لـحن عيناك كـبرق اصابني.

‏له فالحشى ودٍ .. ‏على غيـر مقياس

.
*طلعت من المحادثه وجلست تفكر كانت شايله هم كثير في داخلها ،حاولت تصفي فكرها ورجعت انسدحت وصارت تتقلب كثير وطرا في بالها موضوع الرسايل قررت انها تشوفها ،اخذت شنطتها وطلعت فيها فوق وجلست بالسطح كان المكان الوحيد فاضي وسمت برحمان وبدت تقرا اول رساله.
كانت اول رساله عباره عن صدمه لها محتواها بدء يوضح للحن اشياء مخبيه ،فتحت رساله الثانيه وبدت تقرا وكانت حرفياً اقوى صدمه لها لدرجة دموعها صارت تنزل بكثافه ،ضمت الورق وقعدت تبكي بغزاره بسبب الكلام واللي اكتشفته بالورق .
.
.
———
اورنس كان واقف ويتكلم مع عمير بالغرفه بلحظه طاح مغمى عليه ،عمير مسكه ويحاول يصحيه ولا صحى ونادا اخوانه والعيال تجمعو عنده يحاولو يصحونه ولاصحى ،
بـرق صحى على اصواتهم وهم يحاولو يصحون اورنس جاء لهم:شفيه اورنس
عبدالرحمن:اغمى عليه
بـرق نزل لمستواه ومسك وجهه وصار يصحي فيه ،اورنس صحى مع برق ،بـرق يناظره:شفيك يوجعك شي
اورنس يصحصح وعدل نفسه وجلس:لا
سهاج دخل عليهم:وينه ! شفييه اورنسس .
اورنس:انا بخير انا بخير
سهاج يحتضن اورنس ويتنهد:الحمدلله يبوك وش علم الاغماء ذا
اورنس:والله مدري كل م رحت لدكتور كل شي طبيعي
سهاج:ان رجعنا لديرتنا بنشوف دكتور
اورنس يناظر في سهاج وفيهم:اسف اقلقتكم معاي
بـرق:وش الكلام ذا لااقلقتنا ولاشي
عمير:اص اذا م خفنا عليك نخاف على مين
اورنس ابتسم:الله يسعدكم .
.
*الكل رجع نام واورنس انسدح بسريره متضايق ،جته رساله من وطن*
وطـن:شفيك شصاير معاك؟
اورنس يرد عليها:لاتخافين مافيني شي
وطـن:سمعت انه مغمى عليك ؟
اورنس:اييه بس تراني بخير
وطن: قابلني خلف البيت
اورنس ابتسم:مشتاقه تشوفيني
وطن:قابلني يلا بطلع
اورنس:يلا
*وطن لفت شرشف خفيف عليها وطلعت وراء البيت ،اورنس اخذ فروته وطلع وراء *
.
.
——-
لحن جالسه فوق مصدومه وكانت بعالم ثاني ،ممدوح جالس قدامها يواسيها وخافي نفسه .
.
بـرق شاف رسالة لحن وتضايق وطلع فوق جاهل وجود لحن ،اثناء وصوله للدرج سمع وحده تبكي بشهقات متتاليه ،خاف وكمل للسطح وشاف لحن جالسه بالارض وتبكي ،تفاجئ وركض لها ونزل لمستواها ومسكها:لحن!!!
لحن رفعت راسها وهي عيونها حمراء ومليانه دموع وشعرها متبعثر على وجهها ،بـرق يناظر بشكلها وخاف:بسم لله عليك شفيككك!!!
لـحن لمت الاوراق:مافيني شي
برق يناظر الاوراق ومسكها،لحن سحبتها من يده بسرعه،برق يناظر بلحن:شفيك انتي ؟وش فيها
لحن ودموعها تنزل:شدخلك انت!!
بـرق مستغرب منها وعصب :شفيك انتي ؟ ماتتقبلي تتكلمي معاي وتتجاهليني لييه كذاا؟
*لحن تناظره وساكته*
.
.
