لـحن عيناك كـبرق اصابني.

‏أنا كُل ما ضَاع ، و كُل مَا لا يُفتَّش عنه .

.

٨:٠٠ مساء
لـحن كانت تمشي مع بـرق فجاه صرخت ،بـرق التفت عليها بسرعه:شفييه
لـحن مسكته من يده وتخبت وراء الشجره واشرت له يسكت .
بـرق يناظر فيها وياشر اللي وش فيه ،
لحن تأشر له على اتجاهه الشجر :شف
بـرق يناظر ويشوف الحيوانات الكبيره وهمس:هذا وش؟
لـحن:شكلها ضباع
بـرق:نادي ذيبك ياكلهم
لـحن كانت بتتكلم بس قاطعها الحركه اللي صارت وراهم ،التفت له وشافت ضبع كبير وشهقت وقفت:اششرردد
*صارت تركض هي وبـرق راجعين لنفس الدرب اللي فيه العيله،والحيوانات تركض وراهم*
.
——-
*بـيت هداج *
ميهاب منسدح على الارض ويفكر ،مرت وطن من عنده،
ميهاب:هيه وطن
وطن:نعم
ميهاب:شفيك
وطن جت جلست قدامه:الحين بسالك
ميهاب:وش
وطن:منجدك انت تبي تاخذ رتيل؟
ميهاب:ايه بعد م نحصلهم
وطن بتقرف:كيف بتاخذها وهي جحدتك انت ولحن
ميهاب:م تنلام ترا اخوانها فضيعين وممكن يذبحونها
وطـن:مو عذر هي اصلا لو عندها ذرة حياء م طقت حنك معك وفوق ذا بتاخذها
ميهاب:خير تدخلين بشرفها انتي؟
وطن:وش دخلت بشرفها ؟ بس قلت لو هي فعلا خايفه من اخوانها وتستحي م كان يوم شافتك بقت واقفه كان بامكانها تروح وتتركك
ميهاب عصب:وططن ثمني كلامك البنت كانت بتروح بس انا مسكتها
وطن عصبت بزياده:يوم انك مسكتها م فكرت بخواتك ان ممكن احد يسوي نفس هالتصرف معنا؟
ميهاب:والله اذبحه
وطن:ورضيته عليها
ميهاب:لاني ناوي اتزوجها
وطن:مو سبب ي ميهاب الحين مصيبتكم ذي ضيعت اخوي ولحن ولاندري عنهم
ميهاب:شتبين انتي ؟
وطن:م تتزوجها اتركها
ميهاب:قومي انقلعي من هنا
وطن:يعني بتاخذها؟
ميهاب:ايه باخذها لاني احبها
وطن:م عندك كرامه باقي تحبها يع
ميهاب بالعلبه:قومي لااهفك فيها يام كرامه.
وطن تقلده:انننن .
.
*طلعت وطن لغرفتها وهي تتحلطم وفتحت الشباك وحصلت اورنس واقف برا ومتكتف وابتسمت تتامله*
.
——
اورنس شخصيتها تغيرت بشكل فضيع واقف ومعصب ينتظر احد من عيال حياد او هداج يمر قدامه او يتكلم .
.
——-
*لـحن وبـرق وصلو لمكان بيت ممدوح وكانت صدمتهم قويه*
لـحن بصدمه:وين راحو؟
بـرق اللي يتلفت في المكان:بسم لله توهم كانو هنا
لـحن تناظر الجبال والمكان:والله هنا كانو !!
بـرق:اقول ليكون ذول بسم لله جن!
لـحن بلعت ريقهم:وش السواه الحين ؟
بـرق:صعب نرجع من الطريق ذاك كله حيوانات
*لـحن جلست بالارض وتنهدت والدموع بعيونها*
بـرق يتلفت يمين ويسار مصدوم انهم كانو هنا وفجاه اختفو شاف لحن وملامحها واضح حزينه،راح كسر حطب وجاء وشب النار وجلس قدام لحن *
لـحن قامت بتمشي وتجلس لوحدها ،بـرق:على وين؟
لـحن:شوي اجيك
بـرق:طيب انتبهي
*لـحن راحت وجلست بعيد عنه وقعدت تبكي*
لـحن وهي ضامه نفسها وتبكي:ليه قاعد يصير معي كذا ،ليه كل م قلت بتزين احصلها تنعكس اكثر وكان الحياه تعاندني ،قاعده اتاكل من داخلي ولااحد يحس فيني ،اشتقت لحياتي قبل والامان اللي كنت اعيشه والحين امشي وقلبي على يدي من الخوف .
