لـحن عيناك كـبرق اصابني.

‏ثُم إنّ القوي من يُدرك ضَعفه .

.
.

لحن:اقولك عاد لما جلست عند العجوز عندها بنت اسمها مياس
اورنس:ايي
لحن:قالت لي بقرا لك فنجانك
اورنس:ايوا بدا الحماس .
*لحن ضحكت،وصار تتذكر كل كلامها وتقوله لااورنس*
.
«نرجع للماضي شوي»
.
مياس تهز الفنجان وتناظر فنجان لحن:تبين اقرا لك؟
لحن مستغربه:تعرفين؟
مياس:ايي واعرف اقرا الكف
لحن عطتها فنجان :بس اللي اعرفه انه قهوه تركيه مو قهوه عربيه ؟
مياس ترفع الفنجان وتوري لحن:شفتي بقايا القهوه ذي العربيه هي اللي اقراها لانها توضح لي اكثر من التركيه
لحـن متفاجئه منها:اها
مياس صارت تناظر فنجان لحن وعقدت حاجبها .
لحن:بسم لله شفيه
مياس ابتسمت لها:فنجانك بركه بس شفت شي غريب
لحن:ايش ؟
مياس:انتي انسانه اخلاقك جداً عاليه ومحترمه وحتى اللي حولك عارفين الشي ذا وكلهم يحبونك بس فيه حرمه حولك تغارر منك ومن اهلك بشكل غريب
لحن:اوصفيها؟
مياس:طويله وضخمه شوي وسمرا وعيونها صغيرا وعندها اولاد اكثر شي
لحن:اها عرفتها
مياس:نتعمق شوي انتي انظلمتي وندمو على الظلم لكن فيه هاله غريبه هنا في فنجانك
لحن:وشو
مياس:اشوف هنا في فنجانك اشخاص مبهمين متجمعين على طفل والطفل ذا حياته صعبه ومن ضمنهم فيه حرمه كانت واقفه على راس الطفل
لحن شدها الفضول:ومن الطفل ذا وش سالفته ؟ومن الاشخاص ذولي؟
مياس:الطفل ذا مو واضح بس عنده رجال وحرمه تراقب ،وفيه طفل ثاني تقريبا فيه سنتين واقف يشوف
لحن:طفل ثاني فيه سنتين؟
مياس:ايهه الطفل ابو سنتين ذا تعقدت حياته وللان متعقده والطفل الرضيع ذا حوله ثلاث اشخاص وحياته الان شبه مأساويه
لحن:طيب تعرفي اساميهم
مياس:للاسف مو طالع بس ذولي بحياتك الطفلين
لحن تحاول تتذكر مين هم :طيب بس ذا ؟
مياس:واحد من الاطفال ذول مبهم بشكل فضيع لدرجة حياته شبه خياليه
لحن توهقت ماتدري مين:كيف خياليه؟
مياس:يعني لو يتكلم عن حياته راح يقولو عنه يألف قصص بس هذه حياته
لحن:غريب مين ذا
مياس:اشوف في مستقبلك بترجعين لااهلك وبتوضح اشياء كثيره وفيه موضوع قوي راح ينكشف وممكن تتفكك عائلات بسببه
لحن عقدت حاجبها:بسم لله وشو تقولين انتي
مياس:ان شأء الله م يصير الا كل خير ،*تقلب الفنجان بجهه ثانيه* اشوف فيه شخص يحبك بس يكابر على مشاعره وخايف منها
مياس:اشوف بعد فيه رجال كبير بسن كل شوي يطيح ويغمى عليه
لحن تنكدت من قرايتها:بس بس خلاص لاتقرين
مياس:ليه
لحن:بس
.
.
——
«في الحاضر».
اورنس:وش تعني بكلامها ذي ؟
لحن:مدري المصيبه لما رجعت م حلصتها
اورنس:بسم لله ،بس مين الطفلين ذول ؟
لحن:مدري والله للان افكر فيهم
اورنس:موضوع قوي راح ينكشف؟ ي ترا وشهو
لحن:احس م تقبلت كلامها خفت
اورنس:اي ماش
عمير طلع وقاطعهم:اف اف ي الجو البطل
اورنس:ياليل جاء النشبه
عمير:احلى نشبه صح ي لحن
لحن:لا
عمير:اعقبي
لحن ضحكت:تعال ي الوصخ صدق لك وحشه
عمير يجلس جنب لحن ويحط ايده على كتفها:اخبار صديقة طفولتي المفضله
لحن:تمام ي صديق الطفوله
عمير:اي وش كنتو تسولفون
اورنس:كنا نخطط لو ندفن احد هنا بتطلع ريحته ولا لا؟
عمير:تراك تسويها ي المجنون
اورنس ابتسم:سويت اللي قلته؟
عمير تنهد بضيقه:سويته
لحن وهي تناظر فيهم :دقيقه دقيقه وش فايتني
عمير:انا ورذاذ افترقنا
لحن:اح ليه
عمير كان بيتكلم بس اورنس قاطعه:البنت م تبيه ليه يبقى معها
عمير:فعلا حتى ماسوت ردة فعل قالت بس طيب الله يوفقك
لحن انصدمت:معقوله رذاذ تقول كذا؟
عمير:اي دايم اطلبها نتزوج بس تطلع الف عذر
لحن:يمكن هي ماتبي بسن ذا ترا لسه صغار بدري على الزواج .ماله داعي تنفصل عنها عشان سبب كذا
عمير وهو يناظر ب اورنس:مو مهم ،المهم علومكم
لحن:ليه تناظر اورنس ؟ اورنس وش مسوي انت
عمير م تحمل وقال لها:ترا هو يهددني اني ابعد عنها ونود وشرار خلاهم ينفصلو
اورنس يناظر بلحن مبتسم. رغم العيد اللي جابه عمير.
