لـحن عيناك كـبرق اصابني.

من يريد يجد الطريق ..فقط من يريد .

لحـن اللي حست الموضوع غريب بعد:تصدق حتنا استغربت موضوع جرحك ،بس شدخل موضوع انك شفت طفل وعنده احد !!
بـرق:مدرري بس هذا الكلام اللي قاله لي الرجال .
لحن ب استغراب :احس فيه شي غامض للحين واعتقد هالشي يخصك انت واورنس
بـرق :انا واورنس؟
لحن:ايي انتم الاثنين الموضوع عندكم
بـرق:بس وش بيربطني ب اورنس
لحن:مدري راح اكشف هالشي صدقني
برق :ان شاءالله خير
لحن شافت رسالته ولا ردت .
———-
*بعـد مرور الساعات قررو يوقفون بجانب الخط ويرتاحون بحكم تعبهم *
سهاج وهداج ومحسن وحياد فرشو لهم جلسه وجلسو وعندهم المتزوجين جالسين ،بعض الشباب بقو بالسياره والبعض جلس بالارض ،
الحريم جلسو سوا يسولفون والبنات نفس الشي ،بـرق بسياره جالس يبي ينام ،لحن جالسه في السياره وتقلب في شنطتها حصلت اوراق الرسايل ،قررت تفتحهم لكن اثناء فتح الورقه دخل اورنس السياره:لحن
لحن ارتبكت وخبت الورقه:هلا
اورنس جلس :وش خبيتي ؟
لحن:شي يخصني
اورنس بتشكك:اها المهم ليه جالسه هنا؟
لحن:مصدعه
اورنس يتنهد:بقولك شي
لحن:وشو
اورنس:قررو بعد عرس عزيز بيومين يسوون عرس نود وشرار ورتيل وميهاب بيوم واحد
لحن انصدمت:اماا
اورنس: ايي والله
لحن:طيب محد حجز ولاسوينا شي
اورنس:لا اليوم بدري حجزو القاعه اللي بالديره
لحن صدعت:ي راسي هم وزحمتهم
اورنس ضحك:عادي عادي عشان نفتك
لحن:يلا كمان احسن عشان يبقى انت
اورنس:الصدق ودي اطلب يد وطن  واتزوجها
لحن فرحت:صدققق
اورنس:اييي
لحن:ليش لا اطلبها اليوم
اورنس:لا لما نرجع
لحن:طيب يصير بس كلام
اورنس:بشوف لما نرتاح اكلم ابوي سهاج
لحن:اخيراً كم لبثنا ونطقت بانه ابوك
اورنس ابتسم:مو متعود
لحن :لا تعود
اورنس سكت واكتفى في ابتسامه،لحن:بنزل اصدم البنات
اورنس:اثاريك نقالة علوم
لحن:لا حبيبي ذا موضوع مهم مافي سكوت
*لحن نزلت بسرعه وجت  اتجاه سيارة برق اللي كانت قريبه من البنات ،كانت تركض وطاحت على وجهها ،البنات فزو لها بسرعه واللي تضحك واللي صرخت  تسمي عليها*
.
*بـرق كان يناظر فيها وضحك على منظرها *
.
