لـحن عيناك كـبرق اصابني.

قالو توادع؟...قلت ي صعب الوداع.

.
.

«ماضي اهل اورنس»
.
.
*بعد ماتم زواج نوال وجيراز سوا قضو شهور مع بعض وعرفت عاداتهم وتقاليدهم اهل جيراز وكانت وقتها بالشهر التاسع في شيودن ،ولدت وكانت جنيه طبيعيه ،بعدها بثلاث شهور حملت في اورنس ،كان التوقيت في عالمهم يختلف عن عالم البشر الساعه تعتبر ١٠ساعات واليوم يومين والاسبوع شهر والشهر شهرين، بـرق صار له سنه ونصف ولازالت تنتبه عليه وعلى بنتها شيودن وكان وضعها مع حملها ب اورنس متعب ،بعد مرور كم شهر على وضعهم *
جيراز جالس مع نوال ويسولف معها ويلاعب برق:اقول شرايك نسميه رجمان ؟
نوال ضحكت:ليه؟
جيراز يبتسم ويشوف الشخط اللي بحاجبه:يشبه اخوي المتوفي
نـوال:خلاص تم اسمه رجمان بس ليه اسمه كذا رجمان؟
جيراز:قبل اسمه كان يوسف لانه مره جميل لكن كان يمشي ويضرب الشخص السيئ بحجار وكان اي احد سيئ يرميه بحجار وقرر ابوي يسميه رجمان
نوال:وانت تشوف هالصفات في برق؟
جيراز:للامانه ايه احسه شخصيه عصبيه ويميز السيئ من الطيب
نوال:اها اجل حلو اسمه رجمان هنا
جيراز ضحك وكان بيبوس راسها لكن قاطعه عبدالله اخوه يناديه:جيرازز تعال بسرعه
*جيراز راح له ورجع متسعجل لنوال في عالمهم :نوال بيهاجموننا مجموعة من المشعوذين والكفره خذي شيودن وبرق واهربي لعالمك
نوال:مابي اتركك وليه يهاجمونك
جيراز:مو وقته سالفه طويله ،الحين اهربي يلا
نوال:بس مقدر اجيب بنتنا لعالمي
جيراز شال شيودن:بخبيها انا يلا روحي
*نوال اخذت برق ورجعت لعالمها ،جيراز اخذ شيودن واخوه وزوجته وهربو بكهف وتخبو هناك *
.
*نـوال اثناء تواجدها في البيت الطين ،حست بالم الطلق وشافت اشارات الولاده،وقفت وصارت تتحرك في الغرفه رايحه راجعه من شدة الوجع *
.
عبدالله:جيراز وين اخذت زوجتك ولدها؟
جيراز:ترجع لعالمها
عبدالله:احسن شي سويته
زوجة عبدالله:في صوتت اصص
*عبدالله خبى زوجته وعياله داخل *
*جيراز وعبدالله وقفو مقابلهم ينتظرو دخولهم ،دخلو وكانو ضخام *
*صارت بينهم حرب ومضاربه *
.
*نـوال نزلت منها اشارة الولاده وصار يشد عليها الالم جلست وصارت تصرخ من الم الطلق ,وصار يزيد عن حده الوجع *
*اثناء صراخ والم نـوال كان هداج وسهاج وحياد يمرون حول البيوت يدورن على نوال،سهاج:فيه حرمه تصرخ
هداج يستمع لصوت:هذه صوت نوال
*ركضو متجهين لمصدر الصوت ،وصلو البيت فك الباب هداج وشاف زوجته طايحه وتولد وبرق عند راسها جالس ويبكي *
هداج يناظر فيها وفي برق:نوال !!
