Unmeowable Love

Chapter : 8

"Jiwoon hyung"

ခေါ်လိုက်တော့ သူ့ကိုငဲ့ကြည့်လာကာ ဘာပြောမလို့လဲဆိုတဲ့အကြည့်ကြောင့်

"တစ်ခုခုဝင်စားဦးမလား၊ hyung ဗိုက်ဆာလား"

"Matthew ဗိုက်ဆာလို့လား၊ ဘာစားချင်လဲ"

ကိုယ်မေးတာကိုမဖြေပဲ မေးခွန်းပြန်ထုတ်နေတဲ့ hyung ကြောင့် ခေါင်းခါပြလိုက်ရင်း

"မဆာပါဘူး၊ hyung ဆာနေမှာစိုးလို့"

သူတကယ်လည်း ဗိုက်မဆာပါဘူး။ ဒီတိုင်းလျှောက်နေရတာပျင်းလာလို့ စကားရှာကြံပြီးပြောမိတာပါ။ Hanbin hyung အိမ်နဲ့ သူ့အိမ်က တရပ်ကွက်ထဲမလို့ hyung ကို လမ်းပြောပြရင်း နှစ်ယောက်သားလမ်းလျှောက်လာခဲ့ကြတယ်။

"Jiwoon hyung က ကြောင်ချစ်တတ်တာလား"

စကားပြောဖို့ အကြောင်းရာထပ်ရှာရင်းထပ်မေးလိုက်တော့ ပြုံးရင်းသူ့ကိုကြည့်လာတဲ့ hyung ပါ။

"ဆိုပါတော့... ကြောက်တာမုန်းတာတော့ မရှိဘူး၊ ဘာလို့လဲ Matthew"

"ဘာမှမဖြစ်ပါဘူး၊ ဟိုတခါက ကြောင်ကိုလာမေးလို့လေ"

စဉ်းစားကြည့်ရင် အဲ့ကိစ္စကလည်းထူးဆန်းသလို။ သူကြောင်ပုံတွေတင်ထားတော့ကော ဘာဖြစ်တာမလို့? Jiwoon hyung က တကူးတကလာမေးစရာလိုလို့လား။ ကြောင်ပုံတွေကတအားချစ်ဖို့ကောင်းလို့လား။ ဒါမှမဟုတ် သူ့လိုပဲ စကားပြောချင်လို့ ကြံဖန်မေးလာတာများလား။ Matthew တစ်ယောက်ထဲ ထင်ရာတွေးရင်း ပြုံးနေမိတယ်။

"အဲ့ညက ကိုယ် Matthew acc ကိုကြည့်မိတော့ ကြောင်ပုံတွေအများကြီးတင်ထားလို့ မွေးထားတာလားဆိုပြီးမေးကြည့်တာ"

"အာ... အဲ့လို"

ရှင်းပြသလိုပြောလာတဲ့ hyung ကြောင့် သိပြီဆိုတဲ့သဘောနဲ့ သူခေါင်းညိမ့်လိုက်မိတယ်။

"အဲ့ကြောင်ဖြူလေးက ချစ်ဖို့ကောင်းလို့လေ၊ ဆိုးတာပဲ Matthew အိမ်မှာမွေးထားတာဆိုရင် အခုတခါထဲကြည့်လို့ရမှာကို"

ချစ်စရာလေးဆိုကာ ကြောင်ကိုမတွေ့ရလို့ နှမြောသလိုပြောလာတဲ့ hyung ကြောင့်

"နောက်မှ hyung တွေ့ရအောင် ခေါ်လာပေးမယ်လေ"

ဖြစ်နိုင်ဖို့သိပ်မသေချာတဲ့ကတိကို သူပြုံးပြုံးလေးနဲ့ပေးလိုက်မိတယ်။ နောက်မှ ဘယ်ဆီနေလဲမသိနိုင်သေးတဲ့နောက်မှပါ။ ကြောင် နဲ့ hyung ကိုပဲ ပေးတွေ့လိုက်လို့လည်း မရ‌ဘူးလေ။ နောက်ပိုင်း သူ့အကြောင်း hyung ကို ဖွင့်ပြောပြီးရင်တော့ အဲ့ကတိကိုတည်နိုင်မှာပါ။