لـحن عيناك كـبرق اصابني.

‏و إنّ زكاة مَا تجهلُه أن تصمُت عنه .

.
.

حياد اللي عصب وانفعل:بس ذا مو مبرر انك تكوني واقفه معي ايش السبب اللي مخبيته عني !!
الرغد اللي خافت ورجعت على وراء اول مره حياد يعصب وبدت تاتاى بخفه:مـا ..اا مـ اا في شي
حياد بعصبيه فضيعه :تكلميي وش المخبى عني
الرغـد ارتعشت في مكانها وقعدت تناظر فيه وهي خايفه:مافي شي ليش تتوقع فيه
حياد اللي ضرب الطاوله بيده:ان م تكلمتي بطلقك سامعه .
.
*رتيل ورذاذ عند باب الغرفه يسمعون الكلام*
.
——-
لـحن منسدحه تناظر في السنابات ودخلت بالغلط على سناب بـرق وصارت تشوف يومياته ويصور نفسه وجسمه لما يتدرب .
.
بـرق شاف لحن تشوف سناباته دخل عليها:نورتي
لحن تشوفه يرسل دخلت عليه:وش عندك؟
بـرق يراسلها:طيب ردي على المجامله .
لـحن:ترا م نسيت حركتك تضيف نفسك بليا استاذن لذلك اخلص علي وش عندك؟
بـرق جلس ويناظر بكلامها وتكلم بصوت منخفض:شفيها ذي شادتها مرهه.
كتب لها بـرق:اللي عندي انه لازم تضبطي علاقتك مع زوجة عمك وتدخلين بيتها وتفتشي ب اغراضها واكيد بتحصلين شي
لحن تقرا افكار برق:حلوهه فكرتك بس صعب ادخل افتش ب اغراضها
بـرق:مم طيب وش بتسوين
لـحن:يمكن اواجهها
بـرق:اهني عقلك
لـحن:طيب شرايك اكلم رذاذ هي تعرف كل شي وقريبه مني يمكن تساعدنا
بـرق:بس امها ؟
لـحن:نجرب
بـرق:لاتستعجلي اكيد بنحصل حل
لحن:طيب
بـرق:لاتحذفيني خلي ذا تواصل سريع بينا
لحن:يصير خير *طلعت من المحادثه*
.
.
——
وطـن طلعت من عند  البنات راجعه للبيت فتحت الباب حق بيت سهاج وتفاجأت بوجود اورنس جالس فز قلبها بسرعه وحاولت تتجاهله وكملت بخطوات هاديه قاطع حبل افكارها صوته العميق:انتي وطن؟
وطن التفت عليه وتناظر بعيونه تكاد تجزم ان قلبها انسرق منها وعايشه بدون قلب نطقت بهدوء:ايهه
أورنس اللي يستمع لنبرة صوتها الهاديه اللطيفه وكانه الصوت اخذه بعالم مطمئن وهادي ،اخذ نفس عميق وناظر فيها:انتبهي وانتي تمشين لبيتكم
وطـن:ان شاء الله
اورنس يبي يتكلم بس مايعرف ايش يقول لكن نطق بكلمه:ماشاء الله
وطن:افلحت ،تبي شي؟
أورنس وقلبه ينبض بسرعه وتلخبط:ها..لااا بس ذاا كنت بقولك انتبهي وانتي رايحه لان الوقت متاخر
وطـن وهي تتامل عيونه وابتسمت على الخفيف:م عليك اعرف اسنع نفسي حتى لو تاخر الوقت
أورنس ابتسم:ماشاء الله عليك بس انتبهي
وطـن ابتسمت لما شافته ابتسم لااول مره لها:انت اللي انتبه
اورنس:افا عليك اسبع الديار انا بس خوفي عليك انتي
وطـن خدودها قلبت حمرا وخجلت من نطق بانه خايف عليها ونبرة صوتها صارت حيويه:وليش تخاف علي ومابيننا اي صله
اورنس تفاجئ بسؤالها المفخخ،ابتسم:لانك تعتبري منا وفينا
وطن عقدت حاجبها:منا وفينا؟
اورنس:بمعنى انك تروحين وتجين عندنا وصديقة خواتي فهمتي؟
*وطـن ماكان غايتها هالجواب بس اكتفت ب ابتسامه ومشت بدون رد عليه *
اورنس يتاملها ويتكلم بداخله:شفيها م ردت ليكون قلت شي غلط ؟ اهخ قلبي ابتسامتها وملامحها .