من الصغر وانا دايم اتحمل كل شي بس خلاص تعبت لمتى وانا كذا اتحمل يكفي انا بنت قويه م تضعفني اشياء زي كذا
*تتذكر امها واخواتها وابوها واورنس واخر حضن لهم كلهم والدفء اللي كانو فيه ،قعدت تبكي بزياده*
*لحن حست بشعور احد يضمها وحست بدفئ غريب وجتها طاقه قويه اللي خلتها تستجمع نفسها مسحت دموعها:ذي ديرتي وانا بدل الدرب وبرجع لهم بنفسي واحط النقط على الحروف .
——
بـرق الواقف بمتر كان يسمع بكائها وفضفضتها لنفسها وقلبه اوجعه عليها ،رجع لمكانه وجلس .
.
لحن جت وجلست وتناظره وكانه ماصاير شي ،بـرق فتح الكيس اللي اعطاه اياه ممدوح وانصدم لما حصل حجار :خير يستهبل معنا ذا
لحن:وش فيه
بـرق يوريها الكيس،لحن:هه واضح يسوق امها علينا الجن ذا .
بـرق يناظر فيها:لحن
لـحن بالعود قاعده تلعب بالجمر:هم
بـرق:اسف
لحن:على وش؟
بـرق:على كل شي ،اول شي على اخوي وثاني شي على تصرفاتي معك وثالث شي لاني م سمعتك ذاك اليوم وسحبنا عليهم
لـحن تناظره:هه شيفيدني اسفك ذا بس تبري ضميرك
بـرق:ممكن تفهمي انه بس عشان اريح ضميري بس لا ي لـحن نية اسفي لك مو عشان ضميري
*لـحن تناظر فيه :ليش تعتذر طيب؟
بـرق كمل كلامه وهو مركز بعيونها:انا تاسفت لك لاني حرفياً من جيت اذيتك كثير وممكن جرحتك بالكلام انا غايتي الحين كلها ابي افتح صفحه جديده معك مابي يكون بيننا عداوه او كرهه انا ماعرف ايش ممكن تحملين بداخلك من اذى العالم ولاابي اكون بيوم اذى بداخلك ،وبقولك اسف لك من الحياه اللي تاذيك .
لـحن وهي تستمع لكلامه واكتفت بالصمت ،بـرق:انا ادري انك في حيره من امرك تسامحيني او لا ،بس ابيك تعرفين ي لـحن اي شي صدر منك طوال الفتره اللي طافت انا مسامحك لاني في مكان خالي ولااعرف في اي لحظه ممكن اموت فبقولك اني مسامحك .
لـحن:مو محتاره في امرك لكن انا مسامحتك وانت م قلت لي الا صح ممكن نبهتني على شي غافله عنه ،صمتي الفتره ذي كلها كنت استوعب اشياء مريت فيها. وبعدين مراح يصير فيك شي ان شاء الله بتكون بخير
بـرق ابتسم على كلامها:يعني الحين مافي شي بخاطرك علي؟
لـحن:لا
بـرق:حلو حلو
لـحن سكتت وقعدت ترسم بالارض ،من بداية مخيمهم لين موقعهم الحالي .
بـرق:شتسوين انتي؟
لحن:عرفت مكاننا وين
بـرق وهو يناظر رسمها اللي بتراب:وشهذا؟
لـحن تشرح له ،وهو سحب على الشرح وفهى بملامحها ومنبهر كانه يكتشف كل يوم شي جديد فيها ،لـحن:فهمت علي؟
بـرق يهز راسه:أيي
لـحن:حلو يلا مشينا
بـرق :يلا
———
بعد مرور على ابطالنا ١٠ ساعات .
.
٧:٠٠الصباح.
