Matthew အရှေ့မှာထိုင်နေတဲ့ hyung ကို မကြည့်ရဲသလို Ice Americano ခွက်ကိုပိုက်နဲ့မွှေရင်း ခေါင်းငုံ့ထားမိတယ်။ ရုပ်ရှင်ရုံကနေ cafe အထိ လက်ကိုမလွှတ်ပဲ တချိန်လုံးဆုပ်ကိုင်လာခဲ့တဲ့ hyung က အခုလည်း သူ့ကိုအရှေ့ကနေထိုင်ကြည့်နေပါတယ်။ ရုံထဲမှာအနမ်းခံရထဲက သူ့စိတ်ကပုံမှန်မဟုတ်တော့ပဲ hyung ဆီက အဖြေလည်းရလိုက်တာမလို့ ကြောင်ဖြူလေးမှာ ခံစားချက်မျိုးစုံပါ။ Jiwoong hyung က သူ့ကိုဘယ်ချိန်က ပြန်ပြီးသဘောကျသွားလဲမသိပေမဲ့ သူ့မှာအခု ချစ်သူချောချောလေးရှိသွားပါပြီ။
"Matthew ဘာတွေပြုံးနေတာလဲ စားလေ"
သူ့ကိုထိုင်ကြည့်နေတဲ့ hyung က မစားပဲပြုံးနေတာမြင်လို့ သတိပေးလာတာကြောင့် ရယ်ပြလိုက်ရင်း cake ကို တဖဲ့ဖဲ့စားလိုက်တယ်။ ချစ်သူကကောင်လေးဝယ်ကျွေးတာမလို့ထင်တယ် တအားချိုတာပဲ။
"စားကောင်းတယ်"
Hyung က coffee ပဲမှာထားတာမလို့ ဘယ်လိုအရသာလဲပြောပြသလိုနဲ့ လက်မထောင်ပြလိုက်တော့ သူ့ဆီကရယ်သံထွက်လာတယ်။
"ကိုယ်မြည်းကြည့်မယ်"
"ဒီမှာ.."
မြည်းမယ်ပြောလာတဲ့ hyung ကြောင့် ဇွန်းချပေးကာ cake ကို သူ့ရှေ့နားပို့ပေးလိုက်တယ်။
"အဲ့လိုမဟုတ်ဘူးလေ"
"Cake မြည်းမှာဆို"
Matthew နားမလည်သလိုပြန်မေးလိုက်တော့ hyung က သူ့လက်ကိုယူကိုင်ကာ ဇွန်းကိုကိုင်စေရင်း
"Matthew ခွံ့ပေးတာကို မြည်းချင်တာ"
လို့ဆိုလာတယ်။
ကိုလူချောက ဒါတွေလည်းတတ်တာပဲလား။ Matthew ပြုံးလိုက်မိရင်း cake ကိုဖဲ့လိုက်ကာ ဇွန်းကို hyung ပါးစပ်နားပို့ကာခွံ့လိုက်တော့ သူ့လက်ကောက်ဝတ်ကိုကိုင်ပြီးမှ စားလာတဲ့ hyung ပါ။ မထိပဲမနေနိုင်ဘူးလားမသိပါဘူးနော်။
Cake ကိုစားလိုက်တဲ့ hyung ကိုကြည့်နေရင်း သူစားထားတဲ့ဇွန်းက hyung နှုတ်ခမ်းနဲ့ထိသွားတာမလို့ Matthew နှုတ်ခမ်းစေ့လိုက်မိရင်း ရုပ်ရှင်ရုံထဲကအနမ်းကိုသတိရသွားပြန်တာကြောင့် လက်ကိုချက်ချင်းနောက်ပြန်ဆုတ်လိုက်တယ်။
