لـحن عيناك كـبرق اصابني.

‏انا في رجاء حظ سمح يدلني ويتعنالي .

لحن فكت الصندوق وصارت تشوف الاوراق ومستندات كثيره وصور ،بدت تطلع صورة حرمه ورجال غريبين واقفين جنب بعض ،قلبت الصوره وحصلت مكتوب ،نوال ،جيراز ،١٩٩٠/٨/٩م .
لحن عقدت حاجبها:احس شايفه الرجال بس مدري وين .
*ممدوح اختفى *
.لحن تقلب بالرسايل ولقت رساله شهقت يوم شافتها .
لحن عاقده حاجبها:وش الطلاسم ذي ليش اسم اورنس مكرر ؟
حصلت ظرف صغير مكتوب اورنس فتحته وتفاجات بزياده لما شافت سرّة طفل محطوط فيه :ايش هذا معقوله حق اورنس؟
كان في بعض الاوراق متراكمه كانت بتفتحها بس تفاجات لما اندق باب غرفتها ،خبتهم بسرعه تحت سريرها:ميين
اورنس:هذا انا
لحن تخفي الجريمه حقتها:ادخل
اورنس جاء وجلس جنبها على السرير:لحن يعورك شي؟
لحن:لاا انا تمام
اورنس:طيب ذا اسفف
لحن:على وش؟
اورنس:لانه كنت اتكلم مع سديف ولااقلت لك الصدق
لحن تكتفت وتناظره:وتتوقع اني زعلانه لانك تكلمها،بالعكس م زعلني كثر انك تقول اني الوحيده
اورنس:وربي لازلت احلف واقولك انك الوحيده بس ذيك اللحظه اللي رحت كلمتها ماكان معي احد وكنت لوحدي
لحن:بس انت من اول وانا موجوده تكلمها
اورنس:لانك وقتها كنتي مشغوله كل م جيتك احصلك مشغوله اجي ارسل لك تقولي مو فاضيه او يصير لنا شي
لحن عصفت بذاكرتها لوراء وتذكرت تصرفاتها :بس مو مببرر ذا
اورنس تنهد وناظرها:ترا بلكتها وانهيت علاقتي معها
لحن عقدت حواجبها:ليشش؟
اورنس:انتي زعلتي من جهه و وطن من جهه وحسيت من جت البنت حاستنا
لحن تسوي نفسها ماتدري:شدخل وطن؟
اورنس ابتسم:الصدق ي لحن انا احس اني واقع لها بقوهه
لحن ابتسمت:اماا
اورنس:والله ،اليوم اعترفت لها
لحن فرحت لهم:واخيراً انتصر الحب .
*اورنس بدء يقولها تفاصيل احداثه هو وطن*
.
———
بـرق واقف بالحوش والمكان ممتلئ رجال وكان يناظر السناب كل شوي ينتظر منها شي ولا جاه ،دخل شايب وكان يمشي بعكازه وتعثرت رجله وطاح ،برق تقدمت بسرعه له ورفعه عن الارض،الشايب يناظر اللي حوله ثم التفت عليه:شكرا ي وليدي
بـرق لازال ماسك يد الشايب:العفو ي عم
الشايب يناظر في برق ويحفظ تفاصيل وجهه:ماشاء الله كبرت بسرعه
بـرق عقد حواجبه وناظر فيه:تعرفني
الشايب:ايي انت برق ولد هداج
بـرق جلس الشايب على كرسي وجاب له قهوه:كيف تعرفني وش تعرف عني؟
الشايب يبتسم:يوليدي وقتها كنت راعي بقاله ودايم تجيني تشتري ولازلت اعرف ملامحك وكنت تزيد فلوس وتحطهم عندي
بـرق ابتسم:كم عمري وقتها
الشايب:فيك ثلاث سنوات ،بس م انسى لحظتك ذيك
بـرق:اي لحظه
الشايب :يوم جيت تبكي تقول دمك ،وتقول فيه طفل وعنده احد وكنت ماسك يدك تصيح
بـرق:دمي؟طفل؟ مافهمت؟
الشايب بيتكلم بس شافه هداج وجاه مسرع:هلا هلا في ابو عبدالله
بـرق يناظر ابوه مصدوم وكان هداج يناظر ولده وهو متوتر ،بـرق يناظر بشايب ويحفظ ملامحه بتفصيل ،هداج:تعال يبو عبدالله داخل
ابو عبدالله:يلا
*راح ابو عبدالله مع هداج عند حياد وسهاج وجلسو سوا *
بـرق الواقف يستوعب اللي صار له اخذ نفس عميق وطلع من البيت .
.