لحن:دقيقه يعني انت تهددهم ؟ وش تحس فيه ليه هالحركات؟
اورنس:انا حلفت بقلب حياتهم جحيم ي لحن
لحن:بس مو بطريقه ذي تضر اختي وعمير مالهم دخل ذول
اورنس:انا ماضريتهم قلت لهم يبعدو لانه بكره الرغد ذي بتسوي مصايب وتحطها فيكم
لحن:لاتربط المواضيع كذا ،مالك دخل بعلاقاتهم
اورنس:لا لي دخل مثل م تدخلو ابعدوك عنا واذا بتدفعين وبتصيرين طيبه معهم انا مراح اكون مثلك ابدا راح اقلب حياتهم كلها *قام من عندهم وطلع بغرفته*
عمير:عصب
لحن:وانت ثور تروح تطاوعه ؟ ليه م رفضت
عمير:لحن تعرفين اورنس لاعصب
لحن تنهدت:وش مسوي بعد
عمير:والله يانه صفق عيال حياد تصفق وعيال هداج تصفق بس يشوف احد ضربه واخر شي ميهاب بغى يذبحه
لحن انصدمت:اح شفيه هذا
عمير:انجن عليهم
لـحن وقفت:بقوم انام تبي شي
عمير:لا نوم العافيه.
.
.
———
*بعد مرور يومين والوضع طبيعي *
١٠:٠٠ مساء .
لـحن واقفه عند الشباك غرفتها المطّل على الشارع الخلفي لبيتهم .
اخذت عقلها الافكار بموضوع إورنس وقطع حبل افكارها هداج يمشي مع ابوها سهاج وانتبهت انهم ينتظرون شخص وتفاجأت اكثر بوصول حرمه متغطيه كامل وراحو بعيد عن انظار الكل ،
لحن شكت في الموضوع وقررت تلحقهم لمكانهم .
.
كانت تمشي وراهم بخطوات متفاوته حتى وقفو وقفت بعيد وكانت تسمتع لمحور الكلام الحاصل.
.
——-
سـهاج:شتبين ازعجتينا تدقين علينا ؟
الرغد: ولدك من وين يعرف اني بنت يوسف؟ اكيد انك تتكلم عني عنده
سهاج وهداج انصدمو،سهاج:لا والله م تكلمت ولاادري انه داري
الرغد:والله ي سهاج اذا م فارق عني وعن عيالي لااكشف اوراقه واخليه يكرهه روحهه ويكرهكم كلكم ،وانت ي هداج اما يجي ولدك يخطب بنتي ولااعلمك المصايب كيف تجي
سهاج:تهددينا انتي؟ تبين تكشفين اكشفي لكن بنطلع اوراقك بعد عند حياد
هداج:اقول لاتنسي حنا اللي سترناك ولاامداك الحين ....
الرغد ضربت هداج كف:قليل ادب تتوقع انك بتنجى بتصرفاتك ومعيارك ذا !!!
هداج:اقول اسمعي لمي نفسك بعيد عنا ولاتقعدين تتكلمي بالماضي لااوريك الماضي صح
الرغد:اجل تبون اقول لااورنس وين مرجعه وهو ولد مين؟ واتوقع شايفين اورنس كانه ابليس .
سهاج:اسمعي ي مره بتتكلمي روحي محد ماسكك بس تحملي العواقب انتي .
الرغد:تمام ي سهاج
*كانت بتروح بس ردها هداج*
.
*لـحن كانت بتمشي بس تفأجات بالشخص الطويل واقف صوبها وياشر لها تسكت ،بـرق بهدوء همس:لاتمشين الحين.
*لحـن متفاجئه منه وسكتت تستمع لباقي الكلام *
.
——-
هداج:الحين لما تروحين لااورنس وش بتقولين له
الرغد:بقوله كل شي من البدايه لين النهايه
هداج: مراح يصدقك
الرغد:بيصدقني وغصب عنكم وراح يواجهكم بعد
هداج:اجل بتقولين له انك....*قاطعهم الصوت*
حياد وصل عندهم ونطق بعصبيه:شعندكم تتلاقون بظهري وبالخفاء
سهاج:تعال شوف حرمتك تبي تفضح بسرنا
حياد:سر ايش ليكون تقصدين موضوع اورنس !!
هداج:للاسف قاعده تتهددنا اما نتصالح زي اول ولا بتقول لااورنس كلشي .
