Part1 .
.
.
"خطوات سريعّه ".. "امطار تتساقط بكثرهه"
" أشخاص مُبهمّين يركضون خلفه "
"صوت صراخ وبكاء طفل ".."دماء بكل مكان "
"جبال بكُل مكان ".."بيوت متهرئه وقديمه"
"سلسال يوضع على بطنه ".."ارجل امراه هاربه"
.
.
.
صحى مفجوع على صوت الديك يُعلن دخول وقت الصلاه اخذ نفس عميق ويناظر المكان حوله وكان عباره عن "مخيم وحلال وبعض الجبال تحاوطه":لمتى بشوف هالحلم؟ *يناظر بديك* اشكرك صحيتني على لحظه مهمه.
"راح يوضي ويصلي ويزين له فطور وجلس مع الراعي "
.
.
الراعي: اورنس عادي اسالك؟
اورنس ابتسم له:ايه
الراعي:ليش كل يوم احصلك صاحي بدري وانت تنام متاخر ؟
اورنس تنهد:لاني احب اشوف منظر الشروق .
الراعي وهو ينظر له بعدم تصديق :معك حق الشروق منظر م يتفوت .
اورنس: شرايك اريحك وارعى اليوم عنك ؟
الراعي ضحك:لا عشان عمي يذبحني خلني انا اقوم بمهمتي وانت ارجع الديره.
اورنس عبس وجهه:لاتجيب طاري الديره
الراعي:بس انت وراك مصالح لازم تنجزها م يصير تقضي وقتك كله هنا .
اورنس يشرب الشاي: م عليك م عليك.
.
.
.
*في الديره*
*بيت سهاج*
*نود جهزت الفطور والتم الكل يفطر *
نجمه *امهم* تناظر في رمح ونود:متى تداومون؟
نود: انا بعد ساعه
رمح وهي تشرب الحليب :انا بعد ساعتين
امهم رفعت نظرها للحن المنسدحه وتطقطق بجوالها:وانتي متى تكملين جامعتك ؟
لحن:يمه يقولو لي السنه الجديده يفتح تخصصي اللي ابيه .
امها:طيب لاترتبطي فيه ادخلي تخصص ثاني؟
لحن عقدت حاجبها:اما هو ولا مابدخل .
*ابوهم المستمع لحديثهم بصمت *
امها:ترا مايصير تقعدين كذا عمرك بيروح وانتي تنتظري
لحن ولازالت عاقده حاجبها:طيب يمه اللي تبينه اذا مافتح السنه الجايه بدخل اي تخصص
رمح تناظر فيها وتضحك: خليها يمه هذه مو وجهه دراسه
لحن تشوتها بعلبة المويا:اص انتي وتخصصك التغذيه بنهايه تسممين الناس .
رمح تضحك:اسممهم ونود تعالجهم
نود ب ابتسامه هاديه: قصدك اعالج ضحاياك
لحن تضحك:معترفه انها ناويه عليهم
*سهاج ونجمه يناظرون بناتهم ويضحكون*
سهاج تنحنح:يلا اوديكم للجامعات
لحن نطت بوجهه:افا توديهم وانا موجوده؟ انا بوديهم.
سهاج ربت على كتف بنته:زين بس انتبهي مع الخط .
رمح بترجي:تكفين مانبي الشاص حقك
لحن ضحكت:حبيبتي انتي الشاص يكرم عليك
رمح عصبت :وجع من زينك انتي والفشيله ذا .
نود:لحن خلصينا بنتاخر .
"اخذتهم لحن بسياره ثانيه ودتهم كلهم"
"دخلو الجامعه ،ولحن رجعت البيت"
.
.
*بعد مرور الوقت ،ساعه ١٠ صباحاً"
*بيت عائلة حياد الـ سهيل*
.
*حياد جالس بحوشه الخارجي وقدامه الفطور والقهوه والشاي وبجانبه الايمن زوجته الرغد *
حياد رفع نظره للبقية ابنائه وبناته متجمعين: اليوم عند عمكم سهاج عشاء لسلامة امي المشغول يتفرغ علشان نجيهم من الظهر .
سهيل:اسبقوني انتم راح الحقكم بعد اجيب عيالي من الدوام
حياد: زين
شرار تبسم:اجل يبه بسبقكم من الحين
حياد يرفع نظره لولده:ليه؟
شرار اخفى ابتسامته:عارف ماعنده احد غير لحن بروح اساعده
ملهم يبتسم ويناظر شرار:لا م يحتاج عندهم اورنس
شرار يناظر فيه:ولد العم اقرب من الغريب .
جمر اكتفى من الفطور:لاجيتو تروحو صحوني .
