ට්රැක් කිට් එකේ සාක්කු දෙකට අත් දෙකත් ඔබාගෙන ස්පෝට් බෑග් එකේ පටිය පපුවෙ හරහට යන විදිහට දාගෙන එතිශ්ය හිමින් හිමින් වොලිබෝල් කෝට් එක පැත්තට ඇවිදගෙන ගියා. හවස තුන පහුවෙලා විනාඩි දෙකක් විතර ගිහින්. හැමෝම එනවා කිව්වෙ තුන හමාරට නිසා එතිශ්ය වොලිබෝල් කෝට් එක පැත්තට ගියේ කිසිම කෙනෙක්ව බලාපොරොත්තුවෙන් නම් නෙවෙයි. ඒත් වොලිබෝල් කෝට් එකට ලංවෙන්න ඈත තියාම දැක්ක රූපෙට එතිශ්යගෙ මූණෙ හිනාවක් ඇඳිලා මැකිලා ගියේ තත්පරයක පරක්කුවට.
කෝට් එකට ටිකක් ඈතින් කොට සිමෙන්ති බැම්ම උඩ වාඩිවෙලා හිටියෙ දෙහාර. කොල්ලා නැවිලා ශූස් එකක ලේස් එක ගැටගහනවා. එතිශ්ය අඩියට දෙකට දෙහාර ලගට ගියත් දෙහාර නම් එතිශ්ය ආවා කියලා දැක්කෙ නැහැ. කොල්ලා ඉන්නෙ ලේස් එකේ සිහියෙන්.
"ඔහොම ගැටගැහුවොත් ඉක්මනට ගැලවෙනවා."
තප්පර දෙක තුනක් බලාගෙන ඉඳලා එතිශ්ය කිව්වේ ස්පෝට් බෑග් එක සිමෙන්ති බැම්ම ලග බිමින් තියන ගමන්. එකපාර ඇහුනු එතිශ්යගෙ කටහඬට පොඩ්ඩක් විතර ගැස්සුනු දෙහාර ඔලුව උස්සලා එතිශ්ය දිහා බලනවත් එක්කම එතිශ්ය පොඩි හිනාවක් දෙහාරට දීලා එක දණක් බිම තියලා නැවුනෙ ලේස් එක අල්ලගෙන හිටිය දෙහාරගෙ අත් දෙක හිමින් පැත්තකට කරලා.
"සමනල් ගැට දාන්නෙ ගර්ල්ස්ලා. ගවුම් වලට."
දෙහාරගෙ සපත්තු දෙකේම ලේස් ගලවලා අතට ගන්න ගමන් එතිශ්ය කිව්වේ සම්පූර්ණ අවධානය දෙහාරගෙ කළු අළු මික්ස් වුනු නයිකි ශූස් දෙකට දීලා.
"ගවේශ් සෑහෙන්න ගවුම්වල පටි ගැටගහලා තියෙනවා වගේ."
දෙහාර කිව්වේ කට කොනකට හිනාවක් එද්දි. ඒත් එතිශ්යට ඒ හිනාව මගහැරුනේ කොල්ලා නිකමටවත් දෙහාර දිහා බැලුවේ නැති නිසා.
"මට අක්කා කෙනෙක් ඉන්නවා කියන්න දන්නවනෙ උඹ."
එතිශ්ය ශූස් දෙක දිහාම බලාගෙන කිව්වෙ දෙහාරත් ආපස්සට මුකුත්ම නොකියා නිශ්ශබ්ද වෙද්දි. දෙහාර හවස එතිශ්යව මීට් වෙද්දි දෙන්නා අතරේ ටෙන්ෂන් එකක් බලාපොරොත්තු වුනත් එහෙම කිසිම දෙයක් දෙහාරට දැනුනෙ නැති එක කොල්ලාව පුදුම කරා. දෙහාරට කාලෙකට පස්සෙ දැනුන සැහැල්ලු ගතියත් එක්ක කොල්ලා එතිශ්ය දිහා බලාගෙන හිටියෙ පේන නොපෙනෙන ගානට හිනාවක් දෙහාරගෙ තොල් අතරෙ ඇඳිලා තියෙද්දි.
ANDA SEDANG MEMBACA
36 Letters
Fiksyen Umum"තමුසෙට කතා කරන විදිහ කවුරුත් උගන්වලා නෑ වගේ." හොස්පිටල් එකක් ඇතුලෙ අහම්බෙන් දැක්ක මනුස්සයෙක්ව දවස් ගානක් ඇතුලත ප්රතිවිරුද්ධ වොලිබෝල් ටීම් එකේ දකිනකොට එතිශ්ය වර්ණකුලට ඒ මනුස්සයාව මතක තියේවිද? "තමුසේ ඔය හන්ගගත්ත එකාගෙන් අහපන්! අවුරුදු හතකට කලිනුත්...
