နွေအမောင့်ခြေလှမ်းတွေဦးတည်ရာ နေဝင်ချိန်တံတားဆီသို့.....
နွေအမောင် နေဝင်ချိန်တံတားဆီရောက်သွားတော့ဘေးပတ်ဝန်းကျင်တွင်ခွေးတစ်ကောင်ကြောင်တစ်မြီးမှမရှိချေ။
တံတားလက်ကိုင်ကိုအားယူကာ အသံကုန်ခြစ်ပြီးအော်ပစ်လိုက်သည်။
အားးးးးး
ထို့နောက် သူမသက်ပြင်းတစ်ချက်ချကာ
ဘာမှစဥ်းစားမနေတော့ဘဲ တံတားလက်ကိုင်ပေါ်တက်ကာ ခုန်ချဖို့ရန်ပြင်လေသည်။
ရုတ်တရက်မိမိလက်ကိုလှမ်းဆွဲခံလိုက်ရပြီး ဆွဲအားကြောင့် သူမကိုယ်လေးယိမ်းပါလာ၏။
သူမကျရောက်သွားတာ တံတားခင်းပေါ်မဟုတ်ဘဲလူတစ်ယောက်ပေါ်ဆိုတာသိလိုက်ရစဥ်အမြန်ကုန်းရုန်းထလေသည်။
"ရှင်ဘယ်သူလဲ"တစ်ဆတ်တည်းနှုတ်ဖျားကထွက်ကျလာသည့်မေးခွန်း။
ညအမှောင်ကြောင့် မျက်နှာကိုအရှင်းလင်းမမြင်ရသော်လည်းအမျိုးသားတစ်ဦးဆိုတာသေချာသည်။
"ငါဘယ်သူလဲဆိုတာထက် မင်းဘာလုပ်ဖို့ကြံနေတာလဲဆိုတာပိုအရေးကြီးတယ်"
"ကျွန်မဘာသာ ဘာလုပ်လုပ် ရှင်နဲ့မဆိုင်ပါဘူး။ကျွန်မလက်ကိုလွှတ်"
"ဘာအကြောင်းကြောင့်လဲမသိပေမယ့် မင်းအဲ့လိုလုပ်မှာကိုတော့ ကိုခွင့်မပြုနိုင်ဘူး။"
ပြောပြီးထိုလူကသူမလက်ကိုဆွဲကာ ခေါ်ဆောင်လာ၏။
ဘယ်ဆီမှန်းမသိပေမယ့် သူမ မရုန်းဖြစ်ခဲ့ပါ။ထိုလူဆွဲခေါ်ရာကိုအသိစိတ်မဲ့ကာလိုက်ပါလာ၏။
နန်းနဲ့ဝေးရာဆိုရင် ဘယ်ဆီပဲြဖစ်ဖြစ် ကျွန်မကိုခေါ်သွားပေးပါ။
ကျွန်မနန်းနဲ့ဝေးရမှာကြောက်ပါတယ် ။ဒါပေမယ့်..ကျွန်မဆီမှာနန်းမပျော်မှာကိုပိုကြောက်တယ်...။
....
ထိုလူကသူ့နေအိမ်သို့ခေါ်ဆောင်လာ၏။
"အစ်ကို့ နာမည် ထက်မင်းအောင်ပါ။ဒီတိုက်ခန်းမှာနေတယ်။စောနက ဝရံတာမှာရှိနေတုန်း တံတားဆီပြေးသွားနေတဲ့ မင်းကိုတွေ့လိုက်တာ။ပုံစံကြည့်ရတာမူမမှန်တာမို့ အစ်ကိုလာခဲ့တာ ထင်တဲ့အတိုင်းဘဲ။
YOU ARE READING
မပိုင်သည့် ပန်း(completed)
Roman d'amourနန်းရဲ့လိပ်ပြာကလေးရေ.. နန်းထက်ပိုလှပတဲ့ ပန်းကလေးဆီမှာပဲ နားခိုလိုက်ပါ။နန်းကမကြာခင် ခူးယူခံရတော့မှာမို့..။ ##နန်းရှန်ခမ်း မောင့်ပန်းကလေးရေ မင်းထက်အရင် ထွက်ခွာမသွားပါဘူးလို့ ပေးခဲ့တဲ့ကတိကိုတောင် မတည်နိုင်မှတော့ မင်းမုန်းတာဘဲ ခံလိုက်ပါတော့မယ်။ နောက်ဘ...