———
حياد:اقول يبو اورنس شرايك بعد زواج عزيز بيومين نسوي زواج نود وشرار
سهاج:اي والله كنت انتظرك تتكلم في الموضوع
هداج قاطعهم:اجل شرايكم نخليه زواج مشترك
سهاج:كيف
هداج:نسويه زواج رتيل وميهاب ونود وشرار كلهم ليله وحده
سهاج:والله فكره ممتازه
حياد:اجل نخليه بعد زواج عزيز بيومين
هداج:ان شاء الله بكرا قبل لانسافر بشيك على قاعه واتفق معهم
سهاج:ان شاء الله
حياد: ان شاء الله
سهاج:اقول يبو سهيل لو تكسر الشر وترد حرمتك بنتك في الوقت اللي كذا تحتاجها
هداج: اي والله حلو اموركم وديه لاتوصل لطلاق
حياد:افكر في الموضوع ويصير خير
سهاج:ردها ردها مالها احد غيرك ترا
.
.
———
*بعد مرور الوقت والكل رجع بيته ،
حياد اتصل على الرغد:بكره ارجعي لبيتك انتي ولدك
الرغد:ان شاء الله
*عياله وبناته الموجودين كلهم فرحو بالموضوع .*
.
———
ساعه ١٢:٠٠ بليل.
لـحن شافت امها نايمه وخالتها بعد والبنات عادا رمح وعزوف وغيام يطقطقون سوا ،شافت ابوها صاحي تقدمت له:يبه بروح البقاله القريبه ؟
سهاج يناظر ساعته:في هذا الوقت؟
لحن:ايه يبه هي تقعد لساعه ٢ وتقفل مابطول بجيب لي اغراض واجي
سهاج:طيب انا عند الباب انتظرك
رمح:لحن اذا رايحه البقاله جيبي لي اغراض معاك
لحن:طيب
.
لحن طلعت برا وكان سهاج واقف عند الباب ينتظرها ،بـرق شافها من الشباك ونزل بسرعه يركض وطلع مسوي نفسه بيروح للبقاله *
بـرق شاف سهاج:اوهه عمي كيفك
سهاج يناظر برق:بخير ي ولدي
بـرق:ليه واقف هنا
سهاج:انتظر لحن تروح البقاله وتجي
بـرق جته فرصه حلوه:ي عم ادخل وانا رايح البقاله رايح بكون معها لين م ترجع البيت
سهاج ضحك:عشان تضيعو اثنينكم
بـرق ضحك:لا صدقني بردها لك سالمه غانمه
سهاج يطبطب على كتفه:تراها في امانتك الحين
بـرق :م عليك بس ادخل ارتاح *سهاج دخل *
*بـرق ركض بسرعه وراء لحن* :بخخ
لحن:ياليل وش جابك
بـرق:عمي وصاني عليك
لـحن:سبحان الله كانك م تراقبني من الشباك
بـرق وقف لحن:تعالي ليه م تعلميني من اليوم انتظرك
لحن تنهدت وتناظر فيه:بوشو
بـرق:صندوق وش فيه
لـحن :نلحق البقاله ونشتري عقب اقولك
بـرق:تمام
لـحن وبـرق دخلو البقاله ،كان شكل البقاله مختلف عن كل بقاله ثانيه كانت عباره عن مكان صغير ولوحته طايحه واضاته صفرا واللي تبيع عجوز .
لحن:سلام عليكم
العجوز تناظر فيهم وترد عليهم ،لحن اخذت اغراضها *وبرق اخذ له كذا حاجه وقعد يناظر في العجوز وعيونها *
لحن جت تحاسب العجوز حطت يدها على يد لحن ونطقت:هذا مين؟
لحن كانت بتتكلم بس قاطعها برق:برق بن هداج
العجوز تناظره وعيونها امتلت دموع:وش اللي رجعكم
بـرق مافهم عليها:شتقصدين
العجوز لازالت تناظره:ابوك  وش اللي ردهه
بـرق:ليش تتكلمي عن ابوي
العجوز توقف وتقرب له:ابوك عشان تنسى اللي صار سوا المستحيل
بـرق توتر وصار يناظرها:انسى ايش
*لحن تراقب الموقف بصمت *
العجوز ترفع الهودي حق برق عن ساعده وتناظر بمكان الجرح العميق:ماسالت نفسك ليش كل ماكبرت كل ماصار جرحك يكبر ،
بـرق يناظر الجرح:بس انا طحت وانا صغير وهذه اثره
العجوز:تتذكر طيحتك؟
بـرق:لا كنت صغير مرهه
العجوز رجعت في مكانها:هه ،ضحك عليك
لحن:طيب وش السبب قولي
العجوز:اورنس
لحن وبرق ناظرو في بعض وفيها:ايش دخل اورنس؟
العجوز:الموضوع كله عند اورنس
لـحن:بس اورنس مايعرف شي مايدري من اهله
العجوز بدت تقفل اضاة البقاله ونطقت بهدوء :الحقوني
لحن وبرق طلعو وراها وقفو برا ينتظرونها وهي تقفل بقالتها ،بـرق يناظر في شكلها كيف عجوز نحيفه وقصيره ومنحني ظهرها وعيونها اللي بان عليها تجاعيد الزمن .
