لـحن عيناك كـبرق اصابني.

‏و أنا الذي يَفوتني كُل شيء ، لاحظتَك .

لـحن قلبت جوالها ودخلت سناب وكانت جاهله وجود وطن جنبها وتطالع سنابها ،لحن شافت السنابه الخاصه المرسلها  كانت عباره عن فيد مصور نفسه مع القطوه ويخنقها ،لحن ابتسمت على شكل القطوه *
وطـن وسعت عيونها يوم شافت سنابه موجود عندها وناظرت بلحن وهمست:موجود عندك!
لحن توهقت ورمت الجوال:مين ؟
وطن ابتسمت:مو بس انتي اللي تقفطيني
لحن قلب وجهها احمر:شدخل قافطتني بوش
وطن تغمز لها وتضحك:ضايفه اخوي هاه
لحن حست انها بوضع غلط:لاتفهمين غلط ترا هو ضافني مب انا ومدري شلون اصلا
وطن بتسليك لها:ايه ايه م عليك هو ضايفك
لحن تناظرها بحده:ترا م اطقطق انا
وطن:طيب شفيك شادتها؟
لحن تجاهلتها وقامت من عندها وراحت برا وشافت عمير واورنس واقفين وعزيز معهم ،تقدمت لحن عندهم:مبروكك عزوز
عزيز ابتسم ورحب فيها:هلا بالزين الله يبارك فيك وعقبالك يارب
لحن:على خير .
عزيز:يلا استاذنكم انا *عزيز راح*
لحن:اسمعو بقولكم شي
اورنس بتململ من تامرات لحن:وش
لحن تناظر في اورنس:ي ورع اسمع ،بكرا بنكون كلنا عند اهل عمي
اورنس عقد حاجبه:نعم؟ ليه؟
لـحن:بكرا اهل ميهاب بيطلبون رتيل رسمي وامهم مو موجوده
اورنس:وانتي شدخلك ؟ مو كافي اللي صار لك؟
لحن عارفه اورنس اللي اعند منها:ادري بس البنت مافي غيرها هي واختها واحس لازم نكون معها
اورنس:لا مو لازم تروحين والمفروض تكوني انانيه وتنبسطي على تشتتهم كذا
لحن استغربت من اورنس:شفيك انت مره شادها الموضوع يخصني انا لذلك بتغاضى هالمره عنها
اورنس عصب:تستهبلين انتي؟ وش تتغاضين هذه مواضيع مافيها اتغاضى هذه خليك حازمه فيها
عمير شاف اورنس عصب:شفيكم هدوو م يستاهل الوضع
اورنس دف عمير عنه:لاتتدخل انت
لحن عصبت:سلامات اورنس احسن تحكم في حياتي ايش اسوي وايش اقول ،خير شفيك انت !
اورنس:وربي لو تروحين خطوه وحده اتجاهم انك بتنسين شي اسمه اورنس
لحن ناظرت فيه وهي معصبه:بروح ولاانت اللي تردني تفهم . *مشت عنه وتركته بحيرته وصدمته من لحن *
لـحن تمشي متجهه لغرفتها ودخلت فيها ونطقت بهدوء:شفيه هذا انهبل فجاه كذا ؟ اوك الموضوع يخصني هو ليه معصب منهم لدرجه ذي
*راحت جلست على السرير وهي تتحلطم من اطباع اورنس اللي تغيرت *
.
.
——
اورنس طلع وقف برا وكان اخلاقه ونفسيته تبن يحك راسه ويناظر بالارض وتكلم بداخله:ذي شفيها متغيره كذا من رجعت وهي اطباعها غريبه اجل لحن العنيده القاسيه اللي ماتتساهل مع احد بتروح توقف بكرا مع بنت عمها ،لااكيد فيه شي تخطط له
اخذ نفس عميق وطلعه:لازم اتمكن من نفسي واهدا واراقبها ايش تخطط عليه اكيد وراها مصيبه
قاطع حبل افكاره صوت سهاج يناديه ،
اورنس التفت وراح له:هلاا
سهاج مسك يد اورنس ومشو لوحدهم:تعال نتمشى سوا ونشوف الاسطبل
اورنس يمشي معه:تمام
سهاج يفاتح اورنس في الموضوع:اورنس ودي اسالك سوال
اورنس:وشو
سهاج:كيف عرفت ان زوجة عمك اسمها الرغد يوسف؟
اورنس اللي توهق وبنفس الوقت يناظر في سهاج وعض طرف شفته ثم نطق:وانت من قال لك اني اعرف الرغد بنت يوسف؟
سهاج اللي يناظر يمين ويسار لانه انقفط يدور حجه يمشيها على اورنس:والله جتني تشتكي منك وبذات هذا الموضوع حساس فيها ولاتبي عمك حياد يدري عنه
اورنس رفع حاجبه:تشتكي لك؟ وانت عادي عندك تتكلم معها بعد فعايلها؟
سهاج ندم انه تكلم مع اورنس لانه بيعرف بيدخله سالفه ثانيه:من وين عرفت في موضوعها ي اورنس؟
اورنس بلل شفته ونطق بكل ثقه وهدوء:سمعتك مره وانت تتكلم مع هداج عنها
سهاج عقد حاجبه:كنت تتجسس يعني؟
اورنس:تقدر تقول سمعت بالغلط