36 Letters

Letter 5

"ඩොක්ටටත් කතා කරලා යමු"

අතේ බැන්ඩ්ඒජ් අයින් කරලා එලියට ආව කෙනුල් කියනකොට යන්තමට ඔලුව වැනුව එතිශ්ය හොස්පිටල් කොරිඩෝවෙ ඉස්සරහට ඇවිදගෙන ගියේ කෙනුල්ත් ඒ එක්කම එද්දි. ටික දුරක් ගිහින් ඩොක්ට දියෝන්ගේ රූම් එක ඉස්සරහා හිටගත්ත එතිශ්ය එකපාරක් දෙපාරක් දොරට තට්ටු කරනකොටම දොර ඇරුණා. එලියට ආව නර්ස් කෙනුල් දිහාත් එතිශ්ය දිහාත් මාරුවෙන් මාරුවට බැලුවේ ඇයි අහන්න වගේ.

"මේ.. ඩොක්ට දියෝන්ව හම්බවෙන්න.."

"අපොයිමන්ට් එකක් දාලා ද?"

නර්ස් අහනකොට එතිශ්යත් කෙනුල්ත් මූණට මූණ බලාගත්තා. කොල්ලෝ දෙන්නාටම අමතක වෙලා හොස්පිටල් එකේ වැඩ සිද්ධ වෙන පිලිවෙලක් තියෙනවා කියලා.

"අපි ආවේ ඩොක්ට ට තෑන්ක් කරලා යන්න."

එතිශ්ය මුකුත් කියන්න කලින්ම ඉස්සරහට ආව කෙනුල් කිව්වේ එතිශ්ය මොනා කියයිද කියලා ෂුවර් නැති නිසා. එච්චරටම එතිශ්යගේ කට ගැන අත්දැකීම් තියෙනවා කොල්ලාට.

"ඕහ්.. දැන් නම් ඩොක්ට පේෂන්ට් කෙනෙක්ව චෙක් කරන්න ගිහින්. ඇතුලෙන් ඉන්න."

නර්ස් කියනකොට ලාවට හිනාවුනු කෙනුල් එතිශ්ය එක්කම ඇතුලට ගියේ දොර වහගෙන නර්ස් එලියට යද්දි.

හරිම පිලිවෙල රූම් එක ඇතුලේ තිබුණේ සාමාන්‍යයෙන් හොස්පිටල් එකක නැති අමුතුම සන්සුන් බවක්. ලාවට පැතිරිලා තිබුණු රෝස සුවඳ හරිම නැවුම් බවක් අරගෙන එද්දි ටේබල් එක උඩ පිලිවෙලට තිබුණු ඩොකියුමන්ට්ස් ලගින්ම තියලා තිබුණු ෆොටෝ එක කෙනුල් අතට ගන්නකොට එතිශ්යත් ඒ එක්කම ෆොටෝ එකට එබුණා.

ෆොටෝ එක අල්ලගෙන ඉන්න කෙනුල්ගේ අත ලාවට වෙව්ලන දිහා බැලුව එතිශ්ය නලල රැලි කරගෙනම කෙනුල් දිහා බැලුවත් කොල්ලාගේ ඇස් නම් ෆොටෝ එකෙන් යන්තමින්වත් අයින්වෙන පාටක් නෑ. අනික ෆොටෝ එකේ ඉන්න දෙන්නව දැනටමත් දන්න එතිශ්යට ෆොටෝ එකේ අමුත්තක් පෙනුනෙත් නෑ.

"කෙනු_

එතිශ්ය කියන පරක්කුවට වේගෙන් ෆොටෝ එක මේසෙ උඩ තිව්ව කෙනුල් අත්මිටමොලවගෙන ගිහින් පැත්තක තිබුණු පුටු තුනෙන් එකක වාඩිවුනා. අතමිටමොලවගෙන හිටියත් ඒ අත් ලාවට වෙව්ලන හැටි තාමත් එතිශ්යට පේනවා.