حياد سحبها من يدها:امشيي
*لـحن وبـرق تخبو بسرعه بين الشجر *
*حياد والرغد مرو بجانبهم وهو يهاوشها لين راحو للبيت،*
*سهاج وهداج رجعو لبيوتهم*
.
لحن تنفست بعمق:كنت بنقفط
بـرق يناظر فيها:احصلك هنا كمان
لـحن:انت لاحقني
بـرق:لا شفت ابوي وابوك والحرمه ذي شدني الوضع ولحقتهم
لـحن تحك بطن يدها:غريبب
بـرق:الموضوع يدور عند اورنس
لـحن:الرغد ذي وش تعرف ؟وليش تهددهم وليش الثلاثه ذولي موضوعهم غريب؟
بـرق يناظر في تساؤلاتها وابتسم:لاتفكرين واجد
لـحن ناظرت فيه:ترا الموضوع فيه ابوك بعد
بـرق:بسالك ليه ابوي وابوك وعمك تهاوشو مع ابوي قبل
لـحن تتذكر:مدري بس اللي اعرفه قبل كانو اصحاب وفجاه افترقو
بـرق يحك جبينه:لحن تصدقين الوضع غريب
لـحن:بوش غريب .
بـرق يسترجع الماضي حقه شوي:يعني ابوي سفرني لجورجيا وعمري ١٤ بدون سبب تركني هناك ذكرياتي بالسعوديه كلها ١٤ سنه بس ولازلت اجهل سبب اللي ابعدني كل البعد من هنا
لـحن:يعني ؟
بـرق:يعني تتوقعين ان سفرتي لها سبب ؟
لـحن:وليش سفرك ؟
بـرق:يقول عشان اكمل دراستي واحقق حلمي
لحن:لا هو فعلا غريب واحس لازم نشوف وش وراهم
بـرق:اسمعي جتني فكرهه حلوهه
لـحن:وشهي
بـرق جواله يرن طلعه من جيبه:بقولها لك بكرا بشوف ابوي يدق علي
لـحن:تمام
بـرق:بس دقيقه كيف نتفق نطلع؟
لـحن:نجي هنا نفس الساعه
بـرق:لا جوالك معك؟
لـحن تطلعه:ايه
بـرق اخذ الجوال:افتحيه
لـحن:ليه
بـرق فتح الجوال عن طريق وجهه ودخل سناب وضاف سنابه :برسلك على السناب ،باي *هج بسرعه عنها عشان م ترفضه*
لـحن ابتسمت على حركته وكملت طريقها للبيت ،وقفت عند الباب وشافت وطن جايه من البقاله :بنت
وطن التفت لها:لحنن
لحن جتها وسلمت عليها:ليه رايحه وحدك
وطن:كنت حابه امشي على رجولي شوي
لحن:ايي كيف الوضع معك ؟
وطن:اي وضع؟
لـحن: انتي وحبيبك المخفي
وطن تغيرت ملامحها وتنفست بعمق:شتقصدين بحبيب
لـحن ابتسمت:عبالك مو صايدتك تراقبين اورنس
وطن عضت شفتها:انقفطت يعني
لـحن:واضحه تراك
وطن ابتسمت:كنت احاول اخفي اكثر
لـحن تضم يدها بيد وطن:تعالي عندي بالبيت نحش سوا
وطـن:يلا
*وطـن ولحن دخلو داخل ،وطن شالت الحجاب عن راسها وقعدت تحرك شعرها بيدها*
اورنس منزل راسه: لحن ي تبن ادور البيت كله في النهايه انتي*رفع راسه وشاف وطن*
لحن وهي تراقب نظراتهم وتبتسم:وشفيني انا
*اورنس بلع ريقه وقعد يدور ويغمض ويفتح ،ومسك الباب وطلع بسرعه*
وطـن اللي ضحكت على حركته ورجعت تناظر في لحن،
لحن تبتسم:احلى لقاء للاحبه
وطن:امشي بس
*دخلو البنات وحصلو البقيه مشغلين فلم ومتجمعات حول بعض ،غيام سانده راسها على رجل نـود ورمح وعزوف يقلبون بجولاتهم
غزيل وغرور وامهم وام نود باقي بالمدينه م رجعو ،سلمو على بعض وجلسو يسولفو *
.
.
——-
*بيت حياد*
*دخلها داخل البيت وسحبها للغرفه وصار يتكلم معها لين ارتفعت اصواتهم*
حياد:انتي شتدورين واقفه معهم شعندك!!
الرغد:كنا نتكلم عن اورنس
حياد:موضوع اورنس انا اتكلم فيه انتي شدخلك
الرغد:ليه بس انت ولا كانك ناسي اني كنت موجوده معكم
حياد اللي عصب وانفعل:بس ذا مو مبرر انك تكوني واقفه معي ايش السبب اللي مخبيته عني !!
الرغد اللي خافت ورجعت على وراء اول مره حياد يعصب وبدت تاتاى بخفه:مـا ..اا مـ اا في شي
.
.
——
اذا حصلت تفاعل حلو بنزل البارت اللي بعده عطول .