لـحن عيناك كـبرق اصابني.

لـقاء ✨.

«في الواقع»
اورنس صحى ينادي لحن بصوت مبحوح ،بـرق جالس قريب منه:بسم لله عليك
اورنس فتح عيونه زين وشاف برق جالس ولاهو نايم وحاول يستوعب نفسه ،ثم ناظر بـرق:انت شتسوي قريب مني؟
بـرق يحك راسه ويناظره:كنت مار وشفتك تتاوهه وقربت اشيك عليك
اورنس عقد حاجبه ثم فكه ولازال شاك فيه:اها زين
بـرق:شكلك شايف كابوس
اورنس يمسح وجهه: اي والله غريب
بـرق وهو يشب النار ويسوي شاي حليب وجلس:ليه نايم برا؟
اورنس جاء وجلس قباله:م احب انام في الخيام
بـرق يصب له شاي حليب:عادي اسالك؟
اورنس يلبس الفروه ويتلثم بشماغه:اسال
بـرق:انت ولد سهاج؟
اورنس:اعتبر بمكانة ولده
بـرق:مابي اتدخل واجد بس يعني احسك مبهم وحاب اتعرف عليك
اورنس ابتسم:نفس الاحساس اتجاهك صدقني
برق ضحك:متعادلين يعني
اورنس:بالضبظ
بـرق يمد ايدينه على النار يتدفى:اسالني وبجاوبك
اورنس:م تهمني حياتك عشان اسال
بـرق يزم شفايفه على بعض وابتسم على جنب:م قلت اسالني عن حياتي قلت اسال اذا حاب تعرف شي
*اورنس اكتفى في ابتسامه له*
بـرق:عادي تقول حلمك؟
اورنس تنهد:مو مهم صدقني
بـرق:لو تلاحظ قاعد افتح سوالف وانسى اللي حصل بينا
اورنس:ادري اصلا مابينا شي واللي حصل فات
بـرق:حلو ،طيب ليه ذاك قالك لقيط؟
اورنس عقد حاحبه:علشان اهلي محد يعرفهم
بـرق:م تعرف اهلك ابداً؟
اورنس:الا اعرف اهلي ماتو بحادث وانا صغير
بـرق:اها
اورنس:انت الوحيد اللي سافرت درست برا؟
بـرق:اي للاسف
اورنس:ب ارادتك؟
بـرق: لا
اورنس وكله استغراب:مجبور؟
بـرق:اي
اورنس:عجيب ،وراك شي انت *يغمز له ويضحك *
بـرق ابتسم:وراي شجر تبي
اورنس ابتسم:اوه وجبتك المفضله
بـرق ضحك:والله حبيتك ي اورنس
اورنس:وانا بعد
بـرق:يلا قوم خنصلي الفجر
اورنس:يلا
*صلو ورجعو نامو لين الصبح*
.
.
———
٩:٠٠ الصباح .
لـحن ورمـح بالجامعه ,لـحن جالسه بالكافتريا وطالبه قهوه وتنتظر اختها
جتها وحده وجلست قدامها:شفيه الزين جالس وحده
لـحن تناظر فيها وعاقده حاجبها:دقيقه انا اعرفك ؟
ضحكت وناظرت فيها:تذكري
لـحن شهقت:سدييففف !!!