لحن رفعت وجهها وكان خشمها ينزف وشفتها انجرحت ،رمح صرخت:يممه لحنن دم
*الكل العيال والبنات تجمعو عليها*
نود تعطي لحن مناديل :لاترفعي راسك خليه نازل
بـرق نزل بسرعه وانحنى ومسك وجهها:وش فيكك
*كانت صدمه للكل من حركته *
لحن ولازال شفتها وخشمها ينزفون:طحت
*بـرق مسك المناديل وصار يمسح الدم ،نـود تناظره مصدومه *
*اورنس على البقيه كلهم واقفين ويناظرو لحن وبرق اللي كانت ردة فعلهم عباره عن صدمه *
بـرق شاف لحن خشمها ينزف للان لف على نود:معك شاش
نود:لا تحط شي خله ينزف
بـرق :بس ذا مو رعاف ذا جرح داخلي
نـود:كيف عرفت انه جرح داخلي؟
بـرق يلف المنديل ويدخله داخل خشمها وطلعه ورجع ينزف:شفتي ،لو انه رعاف وقف بس ذا جرح
نـود وهي تعطيه شاش وعليه محلول تعقيم:دكتور انت
لـحن ودموعها تنزل من الوجع:ايي خشمي لاتضغطه بقوهه
بـرق يلمس من تحت عينها جوانب خشمها ب اطراف اصابعه:بسيط هذا جرح سطحي
*نـود تبعد بـرق:وخر انت توجعها
نـود تحط الشاش بخشم لحن وتمسح على شفتها:خلااص وقف
بـرق استوعب نفسه لما حس بنظرات الكل:خير ؟
ميهاب ضحك وصفق:عندنا حبايب جدد
بـرق وجهه تغير:شدخل
سهيل:من حرارة الحب صار دكتور عليها
*الكل ضحك على كلامه*
بـرق:هه هه ترا معي دوره في طب الطوراى
سهيل:ماشاء الله
عمير يناظر بلحن:واضح عندها سالفه مهمه وكانت بتقولها
اورنس ضحك:عاده وسعاده دايم تطيح قبل تقول سالفتها
عزوف:لحن وش السالفه
اورنس شاف لحن ببتكلم راح يسكتها لحن:انا بقول لكم ،زواج ميهاب ورتيل ونود وشرار بعد زواج عزيز بيومين
نـود:ايشش!!
لحن يادوب تتكلم:ايي مابقى شي ،وفوقها تشوهت
رعـد:شدخل تراك تهبلين لو انا ولد بتزوجك
عزوف:البنت هذه اشك انها الوان
وطن ضحكت:لا هي كذا لامدحت تغلب عليها شعور مرعد
رمح تضحك :وناسهه بكوون اخت العروس
رتيل:يويلي انتظرو
حياد:مافيه جهزو انفسكم
شرار:م عليك يبه جاهز انا
نود تناظره واستحت ،ميهاب:والله ي عم جاهز انا
*وطن تناظر في اورنس وهو يبادلها النظرات ويبتسمون لبعض *
.
نجمه:وشو يبو اورنس يعني بعد عزيز بيومين عرسهم!
نسمه تناظرهم تبي تستوعب:يويلي مابقى شيي وش نجهز وش نخلي
سهاج:اييه يام اورنس العرس بعده بيومين
هداج:لاتشيلن هم القاعه بكوشتها بكل خرابيطها ذي حجزتهم مع مصممه لها بكل شي
نسمه:الله يسعدك ريحتني ليكون طالب بنت فلاح
هداج:ايي والله هي وكلتها
نجمه:من بنته ذي
نسمه :يووه لو تشوفينها تهبل ،حاطه عيني عليها لبرق بزوجه اياها
*كان الكل موجود يسمع الكلام ومن ضمنهم لحن وبرق*
نجمه:كم عمرها؟
نسمه:٢٣ صديقة وطن
*وطن تناظر في لحن وبرق *
نجمه:والله دامها زينه وبنت ناس ليه م تطلبيها
نسمه:ان شاء الله بطلبها اذا وافقني الراي برق
*بـرق يناظر فيهم ويناظر بلحن اللي كانت تناظر وتسمع الكلام وايدها على وجهها تتلمسه*
هداج:شوفيها يام فاضل وردي لنا خبر ،من ناحية برق بقولك موافق ولا ي برق
بـرق ميل طرف شفته:والله مدري اللي تشوفوه مناسب سووه.
.
*لحن حست بضيقه وغيره شديده وكان شعور قويي جاها ناظرت في برق واخذت نفس عميق وشالت عينها عنه وكانها ودعته باخر نظره ولاعاد تبي تناظره *
.
*لـحن قامت ورجعت للسياره تشوف نفسها*
*بـرق شافها قامت وملامحها باين متضايقه ماعرف شيسوي وسكت  وصارت عيونه عليهم،اورنس شاف لحن وراح وراها*
.
اورنس:فيك شي؟
لـحن وهي تحاول تخفي دموعها:لاا
اورنس:ملامحك تقول ايه
لحن دموعها نزلت فجاه،اورنس تفاجئ واقترب منها:شفييك!!
