لـحن عيناك كـبرق اصابني.

كـسر خـاطر.

رمـح ماسكه جوالها وشهقت :بناات
*كلهم التفتو عليها*
لـحن:شبلاك
رمـح:تتذكرو صديقتي ملك؟
*البنات كلهم:ايي!
رمـح:اليوم بتجي عندنا ومعها امها
لـحن:شعندها؟
رمـح:مدري اول مره تجي سمعت عندي عزيمه وقالت بجيكم
نـود:حياها الله
.
رتـيل:بنات شرايكم بلبسي؟ *لابسه بنطلون رسمي بني محروقي على قميص بيج خفيف دنتيل وكت من الاطراف وكعب اسود واكسوارات سودا*
رمـح:تهبلين مطلعك بشكل رسمي بس انيقق
لحن:يجنن نفس وجهك
نـود:انيقه من يوم يومك
رذاذ:لاحد يعلق على لبسي *لابسه تيشترت فسفوري وبنطلون بنفسجي غامق*
لحن:ارهابية الموضى
رمـح:يالذوق الهابط
رتيل:ي بنات تقهر م تفهم بذوق
رذاذ بثقه:هذا يسمونه كسر الالوان .
نـود بصمت راحت فتحت خزانة لـحن وطلعت لها بنطلون نعناعي على تيشترت كت ومن وراء ظهره شبه عاري:حبيبي تكفين البسي ذا
رتيل:الله يجنن
لـحن:البسيه انا سامحه لك
رذاذ:تكفين ادور اذن منك
رمح:ليه ناقصتك اذان
نود ورتيل ولحن يضحكون عليها ،رذاذ:اهخ ي التنمر
رذاذ:يلا بلبسه هش غمضو
لحن:روحي البسي بالحمام .
رذاذ:هف *راحت رذاذ*
رتيل:فستانك حلو ي نـود من وين
نـود تناظر بالمرايا:جابته الهنوف هديه لي
رتيل:ذويقه هالبنت
*فستان نود ناعم كانه حرير وماسك على الجسم ونص ظهرها طالع بس تاركه شعرها يغطيه ولونه درجات البنفسج،ولابسه اكسوار فضه ناعم*
.
*رمـح لابسه فستان لركبه وناعم وعليه ورد وابيض وكعب نفس لون الورد ،وردي*
.
رتيل:والاخت لحن شتلبس !
لـحن:بنطلون وبلوزه
رتيل:تخسين حبيبتي شكل الهلاقه ذا مابيه
نود تضحك:حتتعبي معها
لـحن تفصخ التيشترت:مقدر البس شي عاري او يلتصق بجسمي
رتيل ونود ورمح يناظرو جسمها،رمـح:اح والله ابوي جلدك جلد
رتيل: م عليك بنطلع لك لبس مرتب
،
دخلت رذاذ وشافو اللبس عليها:كيف بس!
نـود:الحين يجنن شكلك
رمـح:حلو والله .
رذاذ:ولـحن شتلبس
رتيل:لـحن انا برتبها اليوم.
*رتيل طلعت قميص عاري الاكتاف ونص من الصدر والظهر وماسك على الصدر والخصر لونه كحلي ،وبنطلون ابيض رسمي, وحزام لونه اسود رقيق يعطي اناقه للبس، وكعب سكري وسلسال فضي ناعم عليه قلب وساعه فضيه وخواتم خفيفه*
نـود:الله حبيتت
رمـح:مرهه يليق على لـحن
رذاذ:افا وانا اختك م تطلعين لي
رتيل:لانه انتي ترفضين
لـحن:وشعري
رمـح:بخاطري ارتبه لك بس يدي مكسوره.
رتيل:بستشوره لك واخليه ويفي نفس شعري
لـحن:زين
شذى * زوجة سهيل* دخلت عليهم:بنااتت عمتي الرغد تقول خالاتكم جايين الحين وايه بعد *تاشر على نود والبقيه* خالتي نجمه تقول كمان خوالكم وخالاتكم وصلو.
لحن:وانا م جهزت .
رتيل:بنات اللي خلصت تطلع انا ولحن بنتاخر شوي
نـود:تمام
*طـلعو البنات وبقت لحن ورتيل لوحدهم وراحت لحن تاخذ شور*
.
.
*عند البقيه*
*دخلو بنات خوالهم وزوجات خوالهم وخالاتهم *
*نجمه رحبت فيهم ترحيب حار ، والبقيه بعد رحبو فيهم*
.
.
——
*نبذه عن اخوان وخوات نجمه زوجة سهاج*
الاخ الاكبر:اسمه سلمان وعمره ٦٥ ،عنده ٧ عيال وخمس بنات .