سديف ضحكت:اخييراً تذكرتيني
لـحن قامت وضمتها:متى جيتي ي كلببه
سديف تضمها:اف اشتقت لك
لـحن:والله انا اكثر
لحن رجعت جلست:ايوه اعطيني جديدك
سديف:ابد قبل امس رجعت من الامارات
لحن:امانه وليه م علمتيني
سديف:حبيت افاجئك
لحن:وبقوه فاجتيني لكن ليه جايه الجامعه
سديف:سجلت فيها خلاص بنستقر هنا
لحن فرحت:اخيرا بس وش السبب
سديف:ابوي وامي تصالحو وطلبها ترجع بسعوديه
لحن:الحمدلله
سديف:ترا مو بس انا رجعت
لحن:مين؟
سديف:اخواتي المتزوجات معنا واخواني واخوي باهـر رجع *تغمز لها*
لحن ضحكت:خبله ي ربي ترا كنت طفله يعني لاتركزين
سديف:اي واضح عساس م كبرت المشاعر
لحن:للاسف انها بقت في الماضي
سديف تغير الموضوع:انزين شتسوين هنا؟
لحن:انتظر رمح تختبر
سديف:اها
*رمح طلعت وسلمو على بعض ،ولحن وسديف تبادلو الارقام*
رمـح متضايقه:يلا لحن مشينا
لـحن عقدت حاجبها:شفيك صاير شي؟
رمح تناظر البنت القاصه شعرها بوي:لا ،خلينا نمشي
لحن تناظر نظر رمح:هذه مسويه شي لك
رمـح امتلت عيونها دموع:لا خلينا نمشي
لـحن تناظر اختها وتناظر في البنت تبتسم بغرور:اها والله وانا بنت سهاج م اطلع الا وانا داقه وجهها
.
*لحن رمت شنطتها على جنب ،وتوجهت للبنت وشلتها*
لـحن تواجه :شعندك تضايقين اختي ؟
البنت ب اسلوب مستفز:اوه انا ضايقتها؟ اوميقاد سوري بس اختك احيه جد
لـحن شمرت عن اكمام يدها:احيه؟!! اوك بعلمك الاحيه الحين
البنت:ياي شبتسوين ي البطله انتي
وحده من شلتها:بتلحق اختها تبكي
لحن ضحكت:ابكي ؟ انا مدري ايش الثقه العمياء عندكم ذي فوق القرف اللي انتم فيه ثقه غبيه .
*البنت كانت بتتكلم ،لكن لحن دفتها على الجدار بقوهه ثم هبدتها بكف على وجهها كانت بترد الضربه لكن لحن مسكت يدها وبرمتها لين نزلت بالارض البنت ،لحن بركبتها خبطت وجه البنت فيها لين خشمها واسنانها الاماميه تكسرت ،لحن سحبت يد البنت بقوه لين كسرتها لها *
جت خويتها تفزع وسحبت شعر لحن بقوه وبيدها الثانيه شخطت وجه لحن ،لحن تركت البنت ولفت على اللي سحبت شعرها عضت بيدها ومسكتها من اذنها "لانها محلقه شعرها"
سحبت اذانها ودفتها على خويتها اللي طايحه تصرخ وبرجلها صارت تصفق فيها على بطنها ووجهها*شلة البنت الباقيه بعدو عنها *
سديف ورمح يسحبون لحن ،لحن ابعدتهم وقربت لهم:جربي الاحيه الحين ي قمامه. اشوف وحده تتعرض اختي والله م تلوم الا نفسها.
*جاء الامن وابعدو لحن عنهم *
.
*رمح وسديف اخذو لحن وطلعو برا الجامعه *
سديف وهي تعطي لحن مناديل تمسح الجرح:ي لحن ي مجنونه م تغيرتي من الصغر بطلي بغيتي تذبحينهم
لحن تمسح الدم نازل من الجرح:والله اللي يقرب لااخواتي ادعسه دعس
رمح تبتسم وتحس بفخر ضمت اختها:احبكك
لحن تضمها:ثاني مره انتي لاتبكين خذي حقك سامعه
رمح:طيب
سديف:يلا باي جت سيارتي
لحن ورمح:باي
*لحن ورمح ركبو السياره ورجعو للبيت*
*لـحن  ترتب ملابسها بالشنطه وتاخذ اغراضها ،بدلت لبسها ولبست هانك اسود وبلوفر بيج مع سروال بيج وشوز اسود وفكت شعرها وخلته ويفي وحطيت ميكب خفيف وهادي واخذت باقي اغراضها وطلعت تشوف رمح*
لحـن:رمح خلصتي؟
رمـح اخذت اغراضها بشنطه ولبست بنطلون اسود وهودي نعناعي على جكيت سكري منفوخ وشوز نعناعي ومسكت شعرها على فوق :اييه
لـحن وهي ترتب عبايتها عليها:يلا اجل خنمشي
رمح:يلا
*لحن اخذت اغطيه لهم وحطت اغراضهم بشاص وقفلت البيت زين ،ومشيو*
.
