لـحن عيناك كـبرق اصابني.

لولا الشدايد لقلنا أن الجميع سند .

.
.
.

بـرق يناظر لمسكة يدينهم وقلبه اشتعل غيره ،اورنس احتضن يد لحن:وعد ي لحن مراح اتهور ولااستعجل صحيح عصبت وانفجرت بس من غبنه
لحن تتركه يدينه وحضنته:ترا انت للحين اخوي وصديقي مراح اشوفك كجني
اورنس ابتسم وحضنها:ي خوافه
لحن ضحكت:بتقعد معاي جلسه طويله تسولف لي وش شفت وش صار معاك
اورنس:ابشريي
بـرق يتنحنح:هيهه يلا بنطلع
اورنس يناظر في اخوه وتذكر كلام عمه الجني وقرر م يتكلم لين يعرف السالفه كامله :يلاا
*طلعو سوا ورجعو لبيت خالتهم ،ولحن رجعت لبيتها *
——
لحن دخلت البيت وشافت الاوضاع ابوها جالس مع امها بالغرفه ورمح بغرفتها وكان البيت هادي ،راحت دخلت بغرفتها واخذت شور سريع وبدلت لبسها وانسدحت على السرير تفكر في وضع اورنس داهم افكارها كلام بـرق انه بيتزوجها توردت خدودها وابتسمت وصارت تخبط السرير برجولها وتلتف بالشرشف ،قاطعها حيائها صوت رمـح وهي واقفه تتفرج في اختها:شفيك ي خرفون الحب
لحن فزت بسرعه وناظرتها:بسم لله الواحد يسوي صوت
رمـح:دقيت الباب وناديتك م تردين
لحن جلست:وش عندك
رمح جلست قدامها:انتي وش عندك بالحركات ذي
لحن تبتسم:تبين اقولك ؟
رمح بحماس:اييي
لحن :انا وبرق نحب بعض
رمح صفقت:اخخخييراا
لحن:وشو
رمح:كنت شاكه فيكم بس تاكدت الحين
لحن:واقولك بعد يبي يتزوجني
رمح صفقت بحماس:الحمدلله يارب استجبت لي وربي مرهه لايقيين لبعض
لحن تضحك على حماس رمح،رمح نطقت:اسمعي كل شي بتفصيل كيف اعترفتو لبعض
لحن استدعت بتقول،رمح قاطعتها:دقييقه اجيب لنا شاي ونسولف
لحن:يلا
*رمح راحت تجهز لهم شاي ،ولحن نزلت وجلست عند الدفايه،جت رمح ومعها ابريق شاي وكاسات وسناكات الشاي ،وجلست*:يلا قولي
*لحن بدت تتكلم معها بكل شي *
.
———
*اورنس وبرق دخلو البيت وجلسو سوا ،بعد م بدلو ملابسهم واغراضهم وانسدحو جنب بعض *
اورنس:اناديك برق ولا رجمان
بـرق:اسم اللي ترتاح فيه نادني فيه
اورنس:ارتاح لرجمان اكثر
برق:ليش ارتحت له؟
اورنس:احس انه كله حنان امي وابوي فيه.
بـرق يبتسم ويلتفت على اخوه ويحط يده تحت راسه ويناظر اورنس:خلاص نادني فيه
اورنس شاف انسداحت برق وابتسم وانسدح زيه:تدري اليوم كنت عند عمي وكان شكلي غير
بـرق:ايي كنت متوقع شكلك غير
اورنس:بس تصدق اشبه ابوي بس كانت عندي اجنحه وقرون وانياب كنت غريب عن شكلي هنا
بـرق:مزيون ولا لا قلي عشان الجنيات يخقون عندك
اورنس ابتسم:مزيون م عليك بس دقيقه انت ليه م تجي معي ندور اختنا سوا؟
بـرق:انا بشري كامل ي اورنس مو زيك
اورنس:احس ماله دخل يقدرون يجون البشر في عالم الثاني
بـرق:كيف يعني
اورنس:الحين فيه اشخاص كنت اقرا قصصهم يقولو الجن العشاق يجلبونهم لعالمهم وبعضهم ينخطفون في الواقع يروحو لعالمهم .
