لـحن عيناك كـبرق اصابني.

‏" يـالشعور العّذب .. مدري ياعذابي".

.
.

بـرق التفت وشاف الولد بسياره وشكله مرتب وعيونه على لحن ،نزل من سيارته وقرب من لحن وغطى وجهها بالشيله والتفت لااوبر واشر له انه يروح ،والتفت عليها :يلا اركبي
لحن تنزل الغطاء عن وجهه:شتحس فيه تغطيني
بـرق:عيب ومن اليوم ورايح م تطلعين في هذا المنظر
لـحن:لا والله على كيفك هو
بـرق بغيره:ايه على كيفي ويلا اركبي
لـحن:مراح اركب معاك ومالك دخل فيني تبي تغطي روح غطي خواتك مو انا
بـرق سحبها من يدها وركبها بالسياره ،وكان تصرفه من دافع غيره عليها ،وراح ركب بسياره وقفلها ،لحن تصرخ عليه:تستهبل انت معاي ولا ايشش !!!!
بـرق بعصبيه التفت عليها:لاا م استهبل وبعدين خير بتبمشين معه بكامل زينتك كذا مراح اسمح لك
لحن تحركت من مكانها اتجاهه وتحاول تفك زر  القفل حق باب السياره  من عنده :مالك دخل فيني
بـرق وشاف قربها منها ومسكها من يدينها وكانت قريبه من حضنه وثبتها بين ايدينه ونطق:قلت لك ي لحن لي دخل
لحن وهي شبه بحضنه وقريبه منه لدرجة انفاسه تحس فيهم ،وكانت تشتته علشان توصل لزر الباب ،نطقت:بصفتك شنو تتدخل ؟
بـرق:بصفتي انك الحين في امانتي
لـحن فكت الباب وسحبت نفسها من يدينه بسرعه ونزلت ،برق تفاجئ من حركتها ونزل وراها بسرعه وصرخ عليها:شوضعك انتي لدرجة ذي م تبين تبقين معاي؟
لحن تتجاهله وتمشي:ارجع لسيارتك وبمشي انا على رجولي
بـرق  تنرفزمن عنادها وشد على فكه وبرزت عروقه بقوه بسبب عصبيته توجهه لها وهي تمشي وشالها من الارض وصارت بحضنه ،لحن تحاول تفك نفسها منه لكن شافت ملامحه كيف معصب وعروقه وكيف شاد على جسمها :اذا م فكيتني بصرخ انك خاطفني .
بـرق بلامبالاه:صرخي
لـحن تصرخ بصوت عالي ،بس مافي فايده ماحولها احد ،تحاول تضربه وتسحبه من شماغه:فكني ي برق خلاص
بـرق وقف عند السياره وفتح الباب الخلفي وركبها فيه ورجع ركب وقفل الابواب ،وشغل السياره وحركها ونطق بنبره مرتفعه شوي:لو تفتحين الابواب الحين بتطحين وتتحملي مسولية نفسك واذا بتجحدين فيه داش كام هنا مصور كل شي .
لـحن تناظر فيه وتسبه:خسيس شتبي منيي !!!
*بـرق يناظرها بالمرايا وتجاهلها وتجاهل سبها ،لحن تكتف وتناظر من الشباك وساكته .*
.
*صار الوضع هدوظ لين قاطعهم اتصال اورنس*
لحن:هلا
اورنس:وينك؟
لحن:جايه بطريق ليه .
اورنس:يلا انتظركم
لحن :تمام
*لحن قفلت منه ورجعت سندت راسها على المرتبه*
*بـرق يسترق النظر من المرايا ويرسم على طرف شفته ابتسامه خفيفه منتصر على عنادها*
.
———
وطـن واقفه عند باب الاستقبال ولمحت اورنس واقف وابتسمت على شكله ،كان لابس ثوب ولابس فوقه محزم الاسلحه ولاف شماغه على راسه ،اورنس وهو يتلفت عند الباب حق النساء لمح وطن واقفه وتبتسم له ،وقف يتاملها وابتسم على شكلها وغمز لها ،كان بيقرب ويتكلم الا يناديه سهاج ،اورنس عبس ملامحه ونطق:ابوي ذا قاتل المتعه.