*طلع المق الشاي حقه وجلس يتقهوى ويهوجس فيها عند الشاص*
.
.
——-
*بـرق منسدح على سريره واضاة غرفته الخافته وبجانبه كتاب وليم شكسبير اخذ نفس عميق وطلع من المحادثه وقفل جواله*
بـرق:الوضع يبي له قهوه بس الوقت متاخر عشان كذا باستبدله بمشروب البابونج.
*تحرك للمطبخ واخذ كوب وغلاف بابونج وحطه به وكان بيطلع لغرفته وتفاجئ بقدوم اخته وطن*
بـرق:اهلا اهلا من وين جايه؟
وطـن وهي ملامحها ضايقه:كنت عند لحن والبنات
بـرق:اها وكيف عساك تاقلمتي معهم
وطـن :ايي مرا لطيفات ،تبي شي بنام؟
بـرق:لا نوم العافيه.
*كل واحد فيهم راح لغرفته*
.
——-
*بيت حياد*
كان الكل متجمع بصاله ويسمعون نقاش ابوهم وامهم الواصل حدهم .
سهيل:وش صاير؟
رتيل:مدري فجاه ابوي دخل فيها هنا ويتهاوشون .
ملهم هادي وكان فقط يستمع لهم ولحوارات اخوانه .
.
حياد:بتتكلمين ولا؟
الرغد تبكي:مافي شي اتكلم ب ايش
حياد:اجل انتي طالق خذي اغراضك واطلعي من بيتي
الرغد صارت تبكي:تكفى يبو سهيل لاتسويها
حياد بنبره مرتفعه وحازمه:قلت لك اطلعي من بيتي ولاعاد اشوفك
*طلع من الغرفه حقته وكان العصبيه واضحه على ملامحه وشافت بناته وعياله واقفين بصاله وتجاوزهم وطلع للمجلس الخارجي *
*سهيل وشرار وجمر راحو وراء ابوهم ،رتيل ورذاذ راحو لاامهم،ملهم بقى جالس بصاله*
*الرغد جالسه وتبكي البنات يواسون امهم *
.
حياد بالمجلس شاف عياله دخلو عليه:ولاكلمه امكم طالق .
سهيل:تعوذ من الشيطان م توصل المواضيع كذا
حياد:انا نبهتكم اللي بيتكلم بيلحق امه .
شرار:يبه انا مدري وش حاصل معكم بس لازم تعلمنا ايش صاير
حياد:سهيل خذ امك الان ودها لااهلها .
سهيل:لاحول ولا قوة الا بالله.
حياد بعصبيه:اخلصص
*سهيل سكت ومشى وهو ينفض ايدينه اول مره تحصل مشكله بينهم ،لحظات انه طالع صادف امه طالعه ومعها شنطتها وراها بناتها وملهم*
سهيل:ي يمه وش حاصل
الرغد تمسح دموعها:خلاص انتهينا انا وابوك
ملهم اللي عاقد حاجبه وشاد على اسنانه توجه لاابوه وقف مقابل ابوه:يكفيي خلااص سلطتك وتامرك اللي قاعد تسويه لمتى
*حياد وقف يناظر بولده *
ملهم:تجبرني انا على الزواج م يخالف تجبر اختي رتيل على الزواج بحجة الشرف وهو متطاول يتكلم معها بدل م توقفهم عند حدهم ولو توصل للذبح ولا قدرت تسوي شي غير انك تجبر والحين تجبر امي تطلع من البيت لييييه *رفع نبرة صوته* وش الذنب اللي سويناه عشان تسوي معنا كذا ؟
حياد صفق ملهم بكف:احترم اللي تتكلم معه ثانيا مالكم دخل في اللي بيني وبين امكم
ملهم:انا تعبت من تصرفاتك الغير مببرره كل شي جبر جبر انت اب ولا عدو
حياد:مو عاجبك اذلف مع امك.