——-
وطـن ضامه نفسها بشرشف ومافيه غير نسناس الهوا يداعب شعرها ،واقفه تنتظر اورنس ،جاء لها بخطوات خفيفه وضمها من وراء وهمس عند اذنها:اشتقتي لي
وطن ابتسمت ولفت عليه:شفيك ،شاللي حصل فيك؟
اورنس تنهد وسند راسه على كتفها ولازال ضامها:صار معي هبوط بالضغط
وطن ضمته:وليه يصير معاك ؟؟ م اكلت شي انت؟ ولا ماكل حلا ؟
اورنس:لا ماكلت شي كنت مشغول مرهه
وطن تحتضن وجهه بكفينها:ليش ي عمري م اكلت؟
اورنس يبتسم :انتظرك توكليني
وطن:بلا استهبال اذا م انتضمت واكلت ترا وربي لاازعل
اورنس يبرطم:كلشي الا زعلك باكل وكلشوي بصورلك
وطن ابتسمت:ايي نشوف
اورنس يناظر فيها:اسمعي بكرا بعد الزواج بخلي ابوي يطلبك لي
وطن ابتسمت:احلفف !!
اورنس:والله باخذك لي وبعيش معاك
وطن ضمته:اخييراً
اورنس ضحك:ايي بكلم ابوي بكرا بدري وبنشوف رد ابوك
وطن:انا بتزوجك مو ابوي اكيد بيوافق
اورنس :ان شاء الله .
وطن:يلا بروح علشان محد يشوفنا
اورنس:هاتي بوسه وبخليك تروحي
وطن تبوس خده:يلاا
اورنس ابتسم:انتبهي لنفسك
وطن:وانت بعد
*وطن راحت داخل البيت واورنس راح للغرفه*
.
———
بـرق لازال معصب:جاوبيني ليه ساكته؟ ليه تتجاهليني ليه تخليني اتعلق فيك وبعدين تسحبين علي؟
لحن تناظر فيه:علقتك فيني ؟
بـرق:ايه علقتيني فيك لدرجة مقدر افكر غير فيك
لـحن عصبت:علقتك فيني ي الكذاب وانت لو تعرف للحب درب ماكان وافقت على انهم يزوجونك منها بطل تكذب بطل انت اساساً ماتعرف نفسك تبي تعرف الحب
بـرق عصب :سلامات انتي تاخذين على كلام انقال وتتوقعين اني موافق ؟
لحن نطقت بحده وكانت تناظره وكانها يأست من الحـياه :بـرق انا مو لعبه عندك انا في ذاك اليوم كنت انتظر ردك ولما شفتك تبتسم وموافق ايقنت انك ماتناسبني ابداً وفي يومها شلتك من حياتي لذلك لاعاد تزعجني وتطلع لي ،والله يوفقك بحياتك اللي راح تاسسها مع اللي تبيها .
*لحن شالت باقي الاوراق اللي طايحه تحت ودموعها تنزل وقفت وناظرت فيه وكانها اخر نظره بتناظره فيه ومشت تاركته وراها غارق بدموعه وكلامها اللي صدمه ونزلت للغرفه ضايقه فيها الدنيا ماتعرف وش تسوي *
.
*بـرق صدره ضاق من كلامها ودموعه تنزل حاول يتنفس وكانه شي كاتم على صدره وصار يفكر بكلامها وجلس بمكانها يحاول يهدي نفسه بس مقدر ضم رجوله على صدره وصار يبكي *
.
.
——-
*لـحن بقت بفراشها تفكر في موضوع الاوراق وصدمتها بموضوع اورنس قاطع حبل افكارها صوت اذان الفجر ،قامت وراحت تستعد للصلاه*
.
.
———
*اورنس يتقلب بفراشه ويفكر في بـرق واللي شافه وراه وبنفس الوقت الحلم اللي يتكرر عليه ،خطوات الحرمه مليانه دم ،وصياح الطفل ،واشخاص عنده ،كانت الاحلام ذي مزعجه لدرجة صار يكره ينام بسببها بقى بفراشه لين اذن الفجر *
.
.
———
*بـرق لازال فوق يفكر في موضوع لحن وحلمه *
.
*حلم بـرق*
.
كـان يشوف نفسه طفل صغير  ويمشي بحي مظلم وبيوته متهالكه وكانت خطواته خايف ويرجف من البرد والخوف ..اثناء مشيه صادفه بيت متهالك صغير فيه ضوء خافت جداً ركض بخطواته متفاوته وصل لعنده وتفاجئ بوجود اربع اشخاص حول طفل صغير يبكي وحوله دماء متناثره ،شهق بخوف وركض ب اتجاه الدرب اللي سلكه ،لحقه شخص شاب ومسكه بسرعه.