حياد:كلم زوجتك تجي تساعدها
هداج:صعبه صعبه دقو على حريمكم
سهاج:زوجتي مع نـود متنومه
حياد:اجل بكلم زوجتي
*حياد كلم زوجته وجت لهم بسرعه*
هداج يضم ولده:معقوله هذا برق ؟
برق يدفه ويرميه بحجر:وخرر عنيي
*بـرق جاهل انه هذا ابوهه لكن كان صغير مايعرف يميز شي ويالله يتكلم *
*نـوال ساعدتها الرغد ولدت اورنس وكان شكله غريببب ماكان يوحي انه بشري وكان مايبكي وعيونه مقفله*
نوال سحبته تناظره:شفيه مايصيح
هداج:انتي حامل من مين؟
نـوال وهي تعبانه منهلكه:شفيه ولدي
الرغد تناظرها:ولدك بخير حي ويتحرك
*سهاج وحياد برا ومعهم بـرق*
*نـوال طاحت مغمى عليها ولازالت تحت اثار تعب الولاده*
*الرغد مسحت الطفل وكانت مذهوله من شكله الغريب وكانه مصخ،لفته بمهاد وحطته بجانبها وطلعت برا لهم *
الرغد:الطفل بخير وهي بخير
هداج:يعطيك العافيه
*برق فلت منهم ودخل عند امه جالس عند راسها وبيده الصغيره يمسح على وجه اخوه ويبتسم له,وكان الموقف تحت نظراتهم كلهم *
———
*عبدالله وجيراز انهو الحرب ب انتصارهم *
عبدالله:الحمدلله قضينا عليهم
جيراز: اي والله
عبدالله:يلا باخذ زوجتي وعيالي واترك المكان
جيراز:احسن قرار وانا بعد بروح اشوف نوال
*عبدالله اختفى بعياله ،وجيراز نسى بنته في الكهف وراح لنوال وانصدم انها والده اورنس اقترب منهم ومسح على راسها وضم برق *:انتو بخير ي بابا
برق يضمه:اي بس في رجال برا
جيراز يحضن برق وبيده الثانيه شال اورنس ويتامله ويبتسم:جيت ي شبيهي
*جيراز نفث بوجهه ببعض الطلاسم الغريبه*
فتحت عيونها نوال وشافت جيراز وبحضنه برق واورنس ابتسمت له:انت بخير
جيراز:صحيتي ي نور حياتي
نوال بتعب:اي
جيراز:الحمدلله على سلامتكم
نوال:الله يسلمك
*نوال انتبهت للرجال اللي برا ،واشرت لجيراز يختفي *
هداج شافها صحت دخل عليها:الحمدلله على سلامه
نوال:الله يسلمك
هداج:وين كنتي مختفيه
نوال:م يخصك
هداج:تراك لازلتي زوجتي
نوال طلعت ورقه من تحت مخادها اللي منسدحه عليها:كنت زوجتك
هداج اخذ الورقه وشاف انها خلعته:ليشش!!
نـوال:ماعاد تناسبني لا انت ولا حياتك
هداج:مو بكيفك انا احبك وانتي زوجتي
نـوال بتعب:قلت لك خلاص ماعاد يربطنا شي والحين خذ نفسك واطلع
الرغد:خلاص اتركها ي هداج وبعد كم يوم ارجع لها لما تكون بخير
هداج:دقيقه وين ولدي برق
نوال تحضن برق:مالك عندي ولد
هداج:ولدي وينه اكيد هذا
نـوال تغيرت نبرتها بسبب تلبس جيراز لجسمها:ولدك مات في اللحظه اللي درت ظهرك فيها لي وتركتني بغزارة المطر مات
هداج انصدم:تكذبين انتي اكيد كذابه
نوال:م كذبت بشي انت تخليت عنا وانا تخليت عنك والحين فارق
هداج عصب وطلع:كيف يموت اكيد هو اللي عندها
*سهاج وحياد والرغد طلعو معه*
.
*بعد مرور يومين وجيراز لازال عند نوال وبرق واورنس,يساعدها ويشيل معها وياكلهم *
جاء واحد من الجن لجيراز:بقولك شي
جيراز يناظره:مين؟
منصور:اسمي منصور،مافي وقت بدخلك عطول فيه حرمه بشريه من معارف نـوال مرسله لكم جن مشعوذين يبون ياذونكم وبذات نوال سلطت عليها جن ياذونها.
جيراز:منهي ذي
منصور:من بنات عمة نوال
جيراز:ليه طيب؟
منصور:اللي عرفته منهم لانه نوال في الصغر كانت افضل منها بكل شي ولازالو يقارنو بينهم .
