لـحن عيناك كـبرق اصابني.

احتواء

حياد بنبره امر:انت اخوهم في بيتكم هنا مكان نقاش مو تعريف بالاخوه .
حياد:الحين اللي بيصير بنسمع من اورنس وبنسمع من البقيه واللي موجودين لو اضطر الامر يحلفو بالمصحف راح احلفهم
سهاج بعصبيه:جيبو اورنس
*شرار واورنس رجعو عندهم*
سهاج قدامهم كلهم:اورنس عد الموقف اللي صار معك
اورنس وعيونه على سلمان:بالبدايه اول جيتهم يقطون كلام علي اني ثقيل عليك وتجاهلت ،وبعد العشاء واقف برا مع العيال تقدمو عندنا وقطو كلام علي اني لقيط واني تربية مو صالحه ويتكلمو على اهلي .
*سهاج والبقيه انصدمو من الكلام ،سهاج عصب بزياده:وش تقول حضرتك على ذا الكلام هاه!
سلمان:لازم نسمع من الطرف الثاني
مرعد وهو يتبسم تقدم لهم:م يحتاج كل شي انا مصوره *يوريهم *
هداج يناظر في ولده:ي حبك للمشاكل
حياد:مالك حق تغالط اورنس الحين
سهاج:والله ابي رد اعتبار لااورنس ولي منك ي سلمان ومن عيال اخوانك وغير يثبتو وين شايفين اورنس انه لقيط
سلمان بلل ريقه:يصير خير
.
.
.
___
عند الحريم .
الخاله عايشه: الله يهديه اورنس من هو صغير م يتفاهم غير بالضرب
نجمه:اكيد مستفزينه ولا م يتطاول من وحده
نسمه:اورنس هو اللي تضارب مع برق ولدي!
نجمه:الظاهر اي
.
*لـحن ونـود ورمـح ورتـيل ورذاذ وغـزيل وعزوف ورعد ووطـن  واقفات عند الباب يسولفون ،غرور وسديل وغيام جالسات عند الحريم*
نـود:ي ترى وش صار
رذاذ:يمه ي بنات انا شفت اورنس كيف شالهم يخوف
لحن ابتسمت:تسلم يده والله كان رافعين ضغطنا
وطـن:الحين اورنس وش يعتبر لكم
رذاذ:اخوهم من الرضاعه
نـود:لا هو صح اخونا بس م رضع معنا
وطن:كيف ؟
نـود:يعني تربى معنا وبالاحرى هو ولـحن تربو سوا
رعـد:ليه يعني مع لحن وانتم لا؟
نـود:لـحن واورنس اخذتهم جدتي وهم صغار وربتهم.
رعـد:ي عمري عليكم
وطـن واقفه عند الباب وشافت اورنس طالع:هذا هو صح؟
لحن بسرعه التفت:اييه
لحن سحبت شال نود من راسها وطلعت تناديه:اورنسس
*اورنس التفت وجاء صوبها مسكها من يدها وراح فيها بعيد عن انظار الكل*
.
وطـن تنهدت يوم شافته عضت طرف شفتها على جنب وهوجست مع نفسها:الله ملامحه نفس اللي اتمناها وشخصيته قويه نفس اللي ابيه حصلت اللي زوجي خلاص.
.
.
___
اتصل الخال مفرح على سلمان وطمنه انهم كلهم بخير وانه بيشتكي اورنس بس سلمان رفض وفهمه انه عياله مخطيين وانهم طالبين رد اعتبار قفل منه ،وقعد ينتظر مفرح لين وصل لهم بعياله.
.
سلمان يناظر بسهاج ثم اخوانه :اسمع ي سهاج صح اني تسرعت وحكمت عليكم بالخطاء وانا اعتذر عن اللي صدر مني
مفرح:والله توي ادري باللي حصل لكن وانا خوك اعتذر منك على فعل عيالي
سهاج يناظر بحياد ثم فيهم:هالمره بسكت المره الجايه بنسى النسب اللي بينا وبيكون تفاهم ثاني لو بس يتضرر اورنس شعره وحده .
مفرح:ابشر ،اخذ عياله وعيال اخته خديجه وطلعو
سلمان نفس الشي اخذ اهله ورجعو.
.
*رجعو الكل مابقى غير عايشه والخال محسن بس *
*اهل هداج رجعو لبيتهم بعد واهل حياد رجعو لبيتهم*
محسن كان بيطلع مع اخته عايشه يدورن بيت استوقفهم سهاج:وينن؟
محسن:والله بنروح ندور بيت او شي نستقر فيه
سهاج:اعوذبالله تدورن وبيتي موجود !
محسن:والله مانبي نثقل عليك
سهاج:انزلو انزلو اشوف والله ابركها من ساعه تقعدون عندي وهذا البيت قبل لايكون بيتي بيت اختكم
محسن التفت على ام عزيز *عايشه*:وش رايك؟
سهاج:ي ام عزيز والله انكم عزيزين علي بس مكانكم عندنا
ام عزيز:تم ،لكن لين نحصل لنا بيت .
محسن:الله يسعدك ي سهاج .
*نزلو اغراضهم ورجعو للبيت*
غرور تضم نـود:اخيرا بنبقى عندكم
عزوف تركض لرمح وشايله مخدتها :هيي بنام عنددك
رمح ضحكت:يلا وناااسه بنحش لصبح ،غياام انتي بعد عندي مالي دخل .
