لـحن عيناك كـبرق اصابني.

جرحٍ يتحفاني .. و جرحٍ أتحفاه

*الصباح *
.
*سهاج عند الحلال منصدم من اللي صاير له وهداج وحياد يشوفو المنظر *
اورنس اللي يدور شديد ولحن ولا حصلهم ،رجع لهم يركض:شديد مختفي ولحن مو موجوده.
سهاج يناظر بالحلال الميت:هذه فعلت شديد زعل معها .
مرعد جاء لاابوه يركض:برق يبه مو موجود
.
*الكل صار يدور عليهم ولاحصلوهم ولا حصلو لهم اثر *
*اورنس حصل اثار ذيب وفيها دم بس الثلج والامطار ماسحه نصفها وقعد يمشي وهو شرار وراء الاثار لين انقطعت الاثار بسبب الامطار والثلوج *
*اورنس يتذكر الهمسات  لما كانت تنبهه يروح يشوف لحن *
شرار:رجعنا مافي شي
*رجعو للمخيم وبلغوهم ان مافي شي *
نسمه تبكي:يمه ولدي وينه
نجمه اللي خايفه على بنتها:راحت يويلي راحت
الرغد تهديهم:لاتخافو اكيد بنحصلهم
نجمه اللي لفت على الرغد:بنحصلهم؟ والسبب كله منك انا ادري بنتي لحن م تسوي هالتصرفات لكن اقسم بالله ي الرغد لو تتاذى شعره وحده من بنتي راح تتحملي مسوؤليتها .
*عايشه اخذت اختها وجلسو بعيد عنهم*
.
نـود:وين بتروح لحن
رمـح:امس حطيت لها اغراض بشنطه وكانت عند شديد والحين اثنينهم مو موجودين
غيام:سمعت اورنس يقولو حصلو اثار الذيب وفيها دم وبعدها اختفت
*رتيل تسمع كلامهم وتمنت الارض انشقت وبلعتها بدل م تطلع امس *
رعـد تتكلم مع وطـن:امس بـرق يسال عن رمح وين رايحه الظاهر راح للحن
وطن عقدت حاجبها:شيبي فيها
رعد:مدري بس اكيد لحقها
وطن:يعني اختفو مع بعض؟
رعد:اتوقع
وطن:وبرق هربها عشان م تتزوج ميهاب؟
رعد:يسويها تراه مجنون
وطن:م اتوقع هو يكره لحن وين بيهربها .
رعد:اجل وينهم
.
غدي:يمه ليكون الذيب ذا اكلهم؟
*كلهم التفتو عليها منصدمين*
نـود:شديد مستحيل ياكل لحن
رمـح:اكل حلال ابوي
غزيل:هذا دليل انه زعل معها وترك المكان
هيام:ياربي استودعتك لحن وبرق .
عزوف:الجو ثلوج ي بنات تدفو كلشي اختفى ي دوب تبان الجبال
.
.
___
*الكل جالس بالخيام ولازال الثلج ينزل *
سهاج متوسط الجلسه ويحك ذقنه وبجانبه الايمن حياد والايسر هداج .
جمر دخل عليهم :دورنا بكل مكان قريب من هنا م حصلنا لهم اثر
سهاج التفت على هداج:شوضع ولدك ؟
هداج:نفس الوضع مختفي
حياد:لاحول ولا قوة الا بالله * قام*انا رايح ادورهم
سهاج:بمشي معك *سهاج وحياد مشو في نفس السياره يدورنهم*
هداج:فاضل روح انت واخوك دورو بـرق .
فاضل:ابشر .
.
.
——
صحى وحصل نفسه راسه على فخذ لحن وهي راسها على الحجر نايمه،فتح عيونه يحاول يستوعب وشاف المنظر حوله ثلوج وضباب التفت على لحن اللي نايمه وجسمها عباره عن كتلة جليد ،اقترب منها وحاول يصحيها:لحن !