جيراز:الله ياخذها هذا مو سبب انها تاذيها
منصور:وكمان عشان تزوجت رجال غني مثل هداج ،وكان هدفها هداج
جيراز عصب:وش الحل الحين؟
منصور:اهربو لانها ممكن جايين بطريق
جيراز:طيب
*منصور اختفى ،وجيراز بلغ نوال ،نوال ناظرته:ماينفع نهرب بنواجهم بس اول لازم نسوي شي مهم *
*نـوال بدت تكتب رسايل لولدها اورنس وبرق ،وجيراز حط قلاده برقبة اورنس وقلادة برقبة برق حقت اخوه رجمان *
*كانت ثواني الا دخلو عليهم ،وكانو يحاربونهم لكن الكثره تغلب الشجاعه*
*نوال طايحه بدمائه وجيراز ينزف بشكل فضيع ،طلعو كلهم بعد مااذو نوال ،جيراز شاف ورقه قدامه وصار يكتب لااورنس وهو ينزف ،خلص كتابه وسحب اورنس لحضنه وجرح صدره ب اضفره وسحب شريان من شرايين يده وحطها بصدر اورنس لين نقل كل قوته الجنيه له ومقدر يتحمل الالم وطاح جنب اورنس ميت تحت صراخ وبكاء اورنس لااول مره يبكي اورنس من انولد ،*
.
نـوال لازالت حيه وكانت تشوف ولدها برق يروح ويجي ويبكي مايعرف شيسوي ،هداج وحياد وسهاج رجعو للمكان بسبب هداج م ارتاح الا يرجع لها وهم معه .
دخل هداج وانصدم من شاف المنظر وصرخ باسمها:نوال نوال
سهاج وحياد دخلو وراه ،وشافو المنظر والدم والرجال الغريب طايح ،نوال بتعب:هداج اخلط دم برق في دم اورنس
هداج يحاول يستوعب:مين اورنس؟ وليه؟
نـوال ولازالت دوبها تاخذ نفس :الصغير اورنس ،علشان يعيش
سهاج مسك اورنس بين يدينه يحاول يهديه:بسم لله عليك الرحمن يحفظك ان شاء الله
حياد مسك الاوراق وقراهم ،وناظر فيهم:لازم نخلط دمهم بسرعه
هداج:ليشش طيب
حياد:لان اورنس عشان يصير انس نفس نوال لازم نخلط دمه ب اخوه
هداج:شدراك انت
سهاج:الظاهر هذا الرجال ابوه كاتب الكلام بالورقه
هداج مسك برق:مراح اضحي بولدي علشان جن
نوال بدموع:راح يحتاجو بعض لاكبرو وعلشان تحمون اورنس من هذا العالم
*جت الرغد بسبب اتصال زوجها وجت ساعدت نـوال وتسعفها عشان م تتعب*
هـداج ناظر ولده ومسك يده:اسف ي برق بس عشان اخوك
*هداج شق يد بـرق وصار ينزف دم برق ويبكي من الالم وقرب لااورنس وشاف فيه جرح ابوه مسببه له بصدره ،ترك دم برق ينزف على صدر اورنس لين الدم دخل داخل جسم اورنس*
*سهاج يسمي على اورنس ويغطيه ويحاول يمسح الجرح ويوقف الدم لين اخذته الرغد وصارت تنظف الجرح وخيطته,رغم صغره الا انه تحمل الالم وكان فاتح عيونه ويشوفهم *
نـوال حضنت برق تهديه،ناظرت بسهاج:اكيد انت سهاج
سهاج:ايي
نـوال:اورنس بامانتك اعتبره ولدك
سهاج:ليش؟
نـوال:مهما كان لاتعلموه حقيقته لين يصير رجال ويعتمد عليه وعطيتك اياه لان راح توقف انجاب على ثلاث بنات
سهاج تنهد:ان شاء الله
*نـوال حطت القلاده عدل على رقبة اورنس ومسكت يد برق وطلعت فيه من عندهم بخطواته المليانه دم تحت نظرات اورنس لها *
.