حياد ناظر ولده الهادي ذا :روح مع اخوك مو وقت نوم
جمر تنهد:طيب
*شرار وجمر راحو لبيت عمهم*
.
.
*بيت سهاج*
سهاج:لحن روحي للحلال وشيكي على وضعهم واطلبي ٥ خرفان وبعد جيبي اورنس معك .
لحن لبست عبايتها:ابشر يبه ،لكن البنات من يجيبهم؟
سهاج بيتكلم الا دخل شرار وجمر:السلام عليكم
لحن والشيله على اكتافها: وعليكم السلام .
سهاج:جيتو بوقتكم
شرار:سم ي عم وش فيه تبي نساعدك
سهاج:سم الله عدوك ،لكن ابي واحد منكم يجيب بناتي من الجامعه
*جمر يناظر لحن وياشر بعيونه لها بمعنى على وين!*
لحن همست بخفه:للحلال.
شرار:ابشر انا اجيبهم
لحن:يلا استاذنكم *طلعت لحن وركبت الشاص وراحت به*
*شرار طلع وراها واتجه للجامعه*
جمر يناظر عمه ببرائه:جدتي جت ولا اجيبها انا؟
سهاج يناظر الولد الهادي ابو ملامح بريئه:لا بجيبها انا
جمر:اوصلك ي عم؟
سهاج ابتسم:لا يبوك اقعد هنا لمن تجي لحن واورنس .
جمر ابتسم:تمام
.
.
*بدولة جورجيا *
.
"الطقس البارد المثلج جداً".. "بخار القهوهه المتصاعد"
"ايباد ملقي على الطاوله"
اخذ نفس عميق ينظر حوله:الحمدلله على تمام الامور.
امسك بقهوته يشرب منها مبتسم:اخر يوم وارجع ديرتي وبين اهلي وربعي
صديقه الامارتي:هيه نرجع ديارنا والله عجزنا للحظه ذي
برق ضحك:اقول مجيد مالك نيه تجي السعوديه ؟
مجيد:اوهه اكيد بجيك واول من يستقبلني انت
بـرق:احلى من بيجي بتنور السعوديه فيك
مجيد:حبيبي بس هاه شوف انا اجيك وانت تجيني
بـرق:ابشر ابشر .
مجيد يناظر ساعته:يلا هذا وقت طيارتنا لدبي .
بـرق:يلا
"راحو لطيارتهم متوجهين لبلادهم"
.
.
"بيت عائلة هداج الـعواد*
.
.
"هداج يقرا قران في غرفته وقاطعه دخول احفاده يلعبون عنده ،استئنف قرائته وقعد يلاعبهم "
دخل فاضل:يبه فاضي؟
ابوها جلس وناظره: هلا
فاضل يصرف الاطفال وجلس مقابل ابوه:يبه مدري كيف افاتحك بالموضوع لكن
هداج قاطعه:ادخل لي فيه عطول
فاضل :يبه البيت رهنه البنك
هداج انصدم:نعم!! مو عساس انت تتكفل بالقرض
فاضل يمسح وجهه:صح بس البنك يطلب زود وانا سوولي ايقاف خدمات لين اسدد ربعه الحين
هداج عصب:والحل الحين بتقعدون بدون بيت
*دخل هادف على صوتهم:شفيهه
*فاضل قال له السالفه*
هادف عقد حاجبه:طيب عندي ارض ابيعها ونسدده بقيمته
*هداج يكلم بجواله البنك ويتفاهم معهم ،قفل وناظرهم *
هداج:م يحتاج تبيع ارضك ،البيت سلمته لهم خلاص واخلينا مسؤولية القرض
فاضل :يبه وين نروح
هداج:نرجع للشمال وديرتنا
هادف:صعب بعد العمر ذا كله نرجع للشمال.
هداج:انتهى الموضوع بلغو اخوانكم واهلكم من بكرا كل شي جاهز عشان نسلمه .
*فاضل وهادف طلعو يبلغو اهل البيت *
هادف :شرايك بعد م يخلصون احتفالهم في برق نبلغهم
فاضل:ايه افضل مانبي ننكد عليهم .
.
.
*عند الحلال والمخيم*
لحن وقفت السياره عند الحلال ونزلت الشباك تنادي الراعي:ي جمال !
جمال جاء يركض :اهلا بلحن
لحن:هلابك،اذا م عليك امر حمل الغنم بسياره .
جمال:ابشري .
لحن نزلت وراحت صوب جبل قريب وداخله كهف وقفت عنده ونادته:شديد!
شديد جاء يركض لها ونط عليها،لحن تضمه وتمسح على راسه :وحشتني
*شديد يلتف حولها بمعنى هو اشتاق *
لحن تمسح على راسه وتناظره:اصبر بس اخلص الازمه عندنا واجي اجلس عندك هنا .
