එතිශ්ය දිහා බලලා තොල් එකට තද කරගත්ත සඳරු, එතිශ්යටම වැටිලා තියෙන බැල්මෙ අයිතිකාරයා දිහා බැලුවෙ මෙතුලි හිමින් එතිශ්යගෙ හිසකෙස් අතර අතැඟිලි යවද්දි. වැදුනු පාරත් එක්ක කොල්ලාට රිදුනෙ නැත්නම් තමා පුදුම. ඉතින් මොහොතකට ඇතිවුනු නිහඬ බව ඇතුලෙ මෙහෙමයි කියන්න බැරි හේතුවලට ඒ හැම හිතක්ම හයියෙන් කෑගහන්න ඇති.
"මල්ලි උඹ මොනාද ඕඩර් කරන්නෙ?"
සඳරු ඇහුවත් දෙහාරට ඇහුනෙ නැහැ කියලා තේරුණු වෙනෝද් දෙහාරගෙ කමිස අතෙන් පොඩ්ඩක් ඇද්දමයි දෙහාර හරි සිහියට ආවෙ.
"ආහ්?"
"ඕඩර් කරන්නෙ මොනාද?"
සඳරු ආයෙමත් අහනකොට දෙහාර වෙනෝද් දිහා බැලුවෙ ඕන දෙයක් කියන්න කියල ඉගි කරන ගමන්. වෙනෝද් මෙනු එකේ උඩට පහලට ගිහින් හොට් චොක්ලට් එකක් විතරක් ඉල්ලද්දි දෙහාර ඒකටම බ්රවුනීස් ඕඩර් කරන්න කිව්වෙ වෙනෝද්ගෙ කොණ්ඩෙ ටිකක් අවුස්සන ගමන්. හොට් චොක්ලට් එක්ක බ්රවුනීස් කිව්වොත් වෙනෝද්ට දවසම වෙන මුකුත්ම කන්න නැති වුනත් කමක් නැහැ කියලා දෙහාර දන්නෙ අද ඊයෙක නෙවෙයි. වෙනෝද්ගෙ තොල් අතරෙ හිනාවක් ඇදිලා මැකිලා යනවා බලාගෙනම දෙහාර ආයෙමත් බැලුවෙ එතිශ්ය දිහා.
"තරු මොනාද කන්නෙ?"
සඳරු ඇහුවත් මෙතුලි එතිශ්ය දිහා බැලුවේ වරදකාරී හැගීමකින්. කොල්ලා කොහොමත් කන්න පුලුවන් තත්වෙක නැහැ. අනික ඒ ඔලුව ගහගෙන ඉන්න විදිහ කම්මුලක් පුපුරන්න ලැබුණු පාර නිසාමත් නෙවෙයි කියන්න දැනගෙන හිටියත් ඒ සම්පූර්ණයෙන්ම නෙවෙයි. මොකද මෙතන ඉන්න අය දන්න කොටස වෙනයි මෙතන නැති කෙනුල් දන්න කොටස වෙනයි. ගෙවුනු දවස් ගානටම හරියට තුන් වේලම කෑව දවසක් එතිශ්යට මතකවත් නැතුව ඇති. ඒ අස්සෙ හොඳ පාරවල් දෙක තුනකුත් පහුගිය දවස් ටිකට වැදිලා තිබුණෙ. ඒ හැමදේම අස්සෙ හිතන්න දාහක් දේවල්. මානසිකවද ශාරීරිකවද වැඩිපුර විදවන්නෙ කියලා හිතාගන්න බැරි තත්වෙක ඉද්දි කොහෙද සැනසීමක්?
"එතිශ්.. මොනාහරි බොමු?"
මෙතුලි එතිශ්යගෙ කොණ්ඩෙන් අත ගන්නෙ නැතුවම කිව්වත් එතිශ්ය ඔලුව හිමින් දෙපැත්තට වැනුවෙ ටේබල් එක උඩ තියෙද්දිමයි.
YOU ARE READING
36 Letters
General Fiction"තමුසෙට කතා කරන විදිහ කවුරුත් උගන්වලා නෑ වගේ." හොස්පිටල් එකක් ඇතුලෙ අහම්බෙන් දැක්ක මනුස්සයෙක්ව දවස් ගානක් ඇතුලත ප්රතිවිරුද්ධ වොලිබෝල් ටීම් එකේ දකිනකොට එතිශ්ය වර්ණකුලට ඒ මනුස්සයාව මතක තියේවිද? "තමුසේ ඔය හන්ගගත්ත එකාගෙන් අහපන්! අවුරුදු හතකට කලිනුත්...
