Warning // Mature content ahead
အိပ်ရာနိုးလာထဲကနှုတ်ခမ်းဆူပြီး စိတ်ကောက်နေတဲ့ သူ့အမျိုးသားလေးကို ဂျီအွန်းဘေးကကြည့်ရင်း အသည်းတယားယား။
"မျက်နှာကြီးဆူပုတ်မနေပါနဲ့တော့။ ကိုကို့ကိုကြည့်ဦးလေ"
"မကြည့်ချင်ဘူး။ ကိုကိုပါရဲ့သားနဲ့ ကျွန်တော်က အရက်သောက်မိပြီး အိပ်ပျော်သွားရတယ်လို့။ အဲ့တာကိုကို့အပြစ်လည်း မကင်းဘူး"
"ကိုကိုတိုက်တာမဟုတ်ဘူးလေ။ မက်သရူး သူငယ်ချင်းလုပ်တဲ့ဟာကို"
"ကိုကိုက သူအရက်ထည့်နေတာ တားရမှာပေါ့လို့"
"ကိုကိုလည်း မမြင်လိုက်လို့လေ။ မြင်ရင်တားမှာပေါ့"
"မင်္ဂလာဦးညက တစ်ခါပဲရတာကို အခုမရှိတော့ဘူးလေလို့ မနက်မိုးလင်းနေပြီ"
တခွန်းမကျန်ပြန်ဂျစ်ရင်း ဖြစ်ချင်တာမဖြစ်လိုက်ရလို့ ငိုတော့မလိုပါဖြစ်နေတဲ့ သူ့ရဲ့အကောင်ပေါက်လေးကြောင့် ဂျီအွန်းမှာ ရယ်ရခက် ငိုရခက်။
"ကိုကို့ကိုကြည့်ပါဦးကွာ"
အပြောနဲ့အတူ သူ့မျက်နှာလေးကိုပင့်ကာကြည့်လိုက်တော့ ဆူပုတ်ပုတ်နဲ့။
"မင်္ဂလာဦးညမမှီလိုက်ပေမဲ့ မင်္ဂလာဦးမနက်လို့ ရသေးတယ်လေ"
သူပြောလိုက်တော့ 'ဘာလား' ဆိုတဲ့ အကြည့်နဲ့ မှုန်ကုပ်ကုပ်ကြည့်လာတယ်။
မက်သရူးပဲ အလိုမကျတာတော့ မဟုတ်ဘူး။ သူလည်း တညလုံး မူးပြီးအိပ်နေတဲ့သတို့သားကို ထိုင်ကြည့်နေခဲ့ရတာမလား။
"ဆူပုတ်မနေပဲ ကိုကို့ကိုနမ်းဦး"
ခါးလေးကိုဖက်ရင်း အနားပိုဆွဲကပ်လိုက်တော့ ရင်ခွင်ထဲကအကောင်ပေါက်က ခေါင်းလေးမော့ကာ နှုတ်ခမ်းကိုနမ်းလာခဲ့တယ်။
ရည်းစားဘဝတုန်းက အသည်းယားတိုင်း ခဏခဏနမ်းခဲ့လို့ထင်တယ် မက်သရူးက နမ်းတာတော်လာပြီ။ ဂျီအွန်းလည်ပင်းကိုသိုင်းဖက်လာရင်း နှုတ်ခမ်းကိုစုပ်နမ်းကာ သူ့ဘက်ကဦးဆောင်နေတယ်။ ဘေဘီအကောင်ပေါက်လေး စိတ်တိုင်းကျနမ်းခွင့်ပြုထားရင်း အင်္ကျီအောက်ကနေ ခါးလေးကိုပွတ်သပ်ဆော့နေမိတယ်။
