"ကိုကြီးနဲ့ ဟိုမိန်းမ လမ်းခွဲလိုက်တာငါတို့အချုပ်ကျတည်းကတဲ့"
"ဒီလောက်လေးနဲ့တော့ ငါတို့ခံရတာနဲ့စာရင် ဘယ်တန်အုံးမလဲ ငါတို့ကိုေထာင်ထဲမှဒုက္ခခံခိုင်းတဲ့ အဲ့မိန်းမကို ငါကဂုတ်ချိုးသတ်ပစ်ချင်နေတာ "
ဘုန်းမင်းက အံကိုကြိတ်ထားကာ နုတ်ခမ်းမဲ့သလို ရဲရင့်ကလည်းသူမကိုမကျေနပ်ပါ။
"အဲ့ဟာမကြောင့် ငါနဲ့ အန်နာပြတ်ခဲ့ရတာ အန်နာ့ဒယ်ဒီကပါ ငါ့ကိုချဉ်သွားပြီး သူ့သမီးနဲ့ဘယ်တော့မှမပတ်သက်နဲ့တဲ့ အန်နာက ဩဇီးမှာ ပါရဂူတက်ပြီးပြန်လာရင်ငါတို့လက်ထပ်ဖို့လုပ်ထားတာ ခုအဲ့မိန်းမကြောင့် အန်နာငါ့ကိုမုန်းသွားပြီး ချီးလိုပဲ အပေါစားမိန်းမတွေကို စိတ်ဖြေဖို့ပဲ ငွေပေးပြီး ပတ်သက်ခဲ့တာပဲရှိတယ် အန်နာလို ပညာတက်ချမ်းသာတဲ့မိန်းကလေးမျိုးကိုပဲ ငါကလက်ထပ်မှာ ခုတော့ ငါ့အိမ်မက်တွေအားလုံးသဲထဲရေသွန်းဖြစ်ကုန်ပြီး အဲ့ဘာမဟုတ်တဲ့ အပေါစားမိန်းမတစ်ကောင်ကြောင့်နဲ့ မင်း အဲ့ပပဆိုတဲ့ဟာမကို အဲ့မိန်းမနဲ့ပတ်သက်နေမှန်းမသိဘူးလား ဘာလို့ အဲ့ကောင်မကို ပတ်သက်ခဲ့တာလဲ အလကား ဘာမှအဖြစ်မရှိတဲ့ တောသူမကိုကွာ"
"ဟ....-ီး ငါသိမလားကွ အဲ့ကောင်မ သင်တန်းတက်နေတာပဲသိတယ် ငါလည်း နယ်က မနူးမနပ်နဲ့ဆိုတော့ ငါတို့ အတွက် သာမန်သားကောင်လို့ပဲထင်ခဲ့တာပေါ့ကွ ဘယ်လိုကနေဘယ်လို သူ့ဆရာမက ဟိုမိန်းမနဲ့သူငယ်ချင်းဖြစ်နေရတာလဲမသိဘူး သောက်ရေးထဲမှာ လာရှုပ်နေတယ်"
"ဘာပဲဖြစ်ဖြစ် ငါတို့ခုလိုခံခဲ့ရအောင်ကြိုးကိုင်တာဟိုမိန်းမပဲ အဲ့မိန်းမကိုအရေခွံနွှာပြီး အမှုန့်ကြိတ်ပစ်မယ်"
ဘုန်းမင်း လက်သီးကိုဆုပ်ကာလက်ဖဝါးဖြန့်၍ ဖိပွတ်ပြီး အံကြိတ်လျက် ကြုံးဝါးနေသည်မှာ မျက်လုံးများသည်လည်း ဒေါသအရောင်ကြောင့်နီမြန်းလို့နေလေသည်။
.....
"မမမြ လားရှိုးဘက်ကိုပစ္စည်းပို့တဲ့ကား ဘီးပေါက်ပြီး ကားမှောက်သွားတယ်"
"ဘာ ကိုအောင်တင့် ဘယ်လိုဖြစ်တာလဲ"
"ဟုတ်တယ် ဒီမနက်ပဲအကြောင်းလာတယ်မမမြ သူတို့ကားမှောက်တုန်း လမ်းဘေးက ကလေးတစ်ယောက်ပါထိသွားတယ် အဲ့ဒါဆေးရုံတင်ထားတာ ခုနကပဲဆုံးသွားပြီးလို့အကြောင်းကြားလာပါတယ်"
BẠN ĐANG ĐỌC
ငွေမျှင်ရောင်သန်းသော ဖန်သားနန်းတော်(Completed)
Lãng mạn"အဲ့မိန်းမက ပိုက်ဆံချမ်းသာတယ်ဆိုပြီး ဘဝင်လေဟပ်နေတာ....ကျစ်.... ငါကလဲ ဘာလို့အဲ့လိုအမြင်ကပ်ဖို့ကောင်းတဲ့မိန်းမကိုမှ ချစ်မိရတာလဲ " "ဒီမှာ ဒို့အသက်အရွယ်က မင်းနဲ့ကစားဖို့အချိန်မရှိဘူး အဲ့ဒါမင်းနားလည်ထား နောက်တခါ အဓိပ္ပာယ်မရှိတဲ့စကားတွေ ဒို့ကိုလာမပြောနဲ့...
