සමහරවිට එක තත්පරයකට කලින් එතිශ්යට ඒ 'එතිශ්' කියන වචනෙ ඇහුනා නම්.. සමහරවිට දෙහාරට වඩා එක තත්පරයක් එතිශ්ය ඉක්මන් වුනා නම්..
එයාව කවර් කරන්න ගිහින් වැදුනු පාරෙ සැරටම එතිශ්යගෙ ඇඟටම කඩාගෙන වැටුනු කොල්ලාව එතිශ්ය ඉන වටේ අත දාලා තමන්ට තද කරගත්තෙ හිතාගන්න බැරි තරම් ඉක්මනට වුන දේ නිසාම දැනුන කම්පනයෙන්. දෙහාරගේ නහයෙන් කටෙන් ගලාගෙන ආව ලේ තමන්ගේ ටී ෂර්ට් එක තෙත් කරනවා කියන එකට වඩා කොල්ලාගෙ අවධානෙ ගත්තෙ තමන්ගෙ උරහිසට නලල තද කරගෙන දෙහාර අමාරුවෙන් හුස්ම අල්ලන්න විදිහ.
එතිශ්යට දැන් වටපිටාවෙ වෙන කිසි දෙයක් අදාල නැති ගානයි. තියෙන අන්තිම ශක්තියත් එකතු කරගෙන වගේ තමන්ට වාරුවෙලා ඉන්න දෙහාරව අත් අතරේ තියාගෙනම එතිශ්ය බිමින් වාඩිවුනත් කොල්ලාට කලින් දැනුන කම්පනයේ අඩුවක් නම් නැහැ.
"දෙහාර"
"අ..අවුලක් න් නෑ"
දෙහාර තොල් අතරට ලාවට හිනාවක් ගන්න උත්සාහ කරන ගමන් කිව්වෙ එතිශ්යට කලු කුමාරයා ආවේශ වෙද්දි. නහයෙන් කටෙන් ලේ දාගෙන අවුලක් නැහැ කියද්දි ඒක කොච්චර අතාත්වික බොරුවක්ද කියලා දෙහාරටත් තේරෙන්න ඕනි. අනිත් අතට ආවේශ වුනා කියලා දෙහාර ඉන්න තත්වේ එක්ක එතිශ්යගෙ වචන හිරවෙලා යන්නෙ ඉබේමයි.
"දෙහාර!!"
කලින් 'එතිශ්' කිව්ව කටහඬෙන්ම දෙහාර කියලා ඇහෙනකොට තමයි එතිශ්ය ඒ තරම් වෙලා බාගෙට පියවෙන දෙහාරගෙ ඇස් ලග තිබුණු ඇස් කටහඬට ආව පැත්තට අරගෙන ගියේ. ඇස් පියාගෙන වුනත් අදුනගන්න පුලුවන් කටහඬක් වුනත් වෙලාවෙ හැටියට එතිශ්යට තමන්වම විශ්වාස නැහැ.
"මල්ලි!"
ආව වේගෙන්ම දෙහාර, එතිශ්ය දෙන්නා ලගින් බිම දණගහගත්තෙ කෙනුල්. කෙනුල්ගෙ කටහඬටද මන්දා දෙහාර මූණට අමාරුවෙන් හිනාවක් ගන්නකොට එතිශ්යත් ලාවට වෙව්ලන අතක් ඒ බවක් පේන්නෙ නැතිවෙන්නම වගේ දෙහාරගෙ ඔලුව පිටිපස්සෙන් තියලා තමන්ගෙ උරහිසේ තියෙන දෙහාරගේ මූණ යන්තමට හැරෙව්වෙ කොල්ලාට හුස්ම ගන්න ලේසි වෙන්න.
ESTÁS LEYENDO
36 Letters
Ficción General"තමුසෙට කතා කරන විදිහ කවුරුත් උගන්වලා නෑ වගේ." හොස්පිටල් එකක් ඇතුලෙ අහම්බෙන් දැක්ක මනුස්සයෙක්ව දවස් ගානක් ඇතුලත ප්රතිවිරුද්ධ වොලිබෝල් ටීම් එකේ දකිනකොට එතිශ්ය වර්ණකුලට ඒ මනුස්සයාව මතක තියේවිද? "තමුසේ ඔය හන්ගගත්ත එකාගෙන් අහපන්! අවුරුදු හතකට කලිනුත්...