الاخ الثاني:مفرح وعمره ٦٢ ،عنده ٤بنات و ولدين.
الاخ الثالث:محسن عمره ٥٩ ،عنده ولد وبنت وتوفت زوجته .
الاخ الصغير :اسمه كايد ٣٥ ،مو مرتبط *ولدته امه على عمر كبير*
.
الاخت الكبرى:اسمها خديجه عمرها ٦١ عندها ٣ عيال وبنتين
الاخت الثانيه:اسمها عايشه عمرها ٥٨ عندها ثلاث بنات وثلاث عيال ،زوجها متوفي وهي محسن دايم مع بعض .
وقبل الاخير نجمه زوجة سهاج *.
.
.
——
*عيال الخال سلمان *
*المتزوجين مراح اذكرهم لانه مالهم دور قوي بس اذكر اساميهم ،*عمر ٣٦وعمران٣٤،وخالد،٣٣،خلود٣٢ ،يسرا٣٠،سميه ٢٧*
ساميه:عمرها ٢٥ موظفه بقطاع خاص .
سمر:عمرها ٢١ ،تدرس .
.
——
*عيال الخال مفرح *
نفس الشي المتزوجين مراح اذكرهم *
غيد الكبيره ٢٩ ،قايد ٣٠ ،ياسر ٢٦،غيم ٢٣،مزون ١٨،نغم ١٣.
.
——
*عيال الخال محسن*
مهنا عمره ١٩ يدرس ،غيام ١٧ تدرس بعد .
.
__
*عيال الخاله خديجه*
سيف :٣٤ متزوج ،سمح:٣٠ متزوج ،سعيدان ٢٥ .
سعيده:٢٧ ،سديل :٢٠
.
——
*عيال الخاله عايشه *
غرور :٢٩ مخطوبه
عزيز :٢٨ خاطب وعسكري
غزيل:٢٤ تدرس
عمير:٢٢ يدرس
عزوف:٢١ .
عبدالرحمن:١٧ .
——
.
.
سديل وهي تضم رمح وتبكي:ي كلبببه اشتققت لك
رمح تبادلها: وانا اكثرر
سديل تناظر يدها:يوهه شفيك  شصاير بك
رمـح:بقولك السالفه بعدين
.
وباقي البنات يسلمون على بعض
.
.
——
*في بيت حياد اللي صار للرجال*
متجمعين الشباب كلهم ودخلو عليهم اخوان نجمه  بعيالهم والكل رحب فيهم
.
اورنس اللي دخل متاخر وكان سهاج واقف اورنس سلم عليهم وراح وقف جنب خاله :للحين زعلان
سهاج يتجنبه:ي شرار خذ القهوه
اورنس مسك الدله قبله:انا بقهوي
سهاج سحبها من يده:قلت شرار ابعد انت  *كان الموقف تحت نظراتهم*
*اورنس بلع ريقه ورجع وقف وظل ساكت *
عمير تقدم صوب اورنس وطبطب على كتفه وهمس بخفه:شفيه هذا يعاملك كذا !
اورنس والضيقه بانت بصوته وجهه:بعدين اقولك
*عمير  اعز صديق له بعد لحن*
.
.
ياسر بصوت شوي مرتفع:هذا اللي ماله اهل؟
عمران ياشر اه يخفض صوته:اص يسمعك
ياسر:خل يسمع حتى زوج خالتي مو شايفه شي
سيف:ثمن كلامك .
عمر:صدق بس ليه للحين عايش عند زوج خالتي خلاص ذا م يعتبر محرم حتى لبناته
ياسر:زوج خالتي يشفق عليه
قايد التفت عليهم:عيب ي ولد انت وهو
.
.
اورنس اللي كان يسمع كلامهم وتضايق حيل وفضل الصمت ويتجنب المشاكل .
جمر بعد سمع الكلام:اورنس تعال بنشوف السياره
*طلع اورنس وجمر برا*
جمر:هدي نفسك لاتعطيهم بال ذول همج
اورنس شاد على يده وضايقه فيه الدنيا:م عليك مو مهتم.
جمر يشغله عنهم:تعال خنغير الكفر
.
.
.
*بعد مرور الوقت وصار مغرب وبداء الضيوف يجون*
لحن واختها نود وبنت خالتهم غزيل وبنت خالهم غيم جالسين بزاويه ويتكلمون .
غيم:بنات فيه اشكال م اعرفهم
نـود:ايه ذولي نصهم جيرانا ونصهم من جماعاتنا
غزيل:ي بنات تدرون انه امي تقول بنقعد عندكم هنا
لحن وسعت عيونها:صدقق !!