.
——
١٠:٠٠ صباحاً
*بالمـخيم*
*الشياب جالسين يفطرون ويسولفو مع بعض *
سهاج قام من عندهم وناظر لساعته:طولو استودعتهم الله
حياد جا صوب اخوه:عندنا ضيوف كم تبي نذبح خروف
سهاج:نذبح ثلاث الحين ونشوف الوضع
حياد:تمام ،وش تنتظر انت؟
سهاج:لحن ورمح تاخرو
حياد:بيجون لاتخاف
سهاج:معهم لساعه ١١ اذا م جو بروح لهم
حياد:طيب
.
*الشباب جالسين ويتقهون *
مرعد جالس يفرك عيونه وشعره واقف:ي عيال سمعتو الصوت امس؟
جمر:صوت وش؟
مرعد:صوت ذيب يعوي
ميهاب:صح والله حتنا امس سمعته صحاني من النوم
مرعد:استغفرالله كنت قايم بروح الحمام لكن سمعت الصوت هونت
*ضحكو عليه*
شرار ضحك عليهم:ايه عندنا ذيب هنا
عمير:ترا فضيع م يرحم
هادف:وش سالفته !
شـرار:ذيب بنت عمي مربيته قريب هنا
مرعد:كفو كفو بس ابعدوه عني
*جمر يقولهم سالفته كامله *
.
.
ميهاب يجي عند اخوه النايم:هيه برق قم وشذا النوم
بـرق يقوم ويجلس بفراشه:ساعه كم؟
ميهاب:١٠
*بـرق يتمغط ويناظر في اورنس والجالسين *
.
.
——
نـود ورتيل جالسات بعيد شوي عن البنات.
نـود:اخواتي تاخرو
رتيل:يمكن رمح طولت بالاختبار
نـود:والله مدري
رتيل:لاتخافين اكيد بيجون
عزوف قاطعتهم:بنات شرايكم شويات نطلع نتمشى بسياره
رتيل:فكره حلوه والله
رذاذ تفك نص من الخيمه:خلوها يدخل هواء
غدي:سويتي خير والله
رتيل:بجلس برا الجو مغيم حلو
نـود:يلا بنجيك
هيام:بروح عند امهاتنا بلكي يبون شي
غدي:وانا ببدل على عيالي
*رعد و وطن نايمات*
*طلعو البنات برا *
وطن صحت من النوم تكح:اف حلقي
غزيل:اشربي من شاي الاعشاب ذا كويس
وطن ابتسمت:زين
.
.
—-
*بـرق لابس بلوزه كت وغير عضلاته طالعه وسروال وسيع شوي راح لصوب الوايت عشان يغسل ومر قدام البنات ،جاء وراه ملهم شعره ومكشكش شوي ولابس ثوب وشماغه على كتفه ومشمر عن ايدينه يمشي رايح للوايت *
.
رتيل بهمس:ماشاء الله ي بنات
غرور :بنات مين المز هذا
عزوف تضحك:شف الفرق بينهم واحد بدوي والثاني حضري
*رتيل ورذاذ ونود وغرور و غيام ضحكو*
غرور:بنات كيف اغير خطيبي
جت عندهم غزيل:الله مين الحلوو هذا
نـود:اي واحد
عزوف:تكفين كم واحد حلو هنا
رذاذ:هيه عاد الااخوي تراكم تغلطون
غزيل:اللي لابس ثوب يجنن مين ذا
*البنات يناظرون فيها منصدمين *
رتيل:هذا اخوي ملهم
غزيل تناظره وتبتسم:اخوك يحب؟
رذاذ:ارتاحي خاطب
غزيل:ول كل م حطيت عيني على احد طلع مربوط
نود تضحك:مرتبط وش مربوط انتي
عزوف:بنات احس الكشخه ذا يليق بلحن
رذاذ شهقت:يمه لا م ينفع لحن بتذبحك لو تسمعك
عزوف:ليه
نـود:م تحب اللي كذا وتقرف منهم
عزوف: اها
.