*شديد يناظر بعيونه الحمرا لها وكشر عن انيابه*
لحن ضحكت:لاتزعل خلاص بيبدا الويكند بعد بكرا واكون عندك.*تضمه*
شديد كشر عن انيابه زياده ويناظر خلفها بيهجم ،التفت لحن على وراء وصرخت:اورنس اطلع من هنا بسرعه
*اورنس طلع من عندهم *
لحن تهدي شديد:خلاص اهدا .
*شديد رجع على وراء ودخل داخل الكهف ،لحن ناظرته وتنهدت وطلعت *
.
.
اورنس واقف بعيد ينتظرها وشافها جت:شديد واضح يكرهني
لحن ب استغراب:مدري شفيه مع جمال وخواتي وابوي عادي الا معك يبي يهجم عليك
اورنس متنهد:واضح يكرهني
لحن:اعترف وش مسوي له
اورنس ضحك:م سويت شي ولاقربت صوبه
لحن وهي ماشيه اتجاه السياره:غريبه،المهم يلا امش معي
اورنس عقد حاجبه:وين
لحن:ناوي تموت هنا انت؟
اورنس:ايه
لحن:اقول اركب بس اليوم عندنا عشاء وبتمشي معاي
اورنس يحك راسه:زين زين
*ركبو بسياره ومشو اتجاهه الديره*
.
.
*عند الجامعه*
*نود طلعت بدري وقفت برا تنتظر السياره وبنفس الوقت رمح*
شرار وقف السياره وناظر فيها وسمعها وهي تضحك من تحت النقاب لصديقتها وهمس بخفه:
« عسّى وجهك ضحُوك وبسمتك ممتده »
،
نود ناظرت السياره وعقدت حاجبها:ذي سيارتنا بس ذاك شرار؟
صديقتها دفت كتفها بخفه:من الحلو هذا
نود :ولد عمي
الهنوف:عرفيني عليه
نود تجاهلتها:يلا بمشي الظاهر جاي بدل لحن .
الهنوف:ايه اهربي .
نود ابتسمت:باي
.
نـود جت وقفت قدامه:سلام
شـرار:وعليكم السلام.
نـود:غريبه وش اللي جابك بدل لحن !
شـرار:جابني الشوق
نـود:نعم؟
شـرار حس بنفسه:اقصد عمي ارسلني لان لحن مشغوله
نـود :اها *ركبت نود قدام*
شـرار يناظرها ويشم ريحة عطرها الفواحه تنهد:عطرك ذا لاعاد تحطينه.
نـود عقدت حاجبها:ليه؟
شـرار:مخنز ،مطلع معك ريحه مخنزه
نـود تضايقت:اما ،معقوله مخنز لدرجه ذي؟
*شـرار يهز راسه بـ أي *
نـود ناظرت فيه وهو يتبسم بخبث:مو مهم اهمشي عاجبني
شـرار ضحك:براحتك ،بس لاعاد تحطينه وانتي طالعه بالجامعه براحتك
نـود:وشدخلك انت؟
شـرار توهق:ولد عمك
نـود:اشش ي ولد العم .
شـرار التفت عليها بيرد بس سهى بعيونها الجمليه ونطق لاشعوريا:
« سبحان من جمل عيونك لسلب عقلي»
نود تفاجئت منه،:شتقصد
شـرار حس بنفسه وقلب وجهه الوان،وصرف الموقف بسرعه:طالعي البنت اللي بسياره جنبك شوفي عيونها
نـود تلفت للبنت الصغيره اللي بسياره:شفيها عيونها؟
شـرار:عيونها ماشاء الله .
نـود حست بشعور غريب:ايه ماشاء الله .
*صارت تدق على رمح وتستعجلها تطلع*
*شـرار ساكت ويناظر السيارات*
*رمـح جت وركبت بسياره وسلمت عليهم، ومشو*
رمـح تناظر نظرات شرار لنود:صاير شي بينكم؟
نـود التفت عليها:لا
شرار يناظر فيها ثم لرمح:كيف دوامك؟
رمـح: زي الحلاوه.
شـرار:زين.
"رجعو للبيت،بلحظة وصولهم وصلو لحن واورنس *
رمح نزلت بسرعه وركضت لااورنس وضمته:اشتقت لك
اورنس ضحك وضمها:وانا بعد ي احلى اخت بالدنيا
شرار نزل وسلم على اورنس:وين مختفي؟
اورنس:ابد عند الحلال .
شرار:مر سلم علينا
اورنس:ابشر
*شرار رفع نظره للحن الواقفه جنب السياره تقفلها وجت ماره*
شرار:طيب سلمي ؟
لـحن ناظرت فيه:مسوي توك تشوفني الصبح كنا مع بعض
شرار خبط راسه وضحك:نسيت
"دخلو كلهم داخل "
.
