ما آلت إليه دروب الحياة

الفصل الخامس عشر (ألا بذكر الله تطمئن القلوب)

#الفصل الخامس عشر.

"ما آلت إليه دروب الحياة"

___________________________

دعني وجرحي فقد خابت أمانيــنا *** هل من زمان يعيد النبض يحييــنا ،

ياساقي الحزن لا تعجب ففي وطني *** نهر من الحزن يجري في روابينا .

إنــا نموت فمن بالحــق يبعثــــنا *** لم يبق شيء سوى صمت يواسيـنا

هذي دمانا رسول الله تغرقنــــا *** هل من زمان بنور العدل يحميــنا

أي الدماء شهيد كلها حمــــلت *** في الليل يوما سهام القهر تردينـا

القدس في القيد تبكي من فوارسها *** دمع المنابر يشكو للمصلينا

أي الحكايا ستروى عارنا جلـل *** نحن الهوان وذل القدس يكفينـا

الكلمات معبرة بما فيه الكفاية لا تحتاج منى لتفسير ،نعم نحن الهوان وذل يكفينا .

اللهم هون على أهلنا فى فلسطين ،اللهم انت بالظالمين .

__________________________

"وعن اى طيبه تحدثنى وانت وجودك على هذة الارض شر "

اخذت تجوب الغرفة ذهاباً وإياباً بغضب وهى تمسك بالهاتف بيدها تحاول الوصول لأحدهم منذ مدة ولاكن لا إجابة ،لم تستسلم وعاودت الاتصال مراراً وتكراراً حتى اتاها الرد اخيراً فصاحت بغضب:

إيه يا عم الشيخ فينك برن عليك من الصبح مبتردش ليه؟؟؟ انت شكلك اصلا ولا شيخ ولا نيلة البت محصلهاش حاجه ،قولتلك مش عايزاها تصحى لفتره طويلة ،قولتلك اعملها اى حاجه تأذيها ،والواضح ان مفيش حاجه حصلت لان ابوها كان هنا ومكنش باين عليه حاجه ،لو حصلها حاجه مكنش جه!! .

قالت حديثها دفعة واحدة بغضب دون سماع الطرف الاخر الذى اردف بتأفف :

_ حاسبى على كلامك يا ست انتى ،وبعدين انا عملت كل الى انتى طلبتيه بالحرف

قاطعته وهى تصيح بصوت عال نسبياً:

_عملت إيه ؟؟؟فين الى عملته بقولك مفيش حاجة حصلتلها انت هتجنني.

اتاها الرد على الناحيه الاخرى:

_انا عملت كل الى قدرت عليه والنتيجه دى مليش دعوه بيها ،والبت شكلها مش من النفوس الضعيفه وبيتهم متحصن ،ده الى قدرت عليه.

جن جنونها وصرخت بهياج :

_أه يا حرامى يا نصاب انت مبتعرفش تعمل حاجه اصلا ،عارف لو فلوسى مرجعتليش انا هبلغ عنك واوديك فى ستين داهيه .

اتاها صوته الواثق على الناحيه الاخرى وهو يقول بتحدى:

_ مفيش فلوس ،والستين داهية دى محدش هيروح فيها غيرك لو فتحتى بوقك .