لـحن وبـرق لازالو يمشون بطريق وذبحهم العطش والجوع ،برق التفت على لحن وتكلم بنفسيه زفت:ترا صار لنا اكثر من ١٠ ساعات نمشي ولا حصلنا شي
لـحن:بنحصل
بـرق:تحصلين وش انت في بر تراك ماعاد احد حولك بنصير ضحايا مفقوده
لـحن عصبت:انت لمتى سلبي كذا لاتفقد الامل ياخي
بـرق جلس:ماعاد اقدر اقاوم افهمي
لـحن:قوم خلينا نكمل
بـرق:يوهه عادد شبلاك م عندك عقل تفهمين انتي
لـحن:عندي عقل لكن انت عقلك بمكان ثاني لذلك م تفهم شي
بـرق رجع وقف وناظر فيها ونفخ عليها:خلاص انقلعي الله يلعنك ويلعن اللي يتبعك عساس فاهمه بديره اثاريك بقرهه ضايعه ولها لسان
لـحن اللي عصبت:بقره ضايعه ي الثور اللي يمشي بدون ذهن اهم شي عنده اكل لو فيك خير كان وصلنا بدري
بـرق بنبره عاليه:خلاص انقلعي وان انسان اصلا سخيف يوم قلت افتح صفحه جديده معك
لـحن:امداك ندمت ي السخيف الحمدلله وضح معدنك بسرعه يصدي يلا ضف وجهك ويلعن اللي يخاويك ي العفن .
بـرق اللي يدفها:مين العفن ي الكلبه
لـحن رجعت دفته:انت ي اقذر واحد بالعالم تفوقت حتى على قذارة الخنزير
بـرق شد شعرها:اسحبي كلامك ي الوصخه لاادفنك ومحد يدري عنك هنا
لـحن عضت بيده لين طلع الدم وترك شعرها يصرخ:والله م اسحبه ي الكلب *شدت شعره بقوه وبرق نزل راسه لها*
بـرق يحاول يسحب نفسها:انقلعي عني الخفااش
لحن دفته لين طاح بالارض:انقلع الشرهه مو عليك على اللي يقول امش معي .*كملت تمشي بدونه اتجاه دربها*
بـرق بالارض طايح ويناظر فيها:انقلعي باللي م يردك
*بـرق وقف ونفض الثوب عن التراب وكان يمشي بنفس الاتجاه*
.
——-
اورنس واقف عند فرقة الانقاذ:وش صار معكم؟
واحد منهم: م حصلنا احد غير جثث اشخاص ميتين وكان حيوان مفترس متعرضهم
اورنس حاط ايده على ذقنه:عرفتو من اصحابهم ؟
الانقاذ:اي اشخاص غرباء
اورنس تنهد :بلغوني اذا استجد شي جديد .
.
*رجع للبيت حصل ميهاب قاطع بنص الشارع وقف الشاص عند وجهه ونزل له*
ميهاب:اوه اورنـ..*صفقه اورنس على وجهه وهبده بالارض وجلس فوقه يخنقه*:انا م قلت عيني لاتشوفك في شارعنا؟
ميهاب يحاول يبعده عنه بس مقدر ،اورنس يخبط راسه بالارض بقوه اكثر من مره لين اغمى عليه،قام عنه اورنس وركب بسيارته وعدل وقفتها،  الا يطلع جمر وشاف منظر ميهاب وشهق:اورنس وش سويت
اورنس التفت عليه،وقرب له وخنقه هو بعد:تبي تساعده ي معاون ابليس 
جمر يحاول يفك نفسه بس مقدر سهيل دخل وابعد اورنس عن اخوه ويصرخ عليه:شفيك انت انهبلت!!!
اورنس يدفه :ضف وجهك انت بعد وروح اصفق اللي يتطاول على اختك
الرغد سمعت اصواتهم مرتفعه طلعت من الباب متلثمه:شفيهه
اورنس ناظرها بحده واقترب لها:راح اكشف كل الالعيبك وراح احرق قلبك من زواجك على حياد لين هاللحظه لاتتوقعي اني جاهل سواياك
الرغد وجهه انصدم وتوتر:خير شتقول انت
اورنس:تذكري كلامي هذا راح قلبك شوي شوي راح اخليك تتعذبي اضعاف عذاب لحن هناك توي بديت ي الرغد بنت يوسف .
*الرغد انصدمت من قال الاسم وبلعت لسانها وم تكلمت بشي ،اورنس راح تحت نظراتها المصدومه *
اورنس شاف جمر وسهيل بوجهه راح دفهم عن طريق ودخل داخل البيت *
اورنس طلع بوجهه عمير مسك عمير وسحبه بالمجلس الخلفي ونطق بصوت منخفض:شف ان م طعتني وسويت اللي اقوله لك صدقني بحطك معهم وراح تندم
عمير وهو منخرش من اورنس لانه يعرف عصبيته:وشو طيب
اورنس:ارسل لرذاذ اللي بيننا انتهى لانك تبين تلعبين بالمشاعر وترفضين اني اخطبك
عمير:بس اورنس*قاطعه اورنس*:هي م تحبك اصلا لو تحبك وافقت عليك
عمير سكت وناظر في اورنس وتنهد:اورنس اوك احترم انك حاقد عليهم بس لاتدخلني بمشاكلكم
اورنس ناظر فيها:بكيفك بكره توافق على غيرك وترفضك . *مشى من عنده وتركه في حيرته وطلع لغرفته وقفل الباب*
.