.
——
*لحن ورمح وصلو المخيم *
لـحن وقفت السياره ونزلت هي ورمح ،*كان قدام مخيم الشباب*
*مـرعد شاف رمح وابتسم وصفق ثم استوعب نفسه*
.
.
*راحو لاابوهم*
سهاج:كنت بجيكم
لحن تبوس راسه:ليه
سهاج:قلقت عليكم
لحن:افا عليك تقلق ليه وانا ادل الدرب
سهاج ضحك:كفو الحين ارتحت يوم جيتو
*لحن خلصت من ابوها وتوجهت للمخيم عند البنات *
لـحن لفت من اتجاه الوايت وشالت عبايتها :السـلام علـ...بسم لله الرحمن الرحيم
*طلع بوجهها بـرق كان بيروح*
*بـرق وقف دقيقه يستوعب اللي قدامه وشافها من فوق لتحت وركز على ملامحها والجرح *
لـحن تناظر فيه:خير شتسوي هنا؟
*بـرق حس بنفسه:يالطيف ابدا يومي بوجهك يلعنم الزقاقه
لـحن:الاشخاص الكريهين اليوم متفقين يطلعو بوجهي
*بـرق ناظرها وتجاهلها ومشى *
.
.
لحن دخلت على البنات وراها رمح اللي ماسكه الضحكه :صباح الخير
البنات صارو يسلمون على بعض
رعد صحت من النوم تناظرهم:رمممح
رمح ضحكت:جيتك
رعد تفرك عيونها:كنتي تضحكين علي
رمح:لحن مب انا
*رعد قامت وضربتهم بالمخده وطلعت تغسل *
وطن:تراها زعلت
رمح:اما
وطن:يب هذه حركاتها
لحن:بترضى م عليكم
وطن:جبتوه؟
لحن:افا عليك
وطن:حلو حلو ،شصاير بوجهك!
.
.
——
مرعد يشرب القهوه ويبتسم:انا حرفيا بدء يومي
*بـرق اللي جاء وجلس وهو مستغرب ليه جت *
مرعد:ورع قم البس لاينتقدونك الشياب
برق تنهد وقام بدل لبسه ولبس بلوفر اسود وسروال بنفسجيي فاتح شوي :صبلي قهوه
مرعد يصب له قهوه وهو يتبسم ،بـرق يناظر اخوه:شفيك
مرعد:ولاشي
فاضل:عيال اذا خلصتو تعالو بنساعد ابوي والبقيه بيذبحون
برق:توي صاحي بجيكم شوي
مرعد قام:جاي
.
.
——
*البنات متجمعات بالجلسه ومنضمنهم الحريم الكبار *
.
رمح:والله ي بنات م شفتو كيف صفقتهم
غزيل:كفو وربي
رذاذ:حييك وربي يستاهلون
نـود تناظر في جرح اختها:كلبه شخطت وجهك الجميل
لحن:هي شخطت وجهي وانا لعبت في ملامحها شوي
هيام ضحكت:تكفين انا لو احد يدفني طحت لازم تعلميني المضاربات
لحن:ابشربي
وطن:تبي تكفخ زوجها م همها البنات
لحن ضحكت:اووه الموضوع كذا
وطن:اييهه
غدي شافت رعد طلعت:بنات شرايكم بعد الغدا؟
وطن:اي احسن
.
.
