ردت المساعدة المصرية:
_ألف دولار.
نطق جلال بانفعال:
=وانا أجيبهم منين يا ست؟
ردت ليالي بخوف:
_اسكت يا جلال خلينا نتصرف!
تلفظت المساعدة المصرية بلا مبالاة:
=العصبية تسبب الكثير من المشاكل.
رد جلال بوعيد:
_عصبية ايه؟ لا بقولك ايه ده انا جلال وأعملها معاكي!
في هذه اللحظة، غارت ليالي بكل حدة، وخرجت كلماتها بصوت حاد، كانت كالصاعقة تهز الأرض، تعبر عن استيائها بوضوح:
=هي ايه دي اللي هتعملها معاها يا جلال؟
رد جلال برهبة:
_مقصدش يا بت، اللي أقصده هتعبط يعني!
تفوهت ليالي بانزعاج:
=لازم نتصرف.
رد جلال بثقة:
_انا عارف هنعمل ايه!
ذهبا جلال، وزوجته إلى خاله العزيز ضايع، بحثًا عن المساعدة لإكمال المبلغ المطلوب، واستقبلهما ضايع في مقابلة مؤثرة في مكانه السري. وعندما اجتمعا به، عانق جلال خاله ضايع بشوق، واشتياق شديدين، فقال ضايع بصوت ينبع من قلب مليء بالألفة:
=ايه يا معلم فينك كل ده؟ بقى ياض تحرمني منك كل الفترة دي؟
رد جلال بابتسامة:
_معلش يا خالي ظروف عندنا.
رد ضايع بملامح صارمة، وصوت حاد، يعكسان عمق الاضطراب الذي يختلج داخله، بينما يتحدث بوضوح:
=ظروف ايه ياض حد دايقك؟
رد جلال بابتسامة:
_لا لا يا خالي ده انا تربيتك، هو حد يقدر يعملي حاجة برضة؟ ده انا أشقه نصين.
جلس الجميع في الغرفة، وسط هدوء متوتر، باستثناء ضايع الذي بدا مشغولًا بأفكاره. ثم فجأة، أطلق ضايع صوته ببهجة ملؤهما الغموض، وقال:
=تربيتي يا جلال يا حبيب خالك، قولي تشرب ايه؟ عندي شامبانيا، وويسكي، وفودكا بس حاجة إنما ايه جايه من برا ياض!
تحدثت ليالي بإحراج:
_خلينا نخلص اللي جايين علشانه يا خال.
جلس ضايع، وقال بنبرة وضيعة:
=أه طب بلاش، أصل عارف النسوان مابتحبش جو السُكر...تشربي ايه يا حلوة ألفلك صباع حشيش؟ ده هيعملك دماغ عنب.
صاح جلال في خاله قائلًا:
_جرا ايه يا خالي؟ انت نسيت إن دي ليالي مراتي؟
ضحك ضايع قائل:
=ياض بهزر معاكم.
تحدث جلال بوضوح:
_بص يا خالي بصراحة احنا جايين وعشمنا فيك كبير.
نطق ضايع، وهو يضرب يده على عنقه بقوة، معبرًا عن الود المكشوف:
=اؤمرني رقبتي سدادة.
رد جلال بإحراج:
_عايز ألف دولار يا خالي.
تحدث ضايع، وهو يشعر بالحرج من جلال، حيث بدت ملامحه مترددة، ومحرجة:
=كان على عيني يابن أختي...بس تتعوض ياض، ده انا جايلي سفرية في الصحرا هناكل منها لوز اللوز.
أنت تقرأ
أم الديب الجزء الأول
Humorعندما تكون المرأة متسلطة اللسان وقوية، ولا تخشى أحدًا، ويعاني الجميع، بما في ذلك أبناؤها، من تصرفاتها، فإنها تصبح مصدرًا للمشاكل والصراعات في المنزل، الذي يتواجد في قرية تُدعى أبو حلاوة. رغم زواجها من زوجها دون موافقته، وتحت تهديد سلاح أخيها المتسلط...
