Matthew သောက်နိုင်တယ်ပြောထားပေမဲ့လည်း မူးသွားရင် အိပ်ပျော်သွားမှာသိနေတာမလို့ နည်းနည်းပဲသောက်ပြီး သူတို့ဂိမ်းကိုဆက်ဆော့ခဲ့ကြတယ်။ Hyung တို့ကတော့ အဆက်မပြတ်သောက်နေကြပြီး Hao hyung ဆို မူးတောင်မူးနေပြီထင်တယ်။ လှည့်လိုက်တဲ့ ပုလင်းက ဒီတစ်ခါတော့ Matthew ဆီညွှန်ပြလာတာမလို့ ဘာကိုရွေးရမလဲ အခက်တွေ့နေပါပြီ။ ရှေ့မှာဆော့ထားတဲ့နမူနာတွေအရ ဘာပဲရွေးရွေးမလွယ်ကူနိုင်ပါ။
"Truth or Dare"
"..."
"Matthew ya~ မြန်မြန်ရွေးလေ"
"Truth Truth"
ဘာရွေးရမလဲစဉ်းစားနေတုန်း လောနေတဲ့ Hao hyung ကြောင့် Truth ကိုပဲရွေးလိုက်တယ်။ ပေါက်ကရတွေလုပ်ရမှာထက်စာရင် မေးခွန်းဖြေရတာက မဆိုးလောက်ဘူးမလား။
"Jiwoong ကို ဘယ်အချိန်မှာ ဆွဲဆောင်မှုအရှိဆုံးလို့ထင်လဲ"
"မျက်မှန်တပ်ထားတဲ့အချိန်"
မေးလာတဲ့ Hao hyung ကြောင့် သူဘေးကိုငဲ့ကာ hyung ကိုကြည့်လိုက်ပြီးဖြေလိုက်တယ်။ တစ်ခါပဲမြင်ဖူးသေးပေမဲ့ မျက်မှန်နဲ့ hyung က သေလောက်အောင်ဆွဲဆောင်မှုရှိတယ်။
"Kim Jiwoong နောက်နေ့ကစပြီး မျက်မှန်မချွတ်ပဲနေတော့မယ်ထင်တယ်"
သူ့အဖြေကိုသဘောကျသလိုပြုံးနေတဲ့ hyung ကို Hao hyung က လှမ်းပြောကာရယ်နေတာပါ။
"Matthew က အဲ့လိုထင်တာဆိုရင်တော့ ဝတ်ထားရမှာပေါ့"
Jiwoon hyung ကလည်း သူ့ကိုငဲ့ကြည့်ပြီး တကယ်ဝတ်မဲ့ပုံနဲ့ ပြန်ပြောနေတာမလို့ Matthew ပုလင်းကိုပဲယူလှည့်ကာ ဂိမ်းဆက်ဆော့ဖို့လုပ်လိုက်တယ်။ ဆော့လိုက်သောက်လိုက်လုပ်နေကြပေမဲ့ Matthew ကတော့ အကင်ပဲထိုင်စားနေတာပါ။ Hyung ကိုကြည့်တော့ အဆင်ပြေနေသေးပုံပေါ်ပေမဲ့ သူ့လက်ကိုယူကိုင်ထားပြီး အနားကိုတိုးကာ ပခုံးပေါ်လာမှီထားတယ်။
"မူးနေပြီလား"
"အွန်း.. ထင်တာပဲ"
မရေရာသလိုဖြေလာတဲ့ hyung လေသံက တကယ်မူးတာလား မမူးတာလားဆိုတာ Matthew မခွဲခြားနိုင်ပါဘူး။
"မသောက်နဲ့တော့လေ အကင်ပဲစားတော့"
Matthew ဆက်မသောက်ဖို့ပြောရင်း အကင်ကိုခွံ့ပေးလိုက်တော့ hyung က ခေါင်းညိမ့်ပြလာပြီး ကိုင်ထားတဲ့သူ့လက်က လက်ချောင်းလေးတွေနဲ့ဆော့နေတယ်။ Hanbin hyung ကိုကြည့်မိတော့လည်း Hao က မူးနေပြီမလို့ ခွက်ကိုတားယူပြီး အနားကပ်ကာ ဆက်မသောက်ဖို့ချော့ပြောနေပုံပါ။ တအားတိုးလွန်းတာမလို့ ဘာပြောနေလဲတော့ သူမကြားရပါဘူး။