*بعد مرور الزمن اورنس صار يربيه سهاج ،ونوال رجعت عند اختها تعبانه ماعاد تتحمل تعيش واضطرت ترد برق عند ابوه يهتم فيه لين ماتت ولحقت جيراز ،وشيودن لازالت مخفيه *
.
——
«الحاضر»
اورنس جالس قدام عمه ويبكي  ونطق بعصبيه :والله م اترك اللي فرق شملنا والله لااذبحه
عمه:اللي فرق شملكم مات ابشع موته
اورنس عقد حاجبه:كيف مات وليه يموت؟
عمه:بنت عمة امك احترق فيها البيت بعيالها وماتو كلهم عادا الام شافت عيالها يحترقو واحترقت معهم ولاقدرت تسوي شي وبقت عايشه فتره تتالم وفقدت عقلها بسبب المنظر اللي شافته ،وراحت كملت واحرقت نفسها لين ماتت .
اورنس يوم سمع وش صار فيها ارتاح داخله شوي:بس من اللي سوا فيهم كذا ؟
ممدوح:ابوي دعى عليهم في ليلة القدر يوم عرف وش صار لكم
اورنس مسح دموعه:مالقيتو اختي؟
ممدوح:لا بندورها
اورنس وقف:يلا امش بلقاها عن طريق قلادتنا
ممدوح:يلا
.
*ممدوح واورنس يلفون كل الاماكن والكهوف وماحصلوها ،ولازالو يبحثون عن شي يدلهم سوا ولاحصلو لها اثر ،اورنس جلس فوق جبل ومعه ممدوح *
اورنس ياخذ نفس عميق ويطلعه:تصدق عاد برق اخوي واعي بالاشياء ذي وساكت؟
ممدوح:وش دراك
اورنس:نظرة عيونه توضح كل شي بس هو على بطئ تجيه في الاحلام
ممدوح:الصدق انا كشفت عن احلامه وكانت اشد غموض من احلامك بس يكتم م يتكلم
اورنس بيتكلم بس قاطعته القلاده وحرارته احرقت صدره:احح
ممدوح يشوف القلاده تضيئ:اورنس القلاده
اورنس شافها و وقف عطول:اختي قريبه هنا
*قام بسرعه يدور عليها وشاف بنت شعرها اسود طويل لنصف ظهرها ولها غره قصيره وقرون طويله وبدون اجنحه  وطويله شوي وبيضاء وتتضارب مع ثلاثه *
اورنس ركض فوراً وصار يضارب معها وممدوح دخل يضارب معها ،ذبحوهم ،التفت البنت والقلاده نفسها على صدرها تشع ،وشافت اورنس وقلادته ،نطقت :مين انت ؟وليش لك نفس قلادتي
اورنس يتامل ملامحها الطفوليه وعيونها الوسعيه وشفايفها وخشمها كانت شبه امه نوال ،امتلت عيونه دموع:شيودن؟
شيودن عقدت حاجبها:مين
اورنس ضمها عطول:انا اخوك اورنس
شيودن دفته:خير ماعندي اخوان
ممدوح:شيودن انا ممدوح ولد عمك عبدالله
شيودن عقدت حواجبه وتحاول تتذكر:ماعندي احد كذا
اورنس قرب منها ومسك قلادتها وقلادته:طيب اذا م تعرفيني قلادتك تعرفني
شيودن تناظر بالقلايد كيف صار شعاعها قوي:يعني انت اخوي؟
*ممدوح اختفى وبقى شيودن واورنس*
اورنس:ايه انا اخوك ابونا اسمه جيراز وامنا نوال وبشريه بعد!
شيودن تحاول تعصف في ذكرياتها:بس اذكر انه فيه ولد كان يلعب معي دايم اكبر مني
اورنس:ايه هذا اخونا البشري رجمان !
شيودن دفته:انت تكذب علي
*عمهم عبدالله طلع وراها*:لا م يكذب انتم فعلا اخوان
شيودن:ومين انت اصلا
عبدالله اقترب وحط يده على راسها وخلاها تتذكر كل شي بلحظه ،شيودن يوم تذكرت وشافت اللي صار لااهلها طاحت بالارض تبكي :انتم اخوان ومالكم الا بعض
اورنس اخذها في حضنه واحتواها:اسف لاني جيتك متاخر
شيودن تضمه وتبكي:كنت ادوركم
اورنس يبكي معها:اسف م جيت بدري
شيودن تبعد عن حضنه وتناظر تفاصيل وجهه ورجعت تضمه:اخييرا لقيتك .