.
"كلهم بدوء يشتغلون سوا العيال بقسم الرجال يرتبونه ،والبنات داخل يرتبون انفسهم"
*لـحن دخلت وحصلت اختها نـود جالسه وتفكر*
لـحن:تفكرين بشنو؟
نـود:الهنوف
لحن:شفيها
نـود:درت به عزيمه عندنا بتجي
لحن:طيب وش المشكله
نـود:مو عشاني عشان شرار.
لحن ب استغراب:شعرفها فيه؟
نـود:شافته اليوم وطار عقلها فيه.
لـحن:طيب وانتي شفيك منزعجه؟
نود:مو منزعجه ولاشي
لحن عقدت حاجبه:هيه ليكون تحبينه؟
نـود بانكار شديد:لا مستحيل شفيك انتي،*قامت من مكانها رايحه للحمام*كلشي حب
لحن ضحكت:والله ي نـود طحتي ومحد سمى عليك .
.
.
*في بيت هـداج*
«الكل يجهز الاحتفال لـبرق »
*ميهاب راح يستقبله*
وطن تتكلم مع هيام:ابوي وجهه غريب؟
هيام:ايه واضح فيه شي
وطن:يمكن يعوره شي؟
هيام:ممكن
.
.
*بعد مرور ساعات وجاء العصر *
.
.
*بيت سهاج*
*اهل حياد كلهم وصلو ودخلو عندهم .*
*الشباب راحو بقسم الرجال التمو*
*البنات توزعو بالبيت*
*رتيل مع نود جالسات مع حريم اخوانهم يسولفون،ورذاذ ورمح سوا*
شذى زوجة سهيل:وين لـحن؟
نـود:ترتب نفسها وتجي
رذاذ:حيوانه جيتها حصلتها مقفله الغرفه .
نـود ضحكت:ايه هذا نظامها غرفتها محد يدخلها .
رمـح:خلوها على راحتها بتنزل باقي الضيوف م جو .
*قعدو يسولفون البنات*
.
.
*قسم الرجال*
*حياد وسهاج جالسين سوا يسولفون*
*سهيل وملهم وشرار وجمر واورنس جالسين *
اورنس فز وقف عند الباب يوم شاف به رجال جايين ،قعد يرحب فيهم ودخلهم داخل ،جمر اخذ القهوه يقهويهم*
.
.
ملهم بصوت خافت لسهيل:للحين م تعرف وش سالفة اورنس؟
سهيل:لا كل اللي اعرفه انه متبني .
ملهم:يجيني شعور غريب اتجاهه من زمان.
سهيل:م عليك به .
ملهم ميل طرف شفته :زين.
.
.
.
*بيت هداج ،*
*وصل برق واحتفلو فيه وامه تبكي فاقدته له ١٠ سنوات مو عندها *
*بـرق يضمهم ويدمع من شوقه لااهله*
.
.
*بعد مرور الوقت وصار ليل ,اهل سهاج عندهم عشاء ومشغولين فيه،*
.
.
*عند هـداج*
هـداج شافهم كلهم موجودين :اول شي الحمدلله على سلامة رجوعك ي برق والحين بقول لكم شي مهم جداً .
*الكل انتبه له*
وطن بهمس:كنت عارفه ان فيك شي.
هـداج:للاسف بيتنا اخذه البنك والكل يضب اغراضه واللي عنده دوام يطلب نقل للشمال ،بنرجع لديرتنا
*الكل انصدم عادا فاضل وهادف *
غدي:وش السبب ليه ياخذه؟
فاضل:مانقدر نسدد القرض والمده انتهت
برق :على رجعتي يعني بنرجع للديره الكريهه ذي .
مرعد:وجهك نكبه انت
رعد ضحكت والكل ساكت:والله مرعد صادق
بـرق:انطم انت والقرده الثانيه.
وطن:ارجع ي برق يمكن يردو بيتنا
برق :افااا ،مانيب راجع
هيام:والله مادانيها ذي الديار
ميهاب:بالعكس انا مبسوط .
مرعد:على وشو
ميهاب:هاديه وجوها بارد وقت الشتاء ثلوج وامطار وقت الصيف اشجارها وهواها يرد الروح
برق:يمه اعترفي انتي راميه سره بذا الديره؟
أنت تقرأ
لـحن عيناك كـبرق اصابني.
Fanfictionروايتي الاولى *لـحن عيناك كـبرق أصابني * موجوده واتباد:ilgli0 . للـكاتبه : مـهيار. انستا: o.ellv لااستبيح السرقه وتغير الحقوق .