يضرب خدها بشويش :لحن اصحي
*لحن تفتح عيونها وشافت وجهه مقابلها ،عقدت حاجبها وناظرت حولها  وتنهدت وصارت تحرك رقبتها بشويش *
بـرق شافها وابتسم:بشب النار
*بـرق جمع الحطب وشب النار واقترب واشر للحن تقرب عشان تدفى*
*لحن قرب النار تتدفى وتذكرت في شنطتها اكل طلعته من الشنطه وعطت برق ولها *
*بـرق ياكل ويناظر فيها ثم في المكان ،لحن تناظره وساكته*
بـرق:تتوقعي فقدونا؟
لحن تذكرت اللي صار امس وضاق خاطرها و وضحت على ملامحها،بـرق:الظاهر تبين تبقين هنا
لحن:لو اجاوبك بتنصدم
برق:وشو
لحـن:مرتاحه هنا بعيده عنهم وعن نقاشهم ولاسيما اليوم بيخلوني اتزوج اخوك
بـرق تذكر هالشي وانزعج:تصدقي احسن خليهم يفارقو
لحن:تراك مو مجبور تبقى معي ارجع لهم
برق عقد حاجبه:وليه تتوقعين اني حاب اكون معك
لحن:لاتربط نفسك معي تقدر تدل الدرب من هنا
بـرق:ترا لو م لحقني كلبك ذا كان امداني عندهم الحين
لحن عصبت:اول شي هذا مو كلب هذا ذيب ثاني شي محد قال لك تعال عندي
بـرق:يعني خطاي اني جيتك بواسيك
لحن:م طلبت منك مواساه اللي عباره عن شفقه
بـرق عصب:شفقه ؟خير وش شايفتني انتي صدق انه اعمل خير تلقى زقاً مب بس شراً
لحن وقفت :طيب خيرك ذا خذه وانقلع ارجع لهم
بـرق وقف:ومن قال ببقى معاك اصلا
لحن اخذت الشنطه ومشت:ارجع اصلا انت م تفرق عنهم بشي *قالت كلامها ومشت تاركته وراها*
بـرق:ايه ايه اهربي نفس كل مره
لحن متجاهلته،بـرق يناظر بالدرب من جهه ثانيه:الموت ولا امشي وراها .
*برق اتجهه بجهه ثانيه يمشي *
.
لحن تمشي وتسب:هه عساس هو غير عنهم ويبقى معك طلع الاخ يشفق عليك ،انا غبيه اصلا ليه فكيته من شديد لو اكله وارتحت منه .
.
بـرق يمشي بدرب مايدري وشو:جيتها بطيب خاطر قامت تسب لعنه م عليها شرهه
.
.
——-
*بعد مرور الوقت *
٣:٣٣ العصر .
اورنس يمشي بين المخيم وعيونه مليانه دموع:وينك ي لحن ،ليتني م تركتك امس
اورنس يجلس عند جبل ويمسح دموعه:شسويت انا! ادري سويت غلط وتركتها *شاف ظل حرمه يطلع ويختفي بين الشجر* اورنس عقد حاجبه وشد نظره يناظرها زين:ذي نفس اللي بالحلم!!!
اورنس ركز نظره عليها واختفت ،تنهد وقعد يفكر في لحن .
.
—-
رمـح جالسه لوحدها وتبكي،مـرعد شافها وجاء لعندها وكان خايف احد يصيده:لاتبكين والله دموعك ثمينه
رمح تناظره:شتبي انت
مرعد:لاتضايقين روحك صدقيني بنحصل لحن وبـرق
رمـح:بس من امس مب هنا وين بيروحو
مرعد:مدري بس اكيد بنحصلهم
رعـد شافتهم وجت عندهم وجلست جنب رمح وتضمها وتناظر اخوها:تواسون بعض بدوني
مرعد:بنات شفيكم؟ لحن وبرق اكيد مع بعض وبيرجعون
رعد:صح بعدين لحن تعرف الديره واكيد بترجع
مرعد:ايه اكيد بعد حدث امس اتوقع بعدت فتره بتكون لوحدها
رمح تمسح دموعها:ممكن
مرعد ابتسم:اي يلا خليك قويه كذا
رعد:تهقى بـرق ولحن يتهاوشون؟
مرعد:لا مستحيل دامهم في البر اكيد بتكون علاقتهم حلوه
رمح:اتمنى
مرعد يوريهم مقطع بجواله لهم:شوفو شوفو مره قفطتهم يتضاربو
*رمح ورعد يتفرجون فيه ويضحكون *
.
.
——
ميهاب نزل من سيارته واثار الضرب واضحه عليه مر من جنب الخيمه وكانت رتيل واقفه ،ميهاب انتبه لها وصد بنظراته عنها وكمل طريقه ،رتيل انقهرت وتضايقت مرهه .
.
—-
بـرق يمشي وحس بعطش وجوع :افف انا ويني !
يتلفت يمين ويسار:ماعرف شي بديار ذي كيف برجع والجو صار برد حيل
شاف جبل اسرع بخطواته عشان يبقى فيه .
.