——-
عزوف رجعت جلست عند البنات: ي بنات اورنس صاير اوففر مرهه
غرور:وش فيه
غزيل:نقالة علوم على كيفك
عزوف:اص انتي،تخيلو اورنس جلد ميهاب وعقب جمر وسهيل يوهه صاير فضيع
رمح:احسن وقليل بعد
غيام:ناوي له على شي ذا
عزوف:واضح
.
——-
١٠:٠٠ صباحاً.
*لـحن كانت تمشي بتعب واجهاد رفعت نظرها وشافت نفسها قريبه من الخط المتحرك للسيارات كانت بتكمل تمشي لكن ،م قدرت تكمل وكل شي صار قدامها اسود وفجاه طاحت بالارض مغمى عليها *
.
*بـرق اللي هلّك وطايح  مغمى عليه جنب الشجره ولاحد يدري *
.
——-
*جمر وسهيل اخذو ميهاب للمستشفى ودوه هناك يعالجوه *
.
*سهاج متجنب الكل وجالس بخلفية البيت ضايقه فيه الدنيا للحين م حصلو لحن *
.
*نـود جالسه بغرفته وضامه المخده تفكر بلحن وشرار*
.
*رمح بغرفتها لازالت ترسم وعندها غيام وعزوف يسولفو*
———
٥:٠٠ العصر.
*شخص غريب مار بسيارته وكان قريب من خط السيارات وتفاجئ بالشخص الطايح بالارض ومغمى عليه ،نزل له و قرب ويتاكد منه هو حي ولا ميت وحصله يتنفس  ،فوراً طلع جواله واتصل على فرق الانقاذ يسعفونه *
*وصل البلاغ وكلهم وصلو للمكان،وجت سيارات اسعاف وطايرات هيلكوبتر،وبلغو الاهل انهم حصلو واحد*
*يقربو لبـرق واخذوه ويسون عليه الاجراءات  واسعفوه بهيلكوبتر*
——-
*اورنس جاه اتصال منهم فز بسرعه يوم عرف وركض لسهاج يبلغه*
سهاج جاء عنده:قول والله صدق حصلوهم
اورنس وهو يضحك:ايي يلا امش معي نشوف
*سهاج واورنس طلعو سوا،و وصلو لهم*
*اهل هداج لما دراو انه ولد وتاكدو منه بـرق كلهم فرحو اللي يبكي واللي يسجد شكر لربه*
——-
*بـرق وصل المستشفى والكل كان متواجد اهل حياد واهل سهاج واهل هداج،كانو فقط الرجال*
ااورنس يناظر باللي دخلوه بس برق:وين البنت؟
المسعف:باقي ماحصلناها
اورنس عصب:تستهبلون تحصلون ذا والبنت لاااا !!!
*سهاج يوم شاف برق وحالته مبهذله ولحن مو معه تلثم وطلع برا منهار *
اورنس كسر الدنيا:تكذببون تقولو حصلتوهم بالنهايهه ذاا بسس *عزيز وعمير ومهنا يحاولو يهدونه*
.
———
*فريق الانقاذ حصلو لحن طايحه بالارض واسعفوها فوراً كان قلبها متوقف وسوو انعاش مستعجل ورجع نبض ضعيف جداً واخذوها بالهيلكوبتر*
——-
جاء مسعف ثاني،تكلم بصوت عالي:حصلو البنت اسمها لحن صح؟
اورنس والكل بصوت واحد:ايي
المسعف:حصلوها بس الوضع حرج جداً واتمنى محد يوقف بوجهنا عشان نقدر ننقذها
*اورنس يصرخ ويسجد سجود شكر انهم حصلوها* .
حياد طلع يبلغ سهاج وحصله يبكي :ي سهاج حصلو بنتك
سهاج فز:بذمتك
حياد:والله جايه بطريق
سهاج ركض داخل المستشفى :وينهااا
.
——-
المسعف بالهيلكوبتر :توقف قلبها *رجع يحاول فيها*
.
.
——-
*ادري البارت قصير لكن تفاعلو اكثر عشان اطول البارت وانزل يوميا ورا بعض*
*م استبيح اللي تقرا ولا تتفاعل*