နောက်တစ်နေ့ မနက်ကျတော့အရာအားလုံးအဆင်ပြေတယ်လို့ ဆိုပေမယ့် အဆင်မပြေတာက ဒရစ်နဲ့ဂျွန်။
ဂျွန်လည်း အခန်းကနေ ဘယ်မှ မသွားချင်ပေမယ့် သခင်လေးအခန်းထဲကို လာလိုက်သည်။
အခန်းထဲရောက်တော့ နှစ်ယောက်လုံး စိတ်မကြည်နေတာကြောင့် စကားမပြောပဲ ဆိုဖာ မှာထိုင်နေကြသည်။
ထို့နောက် ဂျွန်ကပဲမနေနိုင်တော့ကာ
" ကျွန်တော် သိချင်တာရှိလို့ ..",
"ပြော.."
ဒရစ် ဖုန်းကိုသဲကြီးမဲကြီးကြည့်ရာကနေ ပြင်ပြီး စကားလက်ခံလိုက်ရော
ဂျွန်လည်း အားတက်သရော နဲ့ ဒရစ်ကိုကြည့်ကာ
" သခင်လေး ချစ်ဖူးလာ..?"
ဒရစ်လည်း ဂျွန်ကိုဂြိုလ်ကြည့်ကြည့်ကာ
" မင်း ငါနဲ့နေလာတဲ့ သက်တမ်းမှာ ငါရည်းစားထားတာတွေ့ဖူးလို့လာ..?"
"ဟုတ်သား ရည်းစား က ထားပါ ဒါနဲ့ နမ်းဖူးလာ.."
"အဟွတ်..အဟွတ်..အဟွတ်.."
" ဘာ ဘာဖြစ်တာလဲသခင်လေး အဆင်ပြေလာ.."
ဂျွန်ရဲ့ စကားကြောင့် ရေမသောက်ပဲ တံတွေးတောင်သီးသွားတော့တယ်။ ရည်းစား မထားဖူးပါဘူးဆိုမှ နမ်းဖူးလားဆိုတော့ ဒရစ်လည်း ဖြေစရာမရှိ
" မင်း မင်း ဘာပြောတယ်.."
".....",,
ဒရစ်လည်း ဂျွန်ကို စောင်းကြည့်ကာ မျက်လုံး မေးခွန်းတွေ ထုတ်လျက်
" ကျွန်တော် သိချင်တာ အချစ်က ဘယ်လိုမျိုးလဲ ပြီးတော့ ဆက်ဆံရေးတိုင်းက အချစ်ဆိုတာလိုလို့လားပေါ့ အဲ့တာ သခင်လေးများသိမလားလို့.."
ဒရစ်လည်း အချစ်ရေးဆို ဝေးလာဝေးအောင် ကွာဝေးတာကြောင့် သူလည်းမသိ။
အချစ်ကြောင်းကို ယောက်ကျားလေးနှစ် ယောက် မျက်နာချင်းဆိုင်ပြီး ဆွေးနွေးတာတော့ ကြည့်ရတာ နည်းနည်း ကြောင်စီစီနိုင်ပေမယ့် မလွဲသာ။
ပြီးတော့ နှစိယောက်လုံးက အသက်သာရာနဲ့ချီပြီးရှိတာယခုထိ အချစ်ကို ဘာမှန်းမသိသေးတာကြောင့်ပိုတိုင်ပတ်နေတော့တယ်။
" ငါလည်း မသိဘူး မင်းသိချင်ရင် သခင်ကြီးကိုသွားမေး.."
"ဟာ သခင်လေးကလည်း.."
