බයික් එකේ සද්දෙත් එක්කම දෙහාර මේන් ඩෝ එක ඇරියෙ නලලත් රැලි කරගෙන. දෙහාරට තියෙන ලොකුම ප්‍රශ්නෙ මෙතුලි කතා කරලා කියන්න තරම් එතිශ්යගෙ බලන්න තියෙන්නෙ මොනාද කියන එක. ඒත් බයික් එකෙන් බැහැලා දොර ලගට ඇවිදගෙන එන එතිශ්යව දකිනකොට දෙහාරට ඒ ගැන අමුතුවෙන් ප්‍රශ්න කරන්න දෙයක් තිබුණෙ නැහැ. කිසිම මත් ගතියක් පේන්න නොතිබුණත් එතිශ්යගෙ අතේ තියෙන වයින් බොට්ල් එක දැනටමත් හිස්. දොර ලගට ඇවිදගෙන එන ගමන් කොල්ලා දෙතුන් පාරක්ම ඇස් තද කරලා වහලා ආයෙත් අරින විදිහ දෙහාරටත් පේනවා.
"පැත්තකට වෙයන්!"
දෙහාරවත් තල්ලු කරගෙන ඇතුලට යන ගමන් එතිශ්ය කිව්වෙ පේන නොපෙනෙන ගානට වැනෙන එතිශ්ය දිහාම බලාගෙන දෙහාරත් දොර වහලා දාද්දි. කෙනුල්ට ගෙදර යන්න වුනා කියලා වෙන ෆෝන් එකකින් කෝල් කරලා කිව්ව නිසාම දෙහාර එහෙමම දොරත් ලොක් කරලා දැම්මා.
"ගවේශ්!"
කොහෙටදෝ මන්දා ගිහින් බියර් කෑන් එකක් උස්සගෙන ආව එතිශ්ය පඩිපෙළ නගිනවා බලාගෙන දෙහාර ටිකක් තදින් කිව්වෙ අඩියට දෙකට එතිශ්ය ලගට යන ගමන්. බිම කෙලින් ඇවිදින්න පුලුවන් වුනාට පඩිපෙළේ උඩට යන එතිශ්යව දකිනකොට තමයි කොල්ලාගෙ මත් ගතිය හොදටම පේන්නෙ. යන්නම බැරි තැන අත් වැටට බර වුන එතිශ්ය අතින් හිස් බොට්ල් එක බිම වැටුණා. බොට්ල් එක සද්දෙන් කුඩුවෙලා යනකොට දෙහාර ලගම තිබුණු බිත්තිය අල්ලගත්තෙ ඇහිපිය තද කරගෙන.
"ග..ගවේශ්"
තප්පර දෙක තුනක් එහෙමම හිටිය දෙහාර බිඳුනු වීදුරු කටු මඟහැරලා එතිශ්ය ලගට ගිහින් එතිශ්යව තමන්ට වාරු කරගන්න හැදුවත් දෙහාරගෙ අත පැත්තකට කරපු එතිශ්ය පඩිපෙල නැගගෙන රූම් එකට යනකොට දෙහාරත් එතිශ්ය පිටිපස්සෙන්ම ගියා.
"මොකද උඹට බොන්න තරම් වුනේ!?"
රූම් එකට ගිහින් නැවතුනේ නැති එතිශ්ය ශර්ට් එකේ උඩ බොත්තම් දෙක තුන ගලවන ගමන් බැල්කනි එකට යනකොට බැරිම තැන දෙහාර ඇහුවේ බැල්කනි එකට යන ඩෝ එක ලග හිටගෙන. ඒත් එතිශ්ය දෙහාර කෙනෙක් එතන නැති ගානට බියර් කෑන් එක කඩලා කටට හලාගත්තා.
YOU ARE READING
36 Letters
General Fiction"තමුසෙට කතා කරන විදිහ කවුරුත් උගන්වලා නෑ වගේ." හොස්පිටල් එකක් ඇතුලෙ අහම්බෙන් දැක්ක මනුස්සයෙක්ව දවස් ගානක් ඇතුලත ප්‍රතිවිරුද්ධ වොලිබෝල් ටීම් එකේ දකිනකොට එතිශ්ය වර්ණකුලට ඒ මනුස්සයාව මතක තියේවිද? "තමුසේ ඔය හන්ගගත්ත එකාගෙන් අහපන්! අවුරුදු හතකට කලිනුත්...
