The Owner of Moon 🌙 ( සඳේ අයිතිය සොයා)✔️✔️ KookV

18

නාගෙන ඇවිත් මන් සුදු ඇදුම් ටික වේලෙන්න දැම්මා.. ලොකු අම්මගේ ඇඳුමුත් අනිත් පැත්ත හරව හරව දාලා ශර්ට් රැග් එකක් අරන් මන් කිරිසුදු වෙනකන්ම අතුල්ලපු සදැස් ගේ ශර්ට් එකත් වැලේම කොනක එල්ලුවා...

පපුව කීන් ගානවා..

ශර්ට් එක මැද තිබුන සපත්තු පාර මන් පැය භාගයක් විතර ඇතිල්ලුවා.. මන් හිතුවේ ගමේ විතරයි කෙළගෙන ගහන්නේ කියලා.. බැලින්නම් එහෙම නෑනේ ලොකූ... හනේ හනේ ටවුමෙත් මරාගන්නවනේ හරි අපූරුවට...

පාඩම් කරන්න ඕන උනාට හිතට හරි නැති නිසා මන් ටීවී එක දාගෙන ෆෝන් එක අතට ගත්තා...

ලොකු අම්මගෙන් මිස් කෝල් දෙකක් තියෙනවා... මන් ආපිට ඒ හාට් දාපු නම්බරෙ ඩයල් කලා....

රං..පුතේ...

දෙපාරක් රින්ග් වෙන්නත් කලින්ම ඒ සීදේවි කටහඬ.... මන් හරි ආසයි ලොකු අම්මා මට කථා කරන විදියට...

ඕ.. ලොකු අම්මා...ඇයි ගත්තේ...

ගෙදර ඇවිත් ද බලන්න ගත්තේ.. හිතට මහ මොකක්ද වගේ රං.. දොරවල් වහගෙන ඇතුළට වෙලා ඉන්න පුතේ.. එළියට පහළියට යන්න එපා....

හුම්ම්... ඔයත් පරිස්සමින් එන්නකෝ...
ආදරෙයි හොදේ..කුමාරී......

ලොකු අම්මා හිනා වෙනවා... මටත් මොකක්ද වගේ තමයි ලොකු අම්මේ..කියලා කොහොම කියන්න ද..  මන් ෆෝන් එකත් පැත්තකට දැම්මා.. ඕශිලගේ නම්බර් දැන් මන් ගාව තිබුනත් මැසේජ් කරන්න බෑනේ.. උන් පන්තිනේ..

පාඩම් කරන්න හිතෙන්නෙම නැති නිසා මන් ටීවී එකත් ඕෆ් කරලා ඇඳට පැන්නා...

ගමේ හිටියනම් මන් මේ වෙද්දි කොහේ හරි වැඩ කරන්න ගිහින්... ඒකත් හොරාටනේ ඉතින්... ඒ හම්බුන සල්ලි වලින් මන් සමහර දවස් වලට මට ඕන පොත් ගත්තා.. නැත්නම් මොනවහරි කඩචෝරුවක් කෑවා.. කරේම ගොන් වැඩනේ... අනේ අනේ සමන්ත..

මන් බකුසුව ඇරෙන්න අනිත් හැමදේම මතක් කරන්න හැදුවත් මට ආයෙම මතක් උනේ ඒ රූපේ..

ඒ රකුසු බැල්ම..... චූටී ගාලා මහ සෙනඟ මැද්දේ උනත් කෑගහන විදිය... ඒ බකූසු ඇස් බයෙන් පිරුනු හැටි... මාව දැකලා ඇයි එච්චරටම බය උනේ සදැස්...