لـحن عيناك كـبرق اصابني.

‏أكسر غرورك اذا باقي غرور ".

لحن ترجع له بسيارتها تتاكد انهم بخير :الحمدلله على سلامتكم .
*رتيل ورمح يضحكون عليهم*
بـرق:احمدي ربك انك بنت ولاعرفت كيف ارتكب فيك جريمه .
لحن ب ابتسامه خفيفه وتناظر فيه وفي الحاويه:اعرف مقامك زين بس.
*مشت لحن بخواتها وتركتهم *
ميهاب يناظر اخوه بعصبيه:انا م قلت لك تجاهلها؟ مسوي انك مدرك وضعهم؟
بـرق:اسكت انت بعد مو وقتك
مرعد: اف ي حبكم للمشاكل لو طنشت ي برق
بـرق يتجاهل اخوانه ويناظر بسيارته ويرجع يركب :اركبو خلونا نمشي الخبطه خفيفه
*كلهم ركبو ورجعو للبيت *
.
*ب انتظار المستشفى، ودور رمح*
رتيل تناظر بلحن: ي حبك للمشاكل
لحن:شسوي له هو يدورها وجته
رتيل تضحك:شفتو كيف وجهه
رمح تبتسم:بقولكم حاجه
*لحن ورتيل يناظرون فيها*
رمـح:بنات احسهم حلوين مرهه وبذات اللي تهاوشتي معه ي لحن ملامحه تجنن
لحن:لاتحسين تكفين
رتيل:اتفق مع رمح والله حلوين
رمـح:الثاني اللي لابس تيشرت اسود *تقصد ميهاب* ماشال عينه عنك ي رتيل
رتيل منصدمه:م انتبهت
رمـح:مدري جاني احساس انه يعرفك من زمان
رتيل:والله م اعرفه ولاادري عنه
رمح:ياخ احس نظرته كانه يقول لقيتها كانت مليانه شوق .
لـحن انتبهت للرقم فوق:اقول اتركي عنك الخزعبلات الحب ذي وقومي دورك
رمـح تقلدها:ي حبكك للتنكيد .
*دخلت رمح وكشفو على يدها وطلع فيها كسر طفيف ،جبروها وطلعت ورجعو للبيت*
.
.
*بيت هداج العواد*
*هداج واقف برا مع عياله يناظرون السياره ويهاوشون بـرق *
فاضل:يبه اتركه ذا اهبل يحسب نفسه بجورجيا .
مرعد:والله بسببي انا جبت العيد
هداج :حصل خير
بـرق واقف وكان بيتكلم بس شاف الشاص وقف عند بيت سهاج ونزلو منه بنتين:هذهه شتسوي هنا؟
ميهاب مستغرب:صبر ذولي جيرانا؟
مرعد يناظر للبنت اللي يدها مجبره:يويحي
هـداج يناظر بالبنات يوم نزلو من السياره ويبون يدخلون وتنهد:اهخ ي سهاج بناتك كبرو .
فاضل:تعرفهم يبه؟
هـداج بضيقه:هذا بيت سهاج واللي بجنبه اخوه حياد .
*فاضل تذكرهم وسكت*
*ميهاب بيتكلم الا قاطعه بـرق الرايح لهم مسرع*
ميهاب:ذا بيفضحنا
هداج:وش فيه ذا؟
*مرعد وميهاب يلحقوه*
.
.
*لـحن استوقفها الصوت الرجولي يناديها التفت عليه *
بـرق بصوت مرتفع :هييه انتتي .
لـحن تناظره:خير ؟
بـرق:انتي شايفه الدنيا فوضى يوم تسببين حوادث وتمشين تتوقعين ارواح الناس لعبه عندك .
لـحن:وانت شايف الدنيا سبهلله جاي تنافخ هنا ؟
بـرق قرب منها يتوقع انها ترجع لكن ثابته وتناظره بحده :والله لو مو انك بنت كان عرفت اتصرف معك
لحن دفته بقوهه ورجع على وراء:اذا في شي براسك طلعه لاتقعد تهدد ي المسكين .
