#عيد سعيد .
#ما آلت إليه دروب الحياة.
____________________
أهلاً آهلاً بالعيد...مرحب مرحب بالعيد
هي هي هي هههي هي
العيد فرحة ...وأجمل فرحة
تجمع شمل قريب وبعيد
سعدنا فيها بيخليها ذكرى جميلة لبعد العيد
غنوا معايا غنوا
قولوا ورايا قولوا
كتر يارب في افراحنا
واطرح فيها البركة وزيد
جانا العيد اهو جانا العيد
___________________
"قد نفعل أشياء لا تدركها قوانين الطبيعة ولكن طبيعة القلب تدركها جيداً"
دقات متتالية على الباب جعلتها تضع غطاء رأسها سريعاً وتتجه لمعرفة الطارق وما إن اطلت بوجهها للخارج حتى هتف الواقف بعفويته المعهودة:
_دا انا عفاف داعيالى انهردة علشان تبقى اول حاجه اشوفها هنا .
كان إغلاق الباب فى وجهه هو الرد الذى تلقاه منها فوقف مشدوهاً للحظات قبل ان يبتسم ويحدث نفسه بصوت خفيض :
_ تلاقيها طارت من الفرحة لما شافتنى وجناحاتها خبطوا فى الباب علشان كده اتقفل ،يلا مش مشكله .
على الناحية الاخرى وقفت هى خلف الباب وقد زادت وتيرة تنفسها ،وظهر الارتباك عليها ،تكاد لا تصدق عيناها ،حتى أخرجها من شرودها صوت والدها الذى تسائل بتعجب:
_مين يا رحاب الى جاى الساعة دى ؟؟؟
إبتلعت ريقها بتوتر وجاهدت على إخراج الكلمات من حلقها :
_ده يا باب ،ده ...
وقبل ان تتفوه بشئ آخر عادت الطرقات من جديد ليتخطاها والدها ويتجه ناحية الباب ليعلم هوية الطارق وما إن رآه حتى عقد ما بين حاجبيه بتعجب وهتف بتساؤل:
_خير يا أبني فى حاجه ولا ايه؟ ،ايه الى جايبك دلوقتى ؟
_ابتسم خالد ببلاهة وهو يقول ببرود:
أبدا يا حمايا إنت بنفسك اهو بتقول إبني ، وهو ينفع إبنك ميجيش يفطر معاك اخر يوم فى رمضان يعنى ويستخسر فيك ثواب إفطار صائم .
مد يده بحقيبة بلاستيكية ل عبدالله الذى يقف بذهول واضاف :
_إمسك دول قزازتين زيت واتنين كيلو سكر وكيس رز وعلبة جبنة ما تتكسفش انا عارف ان الحاله صعبة على الكل ،وكل سنة وانتم طيبين .
نظر له عبدالله نظرات حائرة وهتف بإستنكار بعد صمت طال فى محاولة منه لإدراك الموقف:
_انت جايبلى تموين بيتكم وجاى تستظرف يعنى! ،وبعدين انت مين الى عزمك اصلا ؟
إتسعت إبتسامه خالد دون داعٍ واجابة مفسراً:
أنت تقرأ
ما آلت إليه دروب الحياة
Humorرومانسي إجتماعي كوميدي أنفاس اللّيل وإن طالَت، فنبضُ الفجر قريبٌ جدًا، أقرب إليك من سوء ظَنّك، وأفضل من طول يأسك، وأجمل من دمعة اليأس، فلا بأس.