.
*بـرق صحى على اصواتهم بسبب اورنس مغمى *
.
.
*في الواقع*
بـرق اخذ نفس عميق ومحتار ايش الحلم هذا قاطع حبل افكاره صوت الاذان.مسح دموعه ونزل تحت يصلي مع البقيه .
———
*لحن خلصت صلاه مع البنات،وراحت انسدحت بفراشها وطلبت محد يزعجها *
.
*بـرق انسدح بعد الصلاه ونام وهو تعبان *
.
*اورنس خلص صلاته وانتظر سهاج يخلص صلاته ،عشان يعطيه علاجه الصباحي،خلص منه وعطاها واستاذن بانه يروح ينام كم ساعه *
.
.
*الاغلب رجع ينام والبعض صحى شبعان نوم ،*
.
.
*سهاج طلع وقف عند سيارته وتفاجى بوجود ورقه على السياره ،فتح الورقه وشاف الكلام :
بسبب ولدك اورنس راح اوريكم كيف يحترق قلبكم .
سهاج عقد حواجبه:مين اللي كاتب هالكلام.
حط الورقه بجيبه وشال هم من اللي بياذي اورنس واورنس اذاى مين وكان اغلب وقته يفكر في الموضوع وعيونه على اورنس خايف عليه.
——-
رمـح تقلب جوالها ودخلت سناب وشافت الاضافه وتذكرت كلامه لها وقررت تضيفه عشان تتكلم معه .
.
مرعد جالس بالمجلس ينتظر الفطور وجاه اشعار اضافه ،فز بسرعهه وابتسم اكثر لما شاف انها رمح تكتب له.
.
رمـح قررت تصارح مرعد وكتبت له رساله طويله:
سلام عليك ،اول حاجه ضفتك مو لاني ابيك ولا علشان ابي تكون بينا علاقه ضفتك بقولك كم حاجه واحذفك.
اول شي ي مرعد انا صغيره على سوالف الحب ذي وحالياً اركز على مستقبلي الدراسي ونفسي اكثر من اني ادخل هالمتاهات واتمنى منك ماعاد تفكر فيني بطريقة حب انا م اشوفك الا اخو فقط .
.
مرعد فتح الرساله وصار يقرا كلامها وانصدم م توقع انه ينرفض معتاد على بعض البنات يوافقون بسرعه ،صنم دقايق في مكانه ثم استوعب نفسه وكتب لها:تمام الله يوفقك وقرارك واحترمه.
*انتظر تشوف كلامه ومجرد ماشافته ارسلت له ايموجي القلب الابيض ،حذفها من عنده*
مرعد يتكلم بداخله:عوافي انرفضت خلاص ي مرعد قفل على قلبك ولاعاد تلتفت لها .
.
——-
رمـح شافت انه حذفها:حلو انه فهم
.
رعـد جلست فجاه وحطت ايدها على قلبها وعقدت حواجبها متضايقه:وش الوجع ذا
رمح تناظرها:شفيك ؟
رعد باقي ماسكه قلبها :مدري بس شكل مرعد متضايق ضيقه قويه
رمح تناظر فيها:شكله بسببي
رعد:وانتي شدخلك
*رمح تقولها كل شي *
رعد انصدمت:يوهه ي عمري عليكم
رمح:هذا اللي صار والله ويمكن علشان كذا اخوك تضايق
رعد:عادي مراح اجبرك عليه هذا قرارك عاد
رمح:فعلا احسن لنا كلنا
رعـد:اقولك شي؟
رمح:وشو
رعـد:ولد عمك جمر!
رمح:شفيه
رعـد:معجبني الصدق بس مابي اجيب العيد واحبه
رمح:بلا غباء تراك صغيره على الحب
رعـد:ادري بس مدري
رمح:هو بادلك طيب؟
رعـد:لا م تكلم ولاشي
رمـح:بلا غباء ضبي مشاعرك وبلاش تحبي .
رعـد:صح والله صادقه
*رمح ورعد قعدو يسولفون سوا عن الجامعه ،وقاطعوهم البنات ينادونهم للفطور*
.
———
*بعد مرور الوقت * ١٢:٠٠ الظهر*
.