غزيل:اييه واظن خالي محسن بس
غيم:والله احنا مدري قالو يومين ونرجع
لحن:وناسه عندي احد اتنمر عليه
غزيل:ياليل من يفكني منها ذي
عزوف جلست عندهم:افا عليك اختك تفكك من ذي
لحن تضحك:ذي حشرتك بالغرفه وخلتك تبكين
عزوف:والرد جاك تصحين على البودي حق الشاص
لحن:والرد اللي صمتك يوم كـنـ....*قفلت عزوف فمها بسرعه*
عزوف:اص يالفضيحه
*لحن تضحك عليها *
.
.
*بيت هـداج*
هـداج:ي الله ي نسمه بنسبقك احنا والعيال
نسمه:يلا احنا وراكم
.
*غدي وهيام وطن ورعد كلهم ترتبو وجهزو وطلعو وراء ابوهم وامهم وراحو للبيوت*
.
.
—-
قسم الرجال.
هداج بصوت جهوري :السلام عليكم
*الكل رد السلام ..وصار يسلمون على الكل *
*بـرق اللي يناظر اورنس واورنس يناظر صار سلام سطحي وكلن كاره الثاني *
بـرق:لمتى بنحد على هالاشكال
ميهاب:لاتتحلطم .
.
.
——
قسم الحريم .
.
*دخلت نسمه وكان ب استقبالها نجمه والرغد ورحبو فيها وفي بناتها  ودخلتهم داخل وقهوهم البنات*
نسمه:والله يام نود انك وحشتيني و وحشني اكثر ايام الديره اللي قضيتها معك
كانت بترد نجمه بس سبقتها الرغد:وهو بس نجمه وحشتك !
نسمه ابتسمت:كلكم والله بس اكثركم نجمه
نجمه ضحكت: والله الصديق م ينسى صديقه وانتي صديقتي ي نسمه مهما جار بيننا الزمن
نسمه:هذا العشم فيك والله،لكن وين بناتك !
نجمه:الحين بتشوفيهم *ارسلت نغم تناديهم*
.
.
*نـود ولـحن ورمـح ،دخلو وسلمو عليها وعلى بناتها*
نجمه:ذي الكبيره نـود والثانيه لحن والعنقود رمح .
نسمه تناظر فيهم ب اعجاب:ماشاء الله الله يحفظهم لك
نجمه:امين
*جلسو البنات يسولفون مع بعض عاد لحن اللي تستمع فقط وكان بداخلها شي لهم كرهه على عدم تقبلهم غريب *
هيام:شفيك ي لحن م تطربينا بسوالفك
لحن وهي تناظر فيها:سوالفي مو موسيقى عشان اطربك
هيام ضحكت:يوهه نسيت متعودين على لهجه مختلفه تعودت على لهجة رياض
لحن بجديه:انتي بشمال تكلمي بلهجتنا
*نود تدق لحن بخفه تخفف جديتها*
وطن:وانتي شفيك شادتها!
لـحن بغرور :للحين م شديتها .
وطن بنعومه:اييو
لحن ابتسمت على جنب:مصطلحات متهرئه .
رذاذ:لحن تعالي نمشي برا
*لحن قامت وطلعت مع رذاذ يتمشون بالحوش *
.
.
*ام ملك صديقة رمح شافت نـود واعجبت فيها وكلمت نجمه *
.
.
رعد تناظر برمح:تدرسين بالجامعه؟
رمح:ايهه
رعد:فيه جامعه هنا؟
رمح ابتسمت:لا ي حيي انتي تبعد عنا ١٠٠كيلو
رعد:افف مشوار مدري كيف بسجل
رمح:بالجامعه؟
رعد:اي ثاني سنه لي
رمح:وانا بعد
رعد:تخصصك التغذيه؟
رمح بدهشه:كيف عرفتي!
رعد شهقت:وااه انا بعد نفس تخصصي.
*رمح ورعد تداخلو بسرعه مع بعض *
.
.
—
قسم الرجال .
.
بـرق اللي تاكي لحاله يهوجس واخوه ميهاب جنبه يسولف مع اشخاص اول مره يشوفهم .
اورنس اللي يلاحق سهاج ويتجاهله ،
هـداج اللي يناظر اورنس وهمس لحياد: هذا مين ؟
حياد ناظره:اورنس
هـداج انصعق من درا:هذا اورنس م غيره!!
حياد يناظر اورنس:ايه
هـداج ونبرته مليانه حزن:مو قلتو انكم ابعدتوه
حياد تنهد:سالفه طويله ذي
*هداج اللي قعد يتامل اورنس بحركاته ودمعت عيونه ومسحها بسرعه*
.