بـرق ولازال نظره عليها:لحن خايف من اللي راح اسمعه
لحن تناظره:لاتخاف بنشوف شعندها
بـرق:الله يستر
*لحن وبرق يمشون وراها لين دخلت بيتها الشعبي القديم متهلك مرهه *
دخلت العجوز وخلتهم يدخلون ،برق مسك يد لحن وشد عليها،نطقت العجوز:اجلسو هنا لما اجيكم
*راحت داخل ولحن وبرق يناظرون في بعض*
بـرق:تعرفينها
لـحن:اي لاتخاف من الصغر وهي تبيع هنا
بـرق لازال متمسك بيد لحن:خيير ان شاء الله
رجعت لهم العجوز وجلست قدامهم ومعها حليب وخبز هي تسويه وتحط جبن عليه بدت تاكل قدامهم:اكلو معاي
بـرق:بس عليك بالعافيه
لحن:والله متعشيه انا
العجوز تقطف الخبزه وتغمسها بالحليب وتاكل تحت نظراتهم ،:م عندي اسنان عشان كذا اكلي
لحن ابتسمت:خذي راحتك ي جده والله
العجوز تناظر في برق:انت من كم قضيت عمرك وانت برا؟
بـرق عقد حواجبه:شعرفك اني كنت برا
العجوز:جاوبني بس كم قضيت وانت بعيد عنهم
بـرق:١٠ سنوات
العجوز وهي تهمهم:والحين رجعتو
لـحن: ي جده وش فيه تكلمي؟
العجوز:ماسالت نفسك ليه ابعدوك كذا عنهم ليه ابعدوك وانت عمرك ١٤؟
بـرق بحيره ونبرة صوته احتاشها الحزن:الا سالت بس للان مالقيت السبب
العجوز:بقولك السبب ،لانك مو ولدهم
بـرق انصدم بكلامها:كـ ..كـيفف!!
لـحن تناظرها:كيف مو ولدهم؟
العجوز:لو انك ولدهم كان م ابعدوك انت الوحيد بدون طلب منك يرسلونك بعيد
بـرق عصب:لاتجيبي من راسك عندك دليل على كلامك وريني
العجوز نزلت دموعها وطلعت من جيبها المهترئ صوره قديمه وكانت عباره عنها وجنبها حرمه صغيره وبحضنها طفل رضيع وحطتها قدامهم:هذه انا وجنبي اختي و ولدها اللي هو انت
بـرق اللي اخذ الصوره بسرعه وقعد يناظرها:مستححيل انتي خالتي مستحييل
العجوز تقص قصتها:ايام قبل كان انا واختي وضعنا مزري وفقيرين لدرجة مافي شي ناكله وكنت كثير بكاء ،واختي اضطرت انها تطلع فيك وتشحذ لكن قدر الله وماشاء فعل طلعت في وجه هداج  وطلبت منه وعطاها اول مره وثاني مره ثالث مره اختي تعبت ولاقدرت توكلك ولاتعشيك وتعبت نفس تعبها وراحت لهـداج وطلبت منه يعتني فيك كانك ولده ،ولما طابت بعد ثلاث سنوات رجعت تبي تاخذك رفضها هداج وسجلك بااسمه
بـرق ودموعه تنزل :مستحيل انتي تكذبين علي مستحيل اذا هذه امي ابووي ميينن؟
العجوز:هذا اللي امك خبته عني 
*فز من مكانه وطلع والصوره بيده ويمشي ،لحن لحقته *
بـرق راجع للبيت لحن مسكته:هدي نفسك ي برق لاتستعجل
بـرق:تسمعين ايش تقول تقولك انا مو ولدهم
لـحن:طيب لاتستعجل ممكن يكون صدق او لا خلنا نتاكد اولاً.
بـرق:بسال ابوي مستحيل اصدقها
لـحن:بينكر اكيد
بـرق عصب:شسووي شسووي ي لحنن
لـحن تهديه:اكيد بنحصل حل اصبر انت
.
——-
*هـداج وسهاج طلعو يمشون سوا خافو على برق ولحن يضيعو مره ثانيه *
سهاج:شوفهم هناك خلنا نمشي لهم
هداج:بـرق
*بـرق التفت وتجاهل لحن ومشى له مسرع*
هداج:شفيه جايني طاير كذا
سهاج:وش اللي بيده
لحن تركض وراء برق المسرع وتحاول ترده م يتكلم ،بـرق وقف عند وجه ابوه وطلع الصوره بوجهه:تعررف ذوليي؟
هـداج انصفق وجهه وناظر في ولده:كيفف جتك
بـرق ودموعه تنزل: يعني صدق اني مو ولدكم !!
.
———
ادري البارت قصير .
بس اتمنى يعجبكم ❤️
قريب بنزل البارت اللي بعده .