بـرق رجع لها ودفها على وراء، لحن رجعت وكانت بتطيح بس ثبتت نفسها:للاسف انك ضعيفه بكلمه اكسرك
لحن عصبت وصفقته بكف:وللاسف انك مو رجال
بـرق انفعل وسحبها من طرف عبايتها اللي عند رقبتها وقربها له وصار وجهه قريب من وجهها وتكلم بعصبيه وانفاسه تضرب في وجهها:باي صفه تقولي اني مو رجال ؟
لـحن وهي تناظر القرب بينهم وكملت ب استفزاز:هه اجل بكلمه تكسرني!،كلمه وحده مني فجرتك واساساً لو واثق من نفسك انك رجال م انضغطت *تدف يدينه عنها*
بـرق عصب بزياده وصار يناظر بعيونها الواسعه الحاده:تدرين لو انك متربيه كان م واجهتي الرجال كذا.
لحن ضحكت بغرور:وتدخل بالتربيه بعد؟ اولاً انت قلتها اواجهه الرجال ،بس انا مو شايفه الحين قدامي رجال .
*بـرق يحاول يضيق عليها بالكلام،لكن تفاجئ بالضربه اللي جت على وجهه وانسحب وانصفق بالجدار *
لـحن صرخت يوم شافت اورنس دخل:اورنسس لااا
.
*بـرق التفت للي ضربه ودفه على الجدار وراح له ورد الضربه له وسدحه بالارض ،اورنس سحبه من رجوله وطيحه بالارض وصار فوقه يضربه *
.
*ميهاب ومرعد وفاضل يحاولو يفرقون بينهم *
.
*فرقو بينهم ورجع بـرق يضرب اورنس على كتفه ،اورنس ضربه على راسه بقوهه ،وصار ضرب بينهم قوي*
.
*شرار وجمر وملهم وسهيل والبنات واخوات لحن وبنات هداج كلهم طلعو بالشارع من الاصوات*
.
*اخوان بـرق وعيال حياد يفرقون بينهم *
.
*سهاج وحياد وهداج وصلو متاخر*
.
اورنس بصوت عالي:اذا فيك خير م تستقوي على البنت ي الخمه
بـرق رجع يبي يضربه بس ردوه:الظاهر مااكتفيت من الضرب
اورنس بيتكلم بس قاطعه سهاج وصوته:اورننسس يكفيي .
حياد:ادخلو داخل ،وانت *يقصد هداج* اكفنا شرك وشر عيالك وابعدهم من هنا .
هـداج يناظره وتجاهله:امشو داخل البيت
.
جمر:ي الشؤوم من جو جت المشاكل
ميهاب:ثمن كلامك لاينكسر فمك
جمر:تعال اكسره اذا في امك خير
.
*ميهاب عصب وجاء بيتضارب معه لكن دخلت بينهم وقفت بوجهه رتيل،انصدم ميهاب و وقف يناظر فيها وفي ملامحها*
.
جمر يبعد اخته:شتسوين هنا ؟ادخلي داخل
.
*ميهاب يتمالك نفسه ويرجع مع اخوانه وهو مصدوم*
.
.
*بيت سهاج *
*الكل متجمع بالحوش حياد وبناته وعياله عند اورنس وسهاج وبناته*
حـياد:وش سبب المشكله ؟
نـود اللي فاكه شعرها وحاطه بس شال على راسها تضمد جروح اورنس:لحن انتي واقفه قولي السالفه.
شـرار يناظر في نود والغيره اكلته وتقدم صوبهم:اعطيني انا اسويله
نـود تناظر فيه:لا
ملهم سحب اخوه:تراها دكتوره وتفهم اكثر منك ارجع
*شرار رجع ومعصب والغيره باينه بعيونه*
سـهاج بعصبيه صرخ:تكلمي هذا شيبي منك
*الكل سكت بسبب صوته وعصبيته*
لـحن ناظرت في ابوها: يبي ينتقم.
سهاج عقد حاجبه:ينتقم من ايش؟
رمح كانت بتتكلم،سكتها سهاج:لحن فقط اللي تتكلم .
لحن توهقت وخاف تزيد المشاكل لكن اضطرت تتكلم تعرف ابوها عنيد وعصبي