පොඩ්ඩක් විතර උරහිසකින් පහලට වැටෙන එතිශ්යගෙ ටී ෂර්ට් එක අතකින් උඩට කරන ගමන් බාත් රූම් එකෙන් එළියට ආව දෙහාරගෙ ඇස් නතර වුනේ ඇඳේ වාඩිවෙලා ඔහේ ඉස්සරහා බලාගෙන ඉන්න එතිශ්ය ලග. දෙහාර ආවා කියලාවත් ගානක් කොල්ලාට නැහැ වගේ. ටික වෙලාවකට කලින් එතිශ්යගෙ මූණවත් නොබලා ඉල්ලගත්ත ටවල් එකත්, ඇදගෙන හිටිය තමන්ගෙ හූඩි එකත් රැග් එකෙන් දාන ගමන් දෙහාර බලාගෙන හිටියෙ හෙලවෙන්නෙවත් නැති එතිශ්ය දිහා. අඩුම කොල්ලා ඇහිපිය ගහනවද කියලත් සැකයි දෙහාරට.
"ක්හ්ම්"
එතිශ්යගෙ මේසෙ ලගට ගිහින් පුටුව පස්සට අදින ගමන් දෙහාර උගුර පාදනකොට ගැස්සිලා ගිය එතිශ්ය දෙහාර දිහා බැලුවෙ ඇස් ලොකු කරගෙන. එතිශ්ය දිහා බලලා පොඩි හිනාවක් දුන්න කොල්ලා ආපස්සට මේසෙ උඩ තිබුණු එතිශ්ය කලින් ලිය ලිය හිටිය කොලේ උඩට තට්ටුවක් දැම්මා. එතිශ්යටත් අමාරු නැහැ තේරුම් ගන්න දෙහාර ඒ කිව්වෙ ඇවිත් කලින් කර කර හිටිය වැඩේ කරන්න කියන එක කියලා.
තොල් එකට තද කරගෙනම හිටගත්ත එතිශ්ය කකුල් ඇද ඇද ඇවිත් පුටුවෙ වාඩිවුනේ හොඳ හුස්මක් පහත දාලා. කියාගන්න නොතේරෙන මොකක්දෝ හැගීමක් ඒ හුස්මත් එක්කම ටිකක් වැඩිපුර පපුව මැද්දෙන් දැනුනා කොල්ලාට. මේසෙ පැත්තකට වෙන්න තිබුණු නිල් පෑන අතට අරන් දෙහාර කොලේ මැදින් තියනකොට එතිශ්ය පෑන අතට අරගෙන ඇඟිලි තුඩු අතර තද කරගත්තා.
තප්පරයක් දෙකක් එතිශ්ය පොත දිහා ඔහේ බලාගෙන ඉන්න ඇති. සමහරවිට ඒ දෙහාර එතනින් යනකම්. දෙහාර එතනින් ඈත් වුනාම එතිශ්ය ඇස් තද කරලා පියාගෙන ඇරියෙ ආයෙත් මුලු අවධානයම හද හද හිටිය ගානට දෙන්න හිතාගෙන.
ඒත්.
හිසකෙස් අතර සිනිදුවට දෙහාරගෙ අතැඟිලිවල ස්පර්ශය දැනෙනකොට එතිශ්යගෙ ඇස් ආපිට තදට පියවුනේ ඒ එක්කම දැනෙන නොදැනෙන ගානට හිස මුදුනට තද වුනු දෙහාරගෙ තොල් එක්ක එතිශ්යගෙ අතැඟිලි අතරට පෑනත් තවත් තද වෙද්දි.
"සොරි ම්."
ලාවට මුමුණලා දෙහාර ඈත් වෙනකොට එතිශ්ය ඇස් පියාගෙනම හිටියෙ පහත දැම්ම හුස්මකටවත් පපුව මැද්දෙන් දැනෙන අමුතු හිරවෙන ගතිය යවන්න බැහැ කියලා තේරෙකොට.
YOU ARE READING
36 Letters
General Fiction"තමුසෙට කතා කරන විදිහ කවුරුත් උගන්වලා නෑ වගේ." හොස්පිටල් එකක් ඇතුලෙ අහම්බෙන් දැක්ක මනුස්සයෙක්ව දවස් ගානක් ඇතුලත ප්‍රතිවිරුද්ධ වොලිබෝල් ටීම් එකේ දකිනකොට එතිශ්ය වර්ණකුලට ඒ මනුස්සයාව මතක තියේවිද? "තමුසේ ඔය හන්ගගත්ත එකාගෙන් අහපන්! අවුරුදු හතකට කලිනුත්...
