لـحن عيناك كـبرق اصابني.

هل حَظ الجمال إذًا أن يكون تعيسًا ؟

*لـحن م ترد عليه*بـرق ناظر حوله وشاف المكان م ينفع اخذ الشنطه وحطها بظهره *
رفع نظره لفوق وشاف السماء تمطر انحنى وشال لحن لحضنه واستقام يمشي فيها لين حصل جبل فيه زي الكهف دخل فيه ونزل لحن واسرع جاب حطب وشب النار بسرعه ،ونزل اتجاه لحن وناظر فيها وفي ملابسها المبلله:اسف ي لحن بس مظطر اسوي هالشي
*بـرق بدء يشيل ملابس لحن المبلله ومابقى عليها غير بدّي داخليه كت وكانت مو مبلله نفس البقيه من المطر ،*

*بـرق حط يده على خصرها بيعدلها بس تفاجئ بلحن تتاوه من الالم ،عقد حاجبه وناظر فيها ثم لمكان يده ضغط عليه بخفه وشاف ملامحها انها تتالم ،
رفع البدي عن خصرها وتفاجئ بالمنظر بدء يشيل الشال وشاف الجرح كيف ينزف وملتهب، اخذ الشنطه يدور فيها وحصل فيها اغراض طبيه وبدء يفرزهم وحصل مسكن وشاش وسيروم ،اخذ السيروم والشاش ،فك السيروم وبدء يخليه ينزل على جرحها ويمسح بالشاش لين وقف نزيف وعقمه واخذ مسكن وبدء يطحنه تحت حجر لين صار ناعم حطه بيده وصار يرشه على الجرح بهدوء وخلاه مكشوف م عليه شي *
*جلس جنب لحن ويناظر فيها حط ايده على جبينها واخذ نفس عميق وطلعه يوم حس حرارتها بدت تنزل *
.
——-
اورنس صحى مفجوع من حلمه وقعد يتنفس بسرعه لين هدا واستوعب انه حلم .
.
«حلم اورنس»
كان جالس على طرف جبل وجت لحن صوبه وتكلمت معه .
اورنس:لحن اخيرا حصلتك وين كنتي
لـحن وعيونها مليانه دموع:انت تركتني معهم
اورنس يحاول يمسك يدينها:لا والله انا قاعد ادور عليك وتهاوشت معهم عشانك
لـحن تبعد عنه:لاتقرب انت شخص غريب ولاعاد ابيك معاي ولاتدور عني
اورنس يترجاها:تكفين لحن انا مالي غيرك لاتقولي كذا
لـحن اللي صارت ترجع على وراء:انت تخليت عني
اورنس يناظر فيها وفي جسمها اللي صار مبلل اغلبه دم ومويا:لحنن انا م تخليت انا لازلت ابيك
لـحن وقفت على طرف الجبل:بختفي من حياتكم لاعاد تدور علي ولاعاد ابيكم .
اورنس وعيونه تمتلى دموع لما يمسحها تنزل دم مو دمع عادي:لحنن لاتروحيين
لـحن وهي على طرف الجبل وراها غيوم كثيره م تنشاف من بينهم:انتبه على خواتي. *اختفت بين الغيوم*
اورنس يصرخ ويركض لطرف الجبل وشاف مافي احد:لححنن
.
جاء شخص وراه وكان شايب ولحيته حد بطنه وكانت بيضاء جداً وعيونه بيضاء وعنده قرون في وسط راسه ولابس ثوب ابيض طويل ومعه عكاز ونطق بهدوء بصوته الرجولي :اورنس
اورنس وعيونه تنزف دم التفت عليه:مين انت؟
الشايب:البنت تعبانه ارجع لها
اورنس:بس هي اختفت
الشايب صرخ في وجهه:البنتت تعباننه م تفهم انت
اورنس خاف من صراخه وشكله:انت مين؟
الشايب:باقي ماجاء الوقت اللي تعرفني فيه
*اورنس ناظر في الشايب ولبسه ولفت انتباهه القلاده اللي على رقبته نفس القلاده معه*
الشايب بنبره كانت عاليه وحاده جداً :الحقها .*نبرته كفيله بانه يصحى مفجوع*
.
«في الواقع»
اورنس دموعه تسبقه:وينك ي لحن والله ضعت بدونك
*مسح دموعه ولف عليه الفروه واخذ اغراضه:بدورك لين احصلك .
.
——-
*هادف وميهاب يدورون ولاحصلو شي *
*اللي في المخيم كلهم نامو عادا سهاج يعد الساعات وينتظر رجعتهم *
جت عنده نجمه وشافته ياكل في نفسه:ابو نـود .
سهاج التفت عليها وعيونه تعبانه:سمي يأم نـود
نجمه جلست جنبه:قلبي مو مرتاح اتجاه لحن
سهاج ناظر فيها:حتى انتي؟
نجمه:غفيت شوي وشفتها في الحلم ملابسها كلها دم
سهاج خاف على بنته وقرر يواسي نجمه:لاتخافين هذا من العقل الباطن يسبب كوابيس
نجمه:ان شاء الله وانت بعد لاتاكل في نفسك بترجع لحن واورنس وبنرجع زي قبل لاتشيل هم شي .
سهاج:ان شاء الله
نجمه:يلا روح نام *سهاج قام واتجه للخيمه،ونجمه رجعت للخيمه*
.
——-
بـرق لازال يناظر بلحن ويتاكد من حرارتها وتطمن لما شافها نزلت وبقى ساند ظهره على الجبل وهي جنبه نايمه ومافيه غير لهيب النار مشتعل همس:ليه انتي من الكل اللي دايم اتوهق معاك واتمشكل معاك ليه احسك غير عن البنات اللي قابلتهم هنا وهناك
*لـحن نايمه على اتجاهه ولاتحس بشي*
بـرق انسدح جنبها وصار يتاملها ويناظر برموشها ويلمسهم بيده:سبحان الله
يبعد شعرها عن وجهها ويتامل ملامحها عن قرب وبلل شفته وهو يناظرها:صح ان ملامحك حلوهه بس ليه اخلاقك معي تبن .
يمرر يده على خدها ويوقف عند مكان الغمازه:ليه م تضحكين واجد والله معطيك ابتسامه كفيله بانها تسرق قلوب الناس .
ويمرر يده حد شفايفها وصار يتامل كيف مرسومه بشكل حلو ولونها الوردي بلل شفايفه لاشعوريا وقلبه صار يدق بسرعه ،انفاس لحن من قربه لها بدت تضرب في وجهه ،حـس بنفسه وبعد وهو يتنفس بسرعه ويحرك شعره بيده ويضرب جبهته:وش تحس ي برق تراها تكرهك لملم شتات نفسك
*تضايق من نفسه ورجع انسدحه ولايناظر فيها وحاول ينام *
.
———
٧:٠٠ الصباح .
في المخيم .
*رتبو اغراضهم وحملوها بسيارات ورجعو لديره*
*سهاج اخر من رجع وهم الدنيا كله على ظهره *