غيام وهي تشيل شنطتها الكبيره طاحت منها وضحكت:ابشري بس خليني ادخل الجثه ذي
*عبدالرحمن وراها اخذ شنطتها *:انا بوديها عنك
غيام ابتسمت بخجل:شكرا
رمح وعزوف يناظرون في بعض ويضحكون:وابتدا حب المراهقين
غزيل من وراهم:طالعات من المراهقه يعني؟
رمح:يليل جتنا عجوزتنا
غزيل:اقول وين لحن بحط اغراضي عندها
رمـح تتذكر:يمه ذي اختفت مع اورنس .
.
.
—
*عند اورنس ولحن *
*جالسين عند النخل الخلفي ويسولفون تحت القمرا وقالها اللي صار*
لـحن:وربيي كفوو راسي طلع من الغلاف من الفخر
اورنس:تدري خالي وش قال؟
لـحن:وشش
اورنس:قال ذا ولدي اورنس بن سهاج اسمه
لحن تصفق:حي عينه ابوي
اورنس ضحك على حماسها :شفيك انتي متحمسه كذا
لحن:يوهه ي اورنس بردت خاطري ترا خوالي مفرح وسلمان وعيالهم م ابلعععهم من الصغر
اورنس:افا عليك انا وش؟
لحن:اورنس للتربيه والتعليم .
اورنس:كفو عليك .
*صار صمت دقايق وهوجس بكلامهم له انه مايعرف اهله*
لحن تناظره:فيك شي؟
اورنس تنهد:تدرين احس مرات اسال نفسي من انا؟ وين اهلي ؟ ايش اسمي كامل؟ من ابوي وامي.
*لـحن تستمع له لانه عرفت انه متضايق*
اورنس يكمل فضفضته وعيونه تدمع:اليوم وانا احاول ارضي خالي كان يصد عني اول مره يجيني شعور انه مالي احد انه احتاج ابوي وامي فعلا
اورنس:كل اللي اعرفه ي لحن ان اسمي اورنس *يطلع القلاده من جيبته ويتاملها*اسمي فيها ماعرف شسالفتها ولاشي
لـحن تمسك ايدينه:طيب سالت ابوي عن اهلك؟
اورنس:سالته عدة مرات يقولي اهلك توفو وحصلتك جنب السياره منقلبه طايح
لـحن:طيب يمكن فعلا توفو
اورنس يناظر لحن وعيونه مليانه دموع:ي لحن لا احسه يكذب علي
لحن:ليش يكذب؟
اورنس:لاني سالته عن اسمهم كان يصرفني م يقول لي حتى خالي حياد سالته عني قال لي اسال سهاج .
لحن عقدت حاجبها ومسكت القلاده:اصلا شكلها غريبب واسمك محفور داخلها .
اورنس :تدري عاد دايم اشوف في احلامي حرمه تركض ورجولها كلها دم ودايم المكان كله ضباب وكانه في حرب .
لـحن:والله غريب ي اورنس احس اهلك حيين مدري ليش
اورنس:لما اكون تعبان دايم احصل حـ..*قاطعه الحركه اللي صارت*
لـحن انتبهت للشجر اللي قدام كيف انقطع فجاه وصرخت ،اورنس حط يده على فمها وهمس بخفه:اشش
*لحن ولازالت يد اورنس على فمها ،تناظر الشجر وكيف ان فيه شي يتحرك لين اختفى *
اورنس ابعد يده ومسك يدها وقام فيها ومشو بعيد ،التفت عليها وهي متمسكه فيه وخايفه ,ابتسم:لاتخافين انتي بامان .
لـحن:ايش كان هذا.
اورنس تنهد:كل م تضايقت يصير الشي هذا عندي
لـحن:بسم لله .
اورنس:غريب صح!
لـحن بعدت عنه:هو غريب بس فيه شي صدقني.
اورنس:اشياء مو شي
لـحن تناظر بيت هداج:ياخ م ارتحت لهم
اورنس يناظر على نظر لـحن:ولاانـا.
لـحن:م علينا خلينا ندخل يلا
اورنس:يلا
.
.
*اورنس ولحن دخلو*
*اورنس راح للمجلس عند العيال ولحن دخلت بصاله عند البنات متجمعات*
.
عمير:هابشر عساك هجدت
اورنس ضحك: لا م عليك
عمير:الحمدلله
عزيز:اورنس ترا بنام عندكم
اورنس:واخيراً ياخي من زمان انتظركم
مهنا:ترا بنام بسريرك مالي دخل
اورنس ابتسم:عيني لك قبل سريري
مهنا ضمه:ياخ احبك افضل شخص عرفته بالحياه
عمير:افا وانا
مهنا:طفشت منك
عمير ضربه بالمركه:وصخ
عبدالرحمن:اي وانا وين انام؟
عزيز:انا بنام بالغرف اللي بسطح
اورنس:ي حبيبي هذا مكاني
عزيز:انام عندك
اورنس:ابشر ،اسمعو البيت كبير واذا م اخذكم عيني تاخذكم قبله
عزيز:والله هذا العشم فيك
عمير:اسمعو انتو انا وعزيز واورنس بنام بالغرفه اللي فوق وانت يمهنا وعبدالرحمن بتنامو في غرفته اللي تحت