لـحن عيناك كـبرق اصابني.

تضاحيك .

نـود تشوف ملامحه عن قرب:أمر بغيت شي
شرار حس بنفسه:ايه ابي علاج ابوي مع امي
نود:طيب بجيبه لك
شـرار:زين
*دخلت نـود وطلبت العلاج واخذته ورجعت له*
نـود تمده له:تفضل
شرار مسك يدها بالغلط واخذ العلاج:اسف م كنت اقصد
نـود تناظره :لاتعودها
شـرار بلل شفايفه وزمهم على بعض وبانت غمازاته ثم نطق :نـود
نـود تناظره وتناظر غمازاته وشكله كيف متوتر:هلا
شـرار كان بيعترف لكن قاطعته رذاذ وهي تهرج:هيهه شرار وشصار عندكم ؟
شرار يناظر اخته:وش تقصدي
*نـود انسحبت بصمت تحت نظرات شرار *
رذاذ:الجدد ذولي وش صار معكم؟
شـرار بتنهد ويناظر اخته:تصالحو
رذاذ وهي تناظر اخوها:حلو ،،شفيك انت؟
شـرار:مافيني شي
رذاذ تغمز له:تحبها؟
شرار تفاجئ:هاا ..لا
رذاذ ضحكت:واضح تحبها تبي اضبطك معها ؟
شرار ابتسم:كيف ؟
رذاذ:لاتعترف هالفتره لما اعطيك اشاره تمام!
شـرار:اخاف تروح مني!
رذاذ:انا بشوف هي تحب احد او لا وبعلمك
شرار يبوس راس اخته:كفو والله اني احبك
رذاذ:م عليك لعبتي الحب ذا
شرار ضحك:يلا ادخلي بروح اودي علاج ابوي وايه بلغيهم بكرا عندنا عشاء جارنا هداج
*رذاذ دخلت ورجعت بلغت امها وزوجة عمها انهم تصالحو وعندهم عشاء*
الرغد:حلو ،يلا ي بناتي نرتب البيت
نجمه:اقول شرايك بس نخلي الرجال في بيت واحنا في بيت!
الرغد:والله فكرهه زينه ببلغ حياد
نجمه:اجل الحريم عندي بالبيت والرجال عندكم
الرغد:تم
.
.
*لحن قامت وناظرت في امها *
لحن:يلا استاذنكم
نجمه:ويين؟
لحن بضيقه:بروح لشديد واجي
نجمه:بهالوقت ؟
رتيل:ليل ي لحن وين تمشين الحين
لحن:مراح اطول
نجمه:بلغي ابوك اول
لحن:طيب *طلعت*
نود لحقت اختها :لحن؟
لحن:هلا
نود تحط يدها على كتفها:شفيك ي روحي؟
لحن:مافي شي بس بشوف شديد
نـود:بتروحين له بكرا
لـحن:احس مو مرتاحه احس فيه شي بروح له .
نـود:طيب انتبهي لنفسك
لحن:تمام
.
.
بـرق:انا استاذنكم برجع للبيت
سهيل:اذنك معك
*بـرق طلع وفي طلعته شافها واقفه عند الشاص وكانت تمسح دموعها ،كان بيجي صوبها بس اكتفى بانه يبقى بعيد ويناظرها *
،
سهاج طلع من البيت وقف برا:هلا بنبض قلبي.
لحن ابتسمت وجت لصوبه:هلابك يبه
سهاج:امري طلبتني اطلع برا
لـحن:ايه ببلغك اني بمشي لشديد
سهاج ناظر بساعته والوقت:هالحين؟
لـحن:اييه
سـهاج:لا صعبه مراح تمشين
لـحن:يبهه !!
سـهاج:قلت لا الوقت متاخر والطريق مو امن بكرا تشوفينه
لـحن وعيونها امتلت دموع:بس مو مرتاحه احس فيه شي
سـهاج:لاتحاولين
لـحن عصبت:طيب *لفت ومشت متجهه للبيت*
.
.
*سهاج شاف بنته راجعه للبيت ورجع لبيت اخوه متنهد*
حياد بهمس:شفيك؟
سهاج:لحن
حياد:شفيها
سهاج:بتروح لشديد الحين ورفضتها
حياد:وش عندها؟
سهاج:تبي تتطمن عليه
حياد:وش قلت؟
سهاج:رفضتها
حياد:زين سويت
*اورنس اللي قريب منهم وكان يسمع كلامهم تنهد وقام *
.
.
*لـحن راح جلست جنب شجره من الجهه الثانيه للبيت وقعدت تتافف وتتحلطم مع نفسها ،وقاطعها صوت الولد*
بـرق:هيه انتي
لحن التفت عليه:خير شتبي انت؟
بـرق:ابوك قال ارجعي البيت ليه جالسه هنا؟
لـحن:شف ترا مو ناقصه مشاكل فيك مشاكل روح دور لك جدار وطلع ضغوطاتك عليه
بـرق ابتسم:عشان كذا جايك
لـحن تناظر فيه:مريض .
بـرق يتنحنح:اسمعي انا مو جاي اتمشكل معاك جاي اقولك اعتذري !
لحن:على وش؟
بـرق:على انك كنتي بتسببين حادث فينا
لـحن:دام خايف على روحك ليه تتلصق فينا
بـرق:محد متلصق فيك بس انتي مسويه نفسك محور الكون ومستملكه الخط
لـحن وقفت وناظرت فيه:اقول بس دز امها من هنا
بـرق يناظرها وعيونها المتنفخه من البكاء:بتغاضى عنك هالمره بمزاجي
لـحن:اتمنى المره الجايه مانتلاقى .
*لحن مشت من جنبه وتجاهلته*
بـرق:وكانني ميت على شوفتك
*رجع بيته وهي بيتها*
.
.
*الكل رجع بيوتهم واللي دخل ونام واللي صاحي يسامر روحهه*
*هداج بلغ اهله انه بكرا معزومين عندهم*
.
.
——
ساعه ٢:٣٠ الفجر.
.
*بيت سهاج*
*الكل نايم عدا لـحن واورنس *
لـحن راحت تتاكد من ابوها نايم وطلعت بهدوء تمشي على طروف اصابعها بدون صوت وطلعت قفلت الباب جاهله اللي يراقبها بصمت .
لحن طلعت بشارع وركبت بسياره وتفاجات بالباب الثاني ينفتح كانت لوهله بتصرخ بس انتبهت له :أورنس!!
أورنس يضحك:وين هاجه
لـحن تسمي:خوفتني ي تبن
أورنس:بتروحين لشديد
لـحن:ايي بروح ارجع بسرعه
أورنس:يلا معاك
لـحن:يعني غصب ي النشبه
أورنس:افا انا نشبه!
لحن تشغل السياره:ايهه
أورنس:احلى نشبه صدقيني
.
*بيت هداج*
*بـرق*
متكي عند شباك اللي يطل على الشارع وشافهم الاثنين سوا راكبين تنهد:ذولي شسالفتهم يطلعون تهريب
يناظر فيهم ويشرب كوب المويا اللي معه:شدخلني فيهم
.
.