ملهم ناظر فيه واخذ شنطة امه:يلا مشينا
الرغد ترد ملهم:يمه مالك دخل اقعد عند خواتك
ملهم بعصبيه:امشي يمه والله م نجلس في بيت انطردنا منه
*حياد يناظر ولده المتسرع بكل شي:اللي بيتواصل معهم من اللحظه ذي بيلحقهم .
*ملهم اخذ امه تحت نظرات ابوه واخوانه وخواته وطلع فيها ،البنات يبكون بحرقه على امهم *
.
——
اورنس واقف عند صدام الشاص اتجاه بيتهم وشاف  الرغد وملهم يطلعون اغراضهم ،والبنات والعيال وراهم .
الرغد التفت وشافت اورنس مستند على الشاص ويناظرها ويبتسم لها بطرف شفته ،الرغد تجهمت منه وركبت بسياره .
*ملهم مشى في امه عقب توديعها لعيالها ،اورنس عيونه مافارقتها لين مشت *
*سهيل دخل خواته وقفل الباب *
.
——
اورنس لازال في مكانه ،وبلحظه جلس بجنبه ممدوح.
ممدوح يناظر ب اورنس:ارتحت الحين
اورنس وشرارة الانتقام بعيونه:باقي
ممدوح وهو جالس على الشاص ويناظر ب اورنس:خلاص اخذت حق لحن
اورنس:باقي م هدا داخلي
ممدوح:بس هي ذاقت اشد من اللي ذاقته لحن
اورنس:نعم بس علشان طلقها وممكن ترجع يعني تشوف هذا شي اشد؟
ممدوح:لا طبعا بس لانها هي اكثر شي تحبه زوجها وعيالها فااحترق قلبها
اورنس:باقي لازم اكشف اوراقها
ممدوح ينزل من الشاص ويوقف بوجهه كان بيتكلم ،قاطعه اورنس لبس سماعه:انت كيف تتكلم  معاي وطالع كذا قدامي
ممدوح:عادي شفيها مو اول مره تشوفني
اورنس يتكلم بداخله:ليكون انجنيت وصرت اتكلم مع نفسي
ممدوح ضحك:ترا لحن شافتني لاتتوقع انك انجنيت
اورنس:بسم لله كيف سمعتني
ممدوح:سرّ المهنه
اورنس اخذ نفس عميق وناظر في ممدوح:كيف لحن شافتك؟لازلت تطلع لها
ممدوح يبتسم:مره مرتين ثلاث اربع
اورنس عصب:تستهبل انت؟ بتدخلها الدائره ذي ؟
ممدوح:مقدر لازم اطلع لها هي تعرفني الحين
اورنس بيتكلم بس اختفى ممدوح ،تنهد اورنس وناظر يمين ويسار:الكلب هذا
*رجع دخل البيت وهو يخطط بزياده عليهم*
———
لحن بغرفتها فاتحه الشباك ومقفله الاضاه كامله وتسلل عليها اضاة الشارع والقمر منسدحه على سريرها ولابسه شرت وبدي تستمتع ببرودة الطقس
اثناء انسداحها حست بحركه اصابع على فخذها عدلت نفسها تناظر حولها وم حصلت احد ورجعت انسدحت على بطنها وتقرا رسايل سديف لها .
لحن حس اللمس مره ثانيه جلست وشغلت الابجوره:بسم لله الرحمن الرحيم وش اللي يلمسني ذا .
شافت فخذها والجرح الموجود وصارت تتحسس عليه ب اصابعها وتتذكر كل لحظه مضت وهي بالبر وشعورها ذيك اللحظه كيف فقدت الامل صحيح نجت بفضل الله لكن اثر الجرح كان مثل العقده اللي مراح تنساها ابداً ،نزلت دموعها وهي متاثرهه من الذكرى واخذت نفس عميق تحاول تخرج الذكرى وعقدتها من داخلها لكن للاسف فشلت واشتد بكائها و لوهله حست بدفئ يلتف على جسمها مسحت دموعها ونطقت بصوت منخفض:مين انت!