*رجع لسهاج وشاف شعنده وخلص طلبه ورجع لاابوه *
اورنس:يبه تعال ابيك
سهاج تقدم له فرحان ومبتسم:ي جلعني م انحرم من كلمة يبه من فمك .
اورنس ابتسم:بطلبك طلب
سهاج:عيوني لك
اورنس:ابي بنت هداج وطن لي
سهاج تغيرت ملامحه من فرحه لضيقه وصار يتاتاء:كيف يعني؟
اورنس وهو يشوف ملامح سهاج:يعني بتزوج وطن؟
سهاج تنفس بضيقه:على خير ان شاء الله
اورنس عقد حواجبه من ردة فعله:بتكلمه اليوم؟
سهاج:ان شاء الله بس الحين مشغولين
*اورنس مشى من عند سهاج وهو متعكر من ردة فعله،وراح وقف عند اخوان عزيز يستقبل معهم *
.
——
لـحن وبرق وصلو القاعه وقف السياره برق وفك الباب ،لحن نزلت وهي معصبه ،برق نزل وراها ويتبسم واتجه لقسم الرجال ولحن قسم النساء .
.
———
٩:٠٠ بليل.
قسم الرجال
*الشباب صفو يرقصون سوا واغاني وطرب ،برق واقف مندهش اول مره يحضر زواج سعودي وكان مكتفي بتصفيق *
*اورنس وشرار يرقصون بالوسط بينهم *
وقف بجانب برق شخص طويل عريض الاكتاف وجسمه مشدود وملامحه طفوليه شوي مسوي عصبه بشماغه طرح السلام على برق ،برق رد السلام ونطق:ماعرفتك!
الولد:انا هزاع بن سليمان وانت؟
بـرق:بـرق بن هداج .
هزاع:والنعم والله
بـرق رد عليه وصار يناظر بالكل ،تقدم جمر لهم وسلم على هزاع:اخبارك وين منقطع
هزاع:والله الحمدلله انشغلت بوظيفتي والله
بـرق يسمع كلامهم ،جمر:لسه تشتغل بالقاعده البحريه
هزاع:اي والله
جمر:ومتى ناوي تتزوج ان شاء الله
هزاع:والله اني ادور و وصيت امي اليوم تشوف لي بنت حلال
جمر:الله يوفقك يارب
.
*اورنس كان واقف ويشوف نظرات ياسر وسعيدان ولاينظرون فيه ولاشي ابتسم على جنب متفاخر *
عمير شاف اورنس وحركاته:روق ي اورنس .
اورنس:ماسويت شي
عمير:عيني عليك معهم ترا
اورنس ضحك:بس شف بالله حتى عينهم مايقدرو يرفعونها
عمير:الله يعيني على هياطك
.
———
*سهاج جلس جنب هداج بعيد عن الكل*
سهاج:اقول ي هداج والله ببقولك شي وانت براحتك
هداج:وشو
سهاج:والله اورنس وده بنتك وطن!
هداج انصدم وتغيرت ملامحه :كيفف!!
سهاج:والله انه اليوم كلمني يبيها له
هداج بلع ريقه:بس كيف وضعه م يجي
سهاج:انا اقول من رايي نسوي عقد قران بينهم ونشوف وضعهم لين يتزوجو
هداج يمسد لحيته بيده:بس هذه بنتي مراح اغامر فيها كذا
سهاج:وهذا ولدي ي هداج انا وانت نخوض مغامره اكثر منهم
هداج لازالت يده على لحيته:اجل بشوف راي البنت واعطيك الرد
سهاج:تمام
*كل واحد قاعد يهوجس بالموضوع*
.
______
*قسم النساء*
البنات متجمعات عند البيست وعليه زحمه ،لحن شافت زحمه عليه من طرف اهل العروس واهل العريس وقررت تنسحب وتجلس عند الطاولات .
لحن حست فيه احد يناظرها التفت ناحية الطاولات الثانيه وبعيونها تبحث عن اللي تناظرها. وشافت بنت مرتبه تناظرها ،ابتسمت لها لحن ابتسامه خفيفه ولفت اتجاه ثاني ،ولازالت تحس بنظرات البنت لها ،تقدمت غيام وجت جلست عند لحن وتناظر البنت:هذه شفيها تناظرك كذا؟
لحن:مدري عنها
غيام لازالت تناظر في البنت واشرت لها بيدها :خير؟
*البنت تجاهلتها وناظرت بالباقي*
غيام:وجع من اليوم تناظرك
لـحن ضحكت:شفيك اكيد معجبه بجمالي .