لـحن مسحت دموعها:يوجعني وجهي
اورنس يناظر وجهها وشفتها المجروحه:بيطيب اكيد لانه رضه بسيطه
لحن تتكلم وهي تقصد شي ثاني:ايي رضهه وفتره تروح ولاكانها صارت
اورنس فهم قصدها:ايي لاتعطي هالرضه اكبر من حجمها تجاهليها وتلقائي بيختفي المها ثم اثارها .
لحن تضم اورنس ودموعها تنزل:وانرضيت ي اورنس مره ثانيه
اورنس يحتضنها بقوه:انتبهي لدربك علشان م تنرضي بثالثه
لحن تبعد عن حضنه:انا غبيه يصيبني عمى فجاه واتهور
اورنس يحتضن ملامحها:انتي بريئه مو غبيه وتتبعين برائتك بدل عقلك
لحن تبتسم:خلاص بتبع عقلي
اورنس يدف راسها بخفه ويبتسم:فديت العقل النايم ذا
لحن تمسك راسها:صحى
اورنس يضحك ويشد خدها:ياربي باكلك
لحن:اجيك بطعم الدم
اورنس ضحك بصوت مرتفع والكل التفت عليه:بموتت
*بـرق كان يشهد على كل لحظه صارت بينهم وكان شوي ويفقد عقله لما اورنس ضمها ،وراح ركب بسيارته*
سهاج:اورنس تعال
اورنس:يلا بروح
لحن:زين
.
البنات اجتمعو عند سياره اللي فيها لحن،
غزيل:ي بنات الحين صدق الحوسه نشتري حق زواجين
عزوف:والله فستان واحد اللي بعرس اخوي وهو بحضر فيه زواجاتكم بنات معليش
رمح:لاني اخت العروس لازم نكون بطله حلوه
وطن:واخت العريس لازم تغطي عليكم
رذاذ:ي صداع  توي استوعب اختي واخوي يتزوجو بليلة وحده
رعد ضحكت:ي عمري احس رحمتك بيكون كل شي عليك
لحن:لا طبعا بنات عمها وين راحو
رذاذ :كفو كفو
نـود:لحن لاتنسي اعزمي سديف لاني قلت لاصار عرسي بعزمك
لحن:ان شاء الله
*كانو يتكلمو البنات سوا عن ترتيب الزواجات*
.
.
———
ميهاب شاف اخوه جالس بسياره وساكت يناظر الفراغ ركب جنبه:بـرق
بـرق التفت عليه:هاه
ميهاب:تحب لحن؟
بـرق:ليه تسال
ميهاب:يعني اسالك
بـرق:لا
ميهاب:يعني عادي بتتزوج بنت فلاح؟
بـرق:مدري
ميهاب:طيب تدري ان عزيز يقول بيزوج باهر للحن ؟
بـرق عقد حواجبه وتضايق وناظر في اخوه :من قال لك؟
ميهاب:سمعته
بـرق شد على اعصابه:عزيز ذا رافع ضغطي
ميهاب ابتسم:امزح معك ،بس كنت اشوفك
بـرق:تبن ناقصك انا
ميهاب:انت تحبها بس في داخلك متردد ان البنت ترفضك وتكرهك
بـرق ناظر في اخوه وسكت،ميهاب:ترا واضح انها تضايقت بموضوع خطبتك !
بـرق:صدق؟
ميهاب:ايي اعرف اللي يحبون ،بس هي ماتعرف ليه تضايقت هي باقي ماتدري عن مشاعرها
بـرق:مراح اوهم نفسي لين هي تعترف
ميهاب يناظر في تفكير اخوه:مريض انت؟
بـرق:ليه
ميهاب:مراح تجي تعترف لك هالشي انساه من اتجاه لحن
بـرق:اجل م تحبني
ميهاب:اجل حتى انت م تحبها
بـرق:شدخلك انت
ميهاب:لانك م اعترفت لها
بـرق:لاني بنرفض
ميهاب:شدراك؟
بـرق تافف:بالله ميهاب كلتبن ابي انام *لبس سماعاته وغمض عيونه*
ميهاب:ايه خلك كذا بتطير منك البنت
*ميهاب شغل السياره ونادا اللي يمشون معه*
*الكل ركبو سياراتهم وكملو طريقهم *
.