——
٢:٠٠ الظهر
*سوو الغداء وتغدا الكل والجو بدا يغيم *
.
.
رمـح:رعـد تعالي نمشي برا
رعـد:يلا *حطت يدها بيد رمح ومشى*
.
.
*البنات بدو يجهزون اغراض الحفل *
.
*مرعد جالس عند شجره ويدخن فيب ولااحد يدري *
*رعد ورمح يتمشون وقربو صوبه ولاانتبهو ورمح تسولف لها بتفصيل عن الجامعه *
مرعد انتبه لهم وخبى الفيب  وجاء من وراهم يتنحنح*
رمح ورعد التفتو:بسم لله
مرعد:خفتو هاه
رمح عطته ظهرها عطول وحطت كاب البلوفر عليها،رعد:شتسوي ورانا؟
مرعد:كنت جالس وجيتو لي
رعد:اها *تحس بنبضات قلبها اسرعت ,تناظر في اخوها وفي رمح*
مرعد وهو يبتسم:كيفك ي رمح
رمح:الحمدلله
مرعد:يستاهل الحمد *مرعد ينتظر منها تلف عليه بس متجاهلته*
مرعد:يلا اجل استاذنكم
*مرعد راح للعيال*
.
.
——
٣:٠٠ الظهر.
نـود بعد البنات م رتبو كلشي :هاه بنات اناديهم؟
غدي:اي خلاص البنات تغطو
*لـحن اللي جالسه ب اخر الخيمه تناظرهم بصمت،نـود راحت نادت الشباب والشياب كلهم تجمعو بالخيمه *
*جمر ورمح جابو مرعد ورعد ،ودخلوهم في الخيمه*
*واحتفلو فيهم وبميلادهم ويغنون لهم،ويباركو لبعض  *
*لـحن شافت الخيمه امتلت سحبت نفسها بهدوء وفكت الخيمه من طرف ثاني وطلعت ،شافها بـرق وكان بيطلع بس سبقه اورنس وطلع*
.
.
——
جمر وقف قرب رعد وهمس لها:كل سنه وانتي بخير
*اخذ من جنبها صحن،وناظر فيها وابتسم*
رعد وجهها قلب الوان ورجعت همست له:وانت بخير .
*بعد عنها وراح وقف بعيد يناظر فيها*
.
*مرعد يناظر في رمـح ثم يشيل عينه لما تناظره *
.
.
——
اورنس حط يده على كتفها:لا سلام ولا كلام وش فيه الحلو
لـحن:مافيه شي بس مايحب الاجواء ذي
اورنس:اتفق معك احسه حرام ياخ بس ليه مصرين عليه مدري
*لحن ساكته وتناظر الجبال *
اورنس يناظر فيها:شفيك ساكته
لـحن تنهدت:تدري من رجع؟
اورنس:مين؟
لـحن:سديف واخوها
اورنس تغيرت ملامحه:اما متى رجعو
لحن:قبل كم يوم
اورنس تضايق:شاللي رجعهم
*لحن تعلمه السالفه*
اورنس ميل طرف شفته:همم،يعني لو رجع بيتكلم معاك بتسمحين له؟
لحن تناظره:هذا ماضي ي اورنس ومستحيل اخليه حاضر
اورنس تنهد:حلو
*اورنس ولحن سكتو كلهم يناظرو بالجبال والغيوم وساكتين *
*طلعو العيال يركضون ويلعبون في البخاخات مع البنات ومن ضمنهم برق يلعب مع اخته وطن *
لحن واقفه معطتهم ظهرها ،برق يركض ويلف عليها ويبخ على ميهاب و وطن ويركض على وراء لين صفق في ظهر لحن وطاحت بالارض وطاح فوقها *
*برق وهو طايح على رجول لحن ولحن طايحه على الشجره الصغيره*
*كل الموجودين ضحكو على منظرهم الغبي *
لحن عصبت ودفته برجولها:وخر ي الثور
بـرق يناظر فيها وفي شعرها المتعلق بالشجر قام وهو يضحك،وحاول يقومها :م شفتك