غيام:ايه بسم لله عليك قمر
لـحن تبتسم وتدفها بكتفها بخفه وعيونها على جوال غيام:مو بس انا قمر حتى انتي قمره وكونه كله
غيام ناظرت على نظر لحن وشافت رساله واتس من عبد الرحمن وانحرجت:ترا اصحاب
لحن بتسليك:اي اي واضح
غيام ابتسمت ومسكت جوالها ترد عليه:اص لاتفضحيني
لحن ضحكت:ابشري
*لحن لفت تبي تشوف امها وين ،وشافت البنت باقي تناظرها تضايقت لحن من نظراتها وقامت واتجهت للدورة المياه*
.
*غيام كانت تشوف نظرات البنت للحن ،وقررت تروح تتكلم مع رمح ورعد ،تقدمت صوبهم :بنات تعالو
*رمح ورعد جو عندها:شفيه؟
غيام:شوفو البنت ذيك بس تناظر لحن من اليوم ونظراتها ماتطمن
رمح تناظرها:يمكن معجبه في اختي
غيام:لا تناظرها بتشميق وكانها تكرهها
رعد:اجل بنات اسمعو تعالو نحشرها يلا
رمح:يلا
*غيام ورمح ورعد ،تقدمو للبنت كانت جالسه لوحدها *
رعد:شرايك تمشين معنا ونتعرف عليك
البنت:لا شكراً
رمح:شفيك ترا نبي نتعرف بس
البنت:طيب تعرفو هنا
غيام:م نسمع من الاغاني
*البنت تناظرهم وقامت معهم ،طلعو وقفو بمكان خارجي وبعيد عن الازعاج*
رمح:وش اسمك انتي؟
البنت:تالا
رمح:تشرفنا ي تالا
تالا:وانتم؟
*البنات عرفو بنفسهم*
رعـد:والله بنقول الصدق من اليوم نشوفك تناظرين اختنا بطريقه مو حلوه !
تالا:اي اخت؟
غيام:اللي كانت معي
تالا:تقصدين ام فستان اسود؟
غيام:ايي
تالا:وشدخل اني اناظرها بطريقه مو حلوه؟
رمح:اجل ليه تناظرينها ؟
تالا:اخت مين فيكم؟
رمح:اختنا كلنا
تالا:والله الصدق انا ناظراتي كذا تبين بطريقه مو حلوه بس انا كنت ادور لااخوي عروسه واختكم عجبتني حيل .
رعد تناظرها:طيب تقدرين تتعرفين عليها مو بس تزعجينها بنظراتك؟
رمح:انتي بنت مين؟
تالا: سليمان
رمح:انتي اللي ابوك رجل اعمال اللي عنده شركات في شمال؟
تالا تفاجات لانها عرفت:ايي كيف عرفتي ؟
رمح:اهاا لا بس حسيت وجهك مو غريب علي
تالا:انتم من بنات سهاج صح؟
رمح:ايه البنت اللي تقصديها اختي وبنات سهاج
تالا:اهاا ممكن تعطيني رقمك؟
*رمح وتالا اخذو ارقام بعض ,وصارو يسولفون سوا وعرفو وش غاية البنت *
———-
*قسم الرجال بالخارج*
مـرعد كان واقف في حاله وتقدمت له ولد عمره مقارب لـ ١٩ .
نطق ب اسلوب هزلي ويستخدم ايدينه بطريقه مستفزه:هيٍه انت.
مرعد ناظر فيه ولارد ،الولد يناظر في مرعد ونطق :هيه اكلمك تراني
مرعد متنرفز منه:تكلمني؟
الولد: ايه شايف فيه احد غيرك ولا معتبر نفسك جدار
مرعـد تنرفز:عدل اسلوبك وتكلم زين ي جاهل
الولد ملتف بالشماغ دف مرعد من كتفه:مين انت علشان تصفني بالجاهل
مرعد شده من ياقة ثوبه وقربه لوجهه وكان طولهم متساوي نطق مرعد بعصبيه:فارق لاادفنك هنا واخلي العرس عزا
*الولد براسه ضرب وجه مرعد ودفه اثناء مرعد يمسك وجهه ،الولد لكم مرعد بيده على وجهه ،مرعد انفعل ورفع طرف ثوبه ودفه برجله على بطنه وطيحه بالارض وجلس فوقه يضربه على وجهه *
.