ابتسمت بخفه ونطقت:شكلي اتوهم
استقامت وتحركت للشباك وقفلته ورجعت انسدحت بسريرها تقلبت عشان تنام .
.
.
———
اليوم الثاني ١١:٣٠ الصباح.
.
سهاج عند اخوه جالس :استهدي بالله م توصل انك تطلقها
حياد:والله حذرتها بس م عاد ينفع .
سهاج:لا حول ولا قوة الا بالله .
.
.
——-
نـود كانت تجهز اغراض الغداء ومعها عزوف تسولف عليها:تصدقين غزيل كلمتني تقول حددو زواج عزيز
نـود ابتسمت:صددق والله؟
عزوف:ايي
نود:مبروك ي قلبي الله يتمم لهم على خير
عزوف:الله يبارك فيك وعقبالك
نـود:اميين ،صدق وينهم الحين ؟
عزوف:راجعين بالطريق
نـود :بروح اصحي لحن واجي
عزوف:وانا بروح اشوف رمح وغيام
نـود:طيب
.
*نـود متجهه لغرفة لحن وجتها رساله من شـرار*
شـرار:امي وابوي بينفصلو واحس خاطري ضايق اذا يمديك تقدري تقابليني اليوم !
نـود انصدمت:اعوذ بالله وش السبب ؟
شـرار:ماعرف فجاه يبي يفترقو
نـود مستغربه:غريبه الله يصلح الاحوال ،مقدر اقابلك امي وخالتي راجعين
*شـرار قرا رسالتها واكتفى بالصمت *
نـود شافت انه مارد ،ارسلت له:اذا فضيت برسل لك ونتقابل تمام؟
شرار:تمام
.
———
رمـح كانت مندمجه بالرسم على لوحتها اللي صار لها شهر ترسم فيها وكان باقي لها لمسات اخيره وتخلصها . وقفت ترتاح وراحت عند اخواتها .
جوالها كان بالغرفه جتها اضافه من نك M .
.
——-
نـود دخلت عند لحن:لحن قومي يلاا امي وخالتي جايين
لـحن بدون تفتح عيونها:طيب
نـود خرجت ولحن فتحت عيونها وشافت بجانبها هيئة شخص نايم جنبها شهقت وقعدت تناظر زين واختفى بسرعه مسحت وجهها وقعدت تسمي وهي متضايقه من الشي ذا .
.
———
*بيت هداج*
*الكل متجمع وجالسين*
فاضل:يبه انا وزوجتي وعيالي بنسافر لرياض
هداج:ليه؟
فاضل:رفضو ينقلوني ومضطر ابقى هناك لين ينقلوني
هداج:ومتى بتسافر؟
فاضل:ان شاء الله اليوم
هداج:اجل بحفظ الرحمن ولاتقطعنا
فاضل:ان شاء الله
هداج وقف:بروح عند سهاج وحياد
نسمه:انا العصر بجي عند ام نود
هداج ناظر في ميهاب:تجهز عشان نطلب بكرا البنت رسمي
نسمه:بالسرعه ذي ؟
هداج:ايه تجهزو
*ميهاب يبتسم وكانه اسعد شخص في الكون *
رعد:اخيراً بيصير عندنا عرس
بـرق:لي زمان عن الزواجات
هادف:شد حزامك بعرس اخوك
بـرق:يبه نطلبه رسمي وثاني يوم نزوجه
ميهاب:ايوه صح
هيام:خير انت وهو تحسبوه فوضى
هادف:خليهم ذولي ورعان.
هداج:المهم عن اذنكم .
*هداج طلع *
نسمه:ميهاب لازم تشوف لك شقه وتجهزها
ميهاب:م عليك باخذ الملحق اللي فوق
بـرق ومرعد التفتو عليه:سلاماات حبيبي
بـرق:تضف وجهك تدور لك شقه
*ميهاب يقلدهم ويضحك *
.
