لـحن عيناك كـبرق اصابني.

‏يُحاول التوازن على أيامٍ تترنّح .

.
.

بـرق يحك رقبته واتجهه لشاص ورمى شنطته بحضن وطن:سوي مكان
لحن عقدت حاجبه:خير وش جايبك انت؟
بـرق:مالي مكان بجلس معاك
لحـن:وسيارتك
بـرق:يسوقها اخوي
لـحن تناظر فيه وهو يبادلها النظر ،وطن تناظر في لحن:خليه يركب حرام
برق دف اخته:وش حرام انتي
وطن:اصص
لحن:وطن خليك بينا
بـرق يناظر فيها ونطق بهدوء :ميت اجلس جنبك
لحن تناظر فيه ورجعت ناظرت ف الطريق ولفت اتجاه اورنس:خلاص نمشي؟
اورنس يناظر في ابوه وياشر له انه يمشي:ايي يلا
*حركو سياراتهم واتجهو للديره*
.
——
رمح تقلب بجوالها وجتها رساله من تالا:سلام عليكم
رمح عقدت حجاجها:وعليكم السلام مين؟
تالا:انا تالا
رمح:ايه هلا
تالا:ممكن تعطيني رقم امك ،امي تبيه؟
رمح سالت امها وعلمتها وافقت:تمام
*رمح اعطت تالا رقم امها*
*شوي دق جوال امها*
نجمه:هلا وعليكم السلام
ام تالا:شخبارك
نجمه:تمام ،امريني سمعت انك تبين رقمي
ام تالا:اي والله طلبته لاني بتكلم معاك عن موضوع
نجمه:ايي وشهو
ام تالا:عادي اجي بيتك بكرا م ينفع بالجوال؟
نجمه ضحكه بخفه:والله ي عيني احنا مو من المدينه والحين اكلمك راجعه لديرتي مير علميني وش عندك
ام تالا بضحكه:يوهه م كنت ادري انتي من اهل العروس ولا اهل العريس
نجمه:من اهل العريس
ام تالا:اها والله الصدق احنا نطلب القرب منكم
نجمه:ي مرحبا والله بس مين ؟
ام تالا:بنتك لحن لولدي هزاع بن سليمان
نجمه:والله هذه مواضيع ماتنقال بالجوال واذا ودك تعالي لديرتنا بالشمال
ام تالا:ان شاء الله بكره بكون عندكم
نجمه:حياك الله .
*نجمه قفلت وناظرت بسهاج واللي معها*
نجمه:لحن انخطبت لولد سليمان
سهاج حاول يتذكره:اهه ذاك الرجال والله والنعم فييه رجال قد كلمته
نجمه:والله عاد يبون يجوننا بكره ويطلبون رسمي
رمح:ايي اخته تالا بدري اعجبت بلحن
نود صفقت:الحين انا ولحن نتزوج
رمح:وغرفكم تبقى لي اسويها معرض لوح
نود:عشان اذبحك
اورنس:هزاع اللي يبيها؟
نجمه:اييه
سهاج:والله اني شفته م عليه مرتب
اورنس:نشوف لحن عاد شتقول
رمح:متاكده بترفض
اورنس:ماندري نشوفها
.
.
———
وطن تناظر بالاثنين اللي هي بينهم وهاديين قررت تفتح موضوع مع اخوها:الحين برق انت بتوافق على بنت فلاح؟
بـرق يناظر في اخته:ليش تفتحين الموضوع
*لحن هاديه وتسوق وكانت تسمع حوارهم بس فضلت انها متقاطعهم*
وطن:قلتها افتح موضوع عاد جاوب
بـرق ب استفزاز للحن:مدري اذا شفتها نقرر
وطن:يعني بتسوي شوفه شرعيه بينكم؟
بـرق:اي اكييد هذا شي اكيد .
*لـحن تناظرهم وعرفت انه بيقهرها  وابتسمت*
وطن:هي موجوده الحين بديره واتوقع اليوم بتشوفون بعض