بـرق:تهقى اقدر اجي ؟
اورنس:اكيد تقدر
بـرق:بس م عمري شفتهم الا مره انا واحن واستضافونا يومين
اورنس ضحك:تدري ذولي مين؟
بـرق بفضول:ميين؟
اورنس:عمي وزوجته وممدوح
برق بصدمه:امااا
اورنس:والله حتى ممدوح له فتره جاني ويطلع لي ويقولي عن كل شي قبل لاادري عن اني جني
بـرق عدل انسداحته وجلس وضم المخده:دقيقه دقيقه الحين انت كيف جاك ممدوح وهو طلع لنا؟
اورنس:بسببك انت ولحن كانو يدورو علي ويقول بسبب ريحة دمنا المختلط حصلوك انت ولحن
بـرق:ولحقنا لحد هنا
اورنس:تدري عاد صح لحقكم بس صار جني عاشق للحن.
برق تغيرت ملامحه وعصب:خير؟!
اورنس ابتسم:لحن تشوفه بكثره بس اخر شي رفضته وهو احترم قرارها لكن ترا للحين يحبها
بـرق وبانت نبرة الغيره بصوته:صدق جني وقح
اورنس ضحك:شفيك البنت رفضته خلاص
بـرق يعض شفته ويهز ركبته:طيب
اورنس:خلاص ي غيوور قلت لك رفضته
بـرق:بس هو يحبها ويبيها شيدريني مايجيبها في الاحلام ويتزوجها؟
اورنس فرط ضحك،برق عصب:ترا مافي شي يضحك
اورنس:مستحيل يجي ياخذها ويجيبها انا موجود هناك
بـرق:بتزوجها
اورنس وسع عيونه:ايشش
بـرق:بس تهدا الاوضاع باخذ لحن خلاص
اورنس يضحك:شف كيف تسرع بقراره
بـرق:لا جد اتكلم لحن كلمتها بالموضوع ومارفضت بس بدور وظيفه لي واسكن في بيت مستقل
اورنس:حلو حلو الله يوفقك
بـرق:يلا نم
اورنس:لا فيه جن هنا بشوفهم
بـرق نط بقربه وشوي يجلس في حضنه:بسم لله تكفى خلهم يروحو
اورنس يناظر في اخوه اللي رجوله جت في حضنه:تراني جني مثلهم ي خواف
بـرق يرجع في مكانه ويتنحنح:م خفت بس كنت امثل
اورنس ضحك و جلس زين:المهم هذا ممدوح اللي جاء
برق تغيرت ملامحه لحده:اهلا وسهلاً رغم م اشوفك
ممدوح لااورنس:تبيني اظهر نفسي قدامه
اورنس يصفق:ايي يلا
ممدوح:خليه يغمض
اورنس:برق غمض بسرعه عشان بيطلع نفسه قدامك
برق غمض عيونه وفتحهم الا ممدوح جالس قدامهم:هلافيك ي رجمان
بـرق متعجب كيف شاف جني:الحين هذا صدق شكله؟
ممدوح:اكيد لا علشان م تخافو م تشوفو اشكالنا
بـرق:اها
ممدوح:اورنس يلا بعلمك كيف تختفي هنا عشان ابوي يبيك
اورنس:ايه يلا
برق يناظرهم وقاطعهم:ممدوح بيتضرر مع الوقت اورنس لو يسوي كذا؟
ممدوح:م فهمت عليك
بـرق:يعني يصير يختفي عندنا ويطلع عندكم وبعدين يجي هذا مضر له؟
ممدوح:مراح يضره لانه اساساً اورنس مو بشري اورنس زيي جن لكن بسبب دمك انت تواجده الكثير هنا صار بشري
بـرق:يعني مافي مضره له؟
ممدوح:بس يتعب جسدياً هنا ويستهلك نوم اكثر
بـرق:حلو
*ممدوح قعد يعلم اورنس اساسيات خاصه فيهم ويقوله عن خطوات ثانيه،وقتها بـرق منسدح يناظرهم*
.
———
رمح ولحن جالسات يسولفون سوا .
رمح:عاد تدرين ي لحن ان اخوه مرعد اعترف لي ورفضته
لحن تعدل جلسته:اووه ي ثقيلهه م عرفتك
رمح:مو سالفة ثقل صح اعجبت فيه لدرجة رسمته بس..*استوعبت كلامها* اقصد يعني
لحن قاطعتها:عادي لاتخبين انا اختك
رمح تنهدت:يعني ماني مستعده للحب الحين وخرابيطه وعندي دراسه بركز فيها
لحن:صح والله تفكيرك منطقي
رمح:غير كذا هو احسه يعني جاي من رياض ومتعود على بنات رياض فجاه يحب بنت ديره،حسيت انه بس يلعب
لحن:حبيبتي اتبعي احساس قلبك لاحسيتي فجاه اتجاه الشخص اعرفي انه صح يعني اذا حسيتي انه بياع كلام اعرفي انه فعلا
رمـح:بس مرات احس اظلمه
لحن:لا حبيبي هذا تصرف صحيح بدري لك على الحب والخرابيط والله جد اهنيك على عقلك اكبر من عمرك
رمح:ايه افا عليك
*رمح قامت :يلا عاد بقوم اراجع حق الاختبار وانام تبين شي؟
لحن:لا بالتوفيق ي قلبي
*رمح طلعت ولحن راحت تغسل اسنانها عشان تنام *
.