—
لـحن جالسه بجبل وشابه النار وتهوجس مع نفسها:ليه ابوي صدقها ولا صدقني ؟ ليه حظي انقلب فجاه وصار كل شي ضدي،من شفت الحلم وانا وضعي مو تمام ،تنهدت لما داهم افكارها اورنس
لحن عيونها امتلت بدموع:ليه ماكان معي ؟ليه راح بصف ابوي *تتذكر يوم ابوها ضربها كف قدام الكل وتبرى منها وهو اللي يقول انا جبت بنت عن عشر رجال* اخذت نفس عميق
لحن تقوي نفسها:خلاص هو تبرى مني وانا من ذي اللحظه م اعترف ان لي اهل وبعيش لوحدي في الصحرا ذي
*صوت الرعد ضرب ب انحاء الجبل*
لحن تناظر السماء:ربي ؟انت سمعتني وعطيتني اشاره باني راح انتصر واتغلب على الوضع هذا *جاء صوت رعد اقوى*
لحن ابتسمت:الحمدلله بتمطر واضح
*لحن اختفت ابتسامتها لما تذكرت برق انه حياته كلها برا ولايعرف شي بالبر وجاها تانيب ضمير *
.
.
——
بـرق جاء للجبل وشاف النار شابه ولحن جنبها نطق بصدمه :انتي هناا
لـحن تناظر به:انت تلاحقني؟
بـرق:تعقبين
لـحن:اجل وش تسوي هنا
بـرق:ليه الجبل جبل ابوك؟
لـحن تناظره:جبلي انا شعندك؟
بـرق جلس:وخري بس هدفي كان هو طلعتي انتي فيه
لحن شافته بردان وم عليه الا هانك وبلوفر ،:طيب قرب للنار تدفى
*بـرق يناظر فيها وسكت *
.
———
٧:٠٠ ليل .
*الكل دور ورجعو للمخيم يوم فقدو الامل انهم يرجعو *
*هداج وسهاج وحياد ومحسن جالسين حول شبة النار*
*جمر بهدوء يرتب الشاي والقهوه ويقهويهم*
شـرار وهو ينثر شعره عن المطر والثلج ووجه كلامه لبقية الشباب:ي ترى وين بيروحو في الاجواء ذي
عزيز:لحن تعرف الديره ذي زين؟
ملهم:والله اني مدري
عزيز:ان شاء الله يرجعون .
هادف:المشكله اخاف يطلعون مو سوا
سهيل:لا ان شاء الله مع بعض ويرجعون .
.
مرعد وهادف يدورو اخوهم ميهاب وحصلوه جالس لوحده:ميهاب
ميهاب يناظر فيهم ،هادف يجلس جنب اخوه:شفيك انت
ميهاب:وشفيني غير المصيبه اللي صارت
مرعد:لاتقول كذا بينحل كل شي
ميهاب:وش بينحل وانا دخلت لحن بمصيبه لدرجة ابوها تبرا منها والحين اخوي اختفى
هادف:اصلا واضح برق هرب لحن علشان م تتزوجو
مرعد:حتنا اتوقع كذا
ميهاب قام:مقدر اتحمل
*ميهاب راح لخيمه اللي جالسين فيها الشياب*
ميهاب وهالات واضحه وشعره مبعثر على جبينه من المطر وقف قدامهم:بقول لكم شي ادري مراح تسمعوني بس راح اقول
*الكل التفت لميهاب *
.
——
رعد تركض لاامها:يمه ميهاب راح لهم اكيد بيصير شي
رتيل سمعت الكلام وشافت الكل قام راح يشوف ميهاب وراحت وراهم *
.
——
*اورنس اللي تحت عيونه صار احمر بسبب قلة النوم والتعب،كان يستمع له*
ميهاب:ادري ان السبب مني وكل الخطا خطاي انا ومستعد اتحمله بكل شي
حياد:مستعد تتحمله بوش !
ميهاب تحت نظرات الكل وتوترهم ومشاعره اللي انقلبت فجاه كرهه لرتيل:مستعد اتزوج لحن والم الموضوع .
اورنس عقد حاجبه وفز من مكانه ومسك ميهاب من فكه وناظر فيه:تتزوجها؟ ليه بتثبت كلام انها فعلا كانت معك!
ميهاب يوم شاف رتيل واقفه:ايه انا احب لحن وابيها
اورنس مقدر يتحمل وصفقه على وجهه وجره بقوه على الارض ونزل عليه يضربه:لحن اشرف من انك تحطها بهالصوره ي حقير
*الكل التم يبعدو اورنس عنه*
*شـرار وملهم سحبوه بقوه عنه *
ميهاب وفمه ينزف يناظر ب اورنس:صار اللي صار ي اورنس وبتكون حلالي البنت .
اورنس فلت منهم ورجع صفقه بقوه وصرخ بوجهه:لحن مراح تكون لك ي خسيس
.
*جمر وشرار وملهم يردونه*
سهاج بعصبيه:يكففيي انا اللي اعطي القرار مب انتم
اورنس التفت على سهاج وكانت نظرته مو زي اي نظره اعتاد سهاج عليها ،نظرته كانت قاسيه وغضب ،نطق اورنس بنبره حاده وكأن اللي قدامه عدو مو سهاج
.
*تفاعلو اذا تبون اكمل *
واعطوني توقعاتكم لهم .