ဘယ်မှာစမှားခဲ့လဲဆိုလျှင် မျက်ဝန်းတစ်စုံကိုအချစ်ဟု တခဏလေးအတွင်းဆုံးဖြတ်ခဲ့မိတာပဲ။ပြီးတော့ နှလုံးသားရဲ့အနက်ရှိုင်းဆုံးထိထည့်ခဲ့မိတယ်...Hazelရောင်ထိုမျက်ဝန်းတစ်စုံကို။
လူတိုင်းအားကျရတဲ့ Omega Min Yoongi က ရေဗာကာတိုင်းပြည်ရဲ့ ဘုရင်မင်းမြတ်ပြီးလျှင် ဒုတိယအာဏာအရှိဆုံးဝန်ကြီးချုပ် Min Haein ၏တစ်ဦးတည်းသောသား။ပြောမဆုံးနိုင်တဲ့ကောင်းခြင်းအဖြာဖြာဂုဏ်သတင်းတွေဟာ လူတိုင်းရဲ့ပါးစပ်ဖျားမှာ နေ့တိုင်းမပါမဖြစ်သည်အထိ ကျော်ဇောသည်။ violet မျက်ဆန်လေးတွေပိုင်ရှင် Omega Min Yoongi က နိုင်ငံရဲ့ထိပ်တန်းမျိုးရိုးကနေဆင်းသက်လာသလို ကိုယ်တိုင်ကလည်းထိပ်တန်းထိတက်ရောက်နိုင်တဲ့လူမျိုး။Omega ဆိုတာ AOB လောကရဲ့အနိမ့်ဆုံးလူတန်းစားတွေ ၊အားနည်းသူတွေဆိုတာ Min Yoongi အတွက်တော့ဟုတ်မနေခဲ့ပါ။ Omega Min Yoongi ဆိုတာ ရေဗာကာဘုရင်ရဲ့သား ၊ အိမ်ရှေ့စံကိုတောင်စာသင်ပြပေးတဲ့ဆရာ ၊ ရေဗာကာနန်းတော်ရဲ့အနာဂတ်ကို ပျိုးစုပြုထောင်ပေးနေတဲ့ ပဲ့ကိုင်ရှင်ဖြစ်၏။တစ်နိုင်ငံလုံးရဲ့ 1% သောထက်မြတ်သူစာရင်းမှာပါဝင်ခဲ့ပြီး Alpha တိုင်းငမ်းငမ်းတက်လိုချင်ရတဲ့လူ။တစ်ခြားနိုင်ငံတွေအထိကျော်ကြားတဲ့ Omega Min Yoongi ရဲ့ ဂုဏ်သတင်းမွှေးမွှေးက ရေဗာကာဘုရင့်သမီးတော်ထက်ပင် ပို၍နာမည်ကြီးသည်။
ထိပ်တန်း Male Omega ဆိုတဲ့ဂုဏ်ပုဒ်နဲ့အညီ အလှနတ်ဘုရားဖြစ်ပြီး မာနလည်းအလွန်ကြီးသည်။သို့သော် ထိုဂုဒ်ဒြပ်တွေ မာနတွေဟာ တစ်ဦးတည်းသော Alpha ဆီမှာတော့ အသုံးမဝင်။ချောင်ထိုးထားခြင်းသာခံရသည်။ထို Alpha ကတော့တစ်ခြားသူမဟုတ်...ရေဗာကာနိုင်ငံရဲ့အကြီးကျယ်ဆုံး ကာကွယ်ရေးဦးစီးချုပ် ဗိုလ်ချုပ်မှူးကြီး Alpha Kim Taehyung ဖြစ်သည်။
.
.
.
ရေဗာကာနိုင်ငံရဲ့ King Park ကိုယ်တိုင်တက်ရောက်ချီးမြှင့်တဲ့မင်္ဂလာပွဲဟာ ထိပ်တန်း Omega Min Yoongi နှင့် Alpha Kim Taehyung တို့၏မင်္ဂလာပွဲဖြစ်သည်။ Hazel မျက်လုံးပိုင်ရှင် ဗိုလ်ချုပ်မှူးကြီး Alpha Kim Taehyung က ပုခုံးထက်တွင်ရွှေရောင်အကိုင်းအခက်ကွေးကွေးတွေ ၊ ရင်ဘတ်တွင်အရောင်စုံသောရာထူးဘားတန်းတွေနှင့် ရွှေရောင်ကြယ်ပွင့်တွေအမြောက်အမြားပါသော အနက်ရောင်စစ်ဗိုလ်ချုပ်ဝတ်ဆုံကိုဝတ်ဆင်ထားသည်။ကြီးကျယ်မြင့်မြတ်သောထို Alpha ရဲ့လက်ကိုချိတ်ထားသူကတော့ ရေဗာကာနန်းတော်ရဲ့ အသိအမှတ်ပြုရွှေရောင်ကြယ်ရင်ထိုးကို ရင်ဘတ်မှာတပ်ဆင်ထားပြီး အိမ်ရှေ့စံဆရာဆိုတဲ့ အဆင့်အတန်းနှင့်ကိုက်ညီသည့်အဖြူရောင် suit ကိုသေသပ်စွာဝတ်ဆင်ထားသည်။လိုက်ဖက်လွန်းတဲ့အတွဲက လူတိုင်းငေးမောရသည်အထိ နတ်ဘုရားတွေဝင်စားသည့်အလား တောက်ပလွန်းကြသည်။ တစ်နိုင်ငံလုံးက Alpha တွေသာမက အိမ်နီးနားချင်းနိုင်ငံကအိမ်ရှေ့စံ Alpha တွေပါ အသည်းကွဲရတဲ့ဒီနေ့ဟာ Omega Min Yoongi အတွက်တော့ ပျော်ဖို့အကောင်းဆုံးအချိန်ဖြစ်ခဲ့သည်။ King Park ကိုယ်တိုင်ချီးမြှင့်တဲ့ အဖိုးတန်စိန်လက်စွပ်နှစ်ကွင်းက မင်္ဂလာမောင်နှံရဲ့လက်မှာနေရာယူသည်။ရေဗာကာပြည်သူပြည်သားတွေပါ ထိုမင်္ဂလာပွဲကိုချီးမြှင့်နိုင်ရန် ရုပ်သံလိုင်းအစုံကနေ ထုတ်လွှင့်ပေးသည်။အိမ်နီးချင်းနိုင်ငံတွေကပါ ဂုဏ်ပြုလွှာတွေပေးပို့ရသည်အထိ ဤမင်္ဂလာပွဲဟာ ထိုမျှကြီးကျယ်ခမ်းနားခဲ့သည်။