———
وطن لازالت منسدحه بسريرها وهالاتها واضحه وعيونها متنفخه من البكاء،قررت ترسل رساله لااورنس:اورنس .
*كانت تنتظر فيه ساعات ولارد عليها صارت تبكي لين نامت*
.
———
ممدوح خلص تعليم اورنس:يلا الحين تقدر تختفي وتجي
اورنس:بجرب طيب
*اورنس اختفى وطلع بغرفه ثانيه ،ورجع لهم*
اورنسس:ايه الحين عرفت كيف اختفي هنا بس كيف اروح عالم الثاني
ممدوح ناظر في برق:لما نكون وحدنا
بـرق:مابي اقوم ولاني ميت على عالمكم
اورنس ضحك:ترا اخوي شخصوني ذا علمني قدامه عادي
ممدوح ميل طرف شفته وتكلم بهمس لااورنس:شرايك اخوفه؟
اورنس:وش بتسوي
ممدوح:بظهر بشكلي
اورنس بحده:لا الا اخوي !
ممدوح خاف من حدة اورنس:طيب طيب كنت امزح
اورنس:لاتمزح معي بشي يخص اخوي ولحن!
ممدوح بلع ريقه:ابشر ،يلا خلني اعلمك
*ممدوح علم اورنس واختفو ورجعو *
ممدوح:عرفت؟
اورنس:ايه
ممدوح:يلا بسبقك وتعال
اورنس راح لااخوه:اسمع بروح اشوف عمي وبجي حتى لو تاخرت وجت لحن تسال قول نايم.
بـرق:امانه انتبه لنفسك
اورنس:ابشر
*اورنس اختفى وراح لعالمه*
*بـرق انسدح وناظر السقف*:استودعتك الله ي اورنس .
.
———
*عالم اورنس *
اورنس جاء عند عمه،وجلس معه:ايوه بتكمل لي؟
عمه:ايه مستعد تسمع الباقي؟
اورنس:ايي
عمه:لكن اسمع اللي بتسمعه الحين م بيعجبك ولاابيك تتسرع ابداً بتصرفاتك
اورنس يمسد وجهه بكفه:ان شاء الله
.
——
«ماضي اهل اورنس»
.
.
*بعد ماتم زواج نوال وجيراز سوا قضو شهور مع بعض وعرفت عاداتهم وتقاليدهم اهل جيراز وكانت وقتها بالشهر التاسع في شيودن ،ولدت وكانت جنيه طبيعيه ،بعدها بثلاث شهور حملت في اورنس ،كان التوقيت في عالمهم يختلف عن عالم البشر الساعه تعتبر ١٠ساعات واليوم يومين والاسبوع شهر والشهر شهرين، بـرق صار له سنه ونصف ولازالت تنتبه عليه وعلى بنتها شيودن وكان وضعها مع حملها ب اورنس متعب ،بعد مرور كم شهر على وضعهم *
جيراز جالس مع نوال ويسولف معها ويلاعب برق:اقول شرايك نسميه رجمان ؟
نوال ضحكت:ليه؟
جيراز يبتسم ويشوف الشخط اللي بحاجبه:يشبه اخوي المتوفي
نـوال:خلاص تم اسمه رجمان بس ليه اسمه كذا رجمان؟
جيراز:قبل اسمه كان يوسف لانه مره جميل لكن كان يمشي ويضرب الشخص السيئ بحجار وكان اي احد سيئ يرميه بحجار وقرر ابوي يسميه رجمان
نوال:وانت تشوف هالصفات في برق؟
جيراز:للامانه ايه احسه شخصيه عصبيه ويميز السيئ من الطيب
نوال:اها اجل حلو اسمه رجمان هنا
جيراز ضحك وكان بيبوس راسها لكن قاطعه عبدالله اخوه يناديه:جيرازز تعال بسرعه
.
.
——-
ادري قصير بس لاتروحو بعيد .
بيجيكم الاحلى 😏😂.
نجمه وتفاعلو لاهنتو .