*بـرق كان يرسل ستريكات ،ومرات يرسل اشياء تضحك ،ومرات يرسل للحن ،بس يشوف انها م تفتحهم وتجاوزت اكثر من ساعه م فتحتهم,استغرب*
.
———
٨:٠٠ مساء
وصلو المدينه ،وراحو بيت محسن  وعايشه ،وقسمو البيت بينهم زين .
.
*طبعاً الكل راح لغرفهم وكان الوضع زحمه ونامو عقب التعب *
.
———
لحن تناظر حولها البنات كلهم نايمين ،قررت تسلل وتطلع فوق بسطح ،وكان فاضي ،جلست شوي،ترسم في دفترها وتكتب كلام  ،طلع ممدوح لها .
ممدوح:ارتحتي الحين لما عرفتي انه مايشوفك شي
لحن تتجاهله،ممدوح:اي تجاهلي اللي يحبك لكن حبي اللي يتجاهلك
لحن تقرا الاذكار ،ممدوح:انا وش سويت لك عشان تاذيني كذا وتاذيني بالحب
لحن ناظرت فيه:ياخ خلاص حل عني
ممدوح:مراح احل عنك
لحن:مقدرر ي ممدوح عوالمنا تختلف انت مو زيي
ممدوح يقترب لها ويمسك وجهها:لاتقولي كذا ي لحن ي كثرهم اللي حبو بعض الجن والانس كلهم سوا وتزوجو وانجبو
لحن:مافيي كلها خرافات
ممدوح:لا مو خرافات كثثييير عندنا كذا وعندكم نفس الشي ومن ضمنهم بعضهم قبايل نصهم جن
لحن :بس انا مابي هالشي صعب علي مابي
ممدوح:والله بعيشك احلى حياه
لـحن:ممدوح انا احترم حبك بس ماينفع يكون معي انا م اناسبك ابداً
ممدوح:لا مو بكيفك
لـحن ودموعها تنزل:استحلفتك بالله ي ممدوح انك تتركني في حالي ولاعاد تاذيني اجرتك بالله انا
ممدوح رجع على وراء ومسح دموعه واخذ نفس عميق:لك الامان مني ،لكن قبل اروح تذكري انك في بالي وفي قلبي دايم ي لحن وتذكري بعد انك مو لوحدك بضيقتك ابداً بتحصليني دايم عندك
لحن تناظره وتبكي ،ممدوح:موضوع اورنس راح اساعدك تكشفينه قريب بس لاتنصدمي،يلا فمان الله. *اختفى*
.
لحن تفاجات وقعدت تناظر في الفراغ وبلعت ريقها:لاانصدم؟ وشفيه!!!
بـرق كان طالع السطح بيجلس وتفاجئ بانها موجوده:لحن؟
*لحن التفت عليه وعليها ملامح الصدمه ،لفت جهه ثانيه يوم عرفت انه برق ،اخذت اغراضها اللي على الكرسي وقامت*
بـرق يناظر فجاه في ملامحها اللي صابها البرود:على وين؟
لحن ببرود وعينها بعينه:بغيت شي؟
بـرق مستغرب:لا بس تفاجات انك هنا
*لـحن ناظرت فيه ثم رفعت نظرها عنه ومشت عنه ونزلت تحت *
بـرق منصدم انها تجاهلته:هذه شفيها كذا تتجاهلني .
اخذ نفس عميق وجلس في نفس مكانها وقعد يتامل النجوم ثم نزل عيونه للاسفل وشدته ورقه ستيكر مرسوم عليها "ذيب صغير وجنبه مكتوب ،
آهٍ ..
‏كم حسرة قضمنا معًا بالتساوي
‏على حظنا المسكين. *
.
*بـرق يقرا الكلام وتنهد وخباها بكفر جواله ،ورجع للغرفه *
.
———
*يـوم الاثنين*
١٢:٣٠ ظهراً.
*الجميع صاحي وكان متقسمين داخل البيوت ،الشباب بالمجالس الخارجيه والبنات بالمجالس الداخليه*
.
*كـان الوضع عادي جداً ،تجاوز الوقت ساعات لين صار العصر قررو البنات يطلعون السوق كلهم ومعهم العجايز والحريم *
بـرق :ي عيال بروح للمسجد اصلي فيه لي ١٠ سنين م جيته
عمير انصدم:اما عاد !!
