Royal Omega Become My Mate [Completed]

Royal Omega- 1

         Royal Omega Become My Mate
          _______________________________

Royal Country ( တော်ဝင် တိုင်းပြည်)

Royal တိုင်းပြည်ဆိုသည်မှာ တိုင်းပြည်တွေထဲက အင်းအားအကြီးဆုံးနဲ့ စည်ပင်သာယာတဲ့တိုင်းပြည်တစ်ခု။ ပျက်စီးယို့ယွင်းနေတဲ့ အ​​​ခြေ အနေတွေကနေ ပြန်လည်ထူထောင်နိုင်ခဲ့တာဟာ လွန်ခဲ့တဲ့အနှစ်၂၀ကတည်းက ကောင်းကင်တံမန်က ဖန်တီးပေးထားတဲ့ ကောင်းခြင်းလေးကြောင့်ဟု အဆိုစကားရှိ၏။

တိုင်းပြည်တစ်ခုလုံး သူများလက်အောက်မှာ အကွဲကွဲအပြဲပြဲဖြစ်နေတဲ့အချိန် တောထဲမှာဖွားမြင်ခဲ့ရတဲ့ အိုမီဂါကလေးလေးကြောင့် တိုင်းပြည်က ပြန်လည်စည်ပင်လာခဲ့သည်ဟုလဲ ပြောလာခဲ့သည်။ နန်းတော်ကို အသိမ်းခံထားရတဲ့အချိန် တောထဲမှာပြေးလွှားရင်း တိုင်းပြည်ပြည့်ရှင့်ရဲ့ မိဖုရားဟာ တောထဲတွင်မီးဖွားခဲ့ရသည်။

ထိုနေ့ညက ဝိုင်းစက်ပြည့်တင်းနေတဲ့ ရွှေလမင်းကြီးကလဲ ခက်ခက်ခဲခဲမွေးဖွားနေရတဲ့ မိဖုရားခေါင်ကို အဖော်ပြုပေးနေသလိုမျိုး အရင်လပြည့်ညတွေထက် ပို၍ပင် လင်းထိန်နေသေး၏။

စူးစူးနစ်နစ်အော်မြည်ငိုကြွေးလာတဲ့ ကလေးတစ်ယောက်ရဲ့အသံထွက်ပေါ်လာမှ တောထဲရှိလူတွေအကုန်လုံးစိတ်အေးခဲ့ရသည်။ သို့သော်..ကံမကောင်း အကြောင်းမလှတဲ့ မိဖုရားခေါင်ကတော့ မွေးဖွားပြီးပြီးချင်းပင် ကွယ်လွန်အနားယူသွားခဲ့တာ သိပ်ချစ်စရာကောင်းလှတဲ့ ကလေးလေးကိုပင် မမြင်သွားရရှာပါ။

ရွှေလမင်းကြီး ပြည့်ဝစွာရှိနေတဲ့အချိန်မှာ မွေးဖွားလာခဲ့တဲ့ကလေးလေးနဲ့အတူ တော်ဝင်တိုင်းပြည်အတွက် ကံကောင်းခြင်းတွေလဲ အများအပြားပါဝင်လာခဲ့သေးသည်။

နက်မှောင်နေတဲ့ဆံနွယ်လေးတွေက မွေးစဥ်အခါကပင် ရှည်လျားကာ လှပတဲ့အဆင်းရှိ၏။ ဖြူဖွေးနုဖက်နေတဲ့အသားအရည်လေးကြောင့် တော်ဝင်တိုင်းပြည်ရဲ့ ပြည့်ရှင်မှာ မထိရက်မကိုင်ရက်နိုင်သလို၊ တော်ဝင်တိုင်းပြည်ရဲ့ အိမ်ရှေ့စံဖြစ်သည့် ကလေးလေးရဲ့အစ်ကိုတော်ဟာလဲ ချစ်မဝခဲ့။

ထိုကလေးလေးက တိုက်ပွဲဝင်ရမယ့် တော်ဝင်တိုင်းပြည်ရဲ့ ပြည့်ရှင်အတွက်ခွန့်အားတွေဖြစ်ခဲ့သလို၊ ကံကောင်းခြင်းတွေ ယူဆောင်လာပေးတဲ့ ကလေးလေးကြောင့် အင်းအားခြင်းမညီမျှတာတောင် အနိုင်တိုက်ခဲ့သည်။