بـرق:يوهه غير اروح ارتب نفسي عشان شكلي يكون حلو
لـحن بداخلها تضايقت وحاولت م تبين لهم شي وقررت تستفزه ببرودها ،قاطعت كلامهم ونطقت بنبره مليانه برود واستفزاز:طيب حلو شرايكم نسويه عرس جماعي نود وشرار وميهاب ورتيل وبرق والبنت ذي
*برق وطن يناظرو بلحن كانو بيقهرونها بس هي قهرتهم*
وطن:لا ويين اكيد بتقول نسويه برياض والزحمه ذي
بـرق:صح انا كمان ابي زواجي مرتب
لحن ابتسمت:والله اقترحت هالفكره بيكون احسن مره وحده مو كل شوي نكون نرتب لزواج
بـرق انقهر من برودها:وانتي شدخلك ؟ حدك بتجين ضيفه فقط
وطن انصدمت من رد اخوها وناظرت فيه مذهوله،لحن بلعت ريقها وانجرحت من تصرفه لكن تداركت الوضع ونطقت بنفس البرود:شفيك شادها ترا هو موضوع وانطرح قدامي فاابديت رايي
بـرق تنرفز بشكل:وفري رايك لنفسك
لحن تضايقت من اسلوبه:انت وبعدين معاك شفيك شوي تصيح علينا هنا
بـرق:موضوع مالك دخل فيه من طلب رايك فيه ؟
لحن عصبت:رايي م ينطلب رايي افرضه عليك تفهم ولالا!
بـرق:لا والله تعقبين م تفرضينه علي
لحن:عليك وعلى اشكالك
وطن بصراخ:بسسس خلاص انتم الاثنين.
بـرق:لاتصارخين اذني
وطن:خلاصص الله يلعنها هالبنت معها شر مانبي نزوجك اياها
لحن رجعت لبرودها: زوجيه عشان م يموت عليك الحين
وطن ضحكت:خلاص ي لحن
بـرق:شتبين انتي مت ولاعشت مالك دخل
لحن ابتسمت لانها استفزته وخلته يعصب ،تجاهلته وشغلت اصاله :
لاتدور أشباهي انا مالي شبيه .
انا العزيز النادر وراعي الاصول  .
.
*برق يناظر في لحن وروقانها ويناظر في اخته اللي تغني مع اصاله *
*تجاهلهن وتلثم بشماغه وميل على الشباك*
*لحن شافت محطه قدامها وكانت تشوف البنزين عندها كان على وشك يخلص*
لحن تنهدت وميلت على المحطه وقفت عند حق البنزين *
*اورنس كان خلفها يسوق وراح وراها للمحطه وقف جنب سيارتها يعبي*
اورنس نزل من السياره وكان سهاج نايم ،بيجيب لااخواته اغراض جاء عند لحن ونطق وعيونه تاره على لحن وتاره على وطن:هاه كيف السواقه معك ليكون متعبه
لحن ضحكت:والله روقان للاخير .
اورنس ابتسم:اكيد
لحن:ايي تعرفني احب اسوق بليل
اورنس:وشاص بعد مع كوب شاهي من الاخير
لحن: صح ذكرتني اجيب شاي
وطن:جيبي لي معك شاي بحليب
اورنس يبتسم ويناظر فيها:انا بجيب
*وطن تناظره وتبتسم*
*قاطعهم انتفاضت بـرق مفجوع*
وطن تمسك اخوها:بسم لله عليك
بـرق يتنفس بسرعه ويناظر فيهم مفجوع:حنا وين
لحن تناظر فيه وهو خايف:بالمحطه
بـرق اخذ نفس عميق وطلعه ورجع ظهره على وراء:الحمدلله كان حلم
اورنس:عساه خير
بـرق يناظر فيه:خير ان شاء الله
اورنس:قولي وش حلمك تراني افسر الاحلام
لحن:ايه صدق ترا يعرف يفسر