اورنس يضمها وياخذ نفس عميق ويستنشق ريحتها المليانه حنان العائله:طلع كذا ريحة العائله
ممدوح:يبوي خلاص دراما قومو
شيودن تناظر فيه:البغيض هذا نفس وضعه
ممدوح:اص ي الشارده
اورنس مسك يدها:تعالي اوريك رجمان
شيودن:يلا
*اورنس وشيودن راحو لبيت خالتهم وحصلو برق نايم *
اورنس:هذا هو
شيودن تقرب منه وتمسح على راسه:ي عمري صار رجال
اورنس:ترا يدري عنك وقلت له كل شي
شيودن:احلف ؟
اورنس:والله ،وايه بعد بوريك اهلي اللي كنت معهم .
*اورنس اخذ يتجول في شيودن وهم مخفيين نفسهم نفس نظام الجن *
اورنس خلاها تشوف سهاج ونجمه:ذولي اللي ربوني
شيودن:همم كيوت
اورنس اخذها لرمح اللي كانت نايمه وهي تذاكر:هذه اصغر وحده اسمها رمح
شيودن تناظر في غرفتها كلها لوح رسم وفوضويتها اللي تحب نفس الاشياء ذي شيودن:الله حبييتت حسيت انها صديقتي خلاص
اورنس يقرب لرمح ويمسح على شعرها:حنونه ترا مره وهاديه ماتاذي احد
شيودن:واضح عليها صانعه لنفسها عالم خاص
اورنس يشوف جني متخبي بدولاب حق ملابسها ،اقترب له وفتح الباب:وش تسوي هنا
طلع الجني وقف قدامه:اول شي اسمي سلام وانا خوي رمح من الصغر معاها
اورنس عقد حواجبه:نعمم!
سلام:لاتخاف مو عاشق بس خوي لها
اورنس:اطلع اطلع يلا
*سلام ابتسم له وطلع *
شيودن تضحك:يقولك خويها من الصغر مستحيل يفارقها
اورنس:ادري بس اهمشي ماياذيها
شيودن:اي م علينا خلينا نشوف البقيه
اورنس ياخذها لغرفة لحن،اللي كانت عباره عن فوضى اكل وملابس طايحه بالارض ونص المكياج مبعثر على التسريحه ونايمه بوسط الملابس على السرير والجدران نصها رسمات وشخابيط:وهذه لحن
شيودن تناظر في الغرفه ومتازمه:الوسطى صح،وصديقتك صح؟
اورنس ابتسم:ايي كيف عرفتي
شيودن تناظر للوحه فوق سرير لحن وكانت عباره عن صورتهم هم صغار:شف فوق
اورنس ضحك:هذه اقرب وحده لي طبعاً
شيودن:دقيقه اخمن ،اكيد لكم نفس الاطباع واغبياء
اورنس يبتسم:مو اغبياء
شيودن:بس ماشاء الله جميييلهه حييل
اورنس يتامل الجدار:تعالي شوفي رسوماتنا قبل
شيودن تتفرج في الرسومات :ليش راسك مثلث
اورنس:ذي لحن راسمتني كذا
شيودن تضحك على اشكال رسوماتهم الغبيه :عاد تكن لها مشاعر ولا بس صديقه
اورنس ابتسم:قبل وانا مراهق كنت احبها بعدين صفقتني كف وقالت حنا خوان حرام ورحت حبيت غيرها
شيودن ضحكت على غبائهم قبل:ي ربي ضحكتوني ،بس دقيقه من اللي حبيتها
اورنس اذنه صارت حمرا:وحده
شيودن:للحين معك؟
اورنس تذكرها وتذكر اخر كلام بينهم:الظاهر اي
شيودن:تعال نروح لها
ارونس:لا
شيودن:اقول امش
*اورنس وشيودن راحو لبيت وطن ودخلو غرفتها *
اورنس تفاجئ لما حصلها صاحيه بسريرها وتتامل السقف ودموعها تنزل:وطن!
