දෙහාර කෙල්ලගෙ අතගසලා දාලා හිටගත්ත වේගෙට කෙල්ල අඩියක් පස්සට තියනකොට එතිශ්ය අඩියක් ඉස්සරහට තිව්වෙ දෙහාරගෙ ඇස්වලින් කෙල්ලට වැටිලා තියෙන බැල්මට. අඩි දෙක තුනක්ම ඉස්සරහට ගිය එතිශ්යට කෙල්ල කවුද කියලා අදුනගන්න අමාරු වුනේ නෑ.
'අකීෂා!'
කෙල්ලව අදුනගත්ත තත්පරේම එතිශ්යගෙ නලල රැලි වුනා. ඒ දෙහාරගෙ මේ වෙනකම් දැකලා තිබුණෙ නැති කේන්ති ගිය පෙනුමටද නැත්තම් අකීෂා දෙහාර ලග ඉන්න විදිහටද නැත්තම් වෙන මොකක්ම හරි මගුලකටද කියන්නත් එතිශ්යට තේරුමක් නෑ.
"තමුසෙට හොදින් කියන්නෙ! පැත්තකට වෙයන්"
කිසිම ගානක් නැතුව ආයෙත් දෙහාරගෙ අතක් බදාගත්ත අකීෂාට දත්මිටි කාගෙන දෙහාර මිමිණුවේ තදින් වගේම පුලුවන් උපරිමෙන් සද්දෙ අඩු කරලා.
"ඔයාට බෑ මාව මෙහෙම රිජෙක්ට් කරන්න"
"තමුසෙට ඕනි බෝයිස්' ස්කූල් එකක කොල්ලො ටිකක් ඉස්සරහා මට කියලා කුනුහර්ප අහගන්නද!?"
"හහ් මාව මෙහෙම රිජෙක්ට් කරන්නේ අර කොල්ලා නිසාද? මොකක්ද උගෙ නම.. ආ වෙනෝද්! ලැජ්ජාවක් නැති එකා."
"අකීෂා!!"
"ඇයි දෙහාර දන්නෙ නෑ වගේ හැසිරෙන්නෙ. කොහෙමත් ඌ කරන්නෙ කොල්ලොන්ට දෙන්න යන එක_
දෙහාරගෙ අත ඉස්සුන වේගෙ කොච්චර ද කිව්වොත් ඊට වඩා වේගෙකින් අකීෂාගෙ උරහිසින් ඇදලා පස්සට කරපු එතිශ්ය කෙල්ලගෙ ඉස්සරහට එනවත් එක්කම මූණ පැත්තකට හැරවෙන්නම පාරක් කොල්ලාගෙ මූණට වැදුනා. ඒත් එහෙමම අනිත් පැත්තට දෙහාර අතේ මැණික්කටුව ලගින් අල්ලගත්ත එතිශ්ය ඒ අත පහලට කරලා තදින් අල්ලගත්තෙ හිස් බැල්මකින් දෙහාරගෙ ඇස් දිහා කෙලින් බලන ගමන්.
"එති_
"උඹගෙ ටීම් එක අනිත් කෝට් එක ලගනෙ. ඒ නිසා ඕන්නැති රෙද්දවල් කරන්නෙ නැතුව පලයන් අකීෂා!"
අකීෂාට කියන්න නොදී එක තත්පරේකටවත් දෙහාරගෙන් ඇස් අහකට ගන්නෙ නැතුව එතිශ්ය තදින් කිව්වෙ දෙහාරගෙ කලබලවෙලා එතිශ්යගෙ මූණ පුරා යන ඇස් සත පහකට ගනන් ගන්නෙ නැතුව. කලින් තිබුණ කේන්තිය ඒ ඇස්වල ගෑවිලාවත් නෑ. ඒ වෙනුවට එතන තියෙන්නෙ කලබලය මුහු වුන මොනාදෝ නොදන්න හැගීම් ගොඩක්.
YOU ARE READING
36 Letters
General Fiction"තමුසෙට කතා කරන විදිහ කවුරුත් උගන්වලා නෑ වගේ." හොස්පිටල් එකක් ඇතුලෙ අහම්බෙන් දැක්ක මනුස්සයෙක්ව දවස් ගානක් ඇතුලත ප්‍රතිවිරුද්ධ වොලිබෝල් ටීම් එකේ දකිනකොට එතිශ්ය වර්ණකුලට ඒ මනුස්සයාව මතක තියේවිද? "තමුසේ ඔය හන්ගගත්ත එකාගෙන් අහපන්! අවුරුදු හතකට කලිනුත්...
