု
"သခင်ကြီးလီမှာ ဒီလိုကြင်နာမှုတွေ ရှိနေတယ်ပေါ့... ဆိုတော့ ထိုက်ဇီဖေးက ဘာလို့ ဒီလက်ဆောင်ကို ဒီမင်းသားနဲ့ မဝေမျှတာလဲ" သူ့လေသံက ပေါ့ပျက်နေပြီး လှောင်ပြောင်မှုများနှင့် ပြည့်နေသည်။
လဲ့ကျစ်က သူမထိုင်ခုံမှာ ပြန်ထိုင်ဖို့ကလွဲလို့ ရွေးချယ်စရာမရှိတော့ဘဲ ခေါင်းကို ငုံ့ထားလိုက်ပြီး "အရှင့်သား...ဘာတွေလုပ်နေတာလဲ"
သို့သော် ဟော်တူက သူမကို ပြုံးရုံပဲ ပြုံးကာ ကြည့်နေပြီး ဘာမှ ပြန်မပြောပေ။
ဘေးနားရှိ အန်းရွှယ်က ရှင်းရှင်းလင်းလင်း သဘောပေါက်သည်။ သို့သော် ဤအခြေအနေက ခရမ်းရောင်ဝတ်ထားသော အမျိုးသမီးအတွက် အနည်းငယ် နားမလည်နိုင် ဖြစ်နေသည်။ သို့သော် သေသေချာချာ တွေးကြည့်ပြီးနောက် သူမ ရုတ်တရက် နားလည်လိုက်တာက.....
အရှင့်သားထိုက်ဇီနဲ့ ထိုက်ဇီဖေးမှာ ကောင်းမွန်တဲ့ ညီညွှတ်မှု ရှိပုံမပေါ်ဘူး...
ထိုက်ဇီဖေး ခန်းမထဲသို့ ယခုလေးတင် သူမ ဝင်လာသည်ကို မြင်သောအခါ သူမ ထရပ်ပြီး ထွက်သွားတော့မည်ဖြစ်သော်လည်း အရှင့်သားက သူမကို ခွင့်မပြုဘဲနေရန် တမင်တကာပင် အမိန့်ပေးခဲ့သည်။ ဒါက သူမကို မျက်နှာပျက်အောင် တမင်လုပ်တာ မဟုတ်ဘူးလား?
ဤကိစ္စက သူမအတွက် အခွင့်ကောင်းတစ်ခု ဖြစ်နေသည်။
"ကျွန်တော်မျိုးမက အရည်အချင်းသိပ်မရှိပေမယ့် အရှင့်သားထိုက်ဇီနဲ့ ထိုက်ဇီဖေး ရှု့စားနိုင်ဖို့ ကပြဖျော်ဖြေချင်ပါတယ်" သူမက စကားပြောပြီးသည်နှင့် သူမ၏ အပြင်ဘက်အင်္ကျီကို ဖြည်ချလိုက်ပြီး သူမ၏ အတွင်းခံအဝတ်အစားများကို ပေါ်လွင်လာစေသည်။
လဲ့ကျစ်၏ မျက်လုံးများက ဆွဲဆောင်ခံလိုက်ရပုံပေါ်သည်။ ခရမ်းရောင်ဝတ်ထားသော အမျိုးသမီးက ကပြနေစဉ် သူမ၏ ပါးလွှာသော အတွင်းခံအဝတ်အစားများက သူမ၏ ဖြူဖွေးနုပျိုသော အသားအရေကို ဖော်ထုတ်ရန် သူမ၏ ပခုံးများဆီသို့ တဖြည်းဖြည်း လျှောကျလာသည်။
YOU ARE READING
ရန်သူ့အိမ်ရှေ့စံ
General FictionMyanmar Translation of China Web-Novel "After Marrying the Disabled Crown Prince of the Enemy Country" (only just for fun) English Title : After Marrying the Disabled Crown Prince of the Enemy Country Original Authors : 新了个喵 English Translators :...