شيودن تشوفها:يوهه لييه كذا حزينه؟
اورنس اقترب منها وجلس جنبها ويمسح دموعها بيده:انا ضايقتها
شيودن:ي معفن م تستاهل الجمال ذا كله
*اورنس مشاعره تلخبطت وضاق صدره يوم شاف انه هو سبب دموعها *
*وطن حست بحراره جنبها ولمسات على وجهها ،عدلت جلستها وسمت برحمان *
شيودن تناظر غرفتها وشافت صوره معلقه:دقيقه ليه رجمان معها بصوره ؟
اورنس شافها خافت:اخوان من الاب
شيودن:علاقات مشربكه حيل
اورنس بضيقه:ايي ،يلا خلينا نرجع
شيودن مسكت يد اورنس واخذته لمكان في عالمهم لوحدهم:اورنس شفيك ؟
اورنس وعيونه تدمع:احسني ضايع واحس قلبي يوجعني
شيودن:ليه؟
اورنس:احس كيف كنت بشري وفجاه صرت جني نفسيتي تعبت والله
شيودن ضمت يدينه:ي حبيبي انت ادري الموضوع يرهق ويتعب الشخص نفسيا بس لما تفكر فيها انت وشذنبك تتعب حالك خلاص وضح كل شي وبان لهم وغير كذا صار اللي صار لاتفكر في الماضي الحين خلينا في الحاضر تقدر تعيش كبشري وكجني الموضوع مو صعب ترا وبعدين شفت اشخاص كبشر وجن نفسك كثير
اورنس ويحس بداخله شي يتلاشى ودموعه تنزل ،استئنفت كلامها شيودن:ي سندي انت لاتتضايق في النهايه انت بخير وانا بخير ورجمان بخير اللي راح راح وعرفت انت ولد مين خلاص لاتفكر عيش حياتك وحب نفسك لاتاذيها
اورنس:طيب وطن كيف باخذها الحين ،اكيد هداج رفضني علشاني جن
شيودن: يحبيبي اما يقبل ولا نخطفها
اورنس ابتسم:حلوه ذي
شيودن:اقدح نفس ابوي اخذ امي طرق منه وطلق امي منه .
اورنس تشجع:تقوليها؟بس برق
شيودن:م عليك اول شي نكلمهم رسمي واذا رفضو نخطفها
اورنس:هي خايفه مني الحين اكيد بترفضني
شيودن:من القريب منها؟
اورنس:اعتقد لحن
شيودن:خليها تتكلم معها
اورنس:لا انا بجي اتكلم معها
شيودن:حلو
اورنس حط ايده على كتف اخته:وين بيتنا هنا؟
شيودن ترمش:مالي بيت غير بيت الحب
اورنس ضحك:اوهه ومن هذا
شيودن:واحد كنت جنيه عاشقه له بس طردني الشيخ الكلب والحين جالسه ادور بيت لي
اورنس ضحك:اكثر شي بجربه ادخل جسم بشري واشوف الشيخ يطردني
شيودن:كلب م انصحك يحرقونك انا طلعت قبل يحرقوني واتعذب لي صديقات احترقو وماتو
اورنس:احح ،طيب تعالي في بيت خالتي
شيودن:بس ضروري لنا بيت هنا
اورنس:بندور لنا بس حاليا خلينا عند برق .
شيودن:يلا اجل
*شيودن واورنس رجعو عند برق *
.
.
———
١١:٠٠ الصباح في عالم البشر.
بـرق واقف ويسقي الزرع ومجهز الفطور ينتظر اورنس يصحى .
*بدء يسوي تمارين رياضيه في الحوش ويمغط جسمه *
اورنس صحى وشاف برق:وش عندك مزعجنا
بـرق:مزعجنا؟ ليه ممدوح هنا ؟
اورنس يبتسم:لا غيره
بـرق وسع عيونه:اكيد لحن؟
اورنس:عقلك معها غيره؟
بـرق:مين
اورنس:اختنا
بـرق ب ابتسامه واسعه:احلففف شيودن هناا!!