.
——
ساعه ٤:٠٩ العصر.
الكل اجتمع في بيت سهاج ورجعت عايشه ونجمه ونسمه ،والشباب جالسين برا والشياب بالمجلس ،والبنات كلهم مع بنات نسمه بعد .
*والكل درا في وضع حياد وزوجته انهم قررو ينفصلو*
.
غرور:بنات ترا الخميس زواج عزيز حجزنا القاعه وحددنا الزواج باقي بس نروح المدينه ونشتري الفساتين
غيام تقلب جوالها وشافت اليوم:اف احنا الجمعه بيمدينا نروح المدينه والسوق؟
غـرور:ايه بكرا بنسافر للمدينه
لـحن جت وجلست عندهم :شسالفه
رمح:بكرا بنسافر المدينه عشان زواج عزيز
لـحن:مبروكك
غرور:الله يبارك فيك
لـحن:ابوي عنده خبر؟
نـود:ايي
هيام:ي الله ي بنات يمكن نلحقكم بعده بيوم
نود:ليه
هيام:بكرا بنجي نطلب رتيل رسمي
نـود تذكرت امهم و وضعهم وتنهدت:ماكانكم استعجلتو شوي ؟
هيام:والله ابوي حطنا بالامر الواقع
*لـحن زمت شفايفها وتفكر في رتيل وفي الرغد وموضوع اورنس *
وطـن:الله يوفقهم يارب
رمح:كيف تطلبونها وامها مو موجوده؟
غدي:حيكون كلام رجال مافي شي يستاهل نظره شرعيه لانهم شافو بعض اصلا
رعد:ايه بس يجي الملك ويعقد القران بينهم
رمح:اها
*لحن اشرت لرمح ونود يلحقونها،لحقوها اخواتها بالمطبخ *
نـود:شفيك؟
لحن:بنات ادري اللي سووه معي غلط بس شرايكم نوقف بكرا مع رتيل ورذاذ احس صعبه نتركهم وامهم مو فيه؟
نـود ابتسمت:توي كنت افكر اقولكم عنه
لحن وهدفها شي ثاني:اي احس احنا بالوجهه
رمح:صدق والله احس مالهم ذنب
نـود:خلاص اجل اتفقنا
رمـح وهي تحك اسفل رقبتها:ذا بقول حاجه
*خواتها يناظرون فيها*
رمـح:ترا طول الفتره اللي كنتي فيها بعيده ي لحن وحتى لما رجعتي رتيل تكتب كلام برسايل وتجي اخر الليل وتحطه عند الباب وكنت اشوفها واخذته بس م فتحتهم لانه مكتوب للحن ،وكانت قبل امس اخر رساله اخذتها.
لحن عقدت حاجبها:توك تتكلمين
رمـح:حسيت ماله داعي
لـحن:موجودات عندك؟
رمـح:ايه
لحن:هاتيهم لغرفتي طيب
رمح:طيب
نـود:انا بروح اتكلم مع امي عن الموضوع ذا .
لحن:تمام
*نـود راحت لاامها ،ولحـن رجعت عند البنات وجلست ورمـح اخذت الرسايل وحطتها بغرفة اختها *
.
وطـن تضحك:تدرون مين المتحمس لزواج اخوي؟
البنات:مين؟
وطن:بـرق
غرور:ليه
هيام:لانه م عمره شاف زواج سعودي دايم اجانب .
لـحن قلبت جوالها ودخلت سناب وكانت جاهله وجود وطن جنبها وتطالع سنابها ،لحن شافت السنابه الخاصه المرسلها  كانت عباره عن فيد مصور نفسه مع القطوه ويخنقها ،لحن ابتسمت على شكل القطوه *
وطـن وسعت عيونها يوم شافت سنابه موجود عندها وناظرت بلحن وهمست.
.
.
——-
*لو سمحتو قدرو تعبي وتفاعلو*
بخصوص البارتات قصيره ،انتظرو بتجيكم بارتات ناررر وطويله .