بـرق:اي والله
عمير:اجل يلا مشينا نجلس فيه للمغرب
اورنس:هيه انتظروني
*مشو العيال للمسجد *
.
.
*عند البنات*
اخذو البنات فساتين للزواجات ،ونـود اخذت فستان زواج ورتيل معها .
نـود تقيس فستانها بغرفة القياس ،رمح سانده راسها على كتف لحن وبكت:يوهه مقدر اشوفها كذا
لحن ضحكت وضمة اختها:شدعوه ترا بتسكن عندنا
نـود تناظر فيهم وتضمهم :لا بنسكن في حايل عشان وظيفة شرار
لحن انصدمت :اماا
نـود:والله خلاص
لحن: الله يوفقك ويسعدك يارب
نود:امين وعقبالكم
*البنات خلصو ونود خلصت وخذت فستانها لانه عجبهز ورتيل نفس الشي *
لحن:بنات بجلس بكفي شوي
رذاذ:اي والله صدق بتقهوى عشان نكمل
*الكل راح لكفي وجلسو سوا ويتقهون *
غزيل تراقب الوضع وتشوف اللي عيونه على لحن ويبي يغازلها: بناات شوفو الولد ذاك كيف يناظر لحن
*كلهم التفتو عليه غير لحن*
غرور:مااششااء الله جميييل
رمح:اي والله مزيوون
رذاذ:عنده ذوق والله
عزوف:بنات احسه يشبه ممثلين اجانب كذا الحلوين
غزيل:لحن مسويه ثقيله التفتي شوفيه
لحـن تلتفت وشافته ورجعت ناظرت في البنات:يع هذا حلو؟
نـود:خلينا نتفق والله حلو
رتيل:الحين شدراك انه يغازل لحن يمكن يغازلك؟
غزيل:شوفي عيونه على لحن
لحن:يضف وجهه مو رايقه له
.
*جلسو البنات يطقطقون شوي وقامو ،راجعين للبيت يكملون الباقي يوم ثاني *
.
*خلصو الشباب صلاه ورجعو للبيت *
.
*مرت الايام عليهم عادي مافي فعاليات غير موضوع الزواج،فجر يوم الزواج *

٢:٠٠ الفجر

*بـرق منسدح بفراشه ويفكر في لحن ليه تجاهلته من ذاك اليوم اللي تكلمو فيه اخذ نفس عميق وجلس بفراشه وقرر يرسل لها سناب.*
.
بـرق:صباح الخير لحن ،انا دخلت اسالك بس انتي ليش تتجاهليني ! انا سويت لك شي غلط علشان تتجنبيني ؟

بـرق ارسل رساله ثانيه:اتمنى م تتجاهلي كلامي وتردين .
.
*قفل جواله ويحاول ينام *
.
——
لـحن شافت الرسايل منه تجي وكانت تفكر في قرارة نفسها هي ترد او لا ،قررت لااخر مره ترد عليه،فتحت رسالته وكانت تشوف كلامه خلال الايام اللي فاتت ،كان عباره يكتب اسمها ومرات ايموجي ينتظر ومرات ستريك ،
انتبهت لااخر رساله منه وقرت المكتوب .
لـحن:لا م سويت شي غلط لكن من الاصح احنا م نتكلم كثير والافضل ماعاد ترسل لي شي .
*طلعت من المحادثه وجلست تفكر كانت شايله هم كثير في داخلها ،حاولت تصفي فكرها ورجعت انسدحت وصارت تتقلب كثير وطرا في بالها موضوع الرسايل قررت انها تشوفها ،اخذت شنطتها وطلعت فيها فوق وجلست بالسطح كان المكان الوحيد فاضي وسمت برحمان وبدت تقرا اول رساله.
كانت اول رساله عباره عن صدمه لها محتواها بدء يوضح للحن اشياء مخبيه ،فتحت رساله الثانيه وبدت تقرا وكانت حرفياً اقوى صدمه لها لدرجة دموعها صارت تنزل بكثافه ،ضمت الورق وقعدت تبكي بغزاره بسبب الكلام واللي اكتشفته بالورق .
.
———
تفاعلو 😪🤍.