اورنس:ايي
بـرق:وينها خلها تطلع نفسها
اورنس:طيب
*اورنس جلس يفطر وشيودن جنبه جالسه تاكل *
بـرق يناظر في اورنس ويناظر في البنت ،تقدم لها وجاء جلس قدامهم:الحين هذه هي !!
اورنس:ايه
بـرق يحط اصبعه على خدها المحشي اكل :ماشاء الله
شيودن تدفه يده:وخر
بـرق:شفيها نفسيه ذي
شيودن تناظره وغرتها نازله على عيونها وخدودها الحمرا واضحه:انت النفسيه
بـرق وقف يبي يفتح الباب: اص ي النونو
شيودن وقفت ونطت على ظهره وتشد شعره:مو نونو
برق يصرخ ويحاول يفكها:اورننسس فكني منها
اورنس يضحك:اختك عاد
بـرق يسحبها وينزلها بالارض:خلاص روقي
*بـرق فتح الباب*:اوهه لحن
لـحن:اورنس موجود؟
بـرق ب ابتسامه:ايه عيوني
لـحن تشوف البنت اللي ماسكه بيد بـرق:من هذه؟
شيودن:تشوفني ذي؟
لـحن تناظرهم ودخلت ولازالت عاقده حواجبها:ايه مين؟
بـرق:اختنا
لـحن بعدم فهم،راحت وجلست عند اورنس:شسالفه م فهمت شي كيف اختكم ؟وكيف مو عساس جنيه؟
اورنس ياشر لها بيده:شوي شوي
لـحن تناظر بـرق وشيودن يتهاوشون:تكلم
اورنس يصوت لبرق يجي ،برق جاء وجلس عندهم:وشو
بـرق يناظر بلحن:ليش جيتي؟
لحن تناظر فيه وهو سواله الغريب:ليش متضايق من جيتي؟
بـرق:لااا اقصد يعني م توقعت تجين
لـحن تناظره وشالت عيونها وناظرت في اورنس:وش فيه ي اورنس مناديني؟
اورنس يناظر في بـرق بحده،ورجع ناظر بلحن اللي واضح تعكر مزاجها:ايه بقولكم وشصار معاي وشصار قبل بتفصيل علشان كذا جمعتكم اثنينكم
لحن:تمام
*بـرق عيونه على لحن وهدوئها*
*شيودن ضربت برق على راسه وراحت بالغرفه واخفت نفسها*
*اورنس بدء يقول للحن وبرق كل شي بتفصيل*
.
———
وطـن كانت تمشي في الحوش تحت اشعة الشمس الخفيفه والغيوم المتقطعه تحاول تغير مودها شوي ،استوقفها دخول ابوها وجلوسه بالحديقه قدامها .
وطن تقدمت وتكلمت مع ابوها بكل جرائه :يبه فاضي ؟
هداج:ايه
وطـن:انا سمعت ان اورنس تقدم وطلبني هو صحيح؟
هداج:ايه ورفضته
وطـن:طيب ليه وش السبب ؟
هـداج:اعتقد سمعتي بالسبب
وطـن:بس ذا مو مبرر انك ترفضه يبه هو لازال بشري
هداج:رفضته وبس
وطـن بضيقه:طيب يبه انا ابيه
هـداج ناظر بنته بحده:تبين جني بكره يذبحك ،ترا مالهم امان
وطـن ودموعها تنزل:ايه ابيه
هـداج  وقف وقرب لها:عيدي شقلتي؟
وطـن:ابيه حتى لو انه جني
هداج صفقها بكف وسحبها من شعرها:قليلة ادب والله ماعرفت اربيك ،دخلها بالغرفه واخذ العقال وصار يضربها .
وطن تصرخ:يبه خلاص يكفي قاعد توجعني
هـداج يستمر يضربها:اكيد كنتي تكلمينه قبل
*وطن وهي حاطه يدينها على راسها من قوة الضرب،وبدت تدوخ من الضرب لانه صار يضربها على راسها *
.
.
——-
يلا تفاعلو عاد نزلت لكم بارتين ورا بعض وهذا طولته بعد ☹️💔.