*وطن تضحك وتحاول تفك شعر لحن من الشجر ،اورنس وقف في وجه لحن وعطا ظهره بـرق ومسك يدين لحن وساعدها تقوم وهو ماسك الضحكه على منظرهم*
*لحن ناظرت الكل وشافتهم يناظرون فيهها وفي برق ويضحكون*
لحن تناظر في برق بعصبيه:وش طولك وش عرضك وم تعرف لاتركض ولا تعرف تشوف اعمى لدرجه ذي
*مشت عنه قبل يرد ،ومشت عن المخيم كله رايحه لشديد*
*اورنس كان بيلحقها بس ناداه سهاج وراح له*
وطن تناظر اخوها برق اللي يناظر في لحن تمشي بعيد:انحرجت
بـرق يناظر في اخته:طيب مو بس هي طاحت حتنا طحت
وطن وبرق يمشون سوا،وطن:بس هي طيحتها اقوى  وتضحك
برق ضحك:شسوي بالغلط
وطن ضحكت:احس مدري راحمتها
برق:تنقلع تستاهل اللي صار
وطن:تصدق انها غريبه بشكل
برق:ليه تقولي غريبه
وطن:م تحب تحتك في احد واجد ولاتحب تحتاج احد وماتبي اخواتها يحتجون غيرها واللي فهمته من خواتها انها متعمده تاجل دراستها لين خواتها يتخرجون عشان امها وابوها م يكونو وحدهم ويحاجو احد غريب
بـرق يناظر في السماء:طيب عندهم اورنس
وطن ابتسم بخفه:طلع متربي هو وهي عند جدتهم سوا
بـرق يستمع لوطن:طيب البنت كريهه حيل
وطن ضحكت:يوهه تجنن بالبدايه كنت مثلك م ادانيها واحسها مغتره في نفسها ونفس نظام بعض البنات المغرورات بس من جلست معها وسولفت عكسس ي برق وربي عكسس كل شي
بـرق:ليش تسولفي عنها طيب
وطن وقفت تناظر اخوها:مابي تصير بينكم مشاكل وتكرهون بعض زياده بسبب سوء التفاهم بينكم
بـرق:هي اللي تدور حرش معي
وطـن:ي برق انت تراك ماخذ على نوعيات البنات الاجنبيات ماخذ على انهم لطيفات ويتبسمون لك ويضحكون ويجتمعون معك عطول ،ترا هنا غير ممكن تحصل بنات يضحكون معك ويخقون عليك بس بذات بذي الديره صدقني محد مكترث لك ولايهتمون لنوعيتك الكشخه والستايلات ذي .
*برق يناظر في اخته وهي تفهمه اجواء المختلفه صدق*
وطـن:افهم كلامي زين وابعد عن البنت اذا ناوي تدور مشاكل معها ،يلا بروح للبنات .
*وطن مشت عن بـرق ،بـرق وقف يتامل الجو ويفكر بكلام اخته وبلحن وتنهد،وراح صوب العيال*
.
.
——
*شـرار ركب السياره ،وعزيز ربط السجاد بحبل وشبكه بسياره*
شرار يدق بوري:يلا اللي يبي يطعسس يجي بسرعه
عزيز ركب جنب شرار ،وجاء جمر ومرعد وميهاب وعمير وعبدالرحمن ومهنا وبرق واورنس  كلهم تجمعو على السجاد وجلسو.
.
.
*شرار يمشي فيهم ويطعس فيهم بالطعوس ويفحط فيهم ويتقبلو بتراب ويوقف ويرجعو يركبون من جديد ،يرجع يفحط فيهم كلهم وكل شوي منقلبين *
.
.
——
غزيل: ي بنات احس قهر الشباب فالينها وحنا جالسات هنا
رذاذ:ليه تنقهري حبيبتي الحين نفلها بعد
وطن:وش بتسوون؟