*البنات اتفقو يروحون للمشغل والبعض في البيت يرتبون انفسهم *
*الشباب البعض منهم راحو للقصر والبعض في البيت والبعض باقي نايم*
.
.
نـود جت عند اختها لحن:لحن يلا اصحي
لحن فتحت عيونها وناظرت اختها:وشفيه ؟
نـود:يلا قومي علشان نروح للقصر
لـحن:الحقكم بعدين بنام شوي
نـود:تمام اجل بترك مكياجي عندك
لـحن:تمام
*نـود طلعت ولحن رجعت نامت ،البنات كلهم تجهزو وراحو للقاعه*
.
.
*الشباب واقفين برا وينتظرون البنات يركبون علشان يمشون *
*اورنس صحى بدري وتجهز وركبو معه خواته *
.
*الكل توجهه للقاعه عادا لحن وبرق كانو نايمين*
.
——-
ساعه ٣ العصر.
ميهاب يدق على اخوه لين صحى:هو باقي نوم ي برق اصحى يلا احنا بالقاعه.
بـرق صحصح:وشو ليه محد صاحني
ميهاب:من الصبح نصحي فيك توك تصحى يلا وبعدين ترا البيت فاضي مابه احد
بـرق:اما يلا بتروش واجيكم
ميهاب:يلا
.
.
———
لـحن متروشه وجالسه تلبس فستانها الاسود وماسك على جسمها ومكشوف من الاكتاف والصدر ، بعد صراع طويل مع نفسيتها استشورت شعرها وسوته ويفي وحطت ميكب خفيف جداً ،لبست الكعب وجلست تكلم اختها:فيه سياره ولا لا
نـود:شفت سياره وحده بس مدري حقت منو
لحن:يالله يعني ماخليتو لي سياره اجيكم
نـود وهي واقفه جنب اخوات برق:يلا بشوف اورنس يمكن يجيك
وطـن:اسمعي ترا السياره حقت برق وبرق بالبيت
نـود كانت تنبه لحن ،لحن تنهدت:زين
.
*برق طلع من الحمام ولاف المنشفه على خصره وتجاوز كم غرفه وجاء بيتجاوز غرفه وطلعت لحن بوجهه تكلم بالجوال*
*بـرق شافها وصرخ وشال ايده عن المنشفه وطاحت ،لحن لفت وناظرت فيه كامل وانصدمت وصرخت لما شافته ،غمضت بسرعهه ،برق يرفع المنشفه بسرعه*
بــرق وهو منحرج:انتي من وين طلعتي !
*لـحن منصدمه من منظره ودخلت الغرفه بدون م تتكلم *
بـرق هج للغرفه بسرعه يلبس:كيف يقول مافيه احد وذي موجوده .
*لبس بسرعه وقعد يستوعب شكلها بالفستان واناقتها واخذ نفس عميق وابتسم ،هز راسه ونطق:لاتفكر فيها ماتبيك.
*طلع ونزل تحت للسياره,ناظر حوله مافي سيارات ،وشاف لحن تطلع وتقفل الباب وحاطه الشيله على راسها مشت وقفت بعيد عنه *
بـرق يناظر فيها منحرج وهي نفس الشي ،يوم شافت نظراته لها تقدمت له ونطقت:ترا ماشفت شي بسرعه غمضت
بـرق يتمنى ان الارض تنشق وتبلعه ونطق بلامبالاة:مو مهم .
لحن رجعت لمكانها وقررت تحافظ على المسافه ولاناظرت فيه بعد الكلام ذا ،دقت نود عليها وردت عليها:متى تجين؟
لـحن:يلا م حصلت سياره بشوف اوبر وبجي
نـود:زين يلا
*لحن قفلت ،وصارت تشوف اوبر،بـرق شغل السياره وناظر فيها وهي تحاول تحدد مكانها عشان السياره*
بـرق لف السياره عليها:اركبي يلا
لـحن:م يحتاج
بـرق:اركبي كلنا رايحين لنفس الوجهه
لحن:لا طلبت سياره
بـرق يناظر بشكلها وخاف احد يشوف جمالها وينفتن :اقول اركبي بس
لحن:قلت م يحتاج وهذه السياره جت
بـرق التفت وشاف الولد بسياره وشكله مرتب وعيونه على لحن ،
.
.
———
تفاعلو 💔👏🏻.