*البقيه تجمعو يفرقون بينهم ،لين افترقو *
مرعد وخر عنه ونفض ثوبه بيده ويتفل عليه:مبزرهه
*اخوان مرعد سحبو اخوهم بعيد*
*البقيه يهدون الوضع*
.
.
*مر الزواج بسرعه وكلهم طالعين بيرجعون*
*بنات سهاج عادا لحن ركبو مع اورنس وامهم وابوهم*
*بنات حياد كلهم ركبو مع اخوانهم *
*بنات هداج تقسمو مع اخوانهم والبعض مع ازواجهم *
*وبنات عايشه مع اخوانهم ،وامتلت السياره زحمه*
لـحن وقفت تناظر فيهم وجت لسيارة ابوها وشافتها فل :هيهه واناا
اورنس يتلفت:مافيه مكان
لحن ناظرت فيهم وراحت عند خالها:فيه مكان ؟
خالها يشوف السياره نصها عيال:لا والله ي خالك مافيه
لحن تاففت وراحت لسيارة خالتها وكانت مقدمة السيارات كلهم:اسمعو سوو لي مكان
.
*برق جالس بسيارته ويشوفها تلف بين السيارات تبي مكان وكان يبتسم على شكلها*
.
غزيل تحاول تسوي مكان للحن:فيه مكان يلا اركبي
لحن جت وركبت ولما كانت بتسكر الباب مايسكر وحاولت تسحبه بقوه وطاحت من السياره على الارض .
غزيل وعمير نزلو لها بسرعه يسمون عليها ويرفعونها ،لحن تناظر حولها وكانت تشوف كل السيارات يناظرونها وتفشلت وقفت ونفضت عبايتها ،عمير يضحك:اجلسي وراء ي لحن
لحن بعصبيه:مافي شي يضحك
*اورنس يناظرها بسياره وضحك:لحن وطياحتها ياخي *
سهاج يلتفت للسياره:ي بنات زينو لااختكم مكان
نود:يبه والله مافي مكان مرهه وراء كلهم مزحوم وهنا انا وامي ورمح
سهاج:هي جت مع مين؟
اورنس:مع برق ؟
سهاج نزل من السياره وجاء عند لحن ويناظر سيارة برق :لحن روحي اركبي مع برق
لحن انصدمت:والله م ركبت
*سهاج ياشر للبرق يجي *
سهاج:اقول اركبي معه
لحن ركبت بسيارة عمير بحضن غزيل:م عليك يبه لقيت لي مكان
غزيل تضم لحن وتضحك:خلاص ي خال عندنا ذي
سهاج: ي بنت لاتضايقينهم
لحن تسالهم:متضايقين؟
*كلهم جاوبو بلا *
سهاج يناظر فيهم ويناظر في برق ،برق فتح الشباك:هلا عمي
سهاج:كنت بخلي لحن تركب معاك بس خلاص
عزوف:ي خال انت اركب معه ولحن تركب مع اورنس شرايك؟
لحن: اي والله صحح يبه
بـرق يناظر في لحن وفي سهاج:والله بكون محظوظ ي عم لو ركبت معاي
سهاج يناظر فيهم:والله الظاهر *فك الباب وركب مع برق *
لحن نزلت بسرعه وراحت لسيارة اورنس:يمه اركبي قدام يلا
امها نزلت وركبت قدام وهي جلست وراء:افف اخييراً
اورنس يبتسم:يعني ابوي ركب مع برق؟
لحن:اييه
اورنس:حلو
*حركو كلهم واتجهو للبيت*
.
*برق يناظر في سهاج وسهاج يناظر فيه*
سهاج:اي ومتى ناوي تتوظف؟
بـرق:قدمت طلب لشركه عالميه وان شاء الله انتظر ردهم
سهاج:الله يوفقك
بـرق:اميين
*برق شمر عن اكمام الثوب ومسك الدركسون وبانت يده سهاج يناظر في يده وشاف اثار الجرح وتنفس بضيقه *
.
*غمض عيونه سهاج وكانه يبي ينسى اللي صار فيه *
.